帝苑軒

营业中

休息中

今晚同朋友到尖沙咀帝苑軒食飯，有酒店職員帶我們一行人到地庫一層，當堂令我們一開眼界。之後食飯過程中發現竟然有人係酒店內食雪茄及賭博。是晚一行人總共$5000埋單、「貴妃蝦球」「杏汁菜膽白肺湯」都非常好。最後「薑汁雙皮奶」更要一試！但如果請客最好不要選擇😂😂😂😂😂

帝苑軒啲中菜真係無得輸，特別係個湯真係好濃味好足料。我哋飲咗椰子燉烏絲雞，啖啖湯都係精華好入味。一個燉湯嘅份量足夠一圍12人每人飲兩碗，飲完大滿足，淨係啲料都可以做一個餸。另外一個特別推介就係生炒骨，外脆內軟，甜酸溫和得啱啱好真係好好味。炸蟹蓋又炸到趣bob bob, 一啲都唔油膩一次過食兩個都唔會覺得過份。乳豬啲皮好趣新鮮，燒起熱辣辣諗起都仲返尋味記得食埋佢個甜品蝴蝶酥，係最出名嘅，好香脆食極都食唔停口。不過服務就一般，有時啲侍應完全唔似喺酒店做，似係喺街坊酒樓做開咁，一啲都唔識做，上菜位上錯晒呢個係失望點。

訂左三圍枱同親戚食飯，食物賣相都唔錯，所有味道都偏向淡味，無一樣味濃，以健康為主。啱晒在座每位老人家，食得安心又健康。最後要介紹個蛋糕就係帝苑酒店出名嘅芒果拿破崙， 非常好食，絕對令人讚不絕口。

早兩日前訂枱，去到竟然話無哂細枱，淨得大枱。唔明白點解訂枱會無枱，最後我地兩個人被安排坐十人枱，可笑嗎？坐低後，叫咗茶，我預計酒店服務應該係有人斟茶，但係成個飲茶過程都無，出面有啲普通酒樓都會呢啲服務，反而酒店入面竟然無，係失望嘅。自己斟茶，茶壺啲水太滿，一倒出黎，啲水圍住個茶壺漏哂出黎，仲淥到隻手。點心，無特別之餘，係失望！味道，賣相都係預期之外！呢間真係唔會再幫襯嘅餐廳，不論服務同食物嘅質素都有待改善。

同屋企人慶祝中秋節，想食好少少，就㨂左帝苑酒店食廣東菜既《帝苑軒》，網上寫人均消費係$100-$200，預左唔會咁平。。。而真相係dinner 你無$400-$500/head應該無乜可能羅🤔前菜叫左蒜片牛柳粒、黃金海蝦，兩道菜都係普通廣東菜館common ge菜。蒜片牛柳粒$178，出面食既牛柳粒香味夠，但牛柳粒會偏乾但依道做得好既地方係牛柳炒香之後仍然好juicy。食唔晒第二日翻熱請大家食，大家都重覺得好味。😍而且portion唔細，唔係前菜/一口牛咁少，雖然係前菜但都夠6-8人份。第二個前菜食左黃金海蝦$178，炸完依道蝦重係口感豐富，出面食雪左好耐既蝦明顯唔同。但唯一唔好係佢唔夠多鹹旦黃，偏淡味。上湯枝竹浸菜苗$188，其實個菜只要唔overcook就會好味，同出面既唔好差好遠，好味既。😉重有一個古法蒸肉餅$188，個型狀好似火山咁，上面就加左個鹹疍黃。依道肉餅蒸出黎重係好有彈性、肉汁全鎖晒係肉餅道，十個吸引。😋😋😋另外肉餅仍然微紅色，上網查原來新鮮豬肉而又有好多肌紅蛋白先會咁，長知識了。另外我地叫左金獎白雪龍皇炒麵$338，可能我地太大期望，覺得無乜特別⋯⋯龍蝦味唔算出，但咁

無得頂嘅順德「飯局」目標對象生拆魚雲羹。不但滑溜更一點腥氣全無。不需用點點胡椒粉來襯托。原汁原味。這股味道充滿住咀內。超滿足！任誰也擋不了傾心。記得每次吃有陳村粉托底的各種各様菜式都會互相提示快吃快吃趁熱吃凍了不好吃。今晚的柱候牛腩陳村粉真吃得大為驚喜。牛腩牛根炆到出神入化汁收乾浸入陳村粉內。熱食當然正，凍食更是不能想像的好吃。一下子分不到誰是主角誰是配角打成一片。真心拍手大讃。每度菜式非常美味，吃不下也吃吃吃。撐著飽飽肚子回家太豐富。

一直想食呢間自助餐好耐 聽講係自助餐入面算性價比高既一間知道佢出左鮑魚做主題玩到咁大 成件事會唔會太豪氣一開始坐低必食長腳蟹 蟹肉真心鮮甜 蜆又大大隻 不過味道就正常如果胃口唔大其實可以skip 食多個蟹腳算之後到d沙律 咩國沙律都有齊 仲要有個係撈鮑魚絲 推介有個有甜蝦既凍玉子 酸酸甜甜激開胃之後食左個細細粒鮑魚仔既凍糕 幾搞笑未食過d咁既鹹凍糕 凍魚糕就普通 但鮑魚仔幾好味之後有個一個人得一舊既酥皮鮑魚 入面有忌廉同大大隻鮑魚 正不過唔知點解佢擺係個櫃入面熱住但都完全唔夠熱 扣左分 熱食應該會好味好多燒物好齊好多 不過整完就放低所以都係唔夠熱 要𥄫實師父燒完一擺低即拎抵讚係壽司d魚生quality 三文魚控表達係堅正！熱食就麻麻地 普通到無得再普通 唔洗嘥quota唔夠熱又唔夠惹味 所以留番肚食甜品算甜品多到揀唔到 真心樣樣超好味TIRAMISU超creamy超rich!!!!!水果撻成件事真係意外 估佢唔到既好味 真心必必必必食！仲有任拎apple crumble同即叫即整pancake最正係有埋季節限定既哈根大師 配埋食真係發覺自己有第10個胃講真只係偶爾可以豪一次 對仲係學生

帝苑軒位於尖東帝苑酒店地窖，有小橋流水，環境也很不錯，只是兩枱之間的距離比較窄，坐得較為侷促。招呼和食物都有酒店水準，整餐晚飯吃得很滿意。乳豬併义燒乳豬皮很脆肉很嫩，而且一點也不油膩。少少肥的义燒很多肉汁，燒得剛剛好而且很好味，難怪乳豬和义燒都是這裏的招牌菜。貴妃明蝦球明蝦很大件、很新鮮和爽口彈牙，蛋黃醬汁很特別很好味。杏汁菜膽燉白肺湯很足料的燉湯，端上桌便有很濃很香杏汁味撲鼻而來。燉湯用非常多瘦肉、雞腳、豬肺餚製而成，但一點肥油也沒有。不但燉湯很濃味很鲜甜，而且連湯料也很嫩滑很好味，雖然湯料真的十分豐富，也因為太美味而被我們吃掉了一大半。牛肋骨煲牛肋骨炆得很腍很鬆化，牛筋的軟滑硬度也很適中，炆得很香，味道也一流。雖然是利口不利腹，但我也忍不住吃了很多。炸子雞味道不錯，以久違了的蝦片伴碟，但可惜雞肉不夠嫩滑，是比較失色的一道菜。魚湯肉丸浸豆苗我一向不喜歡吃肉丸，但這肉丸令我改觀。肉丸不但有咬口而且很滑很美味，豆苗魚湯也配合得很好，成為令我驚喜的一道菜。蝴蝶酥帝苑餅店馳名的蝴蝶酥確是實至名歸，吃來很鬆脆但不會鬆散，還有濃濃的牛油焦糖味，而且甜度很適中，好吃得真的停不下來。迷你合桃酥端上桌

大年初二，一家三口子同埋兩歲B女，下午約2時15分到尖沙咀先致電酒店帝苑軒確定有位和有點心供應才隨即到上址。但5分鐘後到步，職員又話未知仲有無點心，上址當時有空枱但也等侯成十分鐘才安排就座，酒店如此服務實屬少見，但也算吧大年初二體諒吓！坐下後只想點三、幾個點心快食後有節目，豈料坐下一小時只有兩個點心，期間每隔二十分鐘追單，問咗兩次都話整緊，但一小時後,竟然回覆無唒，我諗去茶記都唔會呀，於是搵經理反映， 佢淡言(可以話敷衍）回覆無辦法，唔好意思，可以致電CS再反映！呢位拓展部沈經理果然有(拓）嘅能力， (託）付他人。隨即致電CS，找來另一中菜部女經理了解事件，其實也值得一讚，反應算迅速，而且顯示出對客人安撫的誠意，可算是酒店應有專業水平。另外，酒店的餐飲部主管亦隨即聯絡，了解事件及致歉，即時安排接見，可見還算尊重和重視顧客。但算吧，趕時間，不用多談了，好好審視和培訓一些經理和主管吧，以免影响酒店口碑！家人多年前曾在金鐘5星酒店工作，聽聞一些餐廳(特別是中菜）經理、主管都是老臣子，無王管，不知時至今日還有此現象嗎？最後，唯有與家人去茶餐廳快吃一點東西，大年初二竟敗給酒店，爆氣結和無奈！而吃

聖誕日一行18 位大小朋友歡聚午餐侍應服務態度良好，茶味香濃（我們叫了普洱、䥫觀音、壽眉）；點心水準高，推介腸粉，米味濃郁及滑；蒸餃也很不錯，每位$200 有找，個人認為環境、食物、衞生、服務態度俱佳，是大圍聚會一個好選擇！

昨天有幸深入帝苑酒店廚房，跟主廚何偉成師傅學做蘿蔔糕，之後又到位處B2、環境優美的帝苑軒幸福用餐。每次由扶手電梯下來，看到淙淙小橋流水，又由上面步行經過時，心情都不期然輕快起來！ 就坐美美的包廂內，這天主要品嚐12月31日晚上、只此一場供應的「除夕晚中式自助晚餐」，收費成人$888 / 小童 $688，食物款式超豐富，吃悶了西式buffet的老饕必看！ 晚餐選擇由頭盤、沙律吧、湯羹、海鮮檔、熱葷、飯麵、點心、甜品，加起來超過40款美食，而且中間不乏精緻佳品，這天我們就品嚐了其中幾款。雖然明知餐單很豐富，但帝苑的點心也非常吸引，大家忍不住紛紛選點腸粉、鳳爪、排骨、燒賣，而我只很忍口吃了 蝦餃。成品皮薄餡鮮，淨食或配上XO醬都好好吃，果然值得！ 首先是 淮杞螺頭燉竹絲雞，除了螺頭及竹絲雞、加了超多瑤柱足料的老火燉湯，一上檯即香氣撲鼻，開盅沒有多餘油分，喝起來味甜鮮濃、腹胃舒服無比。 除了喝湯，也別忘吃湯料：螺頭軟腍好吃，竹絲雞更是嫩滑鮮甜，值得一試！ 接著是帝苑的招牌名菜之一的 堂剪即燒乳豬，芝麻皮的乳豬肥瘦標準，皮清脆、肉超嫩，不管是淨食，還是點醬配餅皮吃，都是仙級美味！用了最

秋風一起，大閘蟹當然係必食咖啦，身為蟹控嘅我，經以食左三轉大閘蟹啦。男友神神秘秘話安排好同我食飯，原來係Book左尖沙咀帝苑酒店-帝苑廳每位 HK$488 任食老三陽大閘蟹，時間可以食到到十點左右。當日我地六點九左右便到達，也真的挺驚喜，估不到男友比我更早知道有這個任食盛宴，雖說男友不太喜歡食蟹，這個舉動真的挺加分。(笑！)HK$488包括：四款煮法的任食大閘蟹蟹肉腿茸雪燕羹一碗生炒糯米飯一碗無限量供應的薑茶老實的說，確實在食物上是有點單調的，可是主打就是大閘蟹嘛，而且在酒店內吃任食，也就跟平日大閘蟹放題的多選擇有點不同。若果認為太過單調，可以以優惠價點選些小菜、飯、麵，也可以人頭多加優惠價點焗大閘蟹蓋，由於我跟男友只是兩個人而已，點選多些也實在會撐著肚子嘛，所以便沒有加點了。有一點要注意的是，價錢沒有包括什麼花雕酒、汽水任飲，如果要飲料就要額外加錢，由於這裡供應無限量薑茶，所以就邊吃大閘蟹邊喝薑茶也有夠滿足！先送上來的是蟹肉腿茸雪燕羹，這個做得很不錯，蟹肉雖說不是太多，可是它加入了金華火腿碎作調味，吃起來的咸香很惹味。小小的一碗生炒糯米飯，送來得時候經已只是微溫，幸好材料豐富，才不致

老表叫飲茶，星期日費事等位咪去帝苑軒Lor.燒賣，蝦餃，义燒包指定必叫，呢3個出品好食，冇肥肉，蝦仁鮮味，义燒包👍👍介紹大家order 义燒波蘿包，熱棘棘，波蘿皮脆脆，好有出爈面包feel.喜歡豬腳醋朋友可以order. 好入味，又不貴，大大踠都糸$9x.低食。因為飲完茶去👀daddy,所以叫左daddy 生前喜歡的咸水角，即叫即炸，我們👀完daddy 後食也不肥利。喜歡雲吞麵朋友，可以order 一個，鮮蝦雲呑，麵彈牙。

時近重陽，大閘蟹漸入佳境，昨更開始吃到白膏！蟹迷聽好了：香港帝苑酒店推出任食大閘蟹宴，選用老三陽3.8-4两蟹，吃法包括清蒸，鹽焗，油鹽水浸及避風塘炒，連同每位足料蟹肉腿蓉雪燕羹，並無限薑茶只是$458/位起，抵食得過份！ 雖然是以 帝苑軒 名義推出，不過蟹宴實質在2樓的宴會廳進行。自成一角，專心痛快吃蟹，其實更好呢！ 一來先有每位 蟹肉腿蓉雪燕羹，老實講，相比蟹粉湯／羹，我更願意吃蟹肉湯／羹，因為味道只甜不腥啊！羹內除了非成絲、乃成球的海量蟹肉，又有滋補養顏的雪燕、鹹香釣味的腿蓉，以及滑不溜口的蛋白，非常足料鮮甜好吃，也為勁食大閘蟹做好準備功夫！ 從來很喜歡吃焗蟹蓋，大閘蟹宴只加$28就可享 西班牙火腿焗大閘蟹蓋 一份，當然不會錯過。金黃香脆的蟹蓋內盡是鮮甜蟹肉，以洋蔥及西班牙火腿輕輕釣一釣，滋味更加曼妙難忘；不吃白不吃，蟹迷一定要追加啊！ 然後開始瘋狂的吃蟹時間！公關朋友分享，為了這次蟹宴他們特別做了一場 Blind Testing，最終選出老三陽的大閘蟹；任食蟹隻重約3.8-4两，吃法包括清蒸，鹽焗，油鹽水浸及避風塘炒，各有風味，每次落單及追加數量不限，下單約15-20分

今天也分享帝苑酒店的 至尊迷你奶黃月餅，月餅以長形禮盒呈上，令人份外難忘；月餅奶黃餡既香濃又幼滑，配上一杯熱茶，就是煲劇的最好節目。 特別是《步步驚心：麗》又別名《月之戀人》，所以邊吃月餅邊看劇，絕對是天仙配！據知酒店今年還新出了「柚子月餅蛋糕」及「黑芝麻月餅蛋糕」，聽上去也很好吃。不過來到週二實在忍不住傷心.... 因為今晚過後，又要再等到下週一才有第六集！沒辦法了... 只好多吃幾個月餅安慰自己～