常滿百家菜

营业中

休息中

常滿百家菜荃灣眾安街55號大鴻輝(荃灣)中心12樓今日經過荃灣大鴻輝嗰頭，成日都見到好多任食嘅火鍋餐廳，今次難得得閒，終於決定要試吓呢間任食嘅點心火鍋放題，見個價錢都唔算好貴就試吓啦，一入到去發現個裝修都幾酒樓feel，原來日頭係做酒樓嘅，夜晚就做點心同打邊爐，所以未入就覺得點心應該會有一定嘅質素保證我哋首先點咗少少點心食先，炸饅頭係即叫即炸，非常之香口，點上煉奶食簡直一流，我哋一路食都讚不絕口而蝦餃🦐蝦肉非常之大粒而且多，我哋每日食咗四粒！出邊仲有唔少熟食可以自己拎，例如照燒雞肉串，椒鹽豬扒，炸雞軟骨，都幾吸引，食咗少少我哋就留肚打邊爐先🥘見到啲肥牛都非常新鮮🥩唔係急凍雪到一塊塊結晒冰咁，見到顏色都算靚，而且唔係好肥，另外我哋叫咗啲丸類，有墨魚丸啦，魚蛋，同魚皮餃，味道就正常，不過不失啦飲品選擇多多🍹🍸除咗汽水，都有果汁同埋韓式飲品啦，中式酒樓來講都算特別同埋多選擇😋去到最後我哋食咗芒果布丁，口感綿滑，另外其實仲見到有紅豆沙同埋綠豆沙，不過已經俾人清晒啦，真係可惜，如果大家想食嘅話記得要預早拎定。百幾蚊來講質素極佳，而且環境坐得舒適 ，兩個人都可以坐到張四人大枱，放滿成枱食物都唔驚，

今次同屋企人嚟到荃灣食飯，試吓而家好流行嘅任食點心。平時兩個人去酒樓飲茶都要$3-400 ，而家$158一位就可以食晒打邊爐同埋點心。打邊爐嘅配料有啲係劃紙仔，或者出出邊凍櫃拎，始終而家疫情關係我都盡量避免喺凍櫃拎食物，不過唔緊要因為淨係食劃紙仔嘅配料加點心都已經好飽。點心選擇都幾多，不過要預返等侯時間要少少時間，始終點心係即叫即蒸，每一碟上枱到都熱辣辣。燒賣分量大大粒，咬落都幾Juicy，外皮唔會好口，唔錯。小籠包咬開有肉汁，外皮唔算好口，以酒家來講算唔錯。炸饅頭係即叫即炸，一上枱熱到噴曬煙。入口外脆內軟，外皮炸得非常鬆脆。打邊爐我主要係食蔬菜，蔬菜都幾新鮮。牛肉賣相雖然唔係好靚，不過都OK。

之前加班之後，同事介紹嚟呢度食晚飯，CP值高，食物又唔差，而家我加完班之後都識得自己嚟搵食。荃灣大鴻輝，交通真係好方便，而且成幢都係食店，總有一款啱心水。火鍋🍲點心🥧任飲任食 $159任食多款精美點心好似飲夜茶咁首先take左點心先，我最愛的招牌小籠包，湯汁多到爆出黎。去飲茶又點可以少得蝦餃皇、鮮蝦燒賣皇，平時食籠點心都要幾十蚊，所以我今晚重點都係吃點心。豉汁蒸鳳爪，好入味，而且一邊食一邊感覺到充滿骨膠原，兒時回憶返晒嚟！晚市超多食客，免費雞煲或者多款鍋底可以選擇，仲要冇限時間，朋友傾偈聚會就唔使趕住趕住。椰子燉雞湯鍋底經理話係最新推介，係點心火鍋任食套餐專享嘅，呢個湯底真係滋潤到不得了。一上枱已經聞到好香嘅椰子味，先飲湯後打邊爐，雞肉嫩滑，入口多汁，而且充滿椰子香味，滋味呀！任食火鍋配料配料一樣矜貴，個人推介一及牛拼盤，有肥牛、牛展、牛脷；肉色紅潤，牛味濃郁，新鮮好味。海生蝦，生猛扎扎跳，肉質彈牙爽口，鮮甜必食。手打墨魚丸，鮮香冇腥味，彈牙有咬口。任飲多款啤酒🍻汽水、果汁🧃清熱飲品啤酒任飲最啱我啲男同事，平時晚飯火鍋酒水都好貴，而家真係一邊食一邊暢飲，真係慳返唔少錢，心情都爽啲！晚市

有班朋友最鍾意食任食放題，魚生刺身已經唔能夠滿足到佢地，今次決定挑戰點心放題！.酒樓位於荃灣大鴻輝中心，晚上任食點心加邊爐連加一每位都喺約$170，算喺個座放題大廈入面相對便宜既選擇。.除了任食點心同打邊爐外，餐廳喺自助區都有供應幾款熟食同埋冷盤，味道唔稱得上好味但都叫正正常常唔難食。.任食點心當中蝦餃真喺最抵食，每隻入邊都塞滿三四隻蝦仁，口感爽甜彈牙，而且個皮都算薄，所以我地都encore左幾籠！不過當日食個籠燒賣就真喺麻麻地，食落豬肉唔新鮮仲有些少怪味。其他仲有蒸排骨、牛柏葉等點心既味道都正常。火鍋湯底我地揀左雙拼，芫荽皮蛋湯底清清地而隔離既沙嗲湯底就相對重口味。火鍋配料選擇唔多，有平時常見既丸類，蔬菜有大路個三四種，但魚塊望落就唔太新鮮所以無食到。寫紙仔叫既牛肉質素都算ok ，唔會話肥到入唔到口，蝦亦都是正常。經網上訂座仲會送乳鴿一份，雖然炸得唔夠脆身但都算入味，畢竟都喺送既所以唔會有太高期望。甜品除左有中式糖水外，仲有近來經常出現喺放題店既雪糕。雪糕有好多種口味，當中仲有啲比較特別的，味道都唔錯！

今次係第二次嚟常滿打邊爐，食中式點心放題今次嘅火鍋湯底就叫左椰子雞煲，打邊爐之前仲飲左2大碗椰子雞湯，椰子味好香，湯底入口完全唔油膩打邊爐嘅肉類方面，我自己比較喜歡嘅係精選肥牛，本地滑牛同埋豚肉片前後每碟都encore左3次小食類最推薦嘅係炸雞軟骨同埋薯角雞軟骨真係好脆口，一粒接一粒食根本停唔到建議一次過攞多d，因為好快就會被人搶晒平時去酒樓飲茶人均消費都差唔多100蚊，呢度加多幾十蚊就有點心放題，小食，再加打邊爐甜品，真係算好抵了😁

疫情前常滿經常很多人坐得很擠，如今座位分開了，人也沒之前那麼多，但食物質素還是保持得到。這次到常滿飲早茶，點心份量大質素也好，例如咖啡魷魚一般酒樓只有4至6塊，常滿卻最少8塊，而且每塊都挺厚身，味道很濃郁，也沒太多豆腐或蘿蔔之類的配菜，一整籠都實實在在，吃後會覺得非常滿足；常滿的蝦餃、炸雲吞等所用的蝦很大很彈牙，非常足料，而且還是能吃到蝦膠（非墨魚膠），所以每次都吃得很滿足。唯一是常滿的服務還是沒太大改變，侍應比較少而顧客要等比較久才得到回應，但點心質素可抵銷服務的不足。

本身想搵間任食點心食，見到呢間有點心之餘仲有打邊爐，價錢都係$158，就決定上去試下，我哋6點就去到，人唔多，唔洗逼。先睇下火鍋配料同點心紙先唔會去到酒樓單點咁多款，但一定夠哂你食。隔離仲有一個凍櫃，有肉同丸類，公仔麵等，款式都幾齊全，放得又整齊👍🏻之後睇埋熟食區。真係肚餓嘅可以食，如果唔係就當然留肚食重點🤤肥牛質素正常，唔會係好多肥膏果種，與價位相符。蝦餃燒賣好大粒，好食😋仲有玻璃樽嘅麥精，出面仲有都係玻璃樽嘅汽水。亦有暖麥精🥰普通甜品，隔離仲有雪糕，無影到🙈好彩食完坐多陣，有片皮鴨出添，錦上添花😋今餐好滿意，價錢平食物又符合預期，120分鐘唔會好趕，員工亦nice，感覺好似係平平地嘅自助餐咁☺️

返工有啲呀叔成日話大鴻輝有間任食點心好正，今日咁岩係附近，就去試下佢個火鍋加點心任食🤤鋪頭係12樓，傳統酒樓格局。我book左6點半，去到即刻有得入，價錢方面成人每位$158，食120分鐘。可以睇下佢大概有咩叫，因為OpenRice 最多12張相，show唔哂。小弟就試左椰子雞湯底。好香椰子味，足料，有隻脾係入面添！之後睇睇佢係出面自己可以拎嘅火鍋配料，熟食，飲品等。配料喺呢個價位來講選擇算幾多（隔離仲有另一個櫃）亦唔馬虎，整潔，填充速度快，未見過有吉盤。好肚餓嘅朋友仔可以食住熟食先，質素正常。啤酒任飲，可惜我唔飲嘅。重點係有玻璃樽裝嘅麥精，可樂等，真係好味啲架😂有一點窩心嘅係隔離有啲坐熱左嘅麥精，生理期嘅女仔都有野飲👍🏻香港製造雪糕，都係任食，但我太飽無食🙈到大家應該比較關心嘅回本位，牛同點心啦。本身見到精選肥牛，都諗住係紅白分明嘅最初階肥牛，估唔到又幾靚仔，溶雪夠，食到少少牛味，已經非常對得住呢個價錢。點心係每件咁叫，蝦餃非常大粒，大概有三隻蝦係入面，皮都薄。燒賣一樣大大粒，爽口彈牙。馬拉糕同埋小籠包。食物款式真係比較多，食唔晒咁多款，大家自己黎試啦☺️食緊野嘅期間仲有應該係不定時推

真係無諗過可以咁好味! 蝦餃大大粒! 所有點心好好味!火鍋材料新鮮!雖然係任食,但絕對比很多火鍋店好味!係洗手間不太衛生。除此之外 服務生都好好態度!去前book 檯!很多人排隊

打工仔平時好少可以飲茶食點心，因為放假又想瞓晏啲！依家有家平價可以打邊爐又有點心食，一個人連加一200蚊都唔駛！仲要任飲任食！真係可以食飽飲醉先至走！值得推介椰子燉雞湯鍋底！個湯底真係好正，一開始已經飲咗兩碗，飲到要加湯先可以開始打邊爐🤣好香好濃椰子味，而雞肉好明顯都燉散開咗，火候十足！而另外仲有點心食，啱晒鍾意飲茶食點心嘅我，點心中蝦餃燒賣就必點，而且 size 真係比正常大好多，而個個飲緊啤酒汽水嘅時候我就叫咗一壺茶😆慢慢嘆！中場仲有片皮鴨食，片好晒又好厚切嘅肉大家排住隊攞！份量都好多，人人有份！

依家出街食飯太多選擇，成日都心大心細咁諗究竟食乜嘢好。早排上網睇到有間酒樓，係晚市提供火鍋點心任飲任食套餐，每位都只係$158。所以即刻都同朋友嚟一次過滿足晒兩個願望🤤今期除咗佢哋平時嘅火鍋湯底以外，仲有椰子燉雞湯窩底。店家建議我哋先飲咗湯之後再打邊爐，雞湯飲落清甜椰味十足，仲有唔少雞肉係裏面。除咗一般火鍋配料以外，仲有豬腳薑、炸雞翼、雞軟骨、咖喱魚蛋同其他冷盤前菜等等點心方面全部即叫即蒸，大約等10至15分鐘左右不等。個人覺得蝦餃同燒賣呢兩樣王牌必點，兩款點心Size都相當大粒，店家完全唔吝嗇材料。

常滿百家菜 (荃灣).$158任食火鍋以及點心，對上一次食過呢度嘅點心真係好出色！ . ⚜️點心任食⚜️.一如以往呢度嘅點心係必吃，蝦餃鳳爪牛柏葉全部都保持水準，今次更加特登影個蝦餃內涵俾大家睇，真係超大粒蝦肉，另外今次我仲食咗流沙包都好正！ 特別依家天氣開始凍食個熱辣辣嘅流沙包正到爆.⚜️任食火鍋🍲⚜️.除咗任食火鍋呢佢仲有一啲小食，出面有得任拎，就係一啲鴨腎青瓜仲有我最鍾意嘅豬腳薑！ 呢度就可以比我食我喜歡食嘅豬腳薑蛋！(⁎⁍̴̛ᴗ⁍̴̛⁎).上次冇為意原來任食火鍋配料入邊有一個叫一級牛拼盤，入邊有牛展牛脷以及精選肥牛，個人覺得最好味係個牛脷，超有牛脂香！另外我哋仲叫咗海蝦，另外啲菜啊丸類同埋腸仔等都係出邊拎另外佢更加有甜品櫃以及雪糕櫃！.📌 常滿百家菜 (荃灣)荃灣眾安街55號大鴻輝(荃灣)中心12樓.—————————————————————-

常滿百家菜 (荃灣).呢間中菜館有別於平時我哋嘅打邊爐，除咗火鍋配料任食之外，仲有新鮮熱辣嘅點心都係任食㗎！. 任食點心🥧.任食點心種類大概有20款，我哋試咗薑蔥牛柏葉，鮮蝦餃，豉汁蒸鳳爪，奶黃流沙包！夜麻麻都可以食到熱辣辣嘅點心感覺別有一番風味！我個人最推薦嘅就係佢哋嘅鮮蝦餃，非常足料大大粒蝦球包係入面，而且蝦好鮮甜，皮薄餡靚！.任食火鍋🍲.火鍋配料分咗兩類，第一款係自助形式可以喺出邊揀自己鍾意食嘅野，主要係以丸類同埋蔬菜為主，至於肉類同埋海鮮方面就係要逐碟落單！我哋今次試咗一級牛拼盤同埋海蝦，牛肉分咗三組分別有牛脷、牛展同埋牛肉，份量剛好而且肉味濃郁。.📌 常滿百家菜 (荃灣)地址：荃灣眾安街55號大鴻輝(荃灣)中心12樓

火鍋食材質素一般，反而點心唔錯，蝦餃𥚃面有兩粒大蝦，自助區的什錦腸粉熱辣辣，蝦腸的蝦亦大大粒。隨此之外有支裝可樂及支裝維他奶。甜品有番薯糖水，豆腐花及紅豆沙。由於火煱加熱需時，所以有點心醫吓肚係好，食咗一輪點心後，其實都已飽。說到底，食物質素及環境都好一般，純粹包籮萬有。如果要食好嘢就唔推介。不過想選擇多，又唔要求的話，就可以一試。真係試一次好喇！

#常滿百家菜 荃灣出名美食多，放題任食又點少得！這家火鍋加點心任飲任食都係$138，簡直平到痴左線😀😀😀 所以都人頭湧湧，建議訂位！地方就和一般酒家差不多裝修，都是傳統圓桌，很有親切感其實因為平，所以食物都沒有太大期望，但我要改口，因為d 點心勁正，特別推薦蝦餃，巨大蝦餃我都第一次食，一隻蝦餃大個乒乓球，滿滿的蝦肉餡，我真心驚喜👍👍👍山竹牛肉球亦超大粒，基本上比平常酒家大粒，任食都咁豪爽，老闆真好😊😊其他炸物都很大件，蘿蔔絲酥餅餡料超多，真係食點心都飽😁火鍋湯底選了椰子雞煲，正常味道！火鍋配料亦很多選擇，肥牛出奇地不錯😉😉😉飲品其中有懷舊維他奶，我狂飲😅😅整體不錯，超抵食！常滿百家菜地址: 荃灣大鴻輝中心12樓