川粤時空時尚小廚

营业中

休息中

呢度嘅環境都好闊大 好寬敞🔥平時仲會有live Band咁啱我今日嚟嘅時候取消咗 有啲可惜🥲✨老壇酸菜魚✨$168酸菜魚份量大大盤 加埋一堆配菜🥒🥬🌽豆芽、豆腐卜、蓮藕、水晶麵條，仲有萵筍乾煸四季豆$88佢炒到好乾身 再配炒到脆卜卜又好香嘅肉碎 配埋飯🍚紅糖糍粑 $48呢個外面煎香左脆脆地 裏面就係麻糍唯一美中不足 就係佢嘅紅糖有少少苦可能啱唔鍾意食太甜嘅人不過咁啱我比較鍾意甜dd🤫🤫王老吉 $18以前食親麻辣嘢一定要嗌王老吉不過其實唔係每間舖頭都有 所以都鍾意另收加一服務費

一直都好鍾意食川菜，最近天氣轉凍，不想日日打邊爐，川菜就是一個好選擇！.聽朋友介紹這家新開的「川粵時空」川菜館，難得入觀塘就順道試試，川菜以麻、辣、鮮、香為特色，餐牌選擇都算多，點了下面幾款菜式：🔺酸菜魚一上桌第一個感想係好足料，魚嘅份量好多，配料有萵筍，藕片，木耳。湯底又麻又辣亦夠酸，感覺好刺激，配白飯可以變湯飯，值得一試！🔺紅燒肉店家特別推薦，豬肉軟嫩而且香口嘢味，送飯一流！🔺辣子雞每次到川菜館必試的一道菜，切成細小的雞肉炸過再炒，口味辣中帶香，越吃越過癮，很適合當下酒菜！

觀塘返工，見到有新餐廳梗係要嚟食下，之前都有食過Lunch set, 覺得幾好味😋今日就過嚟食下dinner 環境舒服又乾淨，食物種類選擇都幾多，辣同唔辣都有。🌶️麻辣土豆絲每次食川菜，都好鐘意叫呢樣，食落爽脆有口感，好惹味🐠招牌水煮魚 有例牌或者一條，叫咗例牌，魚片喺生魚片嚟嘅，份量都幾多，配料都好豐富，有豆卜、萵筍片、芽菜、蓮藕片及寛粉，好足料！表面灑上大量芝麻，就咁聞已經好香，魚片好滑食得出幾新鮮，辣得嚟好有味道，配料都好正，寛粉煙煙韌韌，好味又抵食，食水煮魚一定要叫個白飯😋🍻青島食辣嘢一定要配啤酒先爽整體嚟講味道幾好，坐得舒服。

天氣凍，就好想食辣嘢🤤經過巧運工業大廈見到新開咗呢間主打川菜及中菜嘅新餐廳，上到餐廳感覺幾舒適，除咗一般座位、卡位仲有VIP房🔸前菜醃製咗嘅粉絲，食落辣辣地，幾有口感🥔麻辣土豆絲土豆絲切到粗幼不一，食落去更有口感，個汁好惹味，辣得嚟帶有微酸，好開胃🦐時尚麻辣鍋材料好豐富😍分別有蝦、腩肉片、午餐肉、牛柏葉、蓮藕片、椰菜花及萵筍片，要咗小辣，個鍋下面有蠟燭可以Keep住個溫度，啲食材吸曬啲汁好入味，非常惹味😋好鐘意佢唔會太油，小辣辣度剛剛好，又好夠味，正💯🐠招牌水煮魚 生魚片份量都幾多，食落好滑完全冇刺，配料有豆卜、萵筍片、芽菜、蓮藕片及寛粉，例牌份量都好足！啲配料吸曬啲汁，相當惹味，小辣食落好夠味😋如果唔係好食得辣，叫小辣就剛剛好，呢個好抵食呀！🍻青島食辣要配啤酒先爽整體嚟講💕環境舒服，味道幾出色，非常惹味嘅川菜，除咗川菜亦有中菜㗎，啱啲唔食辣嘅朋友

川粵時空時尚小廚✨📍地址：觀塘駿業街66號巧運工業大廈一樓C室越來越多人鍾意食酸菜魚咁凍梗係食返熱辣辣嘅酸菜魚暖身😋再次嚟到觀塘搵食🤩✨意外發現一間酸菜魚冇得輸嘅餐館😎🐟 老壇酸菜魚（例牌）$168呢個價錢呢個份量性價比極高叫咗小辣令到湯底更加昇華湯底用咗花椒八角等香料所以飲落好香好惹味😙主要係魚肉非常嫩滑🤩肉質新鮮食完一舊又想再食🤙🏻🦐 黃金蝦 $148鮮蝦用蛋黃炒得好香😚✨食落去蝦嘅肉質新鮮厚實配上鹹香嘅炒鹹蛋黃味🥚令食落口感豐富有層次😙❤️ 紅糖糍粑 $48糍粑外脆內軟😋熱辣辣咁食味道相當唔錯口感軟綿綿又帶點煙靭😚配埋濃郁香甜嘅紅糖相當滋味✨

觀塘出名多美食，近牌越來越多川菜，而我自己亦都越食越辣，越辣越過癮，而家除咗要自己食，仲要帶埋朋友一齊食，知道自己有份訓練佢越食越辣，先至有成功感！所以今日就帶咗個外國朋友嚟試吓呢間新開嘅川菜。朋友經常都同我講自己食得辣，今日就帶佢嚟睇吓有幾勁。麻辣口水雞一定係川菜店必叫嘅，超級大碟，雞肉都好滑，成盤雞肉浸住辣油，上面仲鋪咗一層厚厚嘅辣椒醬，見到已經流晒口水。我個人覺得好好食，但係朋友就食到流晒汗，佢話見到我面不改容咁樣食，先至知道佢唔算係食得辣嘅人，所以最尾都叫咗個炒菜心比佢中和一下。炒菜心味道都唔錯，質感啱啱好，亦都好大碟。呢間嘢抵食，一定會再嚟！

呢排多咗出入觀塘，就開始留意附近有咩正嘢食，最近天氣凍，就好自然會想食d辣野暖下身。朋友介紹呢間川粤時空時尚小廚，話剛剛開咗幾個月，咁岩哂啦，收工即刻約埋同事去試。聖誕節附近唔想同人逼一定要食中菜！大家留意返，正門只有樓梯到達，ok便利店旁邊入，但如果要用升降機，就只會去到餐廳後門。一入到餐廳就覺得老闆都有放d心思裝飾，幾有氣氛。一聞到陣味就知道呢間野會好好食！咁好快手就坐低叫。今次想食海鮮，就叫咗酸菜魚同蒜蓉開邊蝦。蒜蓉開邊蝦雖然話簡單，但都好多功夫，所以我多數都係出街食。呢到呢碟都做得幾出色，蝦夠大隻夠爽口，加埋蒜蓉切得夠細，好食！另外話明川菜點少得酸菜魚！一上枱我地兩個都哇咗一聲，大碟之餘好足料！超多魚片！唔好講咁多，試埋個湯底，夠酸又有麻辣，正！

一直都好想食雞煲，可能係因為天氣凍，好想食好辣嘅雞煲！所以呢日放工叫埋個一樣食得辣野嘅朋友陪我去食重慶雞煲！但霎時間真係諗吳唔起邊度有得食，所以將個重任交比個朋友去諗，哈哈！因為身處觀塘，我哋覺得工廈一定隱藏住一啲美味餐廳，上網搜尋一下就搵到呢一間「川粤時空時尚小廚」。上到去當然即刻叫雞煲啦，有半隻同一隻揀，我哋首先嗌一隻，忽然間有朋友話join埋，所以即時再嗌多煲。重慶雞煲 $168/半隻；$298全隻 用上花椒、辣椒、大蒜、洋蔥等等加上香料製成，麻辣飄香，雞肉又夠多，好惹味！蒜蓉粉絲蒸開邊蝦 $198然後再嗌多個海鮮。仲想差唔多10隻蝦，蝦肉彈牙鮮味，鋪上咗蒜蓉蒜香十足。

🌟餐廳：川粵時空時尚小廚📍地址：觀塘駿業街66號巧運工業大廈一樓C室💰價位：～$50-$100⏰營業時間：星期一至日 11:00- 22:00📱電話：29888886———————————————————天氣凍凍地，除左打邊爐之外，就緊係食返d 辣辣地既野，刺激下，暖一暖身~食川菜就岩哂啦!最近觀塘開左間川菜餐廳「川粵時空時尚小廚」，一於去出身汗先～入到去裝修好時尚，設有好多卡位梳化，坐得好舒適～仲有一個驚喜位，佢哋會安排歌手駐場唱live，估唔到可以一路食住川菜，一路聽返幾首經典金曲～———————————————————🔹涼拌皮蛋一坐低，當然要叫返個經典川菜既小食先～呢個涼伴皮蛋，集麻、酸、辣3種味，款款味道都好突出！係一款好正宗既四川小食～皮蛋用上糖心皮蛋，質感軟棉棉，夠哂惹味！———————————————————🔹時尚小炒王除左川菜之外，緊係唔少得試埋佢地既粵菜，一於叫平時大排檔必吃既小炒王～佢哋呢款小炒王非常足料，大大碟，韭菜炒得好爽嫩，搭配其他材料例如腰果，豬肉等，夠哂鑊氣～好滋味！———————————————————😋味道：4/5🏢環境：4/5💁🏻‍♀️服務：4/5💵價

- 《川粤時空時尚小廚》🌌🎆冇食過環境咁舒服嘅川菜🥹咁岩黎到有live聽🪄d uncle唱歌勁有feel😂chill住食川菜你又試過未？🐟老壇酸菜魚 （$168/$298）佢有半條同一條揀、兩個人去揀半條夠了因為佢真係好大份，好抵食🫣嗌左小辣同request 左多酸菜🫶🏻味道算正宗、魚片都夠新鮮！同埋佢份量真心多食唔晒🤫底料有萵筍、木薯粉、都好夠味🤭整體來講，好不錯👌🏻🦐乾鍋麻辣蝦 （$148）呢個勁有驚喜！佢有個火爐仔熱住、所以keep住勁有鑊氣！🔥夠麻夠辣好開胃！都係叫左小辣！辣度剛剛好🌚蝦屬於中size、雖然唔係超級大隻，但反而好新鮮爽口！🙋🏼‍♀️(呢個肯定係回頭首選🫢）🦑豉椒炒花甲 （$148）佢每碟份量都好大好抵食😤平時食花甲成日碟都勁多空殼😑佢呢個真係近乎粒粒都有🫡味道夠+有鑊氣🍲花甲都夠新鮮！送飯送啤酒一流🍻🥖炸饅頭 （$48半打）🍢酒釀丸子 （$38）食川菜食辣野結尾必點-炸饅頭🙋🏼‍♀️🔥金黃金黃的🤤外脆內軟熱辣辣、我仲叫佢攞多碟煉奶😂仲有酒釀丸子依家已經唔係到到有得食！用糯米加入酒藥釀製而成、暖笠笠又飽肚🥰啱晒而家天氣咁凍食🫣佢仲有雞煲食㗎、但可惜今次去到賣晒😛

凍冰冰最岩就係食辣，暖一暖胃第一次食川菜唔知邊間正，朋友介紹觀塘的川粵時空時尚小廚，花多眼亂唔知揀咩，咁就俾朋友決定啦!酸菜魚份量大大盤，用料十足酸爽味道真係好刺激，麻辣酸味符合香港人口味，湯汁撈飯一流魚肉鮮嫩滑，十分入味，一塊塊，唔會爛溶溶，一食真係暖入心白切雞做到皮脆肉滑，肉質煙靭，鮮嫩多汁，原汁原味食到雞肉鮮香，仔細睇會見到有層薄薄雞凍，可想而知功夫真係唔少啦!見到隔離枱有炸野，我地都唔執輸叫左個椒鹽鮮魷，賣相真係拍得住大排檔，炸到金黃色相當吸引，炸粉又唔會太過厚粉，食落好脆口，味道岩岩好

平時好少去觀塘，每次去都有所期待，因為觀塘地膽朋友一定會帶我吃好野。今次就帶我去巧明街工廈食川菜！佢發板話必食呢兩樣：《 川香回鍋肉 $108 》用咗用豬腩片，帶脂肪好爽口又唔會好油膩。加埋紅椒、青椒一齊炒有辣度，撈飯唔錯～《 茄子豆角 $78 》茄子吸汁入味，口感又夠晒稔，豆角口感煙煙韌韌，加埋好多辣椒炒好惹味～兩個人兩個餸已經夠飽，不過見到餐牌都多選擇，酸菜牛肉都有、水煮田雞、麻辣鍋等等，都幾特別，下次再試吓其他菜式先！

天氣凍冰冰，最啱就係打邊爐同食煲仔飯今次嚟到觀塘工廈的「川粵時空時尚小廚」，有重慶麻辣水煮魚，酸菜魚，雞煲等川菜，仲有辣度選擇，要幾辣有幾辣🔥除咗川菜，仲有粵菜提供，例如咕嚕肉，黃金蝦，芋頭扣肉等夜晚仲有Live Band喺度表演㗎，夠哂氣氛==========我今次就揀咗個隱藏餐單 (私房菜)：暖笠笠嘅臘味飯食嚟到時熱辣辣，臘味同飯嘅份量都好充足，足夠一家人分享有臘腸，膶腸，臘肉，臘味肥瘦及軟硬度皆適中，肉味濃郁好甘香米飯粒粒分明有飯香，吸收咗臘味的油份真係好滋味

觀塘區夜晚食飯比較服，因為少左上班嘅人群，見呢間川粵菜新開，就去試下。一入去見到有人唱緊歌，姨~有live band禾🎸🎸🎸，咁中意音樂嘅我被歌聲吸引左。覺得幾有趣，好少中餐廳會有live band,覺得很新奇。😱😱😱開始叫野食,選擇都好多，水煮魚，酸菜魚等一應俱全。今次叫左酸菜魚來試，叫小辣，因為本人唔食得太辣，我都好怕川菜館無唔辣的食物，好彩佢有埋粵菜，適合想試下又唔太食得辣野的朋友仔。魚多，寬粉、最驚喜有埋萵筍，比較少餐廳有。🥘🥘🥘另外因為酸菜魚製作需時，所以叫左個前菜拍青瓜，可能本人中意重口味，所以覺得醋的成分少左dd，但整體都好食、爽脆。🥒🥒🥒最后叫左個咕嚕肉，不過不失。

齊齊OT 就齊齊食晚餐，遇上同愛辣的同事就當然係食得辣啦!來到位處觀塘的川粵時空時尚小廚，餐牌就見到滿滿川菜選擇水煮魚，烤魚，老壇酸菜魚，真係好吸引店舖充滿香料的香，真係川菜特色酸菜魚啖湯麻辣酸，每口刺激，魚質夠哂鮮嫩滑，魚皮滿滿骨膠原索上酸辣湯汁真係勁夾，仲有滿多配料，唔夠食可以追加粉絲豆卜同菜，粉絲索左湯汁真係食到停唔到口三個人食就叫多兩個小菜茄子豆角茄子豆角煙煙靭靭，好香口黃金豆腐黃金豆腐係好做黃金咁，炸豆腐炸到金黃香脆，熱辣辣，外脆內軟份量十足，食到好飽總括川菜味道真係好到，可以再來觀塘駿業街66號巧運工業大廈1樓C室