常滿百家菜

营业中

休息中

真係無諗過可以咁好味! 蝦餃大大粒! 所有點心好好味!火鍋材料新鮮!雖然係任食,但絕對比很多火鍋店好味!係洗手間不太衛生。除此之外 服務生都好好態度!去前book 檯!很多人排隊

打工仔平時好少可以飲茶食點心，因為放假又想瞓晏啲！依家有家平價可以打邊爐又有點心食，一個人連加一200蚊都唔駛！仲要任飲任食！真係可以食飽飲醉先至走！值得推介椰子燉雞湯鍋底！個湯底真係好正，一開始已經飲咗兩碗，飲到要加湯先可以開始打邊爐🤣好香好濃椰子味，而雞肉好明顯都燉散開咗，火候十足！而另外仲有點心食，啱晒鍾意飲茶食點心嘅我，點心中蝦餃燒賣就必點，而且 size 真係比正常大好多，而個個飲緊啤酒汽水嘅時候我就叫咗一壺茶😆慢慢嘆！中場仲有片皮鴨食，片好晒又好厚切嘅肉大家排住隊攞！份量都好多，人人有份！

依家出街食飯太多選擇，成日都心大心細咁諗究竟食乜嘢好。早排上網睇到有間酒樓，係晚市提供火鍋點心任飲任食套餐，每位都只係$158。所以即刻都同朋友嚟一次過滿足晒兩個願望🤤今期除咗佢哋平時嘅火鍋湯底以外，仲有椰子燉雞湯窩底。店家建議我哋先飲咗湯之後再打邊爐，雞湯飲落清甜椰味十足，仲有唔少雞肉係裏面。除咗一般火鍋配料以外，仲有豬腳薑、炸雞翼、雞軟骨、咖喱魚蛋同其他冷盤前菜等等點心方面全部即叫即蒸，大約等10至15分鐘左右不等。個人覺得蝦餃同燒賣呢兩樣王牌必點，兩款點心Size都相當大粒，店家完全唔吝嗇材料。

常滿百家菜 (荃灣).$158任食火鍋以及點心，對上一次食過呢度嘅點心真係好出色！ . ⚜️點心任食⚜️.一如以往呢度嘅點心係必吃，蝦餃鳳爪牛柏葉全部都保持水準，今次更加特登影個蝦餃內涵俾大家睇，真係超大粒蝦肉，另外今次我仲食咗流沙包都好正！ 特別依家天氣開始凍食個熱辣辣嘅流沙包正到爆.⚜️任食火鍋🍲⚜️.除咗任食火鍋呢佢仲有一啲小食，出面有得任拎，就係一啲鴨腎青瓜仲有我最鍾意嘅豬腳薑！ 呢度就可以比我食我喜歡食嘅豬腳薑蛋！(⁎⁍̴̛ᴗ⁍̴̛⁎).上次冇為意原來任食火鍋配料入邊有一個叫一級牛拼盤，入邊有牛展牛脷以及精選肥牛，個人覺得最好味係個牛脷，超有牛脂香！另外我哋仲叫咗海蝦，另外啲菜啊丸類同埋腸仔等都係出邊拎另外佢更加有甜品櫃以及雪糕櫃！.📌 常滿百家菜 (荃灣)荃灣眾安街55號大鴻輝(荃灣)中心12樓.—————————————————————-

常滿百家菜 (荃灣).呢間中菜館有別於平時我哋嘅打邊爐，除咗火鍋配料任食之外，仲有新鮮熱辣嘅點心都係任食㗎！. 任食點心🥧.任食點心種類大概有20款，我哋試咗薑蔥牛柏葉，鮮蝦餃，豉汁蒸鳳爪，奶黃流沙包！夜麻麻都可以食到熱辣辣嘅點心感覺別有一番風味！我個人最推薦嘅就係佢哋嘅鮮蝦餃，非常足料大大粒蝦球包係入面，而且蝦好鮮甜，皮薄餡靚！.任食火鍋🍲.火鍋配料分咗兩類，第一款係自助形式可以喺出邊揀自己鍾意食嘅野，主要係以丸類同埋蔬菜為主，至於肉類同埋海鮮方面就係要逐碟落單！我哋今次試咗一級牛拼盤同埋海蝦，牛肉分咗三組分別有牛脷、牛展同埋牛肉，份量剛好而且肉味濃郁。.📌 常滿百家菜 (荃灣)地址：荃灣眾安街55號大鴻輝(荃灣)中心12樓

火鍋食材質素一般，反而點心唔錯，蝦餃𥚃面有兩粒大蝦，自助區的什錦腸粉熱辣辣，蝦腸的蝦亦大大粒。隨此之外有支裝可樂及支裝維他奶。甜品有番薯糖水，豆腐花及紅豆沙。由於火煱加熱需時，所以有點心醫吓肚係好，食咗一輪點心後，其實都已飽。說到底，食物質素及環境都好一般，純粹包籮萬有。如果要食好嘢就唔推介。不過想選擇多，又唔要求的話，就可以一試。真係試一次好喇！

#常滿百家菜 荃灣出名美食多，放題任食又點少得！這家火鍋加點心任飲任食都係$138，簡直平到痴左線😀😀😀 所以都人頭湧湧，建議訂位！地方就和一般酒家差不多裝修，都是傳統圓桌，很有親切感其實因為平，所以食物都沒有太大期望，但我要改口，因為d 點心勁正，特別推薦蝦餃，巨大蝦餃我都第一次食，一隻蝦餃大個乒乓球，滿滿的蝦肉餡，我真心驚喜👍👍👍山竹牛肉球亦超大粒，基本上比平常酒家大粒，任食都咁豪爽，老闆真好😊😊其他炸物都很大件，蘿蔔絲酥餅餡料超多，真係食點心都飽😁火鍋湯底選了椰子雞煲，正常味道！火鍋配料亦很多選擇，肥牛出奇地不錯😉😉😉飲品其中有懷舊維他奶，我狂飲😅😅整體不錯，超抵食！常滿百家菜地址: 荃灣大鴻輝中心12樓

點心我地叫左蒙古流沙包，牛肉球，蝦餃皇，同埋薑蔥牛柏葉。當中我覺得牛肉球同埋蝦餃很是出色除左比一般酒樓嘅大粒，而且新鮮彈牙，口感一流，推薦。小食亦都相當出色我試左魚肉釀茄子，炸雞軟骨，炸薯角，炸雞翼，炸蝦角，紅腸同埋涼拌青瓜配海蜇。魚肉釀茄子同埋紅腸都係厚切而且都好好食！巨型炸蝦角，好不容易我先搶到兩粒，入口超香脆，d蝦好大粒，鮮味又多汁，讚👍🏻炸物類都有驚喜架會令人食到唔想停我好好彩可以喺廚師新鮮端出嚟嘅時候拎到炸薯角，脆口得嚟又唔油膩，正涼拌青瓜配海蜇係我食完再添嘅小食，新鮮爽口，感覺好清新，必試！由於點心同埋小食實在係太出色，已經食到好飽，所以都冇乜quota食火鍋我淺嚐左肥牛同埋手打墨魚丸，食得出係新鮮食材，一d雪味都無整體會覺得呢間餐廳係會值得我再去幫襯，性價比很高

傳統酒家隨住時代轉變，食物/食法都變得更多元化。當你以為一間酒家夜晚只得一圍圍食火鍋，常滿百家菜就係要話你知，佢呢度晚市唔係你想像咁簡單。晚市火鍋配料+多款點心，任食！前菜、小食、甜品，都係任食再任食！汽水、維他奶、啤酒，飲到你飽為止！重點係坐得舒適，食得招積。點心大大件，款款肉質係新鮮，絕不慳皮，食左轉都飽飽地。點心即叫即蒸，等候時間需時，呢個時間就係食下火鍋，自助區好耐款，豬紅、牛柏葉都有，好少可任你夾！

任食點心物超所值😋😋😋平時去飲個茶，中規中矩果啲兩個人都差唔多$300 落樓，可能估少左😛如果仲要加埋火鍋任食同任飲，可以邊度搵？我最想就係一間野可以滿足哂我三個願望，呢度既點任食，嘩抵呀，熱辣辣點心，必點蝦餃燒賣牛肉球，繼而佢既火鍋料超過百款，滿足哂為食既我🤪野飲方面其中值得一提既係仲有懷舊支裝維他奶，兒時回憶，完完全全覺得整餐飯係感受到豐富兩個字。火鍋配料會特別推介肥牛，切得薄薄地，絕不難咬，林林的！而菜都多，都新鮮的，水盤例如魷魚 、牛柏葉都齊全🥰

常滿百家菜 (荃灣).很少有地我倆會晚餐吃點心，今次來到荃灣$158任吃點心以及火鍋配料！兩樣都是我們倆愛吃的.點心.這裏的點心非常好吃，特別是蝦餃燒賣等非常足料而且極大粒，一粒蝦餃內極多蝦，還叫了牛柏葉，鳳爪，小籠包等，這裏的點心全部都很出色而且大件夾抵吃！另外鳳爪亦都很值得一提，好吃到我們叫了兩籠！.任食火鍋.可以寫紙下單或者到外面自行夾取，飲品有竹蔗茅根汽水更加有維他奶任飲！海鮮有蝦，脆骨腩，鯪魚丸烏冬肥牛等.

打邊爐有點心食，唔知大家有沒試過呢。今次我同朋友S去荃灣一間火鍋店食，呢間最特別嘅地方係有得任叫點心。係等火鍋黎前，我都叫下點心熱身先。佢呢度啲點心真係新鮮出爐，足料份量又ok，唔夠又可以狂叫。小籠包皮薄餡靚，裡面裝住湯汁都唔會穿，味道唔錯。蝦餃係有驚奇嘅，因為裡面包住好多隻蝦，仲要係大隻，啖啖蝦肉，好飽滿。燒賣又係抵讚，用料足，味道唔錯，之後我地都有追加多幾籠燒賣蝦餃。牛柏葉都好入味，份量足，都係可叫之選。啲肥牛真係幾靚仔，平時出面打邊爐都未必有咁靚，確係唔錯。牛拼盤真係好岩鍾意食牛嘅人士，其中牛脷砌得厚薄適中，食落好有牛味。食到最後又口痕叫埋籠鳳爪先。食完呢餐覺得一個價錢有兩種享受已經吸引，質素仲要有返咁上下，真係性價比高。講真呢個價錢剩係食點心放題，我都覺得抵，更何況係有埋火鍋，下次再戰!

常滿百家菜 (荃灣).$158任食火鍋再加點心🧆 我未試過一次過食到兩樣我平日好喜歡嘅野！ . ⚜️點心蝦餃燒賣鳳爪⚜️.個人覺得晚市有得食點心已經好正(⁎⁍̴̛ᴗ⁍̴̛⁎) 仲要可以打埋邊爐仲正！呢到嘅點心選擇未算超級之多，但你食開嘅都會有，呢到嘅蝦餃值得一提，真係超大粒超足料！入面有成三四隻蝦燒賣又大粒，鳳爪一籠三隻份量細細份任食而言我最喜歡！ 唔夠先再叫嘛可以！我仲叫左鹹水角春卷等香口炸物.⚜️任食火鍋🍲⚜️.任食火鍋有蝦，脆骨腩，海蝦等配料選擇，另外出面其實都有得任拎，魚蛋娃娃菜金菇粟米🌽等！邊食點心邊食打邊爐另外除左有汽水🥤任飲，竟然仲有熱維奶飲！ ！ ！(˶‾᷄ ⁻̫ ‾᷅˵) .📌 常滿百家菜 (荃灣)荃灣眾安街55號大鴻輝(荃灣)中心12樓.—————————————————————-#hkig#hkigfood#hkfoodie#foodie#food#food#foodstagram#foodblogger#hkfoodblogger#hkgirl#foodporn#hkfoodblogger#foodstagram#foodie#荃灣美食#常滿百家菜

行完大帽山，就搵個地方醫肚。荃灣之友一定帶你去大鴻輝中心搵食。見呢間好抵食$168加一有近100款任食，就試下。見圍圍食客都order 椰子雞鍋做火鍋湯底，自己跟大隊叫埋一分，飲左一碗，有啖啖椰香味+雞油味。本身諗住食火鍋，所以點心只係隨心咁左幾款，但點心上菜個時，個個都「嘩」左一聲，雖然一籠得兩件點心，但件件點心都好似BB拳頭咁大，分量十足！叫左轉蝦餃&燒賣之後，我地都叫多轉點心食😋 因為真係新鮮熱辣上！平時蝦餃燒賣都要$30/籠，今晚一轉都回哂本😍火鍋變左我地前菜，order 肥牛，響自肋區夾左貢丸&粟米🌽，質素唔錯。太多選擇都食唔哂咁多款，最後食左碗紅豆沙，都好好味！

昨天有空，故我們去常滿百家菜吃中式放題，該酒樓在大源輝中心12樓，一出電梯轉右便到，有三點要注意，一是時間為任食90分鐘，$88，另加茶錢、加一服務費，二是不需排隊，先到先得，三為落單前要看清單，有兩款不同單，不同價錢。酒樓面積大，佔商場全層，屬舊式裝修，很多街坊光顧。座位之間尚算寬闊，不太狹窄。講最重要部份，就是食物，首先，茗茶質素一般，淡而無味，跟普通茶樓沒多大分別，茶錢要額外收，故是否需要注意茶葉質素。至少要多些茶葉，飲下去好過白開水。食物很快便送到，但偶中也有遺漏的地方，要追單才送到到，但服務員姐姐很快便送到，值得比個讚(like)。炸雲吞不俗，不太油，蝦還很脆，還有點甜味，蘿蔔絲酥餅太油，好像吃油炸麵粉，沒有蘿蔔，如果一早吃了這點心，便沒有胃口吃其他，春卷不太油，但饀味較多醬汁，很少肉，好像喝醬汁般。咸水角也不俗，不太咸，咬下去有肉味，這碟醉雞、叉燒、豬皮、青瓜不太好，混在一起，給酒味蓋過本身的味，有點格格不入。蝦餃有驚喜，皮不太厚，肉不太咸，蝦不小，雖然是冰鮮，但都有味道，不用太多調味料，入口都有少許鮮味，大家看看蝦的重量，我都吃了兩大隻，鳳爪不太好味道，凍、醬料太多，蓋過