廣東燒味餐廳 (已結業)

懶左咁耐,今次真係頂唔順,要出手啦!因為放假去旅行食大左,唯有地獄式減肥啦.節食左咁耐,尋晚OT 到好夜,突然好想食燒味.就黎左呢度.見到有日本剪報,應該ok啦.叫左個四寶飯: 紅腸,燒肉,油雞同咸蛋.紅腸同咸蛋: 紅腸三塊,薄過張紙, 咸蛋不是溏心燒肉 – 塊皮淋左,好硬. 燒肉好鞋 油雞 – 有d臭臭地,同有血蔥油 – 有陣怪味 檸水 – 當然冇檸檬味浪費左個Quota另外一提係衛生真係唔得.抺完檯塊布同d乾淨布放埋一 起 …

　　寫呢篇食評之前，睇到前人嘅感受，嚇親，好彩呢晚無遇上之前嘅狀況。　　收工成十點鐘，個肚打晒鼓，有理無理即刻衝入去醫肚啦。　　估唔到咁夜都咁多人，八成枱有客。　　叫咗個燒肉叉燒飯，除咗本身肚餓，放乜入口都格外美味之外，呢一晚嘅燒味實在比平時出色。　　叉燒肥瘦適中，啱我口味嗰隻；另外嘅燒肉亦都係，唔會成舊都係肥糕，最估唔到係夜晚十點幾，啲燒肉嘅皮仲係脆卜卜！　　碟飯 HKD33.00；凍飲 HKD15.00，尖沙咀嘅地段，加上呢晚嘅食物質素，係抵食嘅一餐。

好耐無食廣東燒味，今日去買外賣，買了一盒薰蹄切雞飯．返到公司打開個飯盒真係火都滾埋，ｄ薰蹄全部都係皮，一舊肉都無．．３舊切雞加５塊薰蹄皮就叫薰蹄切雞飯？？有無搞錯呀！！！咁都做得出．．完全無品，盒飯＄２３仲要係無例湯無飲品架喎～你比ｄ咁既野我？ｄ食物質數又越黎越差，ｄ連鎖快餐店都好食過佢，起碼唔會呃你ｄ餸．．我咁大個人都未試過咁樣比人呃餸，我以後都唔會幫襯呢間野！！！！

對此間餐廳十分之不滿意,原本之前都有幫"親"過,覺得都ok!但昨晚再幫親時就真留下極之壞的印象了~真的令我十分不滿~一心介紹比朋友去幫"親",因此間餐廳出名燒味!(所謂既)朋友叫了雙拼飯!店員沒有解釋到是餐定是散叫亦沒解釋清楚是要碟頭飯定是要碗!!之後,友人覺得碟頭飯的質數也不好.叫佢加多d豉油~但唔知點解會令到d飯好似加了湯一樣.濕淋淋.......我就叫了一個特餐,她說要叉燒就加一元,但她的聲線態度好似覺得要加1元"個播"~好似驚死你比唔起.....我心想1元豪比你......之後,我們不清楚賬單上的銀碼.想找職員詢問!首先是叫了老闆沒反應,可能我不是遊客唔值得佢去招呼.一路都沒理會我們.之後,就有個阿姐走埋黎說:點呀點呀?有問題呀?態度是非常之不耐煩.問她解釋賬目是如何計算?她說:燒味現在加左價.米咁計囉.哎呀~我唔識解釋呀!就不理我們走去佢的老闆......老闆又完全是不想理會.沒主動解釋.完全係到耍太極~本人覺得此餐廳是想搵遊客錢.只會服務遊客.同埋做生意不是有耐性去解釋.完全沒有.仲要不承認自己的錯.還同我吵咀駁咀.如果大家吃飯不想勞氣請不要吃此餐廳了~

位於尖沙咀遊客區, 但態度奇差, 晚上10時人流不算多, 但落單阿姐態度超勁差, 唔耐煩! 叫雙拼飯時自把自為認定客人要一碟(我又留意唔到一碟比一碗貴) 近日更在餐牌角落處鬼祟貼了一張「燒味加一蚊」(老闆解釋近日燒味貴左)食物質素一般, 不算超好味, 飲品亦一般朋友叫常餐, 25蚊, 選了常餐入面的叉燒意, 居然都要加一蚊! 一個餐寫幾多就幾多錢架啦, 有咩理由加一蚊呀!賣單時發現將單貴左一蚊, 找老闆問, 老闆又唔理我地, 叫左一個阿銀的阿姐來, 阿銀姐超級寸, 「加一蚊囉, 寫左囉!」「係呀, 一碟係貴d架」「飲品? 無架, 係無餐呀!」「咩條數點計呀?我唔識計呀!」(咁請問阿銀姐你學咩人做樓面呀?)最後同老闆投訴時, 阿銀姐唔忿氣, 走前來大大姐「咩事呀而家? 我咩聲都無出...」咁樣的雙拼飯+服務態度, 食左45, 值唔值, 自己諗! 太興燒味好你100倍呀!

話說9月時某個下午有同事請食下午茶, 諗住食餐好d嫁啦, 唔食中山食廣東!! 不過唔知係咪因為外賣既問題, d燒味完全唔得!! 6個人,差唔多個個都有order叉燒, 但只得其中一份好似新鮮d咁, 其餘好似唔知番燒左幾多次咁!!! juicy一定唔會嫁勒, 仲要好硬, 超乾!! 真係好后悔點解唔食中山!!! 不過叫左一個「分」蹄,very nice!!! (相比下....) 雖然外賣order好少人會打番去追究, 但係已經black list左!! 同埋係人地請, 佢都想我地食得開心,所以硬食啦....>o<

由於呢間廣東燒味近我OFFICE﹐所以有時都會幫趁一下外賣燒味飯做LUNCH。但最近幾個月發覺燒味水準下跌左好多﹐叉燒又乾又硬﹐已經好耐無見過呢度的雙拼飯的叉燒係半肥瘦喇﹐連大家樂的叉燒都好味過呢間燒味專門店﹐點算﹖燒肉就越黎越韌﹐雖然拎到返公司﹐皮仲係有少少脆的﹐但係D肉就鬼死甘韌﹐又無味﹐所以我已經戒左廣東燒味的燒肉好耐。燒鵝就味道還算可以﹐但係最近D燒鵝好怪﹐肉唔多而且頗“實”﹐但係就明顯有一層好厚的脂肪(即肥膏)介乎皮同肉中間﹐似乎D鵝係“谷”到肥的﹐而唔係天然肥美。講燒味﹐其實廣東燒味真係麻麻﹐大把燒味茶餐廳仲好。如果個老闆對呢個店名仲有少少自信/自尊的話﹐唔該整好D燒味出黎奉客。

臘味正又如何,服務差....... 是重要她們服務差勁改下服務,對有名有地位蔡先生推薦無白費

正.........好味