廚十三老壇酸菜魚 (渣甸街) (已結業)

近排天氣轉冷，最岩食辣野暖下個身，星期五下晝就同一個同樣鐘意食辣嘅fd黎到銅鑼灣吃一間幾多好評嘅酸菜魚。好彩我地黎得早，人唔算多，位置都幾闊落，餐廳入面已經可以聞到辣野嘅獨特香味，未叫野就流曬口水，感覺好好胃口。我地order咗個細份酸菜魚，再加D配菜，應該夠食。酸菜魚認真好味，先講魚質本身，比一般食到嘅更嫩滑，抵讚嘅位係魚肉處理得咁滑之餘，面頭唔會食到粉漿，而且魚肉一D都唔腥，仲食得出魚嘅鮮甜味，證明條魚真係新鮮，無過度加工。湯底方面，鹹酸度適中，酸菜味都出曬黎，好多人食酸菜魚時只著重條魚，但其實酸菜一樣咁重要，呢度就處理得幾好，酸味夠，夠干身所以食起身都幾脆口，我食完魚，好快就同朋友清曬D酸菜，特別係酸菜頭，好爽脆好好味。雖然話係細份，其實分量都相當足，食完盤酸菜魚，再食完配菜就夠曬飽，好好味，好滿足啊，出品絕對係水準以上。而特飲方面，都好大杯同質素唔錯，我地試左巨峰提子梳打同荔枝梳打，望到個樣都覺得非常吸引。🥰估唔到小食方面都同樣非常出色，我地試左幾款。酥炸無臉男，佢個粉唔會話太厚，外脆內軟，肉質鮮嫩。而碧綠脆笋擺盤精美，係解濟必點小菜。紅糖滋芭都好煙un🥰, 非常正宗！大家有機

打邊爐打到悶，天氣凍凍地又想食啲熱辣辣慶合合嘅野frd子就提議食酸菜魚，呢間廚十三係臨時喺openrice即搵即卜位嘅，環境，座位，裝修都幾精緻一入門口印象就唔錯menu簡潔清晰，仲有簡介下老闆開店由來研發咗十三種地道做法，最後擺上MENU做主打嘅一款聽落好似好勁老壇酸菜魚(大份)碟野一上枱時我是驚訝的，隻碟大過我個頭不過嗰陣酸辣混合各種香料嘅氣味完全令人零抵抗力咩食唔食得曬就之後先諗啦好彩我地選咗最小辣，仲頂到，唔係就真係要成盤送過隔離枱酸菜魚採用新鮮鱸魚烹制，呢種魚食落肉質超滑又不失魚鮮味骨已起唔怕食到口吐血嫩嫩嘅魚肉有濃味酸菜湯加持，尤其食得出個湯絕對係誠意之作驟眼望，芥菜，菊花，紅椒之類香料多到唔識分如果多幾個人食，菜單仲有好多配料俾你加入去，咩午餐肉，寬面，豆卜乜乜乜好開胃，值得推薦唔好再番大陸食喇老虎椒愛松花蛋次次食皮蛋就好想班碗粥黎送平時都係食開譚X啲皮蛋，以為到到都一樣原來仲有得高幾班，重點係個秘制椒汁嘅調味，唔會俾濃味皮蛋蓋過，蛋黃鮮滑，蛋皮爽口，出色之作蔥油撈豬肚乾蒜，蔥，芫茜炒成，豬肚乾淨爽脆，下酒小菜一流清炒窩筍絲個人幾鍾意食筍，咬落索索聲好爽口之餘嗰陣菜蔬味好

今晚去銅鑼灣崇光百貨找個舊同事食飯，等到她放工後帶了我去到渣甸街(廚十三老壇酸菜魚)，餐廳設計很有特式，座位用卡板來隔住，當然坐得十分舒服，不經不覺大家傾下講下好快已到十一點，這一刻大家都知道不作別想，下次叙會都會來這餐館。魚肉夠鮮甜，仲啖啖肉，魚肉索曬湯底麻辣香味的精華。老壇酸菜魚$338(小份)主角當然是魚，大件及冇魚骨，配菜是午餐肉、支竹、寬粉等再加入大量酸菜、川椒、花椒、乾辣椒集合了麻辣香酸的味道，十分醒胃。酥脆無臉男$88是酥肉者也，炸得乾身不油膩，送飯一流。正經的雞被撕$108嫩滑油香味好濃。紅糖冰粉$28冰粉煙煙韌韌再配花生碎同杞子等，不會太甜，夠冰凍相當好食。

廚十三要食酸菜魚唔洗再返大陸食啦，香港一樣有出色既酸菜魚！！中意酸菜魚既你一定唔可以錯過廚十三老彈酸菜魚。我同朋友一行兩人係銅鑼灣唔知食咩好，搵搵下見好多人推薦廚十三酸菜魚，就同朋友柴娃娃去食，一試真係返唔到轉頭。我同朋友叫左一份酸菜魚配寬粉，豆卜同金菇。另外仲有蔥油撈豬肚，香酥雞翼。先講下酸菜魚，湯底夠濃厚，食落酸而帶小小辣，絕對係有水準。另外魚肉無骨，配埋咁多款配料其實已經飽飽地，好抵食。之後到豬肚，豬肚好香蔥油味，食落有口感唔會淋哂。加埋大量芫茜，真係一定要試。再到雞翼，雞翼即叫即炸，上菜熱辣辣，食落香脆可口，調味合適唔會太淡口。最後仲有杯荔枝風味特飲，唔會太甜而且好濃荔枝味，必試！！！

國難當前，香港當災，口罩閒角升一哥，排長龍都搶唔到一盒，死梗啦，唯有打好個底，由自身防禦做起。適逢天氣凍到抽筋，食辣嘢就可以殺菌又暖身出面得返8度，飲杯茶暖暖身，任斟都得深圳食過類似嘅酸菜魚有唔好嘅體驗，自此冇再食過，今次食返，簡直為呢尾餸洗底。胃民怕有骨，佢就勝再冇骨，放心食用，仲可以加黑木耳、豆卜、寛粉同青笋片等配菜，正呀睇落辣得不可近人，其實好易入口，又有避風塘味道解辣還須食甜品，炸年糕灑上黃豆粉，配以黑糖漿，呀！！！個菜名好得意，原來係炸豬肉，好食好彈牙食完自覺內功增強，體內啲菌應該辣死晒，第日再接再厲搶口罩

天氣轉冷，食得太多打邊爐食壓咗就可以食下酸菜魚，其實都係一樣，食完個身熱辣辣無咁凍。今日嚟咗呢間無論係質素同埋價錢都唔錯嘅，同埋都有少少似大陸深圳食嘅風味。兩人份量其實一啲都唔小，魚肉肉片起碼有30件以上，魚肉嘅質感非常之嫩滑，而且每一件都切得幾厚，同埋酸菜嘅質素亦都幾好，唔會一味得個太酸嘅味道。反而會淨係有少少酸酸地，而酸味就會浸晒落個湯底入邊同埋魚入面。所以魚肉可以同埋酸菜一齊食。而且我哋冇同侍應講到辣度，不過應該就預設左係小辣應該係最大眾嘅辣度，所以感覺上都幾好同埋入邊有好多香料嘅感覺非常之適合冬天。入面仲加咗唔同嘅配菜。午餐肉嘅質素稍為有少少偏差，不過寬粉係唔錯的，寬粉好有咬口，可以慢慢食到魚味同埋酸菜味。青椒土豆絲雖然望落去冇咩色水，好似味道唔係好夠咁不過食落去其實就係另一回事，因為青椒嘅味道完全滲晒落去土豆入面，而且都炒得夠軟熟，小小鹹鹹地同埋都炒得幾香係唔錯嘅非常之開胃。避風塘魚腩其實入邊係有好多炸魚塊加埋香蒜粒以及乾嘅辣椒而炒成嘅。炸魚炸得非常之香脆，而且上枱熱辣辣。調味方面唔會太辣不過都可以食到有好多香蒜所以味道非常之香濃，而且都係其中一個小食必食嘅推介。最後職員嘅服

So me and my friends decided to grab the much loved pickle sour fish and stumbled across this restaurant. At the heart of causeway bay, extremely easy to access and very well decorated and here we are at ‘Chef 30’. First up we decided to order some drinks for us and incomes the menu, we spotted the grape soda and a mango soda and gave it a go. The drinks had a two toned colour and certainly tasted fresh but not too sweet which is a great thing. As we carried on browsing through the menu, we dec

朋友勁中意食酸菜魚，每幾個月會番大陸食一次，尼個月黎冇乜點番去～唯有係香港找尋好味既酸菜魚啦！老壇酸菜魚（三人份）（$478）選了小辣，辣度適中，可接受。但酸味唔夠，下次會考慮$22加酸菜～魚肉都多，滑，冇骨！加配寬粉（$28），軟滑煙韌，青荀片（$28），爽口清甜，推介啊！酥炸無臉男（$88）好搞笑嘅餸名！其實係炸酥肉，炸非常香脆，又唔油膩～酸梅湯 ($25)好飲！酸度適中，仲好解辣～想去解下酸菜魚癮，可以去呢間一試啊！

武漢肺炎肆虐，搞到係酸菜魚忠實粉絲嘅我都唔敢返大陸，朋友話廚十三同太二嘅幕後班底係一樣，咁堅，等我試一試佢頂下癮先刀拍前男友：微辣，友人全晚既最愛老虎椒愛松花蛋：好香蒜味碧綠脆笋：必嗌，食咁多濃味野，點都要嗌碟清新既上上籤：係我至愛呀！麻麻辣辣，有蓮藕、椰菜花、萵筍、海帶隔壁小孩饞哭了：即席煮既鹹肉炒椰菜避風塘魚腩：份量多，啖啖肉，冇骨大份酸菜魚：我哋再額外加咗午餐肉、青筍片、豆卜、木耳同埋寬粉！呢碟酸菜魚真係可以媲美太二既酸菜魚，魚肉滑溜冇骨，酸菜超入味提子風味梳打特飲 & 芒果風味梳打特飲 & 可樂廚十三係我食過最似大陸嘅正宗酸菜魚，一定會再幫襯！餐廳位置寬躺舒適，窗口位仲有夜景添！當晚全場滿座，仲有好多人等位！

話說最近內地好HIT食酸菜魚，而香港亦開始有主打做酸菜魚既餐廳，今次同男友係尖沙咀買野既時候留意到附近有間樓上鋪食酸菜魚，所以決定一試！🥰上到去一打開門就已經聞到一陣微微既花椒同酸菜味，有同我返大陸食酸菜魚既環境一樣！最重要係地方夠新又乾淨，又唔會好大陣油煙味，好舒服😌坐低後，店員送上免費小食 - 涼拌青瓜 🥒又麻又爽口!😛我地叫左小份既酸菜魚，加兩款配菜，包括係午餐肉同藕片。酸菜魚🐟好正宗，夠麻夠酸😋而午餐肉同藕片既份量都好夠，最緊要夠爽脆！餐肉口感都好，又唔太索汁，有啲酸菜香又不失肉味，好好既配搭！而且鱸魚🐟本身肉質好滑，好解味，呢個份量兩個人食岩岩好!🥘豬油椰菜鍋 - 好香豬油🐷味，椰菜🥬切到一條條，口感好好，出色既小炒飲品方面我地分別叫左荔枝風味梳打特飲 及 柚子特飲，一樣都夠大杯，一邊食酸菜魚一邊飲凍野，正!食到個咀都不禁麻麻辣辣地，叫返個冰粉涼下🤗雖然唔係話好大碗，但佢改良左加啲雜果🍧又清涼又夠甜，中和返，舒服又滿足🥳

話說係上星期六食嘅，而家一路打都流口水🤤最岀名係老壇酸菜魚，基本上每位食客也會點上酸菜魚分量可分為小份，大份及土豪份量，因應人數自己決定除了酸菜魚，還可以額外加錢加配其他配料而我只有兩個人當然是小份，我們話額外加了蓮藕及腐皮自己可以選擇辣唔辣，今次點了bb辣自己大愛湯底😍十分好飲，令你不停想繼續食魚片沒有骨，十分新鮮滑嫩，切成薄片裹面本身有少量酸菜，兩人食非常適合碧綠翠荀-凍食加了少少花椒油，增加麻香十分清脆和爽口正經的雞被撕其實即係手撕雞🤣配上濃濃的西芹和麻辣油，十分惹味，雞皮亦較薄，分量唔算太多雨露均沾-甜食即炸鬆軟米糕沾上黑糖醬自己都偏愛口感煙韌食感，少少似麻薯咁，值得一試😆😆最後一道菜係蔥油撈豬肚，豬肚爽口，配上西芹及花生🥜店舖大部份都是卡位， 坐得十分舒適，但是等位時間比較長

以前一放假第一時間北上去食魚， 而家已經無再上去，一直都好掛住酸菜魚😭無意中比我發現銅鑼灣居然有間專食酸菜魚既餐廳，二話不說當晚即刻去幫襯😃環境方面，都算好整潔，餐牌亦都好乾淨。兩個人黎食都會安排卡位（梳化位），比較闊落亦唔使同人搭枱👍🏻今次叫左好多野，等我逐一回味下😃老壇酸菜魚（2人享用）講下配菜先，我地另加左土豆片，寬粉，青荀片。 唔好講笑，魚同配菜份量真係好多🤩魚肉好嫩滑，筷子夾得太大力都會夾斷，亦無腥味值得一讚寬粉好Q同彈，好有口感 ，掛住d湯，淡淡都有酸辣味👍🏻👍🏻上上簽裡面有鵪鶉蛋，蓮藕，海帶，無骨鳳爪，萵筍，椰菜花...最特別在於個汁，麻辣味令人一口接一口， 呢個汁並唔係同酸菜魚個汁一樣， 兩個各有千秋😃隔壁小孩饞哭了個名好特別，其實係炒椰菜，特別之處係有人職場係你面前幫你炒菜，仲好貼心咁問你想要爽脆定冧身，鹹淡適中👌正經的雞被斯推介比芫荽委員會嘅朋友，淡淡雞絲都充滿芫荽味，醬汁香濃包住切到好幼嘅雞絲真係好正啊😃芒果風味梳打特飲同荔枝風味梳打特飲味道都唔錯，正正常常紅糖冰粉 其實本身冰粉冇咩特別味道，係要配紅糖汁一齊食，食完咁多重口味嘅嘢，再食個清甜既甜品，解膩一流。總括

因為呢個星期六日要開工，所以約男友喺平日食晚飯補數☺️今日黎到廚十三酸菜魚.....食辣野就梗係要嗌凍嘢飲啦😆 我叫左杯巨峰提子梳打特飲，男友就揀咗芒果梳打特飲。酥炸無臉男👽好搞笑嘅餸名！實情係川菜menu經常出現嘅炸酥肉，炸得極之香脆，唔油膩亦冇肥膏！👍🏻隔壁小孩饞哭了🧒🏻👦🏻實情係炒椰菜！應該係因為用咗豬油去炒嘅關係，啲椰菜十分香口。店員好細心，炒緊嘅時候問我地想要爽口定淋身既口感，就番啲時間熄火🔥男友對呢一個炒椰菜十分欣賞，食完第二日都仲係度講返🤣主角就梗係酸菜魚啦，我哋嗌咗小辣，配料揀咗豆卜、土豆片同埋薯粉。魚肉鮮甜無骨，個湯都係飲得落口嗰種，而且好似張相見到咁冇乜油。不過呢個份量都幾大，我哋得兩個人其實冇乜可能食得晒😶三四個人食都仲得！

喺大陸食酸菜魚就多香港就當然唔多啦 因為其實都冇咩選擇...so sad sad sad………… 嗰陣都搵咗好耐邊度有得食酸菜魚 因為大陸嗰陣食完覺得好好食但係都冇理由次次都想去食㗎 跟住上網就搵到呢一間 而且地點都好方便 喺銅鑼灣地鐵站一出行大約一分鐘就到 喺第一條街 跟住就喺openrice度book咗位約朋友食dinner 行到入去 設計嘅格局都好舒服 員工服務態度都好好 咁坐低之後第一件事梗係嗌嘢飲啦 啲嘢飲 甜度都啱啱好唔會話太甜 最緊要係食完辣野飲嗰杯嘢好舒服 之後我哋就嗌咗細嘅酸菜魚 因為驚兩個人食唔曬 嚟到之後 其實都見好足料而且都好多魚 食落去個口感非常之好同大陸食嘅有得畀果然係十分好嘅推介 另外 仲嗌咗佢哋招牌嘅甜品 都係一樣唔係好甜入口好好食 overall in講都係值得推介嘅餐廳

今日約咗個老友食嘢 平時我哋不嬲一齊返大陸食好嘢 今次喺香港發現到呢間酸菜魚就決定約佢嚟試下入到嚟裝修都幾新淨座位舒服 被隔離檯個碟嚇親 見佢哋三個人食咁大隻碟嘅魚 我同朋友經店員熱心介紹下 要左以下食物:老壇酸菜魚我哋就要咗個小份量微辣 但其實呢個份量多到可以食3-4個人 好多魚而且質素非常唔錯 店員話係淡水鱸魚 食起嚟魚唔會砌到好薄係有一定嘅厚度 但係呢個厚度仍然保持到好軟滑嫩口 啖啖都要配埋個酸菜湯底 爽 又酸又少少辣好開胃正經的雞被撕個名幾搞笑 其實係手撕雞 好食 雞肉唔會太鞋太淋 調味一流 加埋唐芹 辣得嚟又香隔壁小孩饞哭了雖然理解唔到個名意思 但睇圖知佢佢係類似炒椰菜嘅物體 店員即時用個砂鍋係你面前煮 上面嘅肉調味都幾惹味菜 好快就煮好咗 熱辣辣好香口 味道都幾香濃 菜炒得時間岩岩好再叫咗呢杯巨峰提子梳打 都幾好飲嗰 之後叫埋呢個兩露均沾 係糯米糍黑糖味嘅甜品 外皮煎到一層薄薄金黃色 內面仍然煙un 配有黑糖醬 推介我地晚餐時間較早到都已經有4 5 檯客 好快已經坐滿 走時仲有唔少人等位 咁好食當然值得等