川吧

营业中

休息中

📌 川吧 - 太子基隆街30號地舖🗓(12/2) 星期日 ⏰ 下午3:30左右 🌐網址: https://s.openrice.com/QrbS0uS4B00~ueeoDBA💈特式：近兩日天氣好潮濕，最適合食d辣川菜醒下神，今日下午茶時間就去到太子旺中帶靜嘅基隆街，呢頭都有唔少被受推介嘅餐廳，我今日就去左間係呢區新開無耐嘅川菜同大家試試。🥩🍔🌭🌮🥗🥯🥘🍲🍝🍣🥟🍤🍱食物：我鐘意食烤魚嘅程度去到連下午茶都想食，店長亦介紹佢地嘅烤魚係招牌菜，咁就啱晒我了，味道佢地就推介秘製嘅鮮青花椒味，而家等我同大家講下🐟味道先。鮮青花椒烤魚 - 佢地有清江魚同鯇魚選擇，我本身就食開清江魚，但店員就推介可以試下鯇魚，因為鯇魚係剛剛新鮮買貨返嚟，而家大大條。一上枱已經見到條鯇魚好大條，仲長過個盆一大截，淨睇魚眼/魚皮已經知道條魚好新鮮，食烤魚條魚新鮮真係最緊要，入口個種鮮味係雪藏魚無得比的，條鯇魚除左新鮮，而且肉厚嫩滑又夠魚油香，鯇魚仲有一個好處就係極少細骨，食得特別方便。鮮青花椒口味就係比較清香嘅辣，但因為同行友人唔係太食得辣，所以叫左小辣，我就覺得如果再辣d應該會更惹味，如果鐘意花椒個隻將口麻痺嘅感

【太子• 川吧 】————————————————————————好耐冇食烤魚😍😍😍今次嚟到太子呢間試吓。除咗烤魚仲有雞煲。烤魚方面有兩種魚可以選擇：鯇魚同清江魚🍯｜鯇魚細邊｜HKD198店舖係新鮮廚房劏，先煎香魚表面，再煲3-4字食得。兩個人食得唔多揀咗細邊，鮮青花椒味。醬汁非常之濃郁，揀咗少辣啱啱好，入面仲有豆卜食。🍯｜泡椒鳳爪｜HKD52朋友唔食我自己食晒😝其實食完一隻又忍唔住食一隻🙈🙈少少辣好開胃🍯｜涼拌皮蛋｜HKD45呢款係透明啲嘅皮蛋，食食下加落烤魚到又好好食。餐廳環境：📸📸📸📸服務質素：😊😊😊😊😊食物味道：👅👅👅👅性價比：💰💰💰💰HKD295/2人✨✨✨✨✨✨✨✨✨✨✨✨✨#nkiki太子 #nkiki川菜🏠 川吧 📮 太子基隆街30號地舖

🍽川吧 (太子)📍太子基隆街30號地舖今日要分享既係位於太子嘅川菜小店《川吧》，真係唔好睇佢細細間咁，佢哋嘅烤魚真係好出色。特別係呢啲天寒地凍嘅天氣，食完個人即刻㷫烚烚。💛鯇魚細邊烤魚🐟今日要推薦嘅係佢哋嘅鯇魚細邊烤魚，貪佢夠厚身，肉質比較嫩滑，食落去啖啖肉，而且因為佢啲骨比較粗，好容易處理。💛原有配菜🥬佢嘅配菜亦都好豐富，即使唔加任何嘢，裏面已經有芽菜，豆卜，蓮藕，木耳。💛原有配料🌶我哋就叫咗小辣，裏面好多蒜頭，芫荽，香蔥，辣椒等等，真係會越食越辣，建議唔太食得辣嘅人可以叫微辣。💛 另加配菜🥬我哋另外加咗豬紅，午餐肉，豆卜，生菜！特別要提一提個豆卜，因為佢好索汁，所以真係越食越惹味，真係會食上癮。👍🏻我哋食咗咁多嘢，加2罐汽水，都只係$414，以晚市黎講真係抵到爛。佢哋性價比真係超高，鍾意食川菜嘅你哋點可以錯過！環境：💛💛💛🤍🤍3/5衛生：💛💛💛💛🤍4/5食物：💛💛💛💛💛5/5價錢：💛💛💛💛💛5/5 （$414/2=💰207）P.S.佢哋嘅服務其實真係超好，做嘢又快又爽手，而且咁忙咁多人都可以咁有效率，又有禮貌，真係好值得讚一讚👍🏻

太子呢個地方真係好多野食見好耐無食川菜今晚一於搵辣野食呢間川吧正正位於太子基隆街中間門口大大個紅色招牌相當搶眼！係晚市時間黎食飯記得book定位！泡椒田雞難得身邊有朋友同我一樣咁鍾意食田雞真係好正！呢道田雞食落肉質鮮嫩搭配泡椒一起煮，還加入黑木耳及萵筍片！味道偏濃辣度剛剛好令食欲大增，送飯一流！口水雞口水雞醬汁味道層次豐富，辣中帶麻香！雞皮保持Q彈，嫩滑雞肉吸引哂特製帶花生碎既醬汁好好食！清炒萵筍萵筍絲口感爽脆又甜，簡單炒到剛好熟又保留住萵筍絲嘅濕潤脆口感！唔錯 ！

呢幾日天氣又凍返啦❄️喺時候食d暖笠笠嘅野暖吓身啦！食物太子真係好多隱世嘅平民小店🤤今次我同朋友就試咗呢間叫《川吧》嘅餐廳！餐廳主打食川菜，佢除咗有唔少麻辣嘅小菜之外，重有水煮牛肉、雞煲、烤魚，同埋火鍋提供❤️胡椒豬肚雞湯（半隻）$268今次我哋就叫咗個胡椒豬肚雞湯😋呢個火鍋湯底真係夠晒味，胡椒味超濃，少少辣咁，食完個身即時暖晒👍🏾另外，佢d雞件同豬肚都好多，2個人食，叫半隻就夠啦❗️因為我哋唔係好肚餓，所以只係叫咗幾碟火鍋料，有鵪鶉蛋、生菜同午餐肉🐽今次係我第一次打邊爐落鵪鶉蛋🥚咋，原來鵪鶉蛋同個胡椒豬肚湯可以咁夾wor👏🏾連我平時怕食得多，膽固醇超標，都忍唔住係咁食🤭真係好正呀😍我一早已經遺忘咗太子呢邊有咁多美食😆下次我再約朋友出旺角，都要嚟多d呢邊食飯先得🤭

🌟今日同朋友聚會，大家都係食麻辣或者烤魚雞煲嘅常客，所以今次大家就搵咗間出名食烤魚嘅川菜試吓教學，估唔到又幾有驚喜——————🐽 麻辣烤鯇魚首先一上枱已經聞到好香嘅麻辣味，店員仲會好細心咁幫我哋分魚。鯇魚平時會有一陣草腥味，但係用烤魚嘅方法烹調就會完全逼到啲腥味出曬黎，而魚肉本身都好鮮味而且多肉唔多骨，所以水準都唔錯🐽 夫妻肺片夫妻肺片好開胃，牛肚切到博博一片好有咬口，食落除咗有麻辣味，仲有淡淡的花生香

！勁辣勁香！重慶麻辣老火鍋🍲(❍ᴥ❍ʋ)JANEJEN心聲(❍ᴥ❍ʋ)♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎人少少🤏老闆話不如整個半份俾我哋食，咁可以試多啲唔同嘅款式。有幾好喎😛多謝老闆嘅體貼🥹♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎︎︎ ☘︎ ︎︎☘︎ 重慶麻辣老火鍋底🍲 $138🤌半份系列🤌☘︎︎ ☘︎ 安格斯肥牛（小）$99 👍👍推介➪淨係睇紋理就知佢係好食嘅牛牛🐮喺麻辣火鍋🍲大概滾10秒鐘就可以拎上嚟食，肉質淋身好滑嫩，食完又想食，唔使半個鐘我哋就食晒呢碟肥牛。超推介👍🙌☺️☘︎︎ ☘︎山東羊肉$69➪ 毫無羊腥味，肉質比較結實及韌。鍾意食羊嘅就試吓啦。如果呢兩款肉我就鍾意上面嗰款安格斯肥牛😎☘︎︎ ☘︎ 鴨血$34 、午餐肉$24、冬菇$19 ，㊙️秘訣㊙️早啲放落去麻辣火鍋度索下嗰啲湯汁會更加好食😛☘︎︎ ☘︎ 鵝腸$39 ➪老闆推介，原來好爽口好好食😄🤟🤟全份系列🤟🤟☘︎︎ ☘︎黑柏葉$78☘︎︎ ☘︎生魚片$168 👍推介薄切魚好靚😍賣相差啲（魚片同隻碟唔襯）薄切魚肉滑得好過份、又彈牙！！！🫶口感一流。即叫即劏，鮮味十足啊😍😘😘≡≡≡≡💰價錢參考💰≡≡≡≡+1服務費 Total $720人均～$360▼・ᴥ・▼

太子地道雞煲小店此店隱身於太子基隆街，地點幾方便很近地鐵站，小店門面不起眼，但是不少客人慕名而來，工作日放工時間已經差不多滿座，大廚為呈現正宗重慶味道，店中的指天椒、花椒、辣椒乾和紅椒均來自四川，口味地道！基本上這裏的煲類皆味道不俗，值得一試大腸頭香辣雞煲（半隻） 真的很好吃，雞肉非常嫩滑入味，越食越滋味，好耐未試過食雞煲係完全唔會痴牙，調味又濃又香，就算怕辣的友人也可以挑戰bb辣，加上非常入味的肥美豬大腸，每咬一口都會溢出惹味醬汁，十分滋味！吃罷還可加濃湯作火鍋之用，配以特級安格斯牛肉等，又另有一番風味，沒有想到在這裡食到咁高質既牛肉店中的涼菜和小炒同樣好有水準，干鍋花菜吃得非常過癮，炒得夠乾身有鑊氣，濃濃的大排檔風味🔥—————————————————川吧 (太子)太子基隆街30號地舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #太子美食 #打邊爐 #雞煲

呢幾日凍阻超多，開個水龍頭都唔想🫣所以唔煮飯同老公落街食，呢個天氣最岩食圍爐野，烤魚辣辣地，又一路滾住食，食完個人暖笠笠～🔻鯇魚細邊烤魚（$198)叫阻小辣，初初冇乜feel，不過會愈滾愈辣愈惹味，配料有木耳，豬紅，豆卜勁索汁超正，主角鯇魚超大條勁厚肉，條魚經煎香過再索湯汁更香更入味。🔻椒麻雞例牌（$88)雞件大件多肉冇肥膏，估唔到例牌都咁大份，椒麻味唔會好重好難入口，愈食麻味愈出，同埋好入味。

今日去試呢一間位於太子嘅特色菜，入到去環境唔錯幾乾淨，值得一讚嘅係員工態度好好，好用心幾同我哋介紹菜式，見到好多嘢食都好吸引，主食雞煲同烤魚之間我哋最尾決定試吓佢哋今日推介嘅烤魚！叫左碟涼拌青瓜，個汁辣得黎有好香既醋味，岩曬黎做開胃前菜！👍另外一碟前菜就係賣相好吸引既涼拌黃金皮蛋，望落去晶瑩剔透加埋流心既蛋黃真係見到都想食！😍至於主菜我就揀左大大條肉質十分嫩滑既烤鯇魚，份量絕對夠兩都唔係細食既我地🤣入面配料都好足夠樣樣齊，常見唔常見既都有，雲耳、豆芽、豆卜、豬紅吸收曬叫左小辣好好味，唯一可以改善嘅係個湯底可以濃返少少～呢個蔥油撈烏冬好有驚喜，估唔到可以咁樣食法，好香既蔥油加上日式芝麻醬，估唔到會咁夾，食完一啖又一啖，停到停唔到🤤🤤椒麻雞就個樣超級吸引😍成碟雞肉淋上花椒油配以一串串花椒，見到都想即刻擺入口啊！雞肉應該用凍水過咗一次，食落去啲雞皮好爽，而個肉質都好滑，啲花椒味好入味，好快就清晒👍👍呢間座位唔多不過好有人情味，會再嚟試佢個招牌雞煲！

新開張的川菜火鍋店🥳 主打四川口味的烤全魚、酸菜魚、雞煲等等🔥 提供多款火鍋款式、配料及小炒☺️ 餐廳環境乾淨企理，座位寬敞舒適，好熱鬧 有氣氛🍻 店員服務態度很好，食物質素高，價錢中等，好味有驚喜👍🏻晚市二人消費：$353 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖🍲香辣雞煲 (半隻)(小辣) ($188)✨必食推薦！雞肉嫩滑又入味，食唔停口🤤🤤 醬汁調味很不錯，配上蓮藕片、紫洋蔥、蒜蓉、芫荽、辣椒，十分香濃惹味，小辣辣度剛好👍🏻 🥠豆卜 ($38)✨必點配料😚 好入味🔥🥬涼拌萵筍絲 ($58)✨香濃麻油味，爽口解膩🥒涼拌青瓜 ($42)✨香辣爽口，十分開胃😋🥤津路烏龍茶 ($15/支)✨🥤菊花茶 ($12/罐)✨

今日品嚐既係「川吧」既四川菜裝修企理，Menu都好多選擇🍽️烤魚 鯇魚細邊$198叫左香辣味小辣，辣度係香港人普遍可以接受既水平，唔會蓋過食材原味魚肉非常嫩滑，毫無鬆散感覺，用料同火侯都十分優秀配料都幾豐富，有豆卜、豬紅、蓮藕、芽菜等，基本上可以俾兩個人當主菜食🍽️涼拌皮蛋 $45皮蛋香口彈牙，口感爽滑辣汁係呢味菜既精華，皮蛋本身味道配合辣汁後層次豐富好多🍽️涼拌雲耳$42香料調味充足，即使係本身偏清淡既雲耳都整得十分入味食落清新之餘又唔會寡，屬於相當抵叫既小食，配咩主菜都得無論係食得辣既人，定係只想用少少辣味開胃既人都一樣推薦呢間

鋪頭新開，地方唔大，裝修簡潔，地方乾淨，枱面同地下都冇黐立立，食得安心。1. 半隻雞煲（$188）93/100要小辣，個汁好香，好惹味，少少辣，個煲上枱之後要再煮多差唔多十分鐘，雞肉好嫩滑，個煲有好多配菜，有蓮藕、炸支竹、豆卜，索曬啲汁超好味，好餸飯。個豆卜勁好食，真心推介大家一定要加錢加豆卜。2. 豉油王鵝腸（$88）90/100鵝腸一啲騷味都冇，好爽脆，夠鑊氣，好好食。2個人食咗大約3百蚊，食飽飽，抵！

📍#川吧#MFJ太子 #MFJ中菜人均消費: HKD300之前去過太子砵蘭街嘅川巴莊，原來已經搬咗去基隆街，改咗名做川吧！ 約埋一班老友拆餐勁嘅！⭐️ 夫妻肺片 辣勁十足！有牛𦟌牛脷同牛肚，三種都好好味！特別喜歡牛脷，正！⭐️ 涼拌皮蛋 靚靚黃金皮蛋！口感同其他皮蛋無異，黏黏的又香口，佢個辣汁真心惹味！⭐️ 涼拌魚皮 對於有魚皮恐懼嘅我都想試食下，估唔到咁爽口！加埋其他香料，芫荽，同木耳，食落好有層次感！💯 潮式螄蛤 OMG! 我最愛嘅螄蛤 😍 佢又唔太潮式，因為落咗青檸，味道唔會死咸，正到痺！💯 酸菜魚 酸菜魚呀!!! 之前都係食酸菜蜆煲，酸菜魚都係第一次！湯底依然咁正，飲完一輪嘅我哋，梗係飲返兩碗湯暖下胃！魚肉勁爽脆，豆卜芽菜等配菜都吸晒湯嘅味道，勁正！💯 毛血旺 喺香港真係冇食過毛血！裏面好多材料，有豬紅，牛柏葉，午餐肉，紅薯粉等等，睇到啲辣椒都知辣到飛起！但真係好正！尤其啲紅薯粉，一路食一路標汗！⭐️ 醬爆田雞 如果你喜歡濃味就啱晒你！超濃超惹味嘅田雞！田雞唔係太肥，但依個時候你已經唔係食由雞，因為個汁太正，最正係啲配料🤣💯 辣子雞一向必食嘅辣子雞！ 炸雞粒炸得勁乾身又脆口，送酒一流！

美味的川菜一直是我的最愛，而今天和朋友在太子逛街的時候，偶然經過了一間川菜館，於是我們直接進來，決定嘗一下這裡的美味佳餚。落座之後馬上就有服務生招待我們，我們點選了這裡的幾道美味的菜式。我們點選了這裡的特色雞煲，雞肉鮮嫩，湯頭也非常的入味，吃到嘴裡可以說是上等的享受，令人吃了一口之後還想再吃下一口。更加令人拍案叫絕的是，這裡的雞煲的湯底非常的濃郁，浸潤了多種不同的食材和調料，因此吃得出來是店主下了功夫精心研製的，真的讓人搭配米飯吃一口又一口停不下來。這間餐廳的涼菜也有它的獨到之處，我們點選的涼拌雲耳和泡椒鳳爪都非常入味，搭配鮮美的辣椒和獨特的蘸料吃到嘴裡。回味無窮，沁人心脾，非常滿足。總的來說，這真的是一間色香味俱全，而且極具性價比的川菜館，我想下次朋友聚會再帶我的朋友來這裡品嚐美味的川菜佳餚，共享美好時光。