巷仔見麵館 (軒尼詩大廈) (已結業)

朋友就住喺銅鑼灣，佢話屋企樓下開咗一間性價比極高嘅餐廳，佢就帶咗我哋嚟呢間巷仔見麵館。店員推介話呢個燉湯做緊優惠價$18，所以我哋先嚟一人一個燉湯。椰皇姬松茸燉湯充滿着椰子嘅清香，而且真材實料，$18一個咁高質嘅燉湯真係夫復何求。呢度嘅出品都甚有特色，其中酥皮焗花膠雲吞雞就非常創新，未試過中式湯上加酥皮，原來都可以好夾。入面除咗有鮮甜嘅雞湯，仲有雲吞同花膠，再混入酥皮，真係口感豐富。朋友仲推介火炙芝士雞扒包，佢話每次嚟都會點呢個。一分為二之後我就明白點解朋友會力推，雞扒係勁厚而且外皮非常香脆，仲有半溶嘅芝士湧出嚟，大啖大啖咬落去，食完真係好滿足。皇子乳鴿新鮮炸起，皮脆肉滑，由頭到腳都咁好味。馬拉盞時菜牛肉煲上枱時仲係滾熱辣，馬拉盞風味帶點微辣，通菜沾滿馬拉盞就非常惹味。牛肉份量極多而且夠厚身，口感仲滑一滑。呢個櫻花蝦臘味煲仔飯一放上枱就已經聞到好香嘅櫻花蝦味，再加上有臘味同芋頭，而且入面仲充滿飯焦，簡直係煲仔飯嘅極致。最後仲食埋甜品，三色芋圓腐竹糖水夠清甜，三色芋圓又大大粒，呢個價錢真心抵食。原味豆腐花都算滑，簡簡單單就已經夠好味。總括來講，呢度係結合左大排檔、茶餐廳、甜品店嘅元素，仲

今次係第一次食，1個人食就叫左餐牌推薦衣款煲仔飯叫做🤩夠野味。賣相夠哂吸引，材料份量夠多，唔會太少。煲仔飯有金黃色飯蕉👍👍再配埋黑糖珍珠奶茶少甜，加12蚊我覺得又幾扺喎，都幾大杯。12蚊好抵飲了。下次再黎食的話會再試下甜品，我見其他人有食刨冰，賣相幾凍下，出哂煙🤣🤣見得下人，不過要食才知，下次食後再寫食評。今次煲仔飯都OK快黎到🤤🤤服務OK 啦。今日人多出餐Ok快。手機落單方便D.

個日約左朋友食飯，一出銅鑼灣地鐵站，見到對面有間新開未食過嘅餐廳，就決定去食。餐廳走懷舊路線，裝修充滿傳統嘅香港情懷。菜式都係以港式口味為主，餐廳電子落單，上菜速度好快。櫻花蝦臘味煲仔飯煲仔飯熱辣辣，一打開煲蓋，陣陣香味撲鼻，有好多配料，包括臘腸、芋頭、花生、櫻花蝦、臘肉……飯帶油香，而且仲有飯焦。無骨海南雞（半隻）海南雞係用慢火煮，肉質鮮嫩，唔會好老，配合三種唔同嘅秘製醬料，包括黑醬油、薑蓉同酸辣，非常開胃。火炙芝士雞扒包好巨型嘅雞扒包，麵包皮有烘底，雞扒炸得鬆軟香口，咬落啖啖肉，配埋溶咗嘅芝士，食落口感豐富。仙氣冰鎮奶茶奶茶香滑，茶味香濃，配埋冰底飲，好冰涼透心。皇子乳鴿(兩隻）乳鴿皮炸得香脆，肉質鮮嫩，食落唔會太油。懷舊紅豆冰紅豆冰有好多紅豆，又唔會太甜。三色芋圓腐竹糖水腐竹糖水清甜，而且有好多薏米，三色芋圓咬落去好煙靭，成件事好夾。餐廳價錢合理，環境舒適，適合鍾意食茶餐廳嘅朋友。

脆脆鳳尾蝦多士, 呢碟蝦多士係即叫即刻炸出嚟㗎, 所以上到抬熱辣辣好脆口, 另外有啲沙律醬畀我哋, 沙律醬可以令到蝦多士更加好味呀清湯牛魔王河粉, 呢碗河粉有牛丸, 牛腩, 肥牛同埋蘿蔔, 湯底用咗清湯嘅湯底, 三款牛嘅份量都幾多嘅臘腸雞煲仔飯, 呢個煲仔飯都係即叫即刻煮出嚟嘅, 上到枱都係熱辣辣紅豆沙豆腐花, 啲紅豆好大粒, 咬落去係起沙, 紅豆質素係唔錯嘅, 呢碗紅豆沙豆腐花有熱, 有凍食, 任你選擇, 價錢都算抵食, 14蚊一碗

嘩，新鮮熱辣辣辣出爐的臘腸蒸雞煲仔飯端上枱啦！色香味俱全，還有飯焦，飯粒幼細，高質。雞件味道還可以。配杯奶茶，加$8元。二月還有送糖水，無得輸，令客人感覺溫暖、滿足！

去銅鑼灣行街，比我揾到間完全合符「平靚正」要求嘅港式風味餐廳＜巷仔見麵館＞，港式麵類如牛腩麵、雲吞麵等當然有，就連煲仔飯、小菜、小食、台式珍珠奶茶、豆腐花芋圓甜品佢哋都有供應，呢種百搭模式確係吾錯，港台風味嘅混合，好啱乜都想試嘅我。<清湯牛腩河>牛腩炆得好軟腍，又大件，入口啖啖肉。河粉好滑，仲配兩件大大塊嘅白蘿蔔，味道清甜。<櫻花蝦臘味煲仔飯 $63>櫻花蝦臘味煲仔飯材料非常豐富，有勁多櫻花蝦，同埋有勁多炒得好香嘅臘肉，仲有芋頭粒同花生，飯底帶有微脆飯焦，味道有焦香感，入口非常之惹味。<無骨海南雞 半隻 $108>海南雞入口非常之嫩滑，而且已經去曬骨，肉質好鮮好嫩，肥瘦適中，值得推薦。<蜜汁燒豬頸肉 $58>豬頸肉好厚好大塊，肉質入口彈牙爽口，蜜汁味道突出，烤得幾香口，微甜好食。<芝士雞扒包>雞扒包非常之大個，成個巨無霸甘，雞扒非常之大塊，而且仲好厚肉，炸得非常香脆，仲有濃郁嘅芝士香，好好食呵！<冰鎮奶茶>奶茶非常香滑，而且茶味夠濃。<脆脆鳳尾蝦多士 $34>估唔到鳳尾蝦多士

星期日同阿爸阿媽喺銅鑼灣Shopping完，就食埋飯先返屋企。希慎對面之前有個Food Court，但執咗之後一直圍封裝修，直至最近終於開返啦❗️。我哋特意到訪，發現原來上址有幾間餐廳落户，而「巷仔見麵館」就係我哋今日開餐嘅地方。由於我哋全日未食過嘢🙈，五點食呢一餐就當齊係中午晚三餐，因此大胃王上身，食到飽晒。火炙芝士雞扒包(特價$20)，餐廳做緊推廣活動🈹，凡惠顧任何食品就可以用優惠價加配雞扒包，廿蚊包邊度搵，仲要咁大個呢！🍗炸雞扒大大塊兼厚切，外層酥脆，肉又夠嫩；配上沙律醬生菜同芝士有中和嘅作用，當中更不乏火炙燻香🔥。麵包亦意外地唔乾身，成個包各個部份都處理得好好。清湯牛魔王幼麵($54)，我超級鍾意食生麵🍜，鍾意嘅程度係日日食都得，所以我對呢樣食物亦好有要求。呢度嘅麵條非常出色，口感爽彈，唔重鹼水味。同時，湯底亦係精華所在，牛味濃郁惹味，但亦能保持清澈，而且最重要係夠晒熱。🐮牛三寶包括肥牛、牛腩同牛丸，餸料就屬正常水平，但份量唔孤寒。無骨海南雞($108/半隻)，本身想食海南雞飯，但阿媽驚太飽所以就轉戰淨雞🐔。海南雞去骨，食用方便，雞皮爽口，肉質嫩滑，但有少少可惜嘅係因為隻雞比較瘦

今日喺銅鑼灣放lunch，行過天橋時見到有新開嘅冰室，咁就一於同朋友試試佢！呢度位置都唔少，坐得都幾舒適！我哋一坐低就點咗佢嘅招牌，巷仔十寶之一嘅火炙芝士雞扒包，一上嚟見到佢嘅份量好大，件雞扒都十分之厚實，聞到好香嘅雞扒味，果然呢個包係佢地嘅招牌，食落完全唔輸麥當勞，好香芝士味！另外我哋都點咗份蜜汁燒豬頸肉，啲豬頸肉有燶邊，食落口感好有咬勁，啲蜜汁好入味，呢個簡直送飯一流！成餐最驚喜嘅就係佢哋嘅乳鴿，冇諗過係一間冰室入面可以食到咁好味嘅乳鴿，佢哋呢度嘅乳鴿完全都唔輸平時喺茶樓食到嘅，燒到好入味，肉一啲都唔鞋，完全係超越我想像！我哋成餐都無點到主食，我哋淨係點咗唔同嘅小食，佢哋嘅蝦多士都炸到好酥脆，隻蝦都好大隻，而家一啲唔油！ 不過佢哋嘅燒賣魚蛋就差咗少少，呢個巷仔小食個麻辣雲吞真係要必試！同時佢哋呢度都有一啲特飲提供，我就試咗呢個黑糖珍珠奶茶，你杯奶茶嘅甜度適中，而啲珍珠都好爽口，我哋食完成餐飯之後都有嗌咗個甜品來結尾，佢哋嘅甜品嘅種類都唔少，主打就係呢啲仙草同芋圓嘅配搭，食落都唔輸出面嘅糖水鋪！係同一間鋪食完飯又可以食埋甜品直落！ 簡直係無得彈！

這家餐廳的面積夠大，裝潢有台式的懷舊感。座位多，坐得舒服，可以和朋友慢慢聊天。和朋友看到巷仔見的餐牌後，大家都被食物的種類看得花多眼亂，下午茶餐價錢非常抵食。⭐️火炙芝士雞扒包$42雞扒包味道輕盈健康一些，配搭芝士後味道適中，有生菜，麵包烘得香脆。⭐️咖喱魚蛋(12粒）$18魚蛋較平時吃到的小一些，細細粒容易食。⭐️脆脆鳳尾蝦多士茶餐有三大塊，賣相吸引，大蝦新鮮，多士炸得鬆脆。⭐️鮮檸西洋菜蜜⭐️花旗參杞子圓肉蜜$8足料大杯。茶餐加配小食⭐️咖喱魚蛋(4粒）(+4.0)⭐️頭抽乾炒牛河$60河粉口感爽滑，牛肉嫩滑，份量多。⭐️薑湯蕃薯芋圓(熱）$16薑味十足，材料豐富。⭐️薑湯豆腐花湯丸（熱）$12豆腐花順滑，兩粒芝麻湯圓。下午茶盛惠兩百元，就能品嘗到不同類型的食物，期望下次再來一試煲仔飯。

銅鑼灣新開港式餐廳，就喺希慎隔離街，好方便。餐廳係仿舊式冰室裝修，綠白紙皮石格仔地板同照雞蛋燈，有“住好D”嘅感覺。 餐牌菜式種類非常之多，有推介嘅巷仔十寶、煲仔飯、老火湯、一般常餐、粉面飯、仲有20幾款中西式甜品。今次本來想食埋飯後甜品，但真係太飽，要下次再黎🤣。 ❤ 鳳爪排骨煲仔飯 （$75）推介🥇🥇🥇。一上檯揭開煲蓋，帶住排骨香氣嘅煙即刻大量湧出黎，熱到有渣渣聲，忍唔住講一句“哇好香呀~”🤭。加左煲仔飯豉油非常惹味，排骨新鮮而且好多肉，鳳爪係大大隻咁，食到最後仲有飯焦，真係某d出名嘅煲仔飯店都未必有，值得一試。 ❤ 火炙芝士雞扒包 （$42）呢個雞扒包真係超大個，夠兩個人share。餡料有大塊炸雞扒、椰菜絲同半溶芝士。雞扒非常厚身，出面炸得好脆但炸粉唔厚，唔油膩，入面好嫩滑，係有肉汁咇出黎架🤩。 ❤ 地道鮮蝦雲吞湯麵 （$52）D麵整整齊齊鋪喺雲吞上面，賣相幾精緻👍。麵質爽彈而且鹼水味唔重。雲吞有四粒，比較飽滿，餡料嘅蝦仁同豬肉比例啱啱好，雲吞散尾部分仲帶有湯底嘅甘香。 ❤ 粒粒蜜桃果茶 （跟餐）除左有一般蜜桃茶味之外，仲有新鮮蜜桃果粒，增加口感，係幾清甜嘅一杯凍飲。

想見面定係食碗麵？其實都好簡單，唔洗諗得太複雜，就等如你係咪我杯茶，我點知？但你就一定係我碗麵囉，巷仔見個小面先不如？👇📌巷 仔 十 寶 - ▪️ 地 道 鮮 蝦 雲 吞 湯 麵 - $40▫️ 巷仔十寶當中，呢個「地道鮮蝦·雲吞湯麵」一試便知龍與鳳，一碗裡面有足足四大粒鮮蝦雲吞，每粒食落口感都非常爽嫩彈滑，呢點要大讚；而幼麵食落有咬口之餘，麵條吸收哂魚湯精華，份外鮮甜，呢個價錢非常公道，另外加多12蚊嗌埋杯紅豆冰，嗯…整體甜而不膩，入口奶香十足，唔錯。📌小食 · 糖水 –▪️ 脆 脆 鳳 尾 蝦 多 士 - $34▪️ 豆 腐 花 三 色 芋 圓 - $12▫️ 小食方面我試左個「脆脆鳳尾·蝦多士」，蝦多士炸得金黃香脆，底部既多士食落索索聲，蝦肉又夠大隻，口感層次豐富，好食；一個人的浪漫，嗌多碗「豆腐花·三色芋圓」咁就滿足哂啦，賣相睇落非常靚，豆腐夠嫩滑，芋圓又夠煙韌，加埋黃糖一齊食，幸福滿瀉。

餐廳裝修走傳統港式大排檔路線，大紅罩燈、瓷磚、牆紙都充滿了五、六十年代的風味蜜汁燒豬頸肉｜$58｜8/10豬頸肉起斜切件上碟，秘製醬汁幾惹味😊爽口帶油香子薑黃金皮蛋｜$20｜7.5/10蛋白清澈透明，中間既蛋黃不是完全凝固，有溏心效果🥰泰好味萵筍絲｜$20｜7.5/10萵筍絲份量好多，配上泰式辣醬，爽脆又開胃👍🏻脆脆鳳尾蝦多士｜$34｜7/10一份有三隻，即叫即炸，所以上檯都相當熱，成件多士都好香脆😝不過略略油一點，蝦肉彈牙滋味櫻花蝦臘味煲仔飯｜$63｜8.5/10估唔到下午都有煲仔飯食😍櫻花蝦、臘味同芋頭粒非常多，完全覆蓋左飯，仲有秘製豉油可以自己加配，飯粒分明，粒粒油潤，重點仲有黃金飯焦🤤完全喜出望外，好焦脆香口巷仔冇骨海南雞（一隻）｜$168｜7.5/10有三款醬料，分別是葱茸、辣汁和豉油，雞肉味道濃郁且已經去骨，方便享用，皮薄夠爽，不過唔算好嫩滑🙈薑湯豆花湯丸加蕃薯｜$17薑湯芋圓湯丸｜$16芝麻同花生湯丸各有一粒，味道幾香濃，餡料滑，芋圓夠煙韌，不過本身味道唔太突出，同埋蕃薯再甜一點就更好🤣

一出地鐵站就見到啦！超方便🤩上到去好有港式style，好地道咼唔知係咪開咗無耐，佢好多優惠，20蚊一個雞扒包，值得一試！！！！火灸雞扒芝士包 $20好厚嘅雞扒，食落竟然有燒嘅味道！同有醬有生菜，蕃茄，好好食咼😍個包超大個！2個人食都夠哂！個包仲要烘過添呀！！胡麻雞萵筍絲 $34有麻辣嘅味道！雞絲份量好多😍萵筍絲反而唔夠食🥺☹️不過味道都幾好！作為冷盤十分啱食！火山糖醋肉絲麵 $60超大份ah…..2個人食唔哂🤣佢好啱打ig-able，超大超高🤣🤣好特別!!!加咗$12 要咗杯芒果冰有椰果肉係入面！下次要叫少冰🥺仲叫咗杯珍珠奶茶 🧋$22略略覺得甜咗少少，珍珠偏硬！不過佢嘅奶茶好好味😍好有茶香味！甜品嚟講，價錢非常之靚仔！$16一個甜品仲要有4個配料，去邊度搵！有珍珠，芋圓，仙草，紅豆！仙草好滑好食😋必叫！仙草牛奶冰

呢個小食有魚蛋，燒賣同埋雲吞，啲醬唔好睇佢咁紅以為好辣，其實只係有少少辣辣地甜甜地，啲小食點咗呢啲醬嚟食特別好味紅豆沙豆腐花，呢碗豆腐花幾抵食㗎，14蚊一碗，嗰啲紅豆係大大粒，好清甜㗎，如果鍾意食雪糕嘅朋友可以加五蚊，會有一個雪糕球，個雪糕球係另外上的，雪糕球係雲呢拿味沙茶牛肉炒河粉，啲沙茶牛肉整得好冧呀，好易入口，啲沙茶牛肉醬撈埋啲河粉食，唔錯㗎呢度連海南雞飯都有得食呀，呢個海南雞飯有三個醬汁，另外啲飯係雞油飯嚟，所以特別香

一個特別的名字吸引了我，巷仔見麵館，十足人情味，好像兒時的鄰里關係，走親戚串門子，見面都會熱情打招呼，噓寒問暖一番。走進店裏，果然是懷舊風情，大公雞帶着小雞在牆上迎賓。😘打開餐牌，選擇很多，琳琅滿目，我們選了半只無骨海南雞，兩碗麵，雲吞麵和清湯羅卜牛腩麵，加一個窩筍涼拌小菜，打算吃完再點。菜很快上齊，感恩一輪就開餐。我的清湯牛腩麵特好吃，清甜的大塊羅卜，牛腩鮮美有嚼勁，上湯配靚麵，一流。無骨海南雞也不錯，皮脆肉嫩，比很多泰國餐廳做得好。涼拌窩筍是特色小吃，很少地方可以吃到，做得非常出色，翠綠的窩筍配上特別的醬料，美味可口，清新又解膩。吃完一大碗麵，海南雞和涼拌小菜，已經飽足了，看到餐牌上的糖水很吸引，可惜吃不下了，下次留肚再來一試。