影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
相关文章
叫左雞沾麵 但個沾麵湯凍曬 反而杯熱茶仲熱過個沾麵湯 變左食落麻麻地 另外叫左個炸雞 就正正常常 食左400幾蚊 個湯個溫度咁樣 真係唔太值了 建議要改善 檢討，今次真係失望而回。
继续阅读
🥢【雞白湯拉麵】/ $148雞白湯拉麵，面頭就層有雞味泡，當夾拉麵嘅時候，麵就會過湯嘅雞味泡，個拉麵係我最鐘意既size，每一啖麵都有香濃嘅雞白湯味道。但係人地話好鹹，我感覺唔係好鹹可能味覺冇咁快正常先。之後仲帶埋炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。但係太熱氣我食兩啖唔敢食太多。而肉就係咁咯麻麻地，不過餸吓雞湯味道就有喇。可以話哩碗面精髓就係湯。其他咩沾麵阿我唔知咩味㗎，我冇食到。反正friend就話好食！
继续阅读
被喻為香港第一拉麵既座銀, 一直都好想去試, 今日終於克服到懶癌去左。店內播住日本傳統樂器 — 三味線既背景音樂, 加上活潑既旋律, 令人感覺置身於大阪 (總店喺日本)。呢度最出名既就係雞白湯拉麵(不含蛋) ($148) , 另點要加18蚊。首先上枱碗拉麵夠熱湯底: 食拉麵第一件事就係先試湯, 其實今次係第一次食雞白湯。湯底表面有好多奶泡, 亦唔會見到有層油浮喺面 雞湯好濃好順滑, 夠味但唔係令人覺得口渴既咸, 飲飲下最後飲晒成碗。🤣 但同我想像既雞白湯都差幾遠 （最初以為係中式雞湯味, 完全兩回事黎）個人都係鐘意醬油湯多啲麵質:傳統拉麵麵底, 好彩冇鹼水味, 拉麵浸耐左都唔會太淋, 不過個人都係鍾意麥麵多啲。配料:一片雞肉, 一片豚肉: 雞胸肉唔嚡, 涷食覺得味道普通, 浸番熱就有啲味, 還算可以 叉燒肉味幾香, 好食過丸京🤣炸牛蒡: 呢間店隱藏招牌菜 (其實想試炸牛蒡而黎), 食落似薯片味, 脆口中帶少少甘味。 如果浸湯後再食會有少少苦澀味, 亦難咬左, 但浸湯後牛蒡味更濃棵木煙燻糖芯蛋: 用木燻過既蛋, 入口好有蛋味之餘亦帶有少少木香味, 個人幾幾鍾意隻蛋。以 $183蚊碗拉麵都幾貴下, 雖然好食但冇好驚艷感覺
继续阅读
特意為咗鷄白湯拉麵嚟，結果都係失望。服務態度首先係好好，但係拉麵湯底好鹹，鷄味都幾濃不過有鷄腥味，叉燒好食，但湯先係靈魂，所以我從廣州過嚟玩，店度好多食客都大陸過嚟，感覺推廣做得幾足。
继续阅读
座銀都算係掀起香港雞白湯拉麵熱潮嘅元祖店。如果想食雞白湯拉麵，首選一定會係黎座銀。今次嚟到座銀，都係食返佢最signature嘅雞白湯拉麵。佢嘅雞白湯拉麵，面頭有一層有雞湯打成嘅奶泡，而呢一層以意大利泡沫咖啡泡沫層為概念嘅雞白湯奶泡正正就係成碗拉麵嘅精華，當夾上拉麵嘅時候，麵條就會沾上湯面層嘅雞白湯奶泡，令每一啖拉麵都有香濃嘅雞白湯味道。至於佢嘅拉麵配菜亦都非常有特色，當中炸牛蒡就係我嘅最愛， 佢炸得香口之餘，亦保留到牛蒡嘅味道，浸一浸雞白湯再食就更加美味。
继续阅读