巧興麵食店

营业中

休息中

聽聞土瓜灣有間屹立三十多年的北京風味餃子麵食店，仲被視為”土瓜灣三寶之一”，今日決定搭巴士再轉地鐵黎一探究竟。是日禮拜六下晝非繁忙用餐時段，黎到嘅時候未見其他食客。店內其中一位媽媽正在起敬包餃子，其他兩位媽媽就係廚房裡面忙碌。小店嘅環境唔單只樸素，可以講係比較簡陋，牆上嘅餐單簡潔明瞭，無花多眼亂嘅選擇。巧興既然主打北京餃子，當然要試下。叫左半分三鮮煎餃($25)，餃子煎得剛剛好，入口香脆，餃子皮厚度適中，而且又唔會太大隻，裡面嘅餡料肉汁香甜，係我喜歡嘅味道。另外炸醬麵($35)也頗有驚喜，肉醬汁份量足夠，而且咸甜適中，麵也夠煙韌，會令人食過翻尋味。小店內部環境雖然普通，但係食物嘅質素唔錯，感覺是用食物俘虜街坊用心經營的小店。埋單嘅時候留意到收銀臺旁邊貼著一張紙寫上 “事臨頭三思後行，怒上心一忍為高，退一步天空海闊，讓三分心平氣和”。收穫了一碗麵，一份餃子嘅美味之余，還提醒了自己與人相處謹記謙讓同包容。

今日放工原本呢就諗住去Lamees，就由沙田特登搭屯馬線慕名黎到土瓜灣呢個充滿香港老味道既舊區，試下中東菜。點知道原來佢係逢星期一休息。真係好唔好彩呀！咁呢就之前呢就睇過一d知名既youtuber，介紹過一間好好食既北京餃子。咁一場黎到土瓜灣，出師不利，咁又唔想兩手空空返屋企，就行遠小小，行左15分鐘，就由北帝街行到去安徽街黎到呢個既巧興麵食店。咁入到去呢就唔洗等位既。一入到去自己搵位坐就得啦。入到去既白燈同埋白色牆，一睇就知道係老店既味道呀。睇左一陣牆上面黃色既餐牌諗左陣，今次就食擔擔麵同酸辣麵啦！！！另外仲叫左半份韭菜餃同埋半份白菜餃。今次真係好可惜呀，想試下呢間今小店既涷豆漿，點知咁岩賣哂，真係唔好彩！叫完野食等左大概五分鐘，d野食就黎啦。我地仲叫咗兩隻碗。又好唔好彩呀，其中一隻好似洗得唔係咁乾淨喎。不過唔緊要啦，老板娘好好人幫我換過隻！咁d野食話咁快就黎齊勤。講下個擔擔麵先啦！個擔擔麵呢就普普通通，咁講起擔擔麵既精粹呢，就緊係個醬啦！呢個醬呢就稍為遜色小小勒，個醬就有d唔係幾夠濃喎，花生醬又好似唔係幾夠香啵。同埋呢佢d麵呀，就煮得稍為淋左小小呀。值得一讚呢就係佢個份量就岩岩好呀

包餃子果D生肉兩桶就咁放廚房地下，再望下個地下全地都係水+ 泡，雖然d肉用桶裝，不過成個場景……外賣咗個牛腩面，個外賣碗入面全部都係發泡膠粒，發生咩事？裝外賣前唔會望下個碗？另外關於味道方面，唔知係湯底變咗定夏天太熱變味，個湯面味道有d奇怪，同以前唔同味。應該唔會再有下次。以前食過幾次，加埋今次，係第二次見到有發泡膠粒係個碗度。希望佢衛生情況有待改善，唔好再係個碗度見到呢d野，畢竟食開嘅都係街坊客。

雖然店面小而舊，且有滴水….但是自家麵條水準高，當今香江之世，絕對值得一讚！餃子也高水平，名不虛傳。老闆店員待客真誠，沒有現時一般自恃”網紅”小店的待客惡形惡相。性價比高。衛生有改善空間。若盈利可以，應簡單裝修一下。

聽講呢一間小店已經開咗三十年，又聽講黎天王同王菲都成日叫外賣，今日一個人叫咗兩樣野，一碗膽膽麵加一碗菜肉雲吞。膽膽麵係皇麻醬混花生醬嗰種，個混醬杰撻撻，味道香濃，同平時喺上海舖食到嗰D好唔同，麵係用上海幼麵，索咗D醬同汁超正，簡簡單單嘅肉絲加上炸菜絲，絕對係屹立三十年嘅原因之一。菜肉雲吞因為賣晒，所以店員即包即煮，有一大塊紫菜，好正，呢間值得推介。

外賣個北京餃子麵，成陣膠味，真係擺唔到落口，真係想唔怕食壞人的嗎？可能用埋d平價外賣餐具。而且佢地員工真係服務差，問人駛唔駛外筷子，我即時回應佢唔比餐具點食，真係唔會再幫襯

餃子係我心目中同米線齊列榜首嘅comfort food|ω･)و ̑̑༉。呢間餃子店由小學食到宜家，主打北方餃，已經好幾年無食過了。去開附近突然叮一聲諗起佢，走去食下回憶中嘅味道。環境非常簡陋，毫無裝修可言，而呢度嘅餃子種類貴精不貴多，只有韭菜餃、三鮮餃、白菜冬菇餃、牛肉餃同埋菜肉雲吞🥟。 ；三鮮餃 $37 煎 +$2餃子煎得金黃脆口，偏厚嘅餃子皮入面包住滿滿嘅餡料，有冬菇、鮮蝦、韭黃，一咬落去係滿滿嘅肉汁。；韮菜餃 $36 韮菜新鮮，餃子味道香濃但較單調，與三鮮餃相較起嚟失色不少。；雞絲涼麵 $43上海麵夠粗身，掛滿濃郁、杰身嘅麻醬，配埋爽口青瓜絲同甘筍絲🥒🥕，夏日開胃之選。

🥢煎水餃（三鮮餃、白菜豬肉餃）：皮薄而煎得金黃，三鮮餃有蝦肉、豬肉和冬菇，味道豐富！🥢涼拌雞絲撈麵：麻醬配青瓜絲和甘筍絲已經好開胃，不過配上海麵唔夠清爽。味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅服務：🔅🔅🔅🔅（5🔅為滿分）

記憶中..... 幾年前幫襯過一次, 成碗麵凍冰冰, 從此不再幫襯!事隔多年, 今次因為部電單車泊咗係佢店舖條街, 行兩令步就到佢鋪頭, 於是..... 有緣再試試佢D出品.點咗牛筋麵, 排骨麵,三鮮煎餃同豆漿.優點:1, 兩個湯底相同, 所以望埋去兩碗麵好似一樣，湯味帶甜, 夾自己口味.2, 牛筋夠入味夠諗.3, 煎餃外層有小小脆, 內餡足料, 但留意要快快食, 擺唔耐已經唔脆.4, 豆漿最滿意, 夠凍夠甜. (但我聽到后面枱客話太甜！)缺點: 1, 菜式選擇小.2, 牛筋得5 件, 份量不足.3, 同樣排骨份量不足，而且肉質太乾身!柴口！4, 麵條硬咗少少，唔太夾自己口味.5, 環境太細.兩碗麵扣去不少分，只可以俾 okay.

呢間老店真係好有老香港的味道！係小時候的味道！尤其推薦菜肉雲吞紫菜湯首先個紫菜湯我真係好鍾意，我係香港無食過雲吞會配呢個味的紫菜湯，有少少似細個呀媽煲的髪菜湯的味！其次個菜肉雲吞好掂，好少菜肉會咁香（通常要韭菜先咁香）我妹仲一直以為我點左韭菜餃😂😂另外鷄絲涼面都推薦，我妹鍾意食麻醬，佢大讚好得，不過我自己就唔食麻醬的，但呢間店的麻醬出色到我都食到，所以如果鍾意麻醬的人，一定一定要來試！同埋份量超多，係抵食！

呢一間超過30年的土瓜灣老店耐唔耐就會心思思想黎幫襯，今次有3個人，所以可以叫多D野食。擔擔麵基本上係必叫，我好鍾意佢個芝麻花生醬，配埋炸菜絲就好好味。第二樣必食就係菜肉雲吞，我自己覺得比餃子更出色，尤其係有一大片紫菜同埋有蝦米仔的湯底，正晒。因為友人唔食韭菜，所以今次叫了白菜冬菇豬肉餃，一樣都係好好食，如果驚太多仲可以叫半份添。最後仲叫了一碟北京粗炒，其實點解北京粗炒有紅腸呢？唔好問咁多野，好食就得啦。

難得黎到土瓜灣，口痕好想食餃子，就search下附近有咩餃子店，咁岩有一兩間星期日都冇開，見呢間評價同相都幾好就去咗試。雙拼 5隻韭菜餃 5隻三鮮餃 ($39)三鮮餃入面係韭黃，蝦肉，豬肉; 韭菜餃就係韭菜加豬肉。睇相都見到餃子係成個都煎得好香，唔係鍋貼得個底係焦既。我覺得鍋貼同呢個煎餃係名有特色，呢款係似係炸既，成個皮都好香脆。配埋佢俾既豆瓣醬，真係好好食！熱辣辣咬落去勁juicy，啲肉汁好多同好鮮，我覺得兩款餃子都好出色，又新鮮，又足料。呢個下午茶真係相當有驚喜。

這間食店座落于土瓜灣，位置不太好找，但是以地道北京餃子來說，絕對是香港最好的其中一間。他們的餃子如牛肉餃，三鮮餃，韮菜餃和白菜冬菇餃，可煎炸或放湯上，鮮味十足，北京餃子風味出眾，曾經在北京工作了一段時間的我，在香港似乎只能在這裡找到那種獨有的北京餃子風味。其他如北京粗炒麵，炸醬麵，排骨麵都是我經常會點的菜式。特別一提他們的雞絲涼麵，新鮮爽口的雞肉，彈牙的上海麵條，加以青瓜條和紅蘿蔔絲，配以可口的麻醬，特別是在夏天時候吃，絕對是一道開胃的麵食。

每次去巧興必叫既菜肉雲吞！皮薄餡新鮮！另外個湯都好特別，用左好多蝦毛仔做湯底，仲有紫菜，另外落左麻油，成個湯好香好好味！肚餓嘅話會叫雲吞麵。啲雲吞配佢地既辣醬好正！

平時都很少寫食評 除非很美味或者很差劣 才會花時間寫食評巧興餃子屬於: 很差劣名過其實 食品質素不理想,  態度差劣, 衛生惡劣食品質素:見同事極力推薦這間餃子店, 想必能食到正宗水餃風味,叫了一份煎餃,水餃,牛肉面,擔擔面,油菜和幾杯豆漿豆漿.豆漿先到,夏天熱辣辣 飲杯豆漿先, 怎不知 杯豆漿入口有點異味, 異常多楂 已經不想飲第二口. 心想 豆漿不是自製  難飲都唔關餐廳事 不影響我品嚐美食點知 沒有最失望 只希更失望 餐廳的主食也只不過名過其實煎餃 皮厚餡少 咬入口 成口油, 以為煎餃會冇咁多油 究竟係煎定炸??? 水餃 餡完全不鮮甜 個湯太油擔擔面 簡直係敗北 少花生 太多面水 牛肉面 牛肉咬感反而唔錯 反而個湯底偏咸 係咪鼓油溝水衛生惡劣:油菜洗唔乾淨 預左D餡料就咁放係路邊 只用條毛巾蓋住加上包餃係路邊包 明白小店舖位唔大 但夏天熱辣辣 都唔好咁對D食材 個姐姐包餃仲要冇戴口罩D用具又掛係路邊牆上同渠邊 見到都冇胃口態度差劣:差差差... 又冇禮貌   凶神惡殺 持老賣老 完全唔係待客之道