建興亞婆豆腐花

营业中

休息中

南丫島既啊婆豆腐花食到街知巷聞，每個遊客入嚟都必食，好似我咁，一日食左兩次，真，唔係講笑🤫🤫介紹都唔多講啦，只可以講既就係，佢既質素多年不變，都係咁滑，仲要有一浸浸炭爐味，佢既炭爐味真係唔係度度有，火喉真係好緊要，佢地既豆花秘訣真係唔講得笑😆😆夏天食既凍豆腐花真係超正，凍熱都keep到水準，冇得輸👍🏻👍🏻👍🏻👍🏻👍🏻$15一碗真係見仁見智，如果好食就真係好抵，未飲過佢既豆漿，下次要試下先😆😆

南丫島豆腐花 Good or Exaggerated?🤔之前看過不少食評也認為南丫島建興亞婆豆腐花有點名過其實😀但近日到南丫島一遊 一嘗過後 其實並沒那麼差😂不過口感跟以往吃過的豆腐花是挺不同 質感較厚實 雖如其他食評一樣豆香並不算非常突出🙊但卻很有豆的質感…個人口味也很喜歡有薑味的糖漿作配搭😳和以往大眾黃糖粉的食法相比 則是另類食法🙈看過網上食評和親自到場一試後 也認為真的好看彩數😳有些圖片也是看到豆腐碎 又有渣的 但本人經歷則還好😂口味則認爲跟平日吃的清爽口感軟軟，純豆香清甜涼快的口味很不同🤔這裏是比較厚實薑糖味十足😎Tofu Pudding in Lamma Island 🤭The texture is relatively smooth and firm🤔not so similar to other tofu puddings I tried before…but I won’t say it didn't taste good! I can feel the soybean texture I guess that is why the texture is so firm

唔知有冇人同我一樣，行山其實係為咗食嗰碗豆腐花呢？🤣 豆腐花對行山人士就係有一種奇妙嘅魔力😆 當日我由南丫島榕樹灣碼頭起步，一路行到去索罟灣，沿路都唔難行，都係行石屎路，適合行山新手👍🏻 途中有經過呢間「建興亞婆豆腐花」，相信大家都唔陌生😌 呢度除咗有豆腐花之外，仲有賣豆漿👀 我同條佬各自一人要一碗凍豆腐花，降吓温消暑😛❤️ 凍豆腐花 $15豆腐花夠凍夠透心涼呀！🧊 可惜豆香一般，質感唔係滑(之前去行山食過更滑嘅)，佢偏向軟綿同易散開，近睇可以見到啲顆粒，食落都係鬆散🙈 呢度無黃糖，只有糖漿。糖漿帶少少薑味，如果薑味再濃啲就更加好，糖漿甜度都幾高，食到最後覺得太甜😅 餐廳推薦度：⭐️✨ (1.5/5)嚟呢度都係想食碗豆腐花補充體力，可惜味道不似預期，同埋呢度真係太多蚊🦟 坐咗一陣已經被咬咗六啖🐒

建興亞婆豆腐花位於南丫島。最近的路程是由榕樹灣碼頭出發，向著洪聖爺灣泳灘行，就會途經店鋪。店鋪裝潢簡樸，由尼龍布、鐵架等物料搭建而成，幾張長桌和膠櫈。 雖然沒有華麗既裝潢，但行山後，有一遮蔭地方，再來一碗凍豆腐花，特別解熱。當然亦有遊客幕名而來，就好似去長洲去食大魚蛋一樣的心態。 枱上只有一樽姜汁糖醬，並沒有紅糖。 熱豆腐花比較光滑，較有豆香味，比較像在超市買到豆腐花。 凍豆腐花質感好獨特，並不是所有人都喜歡。外表和熱豆腐花沒有分別，但食到一粒粒豆渣，就好似軟滑表面有些沙冰。雖然不是最出色豆腐花店，但在熱辣辣天氣下，有碗凍食已感到開心。

啲豆腐花有糯味，啲豆漿又係奶白色嘅水，豆腐花無豆味豆漿冇豆味。難食到嘔電🤮。仲要一碗買$16。咁嘅價錢買到啲咁難食嘅嘢，我喺出面舖頭買10蚊好去10倍啊！服務態度又差，俾錢嘅時候要叫咗佢好大聲先肯過嚟。我返到屋企就即刻嘔。

期望越大失望越大😕📍建興亞婆豆腐花 (南丫島)- 南丫島榕樹灣大灣肚1號💰$13嚟南丫島之前見大家話呢間豆腐花係必食，即刻bookmark咗，去完沙灘見到就坐低坐俾錢食，同朋友一人一碗豆腐花，大家食完一啖即刻對望，感覺中伏，味道好淡，口感比較粗糙，食落去有一粒粒渣嘅感覺，唔啱我口味，價錢亦都唔平，都要13蚊一碗㗎，豆腐花來講都算貴價，今次真係期望越大失望越大，建議大家千祈唔好有期望😂😂！！！

來到南丫島行山，行到一半指定要食的阿婆豆腐花，本來天氣寒冷，一行五人都想吃熱的豆腐花，但可惜今日只有凍豆腐花，沒有熱的，而且很不幸地是鍋底的豆腐花，所以不是一片一片的豆腐花，而是散了的豆腐花，賣相不佳。雖然豆味仍然好香濃，但很重燒焦味或燶味，好彩放在枱上的薑糖漿很有效地遮掩了燶味的缺點，不過和我十多年前第一次吃的香濃豆味水準差得太遠，而且也貴了很多，現在要成$14一碗了，不太化算了。評分：5/10

會食呢間豆腐花都應該係為左滿足旅遊checkpoint，即係去長州要食大魚蛋，黎南丫島就要食亞婆豆腐咁。不過記得最多食一次就好，因為呢間豆腐花係完全唔好食-.-，睇住佢"不"豆腐花剷兩三下就剷上碗，d豆腐花係好“鞋”，而價錢係唔平。而佢既衛生情況可以想像係有幾差，食完d碗放係大桶入面，沖一沖就再用了，出街食都預左係咁但唔好擺晒出黎俾人見到丫ma,當然呢d風味或者有人會識得欣賞。

出發去行山之前，當然要補充下體力啦🤗由榕樹灣碼頭⛵️行去搵「亞婆👵🏻」，大約十分鐘腳程啦👣(假設中途無行下停下睇野🤣)​————————————————​👌🏻豆腐花($14)豆腐花清清地，有一陣好raw嘅味，想要甜味嘅就加d糖水啦👌🏻豆漿($16枝)豆漿少少甜，可以買返枝黎行山口渴果陣飲💬喺呢d地方價錢就當然要返咁上下，當係支持下阿婆啦🤣————————————————​📍 建興亞婆豆腐花: 南丫島榕樹灣大灣肚1號

山長水遠去到南丫島⛴，上網睇下有咩係必食，每個page都介紹「建興亞婆豆腐花」。搵勻榕樹灣大街都唔見有👀，原來係榕樹灣去索罟灣嘅路上，經過一啲小舖頭同埋村屋，行大概10分鐘左右就會睇到樹蔭下嘅豆腐花店🌳，一檯一櫈都好有鄉村風味。店前𢳂緊豆腐花嘅就應該係傳說中嘅「阿婆」👵🏻，雖然佢聽力唔太好，但好有親和力又勤力，手腳都好靈活。小島風情怡人🌿，食飽有力行山啦！————————————————👅凍豆腐花（$14）👍🏻呢碗有少少顆粒但都算滑，唔似盒裝豆腐花滑到無質感，係非常原始嘅味道🛖。糖水用大水壺裝住，婆婆𢳂好豆腐花會每碗淋一圈，甜中帶有少許薑味👅凍豆漿（$16/支）👍🏻 豆腐花加左糖漿會甜啲，所以豆漿要食豆腐花前飲先夠甜🈶，不過都夠豆味———————————————— 🚩總結：南丫島必訪豆腐花店———————————————— 🌟注意：上網睇話售完即止，唔知真定假呢————————————————📍 建興亞婆豆腐花地址︰南丫島榕樹灣大灣肚1號.

每次去親南丫島嘅指定動作好似變咗一種集體回憶每次來都見到婆婆好勤力咁做嘢一路食住豆腐花 甜甜地既豆味夏天嘅一碗凍豆腐花食完之後可以精神爽利翻啲唔知幾時會有豆腐花味嘅雪糕呢 😂

復活節假期入到去南丫島，我哋從榕樹灣開始行，都見到幾間豆腐花店，而呢間建興阿婆豆花就係必食店。行吓山滿心期待坐喺小店食一碗冰涼透心嘅豆腐花，享受一下小店情懷。我哋點左一個凍同埋一個熱豆腐花。不過原來呢度嘅豆花只有糖水提供，並沒有黃糖。托盤濕濕立立，沒有擦乾，感覺不衛生，豆腐花賣相並沒有很討好，兩碗質地同樣非常鬆散，每一口食落都是起沙的，同埋有渣，食落質感非常鞋口，完全並沒有豆味，沒有清甜，沒有香滑。熱個碗亦有少少燶味，味道和品質真的有點劣。阿婆豆花還是大埔的好吃多了。

似乎去南丫島一定要食豆腐花？同埋睇完真人show電視節目都係mark咗喺To Eat List風力發電站起點距離豆腐花幾近當日見到阿婆喺度價錢$14 其實都唔平架我周圍望 發現唔到黃糖 原來無 只有糖水個人鍾意豆腐花落黃糖🙈🙈唔緊要啦 都有甜味食第一啖 點解咁嘅？咁多粒粒嘅？以為唔好彩𢳂到比較粗糙嘅比我但兩碗都係咁 之後發現原來大家都係咁🙈豆腐花係有豆味 但一啲都唔滑係我食過最唔好食嘅豆腐花😢😢我都係去返亞X食算喇...😢

話說入南丫島好似一定要食豆腐花好似尋日咁講，我地Lunch都專登食少啲諗住食豆腐花做下午茶食完Lunch，影完相，就行10分鐘去到亞婆豆腐花因為行到都熱熱地，想食碗冰凍豆腐花可惜佢無，咁唯有食熱奇怪嘅事就發生，碗豆腐花係暖食到咁上下，下面嗰啲仲凍添呢個溫度黎講，真係好怪，又暖又凍講番豆腐花本身黎到睇到都唔算好滑，有點小失望食落都真係唔滑，有豆渣直頭可以話係起沙有冇人可以話我知你地食嗰陣個質素係點？雖然真係馳名，但真係唔掂山長水遠入到黎，你地會照食嗎？

幾乎每個入南丫島嘅人，經過都會幫襯建興阿婆豆腐花老實講$13一碗真係偏貴，賣相頗倒胃口，加上阿嬸態度極差，真係忍唔住要打呢篇負皮入到去坐低一陣，就被大聲呼喝「要幾多碗呀」答完冇耐仲好惡好冇禮貌咁叫人「自己嚟攞！」，就算叫自己隻狗食野都唔會咁嘅態度，雖然作為食客都唔係大晒，但最基本嘅禮貌都冇，真係唔知係嫌生意太多唔休做，定唔知咩鄉下嘅獨特風格😅😅標榜冰凍豆腐花，但冇凍，只有熱。豆腐花唔滑，好鞋口，滿口豆渣，一啲豆香都冇。個盤濕濕淋淋好嘔心🤮重要只有糖水，冇黃糖😅😅😅 豆腐花冇黃糖真係第一次見，呢碗劣質到咁嘅熱豆渣，食咗2啖都驚會肚痾，廢事要揾廁所，連前面班叔叔同樣受完氣都爆晒粗，唔食走人，就知有幾垃圾👎🏾👎🏾👎🏾