康甜餅店

营业中

休息中

一直都有喺公司樓下嘅餅舖買麵包食，但係訂蛋糕就係第一次聽講佢哋嘅蛋糕係每日交收前兩個鐘先會做，特別新鮮，所以今次就訂咗個芒果海綿忌廉蛋糕諗住試吓，一食就知道個蛋糕真係即日整，啲蛋糕超軟超新鮮，芒果應該擺上去裝飾之前係有用糖水浸過，所以唔會太酸，有少少糖水味，不過成個蛋糕都好新鮮，因為夾係中間啲水果都唔係罐頭水果，全部都係新鮮水果，而且價錢好平，想食呢啲懷舊式蛋糕真係要喺呢啲餅舖先搵得到嗰種味道😚😚😚😚下次再試埋其他味道嘅蛋糕先

這家店幫襯了好多年，經營者是一個家庭吧，老公老婆都上場的，走街坊路線。開麵包店從來是不容易，早市6時多開始，做包師傅要凌晨2時，3時上班吧，開麵粉，搓麵團，等發酵，再焗，一個波羅包雞尾包能賣多少錢，4元，5元？背後的刻苦，堅持及辛勞能換回幾許東西？Starbuck 一個翻丁鬆餅賣 20元，好有型啊，偏偏一個收你幾蚊的麵包，人們就諸多要求？所以我一直對舊式麵包店懷有一份特殊的感情，這種情感是來源於我對辛勤，努力及堅持的尊重及欣賞。這家店的茶啡做得很好飲，茶啡份量調得好，茶啡是用一座鋼的，裝在牆上的大型茶餐廳式熱水爐來煑的，出茶啡就是像水龍頭的扭掣，茶啡不斷在爐內維持沸騰出煙狀態，那種香味，街上可嗅。我一般飲央，看見女老板開一個出茶龍頭沖出茶，再開另一個出啡龍頭沖出咖啡並撞入茶中，再倒入淡奶，眼明手快，調量有序，賣 12元，贊。這店的央，茶啡比例很好，很好味，我個人覺得比炳記好。芒果糯米糍外面一層是薄而嘞的糯米，內一層是蛋糕，再內一層是忌廉，最後一層是芒果，一啖咬下去，共4種不同口感及味道，糯米的嘞度，蛋糕的軟熟，忌廉的香滑甜及芒果的水果香，甜及芒果汁液，實在太好太好吃了呀！這個芒果糯米糍

今日經過去康甜餅店去買麵包，比錢果時個員工無用夾去夾個包落膠袋，就咁攞住個膠袋入，喺呢啲疫症時期極之唔衛生，我叫佢換第二個同用返夾，佢即刻發脾氣話叫我唔好買，呢啲咁嘅員工真係不知所謂，嘅實喺呢啲咁嘅高危時期唔好咁懶做返乾淨啲都唔係咁難，偏偏就係有啲咁嘅人貪方便，佢對手又成日找錢，勁多細菌，就算唔係疫情都唔應該咁唔衛生，仲有覺得自己好啱，叫人唔好買，呢啲咪典型比人講中咗就發爛渣啲人，真心覺得佢真係要反省下。。。

今日早上幫襯呢間舖，老實講佢嘅奶茶係唔錯嘅，用黑白奶，但佢啲麵包就真係唔係咁得，我一入門就問人飲咩，其實我未知買唔買，因為啲麵包我揀唔落手，再加上人流唔係好多，有無需要係咁問仲要勁無禮貌😡😡😡😡，好啦，到比錢時，個收銀阿姐一手搶左我張銀紙，仲面燶燶咁款。我揀左個芝麻包，唔知點解一陣苦味，好難食，😡😡😡😡食左一半太苦，喺有掉左佢，幫襯你仲要睇你面色！總之食麥記好過🙄🙄🙄🙄🙄

依家香港啲物價真的越來越貴，早餐基本都要$20 $30，所以好多時候，我都寧願幫襯返傳統的麵包店，而這一間，在我公司附近，好多時候我都會買他的火腿蛋包，仲可以選擇雞蛋流不流心，而麵包更是健康的小麥包都只是$8.5，和早上的時間通常都好趕，所以這間店更會在門口就可以購買麵包，可以更加節省時間！

是日年三十晚，公司早放，不如過鰂魚涌碰一碰運氣，睇下呢間麵包舖仲有冇開，因為我覺得佢啲芒果糯米糍係真係全香港最好食，同埋我都好鍾意食佢啲雞批，如果有開就買啲返屋企。首先講下佢個雞批先，個皮好脆，入面好多雞肉，仲好香，今次個雞批係暖ge，如果係再熱d就仲香仲好食，個size就相對d連鎖餅店細，個係雞肉多過人地，個批又香過人地，價錢又平過人地，抵食👍🏻👍🏻到芒果糯米糍，人手製作，隻隻都唔同大細，不過差異唔大，入面皮薄，芒果一大舊過，又香又甜，咬落稔稔地，個甜味唔係浸糖水甜味，應該唔係用罐頭果肉。

今日途經北角見到呢間好舊式嘅麵包店一於入去睇下啦～呢度好多舊式麵包仲好足料唔會好似食空氣咁仲有新鮮出爐蛋撻，雞批等等仲見有朱古力曲奇添諗左陣，都係買1袋片裝麥包啦，1袋4片6蚊，但好軟熟又好香麥味舊式麵包舖絕對值得幫襯

不知道有多少人的童年回憶裏有這種小蛋糕呢？童年時，媽媽常常買蛋糕仔給我吃，回憶中，一個個迷你的小蛋糕，趣緻又的骰，透著濃郁的牛油香氣，小小一個，使我一個續著一個，連晚飯也吃不下了那時媽媽還警告我，以後都不買給我吃了人大了，傳統麵包店也隨著歲月愈執愈多，所以我特別緬懷這種傳統懷舊的味道。如今很少麵包店會賣這種懷舊港式小蛋糕了，這種味道也漸漸變為陌生的味道。今日經過，這間麵包店，面積很小，但生意不錯。有各式蛋糕和麵包，選擇頗多看見竟然有蛋糕仔，如發現新大陸，一袋要19，不算便宜，但回憶需要定時召喚。一打開包裝，蛋糕仔的香氣一湧而出，就是這種味道啊！一粒粒蛋糕仔焗得很香，鹹香中夾著濃濃的牛油香氣，配上士多啤梨底紙，更顯童趣！體型迷你，很適合當小童的點心裡面真材實料，蛋糕紮實，比瑞士卷更綿密，是很濃味的牛油小蛋糕，再搭上鹹鹹的香味，完全是懷舊的港式蛋糕而且甜味適中，牛油味最為突出。雖然蛋糕仔味道單一，市面上有不少比它優勝的牛油蛋糕，口感亦不夠多層次，多變化，但有些食物，始終經得起時間的考驗，變成經典。今次的笑臉為懷舊糕點致敬

以前買襯依個包都問我要唔要流心，我就一定唔要。久而久之，我就開始叫「腿蛋，全熟，唔該」！唔係空氣包黎架，包面仲有啲燕麥皮，食到尾仲有蛋同火腿，應該有一隻蛋一塊火腿架！仲要熱架！！咁足料先盛為$7.5，去邊度搵？不過有時有蛋殻

今天突然很想吃麵包，所以心動不如行動，動腳去了康甜餅店。雖然位於地鐵站附近的那家麵包店比較方便，可是二選其一的話，我始於鍾情於康甜餅店。下回再告訴你們箇中原因，畢竟今天的主角是這家康甜餅店。說真的，我第一次步入這家店的時候，目光就被牆上的相片吸引著，小小的麵包店，還能吸引著明星來光顧。或許他們只是順路而光顧，但明星效應這回事還是挺奏效的。這次我選擇了雞扒包和魚柳包，其實一個麵包已經足夠裹腹，而每次光顧，我亦例必選擇魚柳包，但今天突然想吃雞扒，所以我亦不管我能否吃得下，一下子就買了這兩款麵包。我很喜歡這一家的雞扒，比起大家樂的雞扒，麵包店的更像是在吃真實的雞肉，肉質比較實，而且很厚。同樣，比起mc當勞的魚柳包，我更愛這家麵包店的魚柳包，無他的，淨是當中的魚扒，已經高下立見。

有時靜靜地時,會不自覺自己在想,我可能太過煩,而自己都開如覺自己煩,所以開始明白唔好再煩人...應該學下無必要都唔好找人,或根本唔應該找人..或許我根本唔明佢想什麼,自己盡左力便算,應該唔好再影響到佢生活.說回呢間餅店,其實呢間飽店因為好近公司,所以返工都會幫襯下,有時無咩做返公司坐下,又會幫襯下,所以都好熟,未開口都知我一定會要多枝茶,呢到有唔同的包,而麥香雞包,我比較鐘意,因為簡單得來好味,有片雞,生菜,沙律醬包,可感是脆得來有少少雞肉味,麥片包也健康,而且只是7元,十分低食

今天到北角上課，在附近吃完午飯，無意中看到近期的名物芒果糯米糍，竟出現於街角的街坊麵包小店裡。$10一個，就買來試試。店員態度尚可。跟在長洲的芒果糯米糍大小相若，外皮薄，粉的程度可以接受，外皮包裹到整塊芒果肉。咬下去果肉香甜，完全不酸。這是個讓人感到很驚喜的小甜點，真後悔只買了一個。

越食越差!!!! 有d麵包太硬，又唔好食。菠蘿包同腸仔包就食落好似冇食過d咩咁，成陣風咁。檸檬茶有酸又澀。明明要小甜，隨手攞起杯小話小甜，點知又係一個伏。成杯糖水咁！！！重點係d收銀員態度好差，找錢時係掟返d錢俾你咁

近期熱賣的長州糯米糍在葵涌、上環及旺角都有得賣。如果在北角區朋友可以試下呢間，皮薄餡多，成條芒果，size有成隻手掌咁大。老板心機之作，每天揀過最靚最甜芒果先造，絕不會因做多點生意而隨便制造，全人手，新鮮，味道一流。真心推介。$10另外有芒果布甸，一般食到的是芒果肉混在布甸入面，但呢個就成個小山丘咁高芒果肉係面。$12還有榴槤糯米糍，即買即造。用D24超值，只不過賣$12

最近發現康甜有芒果糯米糍賣，即管試下，嘩半塊芒果肉，超薄糯米皮，又唔會黐黐立立，物超所值，比起長洲的更好味，老闆娘說每天親自包，人手有限不能包太多，每天新鲜，大家行過一定要試