幸福堂 (已結業)

銅鑼灣食完飯～順路去「幸福堂」睇下多唔多人排隊🤭晚上8點幾黎到，竟然人龍不算太多人，難得機會就緊係要把握住～排隊～排隊其間可以睇住店員煮黑糖珍珠，有聽說如果剛好賣晒就要等頗長時間，當日唔洗等 大約十五分鐘就已經有得飲喇🤤名字改得好～飲完有幸福既感覺嗎？外形好靚既黑糖紋，因為圍邊加黑糖，看似很甜，飲落又唔太甜，仲飲得出奶味，珍珠夠晒Q彈，整體都唔錯。「老虎堂」之前已經試過，大家開得甘近，當然會比較下～個人感覺「幸福堂」有比較優勝，黑糖味更香濃。

近幾個月都試左幾間黑糖珍奶，最終覺得幸福堂係最好飲的❣️❣️當然口味人人唔同，大家唔認同都可以😌.店員將黑糖先炒到濃稠，再加入珍珠，令到每粒珍珠沾滿黑糖漿，果然夠入味！每一刻都唔會停手咁樣炒（其實見到都覺得姐姐好累😕），入杯時將黑糖珍珠係杯邊轉一圈，撞入鮮奶就會見到幸福紋啦😻面層有我至愛既奶蓋，灑上黑糖粉後用火槍燒一燒🔥，就飲得！.頭一啖就飲到好rich既奶蓋同黑糖味，再攪下個底將濃濃既黑糖同牛奶mix埋，飲到最後都仲有香滑既感覺，因為最怕就係飲到冰粒溝淡咁樣🙈本身唔太冰凍，又可以品嚐到好rich既黑糖珍奶正正乎合晒我期望❣️

食完飯後，總係想食或飲返啲甜野過下口癮！！今晚剛好喺銅鑼灣食飯，就一於順道去埋哩間 聞名已久嘅幸福堂，一嚐近期大熱嘅 黑糖珍珠鮮奶！一去到，就已經見到長長嘅人龍～～幸好今晚天氣還好，等嘅途中唔算太難受，最後等佐大約 40分鐘，終於輪到我地啦！⭐️焰遇幸福黑糖珍珠鮮奶 ($30)黑糖掛紋分佈整個杯身！好靚呀！表面仲有一層濃濃嘅奶蓋，加上灸燒嘅焦黑糖，賣相真係非常吸引！ 未攪勻前，先試一下面層嘅奶蓋～奶味相對較淡一點，剛才灸燒的香氣唔太出，應該只是用來美化賣相而已。之後，就試下將飲管直插又底，唔攪勻直接飲。黑糖嘅獨有香甜，真係好正 ！非常濃郁～！然後再跟餐牌指示，攪拌18下再飲用。奶味頓時出返嚟！黑糖漿 / 奶蓋 / 鮮奶 混合後，3者真係好夾！～～～～滿滿嘅幸福感～～～～但較為可惜係 黑糖珍珠口感比較淋身，攪勻後，珍珠自身嘅黑糖味亦相對大減，未夠入味。希望店家會改善～但總括而言，哩杯黑糖珍珠鮮奶都幾唔錯～！另外值得一提係⋯鋪頭門前除佐有即場展示炒黑糖珍珠外，仲有一個巨型籤筒！ ！！哩個籤筒並唔係一個裝飾品～而真係可以俾客人用嚟求籤架！！抽完籤後記住號碼，排到收銀處前，就可以喺個百子櫃搵返相

小編今晚約左按摩、打算食個快餐然後拿拿臨去按摩，叫左外賣榮記車仔麵、見到對面街既老虎堂又大排長龍、反而幸福就🉐️3、4個、就一於試下佢，網上食評話一般、多數都係話佢冇奶味好淡珍珠唔夠qq，我今次試過竟然🈶️唔同睇法wor排隊買野飲之後即時遞杯嘢比我、完全唔似老虎堂咁等幾個字、我既榮記外賣仲未得，幸福已在我手啦第一啖飲落確實奶味係不足不過小編我一向怕太奶既嘢，老虎堂已經係我極限所以我buy幸福堂冇咁大陣奶騷味，珍珠完全係幸福堂完勝，超香黑糖味，可惜黑糖味only在珍珠散發、黑糖入唔到落d奶度，變成好似奶還奶、黑糖珍珠還黑糖珍珠咁囉但其實都唔錯既，最有心思係佢落左d鹽ｏ係d奶霜度、令到杯嘢冇咁漏，呢個我幾buy既！我絕對會為左d黑糖珍珠回頭囉

一有新台式飲品 就會好多人排隊今次就去飲下幸福堂 還好等了20分鍾就有得飲門口有幸福簽可以拿架~士多啤梨　隻色係靚 ~  味道還好　~仲有少少士多啤梨肉~ 最多人叫的黑糖 鍾意食甜野的~ 一定會好鍾意 呢款反而味道很不錯~ 我都覺得好好飲~

朋友幫手排隊買咗呢杯聞名已久的幸福堂黑糖鮮奶，真心正。珍珠有咬口，鮮奶味重。撈混黎飲，無論係甜度，奶味，黑糖味都配合得啱啱好。好飲過好多其他的珍珠奶茶，掋佢要排咁耐。希望 新界區快d,開返間

晚上在銅鑼灣飯聚， 趁著有半小時的空檔， 便試試那幾家大熱台茶店 。之前試過港版珍煮丹，覺得不如台灣當地的好， 而接下來的目標，該是老虎堂，或是幸福堂了。在糾結著該先光顧老虎堂，或是幸福堂之際，發現兩店根本就開在一起，如此鬥過你死我活的場景，確是有趣！幸福堂是後起之秀， 新鮮感自然高一點點， 再加上現場即炒黑糖， 視覺效果上又高了一班， 於是便決定先試幸福堂。下單過後，隨即感到後悔了， 因為輪候速度上老虎堂無疑有效率得多， 由於幸福堂炒糖需時，而所謂的現場炒糖，只是將預先做好的黑糖珍珠攪拌一下而已，大部分的工序在店內進行，每當黑糖用光了就是無止境的等待，令到等候多時的客人不免有點鼓譟。只見店員先將黑糖珍珠置於杯底， 再在杯邊澆上一圈黑糖， 如此一來當注入鮮奶以後， 杯邊就佈滿黑糖的雲石紋理， 帶來視覺上的美感，不用像其他黑糖鮮奶般要搖勻後才能飲用， 因此杯子設計上也容不得手搖的。雖然表面看似黑糖滿滿的， 但黑糖味並沒有想像的濃， 再加上選的是黑糖珍珠奶茶($28)，黑糖的味道就更難察覺出來。幸福堂奶茶的口味普通， 大塊的冰塊把味淡之奶茶刷淡，  珍珠雖然Q彈但味道平凡。之前覺得珍煮丹味

香港又有一間台灣出曬名嘅店式飲品店新開張，今次到幸福堂新開，大家似乎都覺得銅鑼灣是最多人的地方，於是我同朋友又黎一試。星期三的晚上時間，我足足等了接近40分鐘才買到兩杯招牌的黑糖珍珠奶，我看一看包裝，似乎容量比起勁敵老虎堂的容量還小，可能是重質不重量。我試了一口，便覺得奶味雖已很濃，但及不及老虎堂的濃濃奶味，在奶味方面已落敗，再試一試珍珠，很硬，似是放了很久的感覺，我咬了一會方可咬開，令我有些失望，總結而言，整體味道是不錯，但完全不值得排隊買。

小編見有時間終於去咗排隊試近排好hit嘅黑糖珍珠奶茶啦！！！可能係平日翻工時間所以條人龍唔算瘋狂，但都要等20分鐘左右😃-🔸幸福堂💕 黑糖鮮奶珍珠 $30份量比同樣人氣黑糖飲料的老虎堂細杯啲，第一啖飲落去又係超甜嘅感覺！可能係我個人平時少飲開咁甜嘅嘢，所以有啲唔習慣。相對來講幸福堂黑糖味更香，珍珠口感比較煙銀~個人偏向幸福堂嘅黑糖珍珠☺🔸總結: 如果唔係甘啱有時間都唔會去排隊，個人覺得太heavy太甜，但間唔中一杯都OK！鍾意黑糖嘅朋友可以去試吓，都值得一試嘅~😜

今期流行珍奶，幾乎人人都排隊買嚟飲。而銅鑼灣幸福堂既珍奶，更已經傳到街知巷聞。人人都會飲黑糖珍奶，唔通我只可以飲黑糖珍奶咩。我嗌左抹茶珍奶。幸福堂仲幫佢改左個好靚既名，叫抹抹暗戀，咁... 普通話諧音咪即係默默暗戀 😂 如果有人對另一個人有意思，咁咪可以買杯嚟暗示，表達心意囉，哈哈，好浪漫呀。我就唔係要向邊個傳情達意，只係暗戀杯珍奶抹茶，買嚟自己飲啫 😂 排得好長龍，但十零分鐘已經到，仲即刻比到我，超快手。珍珠顏色瑩光粉紅，顏色好sharp, 好搶眼。上配一層白奶，再加一層抹茶綠，係好典型嘅日式顏色組合，好靚 😍 拎上手上凍下熱 😂 證明珍珠啱啱煮好。飲既時候搖均，飲落珍珠軟腍而煙靭，無特別嘅口味，甜甜地，同抹茶奶好夾。抹茶味特別香，但份量唔多，同珍珠比例唔均稱，好快就飲晒，但淨晒D珍珠 😝望落幾大杯，但飲完唔夠喉，係咪因爲太好飲?! 😂 Anyways, 值得一飲。

//「幸福堂」係收銀隔離會展示即場手炒黑糖珍珠視覺上比其他台式飲品舖頭更加吸引更高透明度見住店員不斷係個鑊度手炒珍珠同樣既「黑糖珍珠鮮奶」同樣既使用「明治牛奶」同樣既黑糖掛杯同同樣既一層奶霜「幸福堂」既「焰遇幸福黑糖珍珠鮮奶」換上比較圓潤既杯好似大杯好多而呢間既珍珠比較重黑糖味飲落係比較甜但搶左牛奶既風頭整個奶味飲落就無隔離舖頭咁香呢間既珍珠大細亦唔似隔離舖頭咁有得揀只得一款大珍珠所以鐘意細珍珠既人唔好意思啦P.S.「幸福堂」有個gimmick位就係買飲品之後可以抽籤占卜結果當然都係得啖笑啦「幸福堂」每次都會透過以下6大方面評分(滿分:30分)味道 : 3 / 5環境 : 3 / 5外觀 : 4 / 5價錢 : 2.75 / 5服務 : 2.5 / 5 回頭率 : 3 / 5總分 : 18.25 / 30性價比 : 經過我地既評分後發現分數相同雖然我地都比較喜歡「老虎堂」但係「幸福堂」係店舖既環境比較特別除左公開手炒黑糖珍珠之外抽籤占卜都係其中一項好與別不同既點另外「幸福堂」除左黑糖珍珠鮮奶外亦有好多唔同繽紛色彩既飲品希望下次可以再去再幫襯既時候可以試下其他飲品

又黎銅鑼灣行街，大熱天時勁口渴，雖然已經知甜野解唔到渴，但比佢果層燒過既焦糖奶泡吸引，買左一杯佢既款式都幾多，有啲珍珠係粉紅色，幾得意，但都唔想冒險，一於嗌最出名既黑糖珍珠鮮奶。排隊等緊既時候都唔會無聊，行左去睇哥哥炒珍珠再唔係去求下籤，等左十零分鐘就有得飲，都唔算排好耐肥肥矮矮既杯身好可愛，摸上手仲感覺到暖暖既珍珠面頭烤左一層焦糖，見到都流晒口水黑糖珍珠鮮奶既冰量，甜度都set 死晒，冇得轉，對於平時飲開少冰微糖既我，有啲擔心飲落去又唔會太甜，可以接受喎鮮奶好濃，好重奶味，黑糖味同鮮奶非常夾，飲落好滑身珍珠亦非常出色，好煙煙un un,好好咬口非常推介，我已經連續兩日忍唔住買左黎飲

趁著週末特意預留時間到銅鑼灣排隊潮聖！幸福堂直接在老虎堂旁邊正面交鋒，人龍不相伯仲。大概等了四十分鐘就拿到佈滿幸福紋的黑糖珍珠鮮奶(焰遇幸福)和色彩繽紛的抺茶珍珠鮮奶(抹茶暗戀)！黑糖珍珠鮮奶外表實在是非常吸引，顏色超美的，奶蓋上面還有黑糖炙燒的痕跡！店員現炒的黑糖包裹著每顆珍珠，喝著喝著感受到濃烈而微焦的黑糖味道，間中還吃到微細的黑糖粉末！珍珠煙韌有嚼勁，軟硬適中。鮮奶質地滑溜，但沒有想像般濃厚。至於抹茶珍珠鮮奶就整體比較甜，茶味略嫌不足，珍珠亦嚐不出有士多啤梨味⋯總括來說，在幸福堂點黑糖珍珠鮮奶就已經無敵了 嘻嘻。

好少為左杯野飲上黎打文，但期望越大，失望越大⋯ 呢晚打完邊爐，平日夜晚9點鐘加上打風前夕，黑糖奶呢條街人流比平時少，但幸福堂都估計有20人左右，吹住3號風唔熱，慢慢等又比想像中快好多到，俾左錢後飲品更係快過借貸，1分鐘到手 當我地好興奮讚嘆食神關照令到排隊迅速之際，失望既事情就發生了⋯⋯用飲管撈完後既第一啖係甜、到、漏！ ！雖然好似廢話，但飲得黑糖的確預左甜，但無預到咁甜⋯奶雖然好厚好滑，但每一口吞落去都有種甜到喉嚨好「乸」既感覺；更失望既係，好多黑糖粒未煮溶（幾肯定唔係「找口感」），飲落好似有沙咁；而佢門口果盤煮俾大家睇既黑糖珍珠已經到達糊狀程度，雖然仲食到一粒粒既爆甜珍珠，同時亦伴隨住一舊舊珍珠與糊仔間的凝結塊物質⋯我唔知呢種係咪叫幸福甜，真係唔識欣賞，或者因為從未得到過（gag黎，但評語係真心）兩間打擂台做對比下，我諗我做好黑奶的決擇了。

第一次飲黑糖珍珠奶，不用排太耐，只等了10分鐘 排隊要暴曬，無室內或頂😅 中午十二點都幾熱！ 但杯黑糖珍珠奶太甜，又唔可以調甜度同冰嘅分量😅 30蚊杯有啲唔值🤔 大家可考慮一下會唔會排隊試☺️