康甜餅店

营业中

休息中

附近嘅茶餐廳因為係星期日，休息，眼見冇乜選擇，只有麥當勞及 呢間餅店 。我哋嗌咗四個蛋撻同埋開心果麻薯布丁 ，仲有開心果燒餅試下 ，正常味道，麻薯布丁有手掌咁大， 布丁 滑嘟嘟嘅，好味，但開心果味道唔太濃 ，另外燒餅就一般啦， 最好味都係蛋撻。

鰂魚涌上堂大雨lunch食Campsite，對面馬路就係康甜，見到麻薯就買嚟做早餐🥣，一個$7，兩個$13，有十幾隻味道👅，但牆上貼咗五十隻味，店員話落雨☔️整少d味。揀咗奶茶味一個，第二🥈朝做早餐，皮脆內軟，可惜係冇乜奶茶味

有多個創新獨特嘅麻糬波波口味可以揀，每個都大大個成個拳頭咁大，都只係賣$7一個，都幾抵食。嗰日見到有腐乳味同埋叉燒味，非常之創新，梗係一定要買來試吓啦！再揀多個好少見嘅泰茶味同伯爵茶味。腐乳味麻糬波波腐乳味食落去鹹鹹地同麻糬波波嘅甜味中和，一甜一鹹感覺幾特別，但係唔可以稱得上好好食。叉燒麻糬波波有一舊叉燒喺麻糬波波面，但係麻糬波波就咁食食唔到叉燒味。泰茶味麻糬波波聞落有少少泰茶味，但食落去就唔太覺有。伯爵茶味都係一樣食落都唔太有伯爵茶味。

最近去北角 揾到呢間康甜餅店真係好痴線😂😂😂 有二三十隻味簡直癲覆咗我對麻薯波波嘅認知😨有咸有甜 泡菜味 沙嗲 腐乳味都有😂😅今次買咗咖啡同朱古力味真係幾好食 啲味唔會話太假又唔會過甜😭好想搵日試晒全部味 有冇人有食過其他味?又或者有冇其他麻糬波波推介!!

最近北角有間街坊舊式餅店突然係網絡上大受歡迎🔥原來佢哋係云云一眾蛋撻、麵包之中推出咗勁多創新口味麻糬波波，好似泰式奶茶、班蘭味，都係坊間少見，更加同foodie合作搞提議新口味比賽，整咗粟米、泡菜、腐乳等鹹口味，好有諗頭🤣🤣作為麻糬控嘅我點都要試吓。餅店每日會供應成10多款口味，而其他曾推出嘅口味更加有40+款，真係次次去都有驚喜😆麻糬波波size偏大，$7一個、$13兩個，韌度高好煙韌，外層帶少許脆皮感，口感都幾好😙😙不過部分特色口味味道唔算突出，叫返經典口味就會穩陣啲。🧋泰式手標奶茶就係被呢個泰式奶茶味吸引到要嚟架喇🤪搣開裡面見到唔少茶葉粒，帶微微茶香，不過就唔係泰式奶茶個種獨有香味。🍃班蘭搣開見到內餡嘅綠色，不過食唔出班蘭味🤔比較似味道幾好嘅原味。☕️咖啡反而最穩陣嘅口味最好食！咖啡香味好突出，係帶甘嘅味道😋😋🌼洋甘菊估唔到會將咁清新既洋甘菊放入麻糬波波，西式洋甘菊茶嘅香味好突出，唔算話特別夾但幾得意，可以嚐嚐鮮😛😛人均消費：$10推介指數（10分為滿分）：8分

今日路過附近就順便去買咗麻糬波同蛋撻睇網上面啲評價好似唔錯 又有youtuber去測評話幾好食咁 麻糬波波（$7@1 $13@2）係大嘅size 煙韌 但係就冇乜味 叫咗個泰式奶茶 但係唔太食得出🤔我見佢有其他特別啲嘅味（個人會想試吓泡菜）但係當日去到就冇擺出嚟賣🫨而且買完即食 佢已經係個櫃度擺到凍凍地…😬 蛋撻（$6@1）我見佢外面都有貼 話蛋撻好出名曲奇皮唔錯 但係都係有啲凍凍地唔會話特別出色 只係普通….😐 題外話 老闆幾好人 是有禮貌的老闆

康甜餅店價錢💲: $7/1, $13/2 好味程度😋: 4/5服務🍴: 4/5環境🗾: /性價比🥢: 4.5/5回頭率😚: 4/5-好少麵包會開post，但呢間實在幾特別！前幾日見到有人講，咁啱琴日經過就望下，點知當時未出爐得返幾個好似麻麻哋咁☹️但食個飯再返來就遇到出爐啦！店員話每日出的味道都會唔同，週末會出少d味，但平日每日都會出成二十幾種味😱 睇下大家來到遇到咩啦！店員見我想試特別味道，即刻拎埋沙嗲味比我🤣-✅✅泰奶茶> 沙嗲> Oreo。講左整體麻糬波波的口感先！佢哋係d外皮厚實，入面空氣但有小小煙韌部分的麻糬波波。琴日即刻熱食的話個皮會脆，咬開入面見到小小拉絲，有d驚喜🤭 隔一晚再食就會硬左啲，冇左煙韌的口感。-泰奶好食！係有足夠的泰奶味道！同埋見到粒粒茶葉歲😉-沙嗲夠曬gimmick！原本以為沙嗲醬mix埋去麵糰入面，原來係原味加沙爹醬，所以有啲部份有，有啲部份冇的🧐 有的話個部份鹹甜鹹甜，幾得意。同埋有啲蝦米香咁。-Oreo難免比較甜，但Oreo比得好足，咬落去會食到oreo餅口感。-係係附近都會想來碰碰運氣的店鋪，麻糬波波控應該去好多次都食唔曬d味！遇到新

麻糬布甸包第一日食味係ok第二日食個味差好遠好遠，個布甸係袋拎出黎已一手都係，因為唔係實心既.（就似一隻未熟既蒸蛋係倒瀉個包上面）另一款班蘭味，無班蘭味而且有蛋殼。唔值得試

晚上經常有老鼠進入店舖後門的廚房。🫠中午時見到廚房內制作麵包的人沒有帶口罩，及工作時抽煙，煙灰落入麵團內，相當噁心，以及後廚環境髒亂。🤮🤮🤮店員態度好差，面包放幾日都不處理🤮🤮🤮食完就肚痛了。🤢🤢🤢成日都見到有曱甴蟑螂爬出爬入，相當噁心🤮🤮🤮🤮

個人比較鍾情舊式麵包店…有人情味之餘…麵包又好吃…………經過康甜都會買佢既流心蛋火腿包，$9.5好抵….其實佢既麵包種類好多….紙包蛋糕，蛋糕仔同蛋撻都好好味…

即叫即造蛋糕夠新鮮之餘，蛋糕充滿蛋香吾會乾，有質感，不是食空氣，甜味剛好，不是死甜的味道，忌廉吾會溜，但欠缺奶香，這是唯一不理想的地方，整體啱晒香港人口味，價錢公道，真心推介

I had the egg tart when it was piping hot, straight out from the oven! It was delicious 🤤. Although the egg flavour wasn’t strange, the egg custard was silky and smooth while the crust was thin and buttery. The service was great as well. The couple who worked there was so sweet and helpful ❤️.

經過見到定係間麵包舖可能朝早定晏晝都好多人買，見到佢有蛋撻，雞批，糯米糍，好似好正咁，又買咗嚟試下！🍴 蛋撻 $5 (8/10)蛋撻新鮮出爐熱辣辣！個皮勁香脆，超香牛油味，似係牛油曲奇嗰種，甜甜哋，皮比較薄，蛋漿都唔算多，甜甜哋，好嫩滑！$5真心高質啦😆🍴雞肶 $10.5 (8/10)冇諗過雞肶咁大個，個皮同蛋撻一樣咁香脆好食，個皮好薄，好香牛油味，餡料超級足，入面全部都係鹹鹹地嘅雞絲，啖啖都有餡，極之飽肚，真心好足料幾好食！🍴芒果雪菓子 $15 (6/10)好奇心驅使我冇買芒果糯米糍，買咗雪菓子，裏面有芒果忌廉同埋蛋糕，超級大一舊，有手掌心咁大！但味道就比較創新，係糯米糍嘅皮包住忌廉芒果同蛋糕，食落去比較飽肚同埋膩，味道就比較雜錦，但又唔會好甜，可能小朋友會比較鍾意食🤣🤣我就一般啦！下次會想食返真嘅芒果糯米糍！推薦指數: 8/10老闆娘好nice，好好笑容，中午時間有好多熟客買三文治同奶茶！下次會試吓佢哋啲包，真心覺得佢哋有誠意去做麵包俾街坊食！

之前系附近做嘢都冇幫襯過，今吹有人推介這裡的生日蛋糕，於是訂左一個試吓。蛋糕上面好多生果，表面嘅奶油忌廉薄簿一層，入面嘅蛋糕有兩層仲好厚好鬆軟，蛋糕中間又有吾少生果粒，食得出好新鮮，亦都好有懷舊嘅感覺，而且價錢也不貴。下次想試吓佢嘅懐舊奶油蛋糕。

呢間餅店應該好耐歷史，佢最特別之處係差不多所有賣的食物都是餅店自己出品，自己一手整和焗出來賣，今時今日在大集團的佔有下，這類餅店真是石果僅存。自己整之餘味道仲要不錯，麵包好鬆軟，特別鐘意它的火腿煎蛋燕麥/甜包，燕麥包比較健康，甜包和腿蛋好夾好好味，鋪頭很窩心，還會煎流心蛋，流心蛋的蛋汁令麵包更香呢，不過成日好快賣哂，所以有買要親早買。店鋪過時過節還會整特式野食賣，例如中秋會整月餅，端什節有傻，新年會賣賀年食品，店員都似是一家人，家庭式的店鋪，好有人情味啊!!