廿一堂

营业中

休息中

星期五收工，梗係要約朋友食晚飯啦，一上西鐵站，就見到呢間丼飯店，自助式餐廳，最正係唔使等位，所以決定食呢間。廿一厚切牛舌丼 $70呢個係我朋友食，我只係偷左一舊牛舌試下，牛舌好厚身，肉身少少淋，有咬口，牛味都夠。鐵板角切和牛配燒魂丼 $88 我點嘅呢個餐，個和牛好重牛味，有咬口，個汁亦做得好濃郁，我連入面嘅洋蔥都有食埋，牛肉粒都叫多，讚👍個飯叫燒魂丼，係似曾相識嘅紫菜燒汁溫泉蛋飯，紫菜有少少淋，但無損美味👍👍小食 芝麻手羽 跟餐加$16好味👍但無驚喜。Total 兩個人食左178蚊，抵，唯一係，張凳唔好坐，向後斜，不過都明嘅。。。。

茄湯唐揚炸雞烏冬雖然湯底有一粒粒蕃茄，但係都嫌蕃茄唔夠酸。烏冬滑溜煙韌，份量都幾多。炸雞都有好多件，但炸粉多過肉，食完覺得好熱氣。碟上有沙律醬可以點，點完酸酸地可以減輕炸雞的油膩感，食起黎更開胃。麵豉湯剩係有海帶，冇豆腐，好似淨咁d野。😟大福外面有椰子碎，味道同外型都同雪米滋差唔多。外皮好薄。好腍，好難先叉起到黎食。唔會好甜，食完主食再食一個就夠曬。玄米茶好香，味唔會澀。成個餐份量好足，建議細食嘅女仔可以一個餐兩份分。價錢要$76，個人覺得貴左少少～🙈如果六十幾蚊應該會更受歡迎～

媽媽表示天氣太熱唔想煮, 又表示未試過這家丼飯! 要先用點餐機買飛, 再自取食物的餐廳, 老人家一般唔會去幫襯, 正好有我在…廿一燒豚丼, 配麵豉湯, 玄米茶, 大福甜品 ($65) ~ 豚丼有點少失望, 肉比之前乾及硬, 幸而味道還不錯! 飯亦夠軟熟, 有米香! 麵豉湯料夠多, 唔太咸! 廿一厚切牛舌丼, 配麵豉湯, 忌廉梳打, 大福甜品 ($70) ~ 牛舌切得好厚, 份量亦多, 無筋不會靱, 軟軟的味道很好! 醬汁亦不會過咸, 送飯一流!特別欣賞其紅色的醬菜, 酸酸甜甜的中和油膩感! 大福軟軟綿綿, 不似一般日式甜品那般甜, 好好味啊!

好開心發掘左廿一堂食到好好食嘅鰻魚飯其實成間餐廳最吸引嘅地方就係自助下單,然後好快就有一碗丼飯朋友叫咗個燒豚肉丼，價錢唔貴而且好有日式嘅水準絕對會再食地點亦超方便喺地鐵站出口嘅海之戀商場就有啦

本身經常去中環店，中環店的食物和服務水準都非常好，第一次於荃灣店買外賣，食物和服務水準居然強差人意。牛肉飯：硬得完全咬不開，飯很硬，連最基本的煮飯功夫也未到㗎豬肉飯：豬肉非常鞋，也不夠味外賣執漏了一個大福，回到家發現後打電話給店舖，原本想反映意見，豈知聽電話的員工態度非常惡劣，直接打斷我的說話，說「我們不會補回給你」其實本身我也沒有要求取回，畢竟已經回到家中，但店員態度非常惡劣，完全沒有歉意。在這飲食的寒冬，相信店舖很快被這些員工害死

見另一位試過 話廿一堂抵食 所以今日就去食lunch 去到環境都幾闊落 我地就睇下menu先 都幾多選擇 我想食豬 所以揀了豬丼 而另一位揀了牛丼 再加麻油雞翼 配飲品加一個甜品 之後揀好另一位就去收銀處買 亦可以自己用機落單 叫號碼再出去囉 好自助既 先來了牛丼 我試了少少 牛肉份量都多 而且唔似吉吉家 唔係肥牛 係牛肉 味道唔錯 而我果個是豬丼 豬肉都幾厚身 飯份量都多加埋醃蘿白 酸甜好解膩 好好食 但唔記得加溫泉蛋 無得撈飯 下次要追加 雞翼放了一陣已經唔熱了 所以覺得麻麻 感覺油膩 而甜品好好食 裡面是cream的糯米滋 食完好想再食一件 整體來講好抵食 有下次

從荃灣西鐵站到海之戀商場，相連地鐵的入口便是一間主打日式牛肉／豚肉丼的餐廳-廿一堂。餐廳是以日式裝修，門口是收銀處，要先點餐才進入餐廳。假日下午茶時段，人流不多，不用等位。下午茶時間有午餐和下午茶餐的選擇。我和朋友各點了一份。下午茶 蕃茄濃湯公仔麵炒滑蛋系列配牛肉（配飲品）$30蕃茄湯比較淡，沒有什麼番茄酸味。炒滑蛋算滑，但牛肉片有點乾和硬。整個蕃茄湯麵一般吧！午餐豚肉生薑燒配65度溫泉玉子（配甜品和飲品）$58豚肉味道頗淡，醬汁味道也是。温泉蛋是流心的，但味道也是淡。甜品是大福餅是最伏的， 大福餅外面是黃豆粉，餡是軟忌廉，質地好奇怪，軟patpat，餅皮和忌廉餡勁甜。總結，餐廳環境舒適，價錢合理，但食物一般。

自從某日式大型商店進駐荃灣後，鄰近的商場都開了不少餐廳食店，最近就試了這間燒肉丼店「廿一堂」。🔸 廿一燒豚丼（上）飯面鋪面燒豚肉（目測約有七至八片），中間有些紅薑點綴，豚肉有黑椒調味，很香口，肉片看似略肥，但因為燒的關係，吃落又不覺太油膩。跟餐送的綠茶糯米糍太黏，黏住隻碟仔。🔸 廿一盛燒丼（下）另一碗是牛肉拼雞肉丼，因為最近堂食做半價，所以點了這個。同樣飯面鋪滿肉肉，但牛肉略為乾身，而雞肉就較嫩，燒肉汁頗多，味道亦不錯，撈飯一流。

假日，與家人來到海之戀商場搵食。此店要先下單，後入座的，下單的店員態度良好，即使我再三更改下單內容，他也十分有耐性。我點了A餐，包括有薯餅、厚多士、牛乳炒蛋加配$6鰹魚湯讚岐烏冬，另外飲品用$12升級了抹茶紅豆冰。賣相一流，垂涎三尺。可能是店內的冷氣太強吧，木盤上的食物都已經是冷掉的。厚多士配了牛油，可惜牛油太硬了，牛油不能在多士上抹開，亦未能溶化。我參考了媽媽的食法，把一半炒蛋放上多士，想把牛油溶解，可惜炒蛋不夠熱，「炒蛋多士」入口，牛油仍然是冰冷的。 炒蛋雖然不夠熱，不過還是滑的，亦有奶香味。薯餅方面，是冷的，不過它是脆的，味道不錯。本來對於這個鰹魚湯讚岐烏冬期望不大，不過先呷口湯，竟然夠濃魚湯味。烏冬口感煙韌，不會因為擺放時間太長（我吃得太慢了）而軟掉。抹茶紅豆冰，我覺得略甜，不過抹茶味足夠。而在紅豆方面，即使喝到最後，依然是每一口抹茶裏面都有紅豆。 在環境方面，由於每一枱要相隔1.5米，所以座位方面絕對舒適。光線充足，而且面對海景，美中不足的是冷氣太強勁了，故扣了些少分。總括而言，食物質素良好，不過冷氣太大，令食物難以保溫。 絕對有下次。

整體裝修環境都係好日式快餐Feel，比人感覺都係整潔同乾淨。每個餐都跟一杯野飲＋一個大福，所以價錢對快餐店黎講都中規中矩。但荃灣呢間分店係可以一邊望住個海一邊食，就真係唔係間間快餐店做到～加分加分哦～還有一點，餐廳appreciate 顧客自己將餐盤送去收盤處哦🤗所以大家記得食完自處理啦😃廿一燒牛丼 $55佢既燒牛肉係薄切，一塊一塊約正方形，食一啖係感受到有牛味，仲會有一陣燒肉既味道，雖然眼見到有好多黑椒，但食落唔算好辣。醬汁有少少咸，但因為唔多既關係，配飯一齊食同堆配埋菜甫（酸酸尾尾）都可以中和到。但一碗$55既牛丼黎講，算足料，都可以一啖牛一啖飯，快餐店黎講有驚喜！都叫值得推介～廿一咖喱唐揚炸雞 $66唐揚炸雞應該岩岩炸起，好熱辣辣～舊舊雞都好大件！但偏乾，炸漿屬煙韌個種。咖喱份量好多，完全係可以每一啖飯都有咖喱，但味道就一般、正常，似屋企自己用咖喱磚開。相對牛丼較為普通，但價錢卻貴十蚊。

嗰日朋友介紹話依間幾好味，話嗰度嘅牛同日本差唔多，咁我哋就即管去試，老實講話同日本差唔多我就唔覺😂！但起碼叫做食得落口，都算好味嘅同埋唔會話覺得好硬🤔咬吾到 食完之後就同日本餐廳一樣要放返啲盤去餐廳指定個位置依樣野覺得幾好🥴

係疫情底下，香港人旅行無得去真係叫苦連天，連relex一下既機會都無，就唯有放假去買下日本野，食下日本料理咁啦今日去左荃灣行街街，一心係去Donki尋回日本既味道，點知～勁多人拿拿淋行左個圈就迫返出黎。見到間廿一堂，一間食日式燒丼專門店，仲要即叫即燒，點都要入去試一下我地叫左一個廿一燒牛丼，燒牛就真係有D燶燶地既焦味，相當配上泡菜和一杯忌廉，另一個叫左廿一炭燒鳥丼，雞肉相當嫩滑，又有D燶邊咁，真係食多碗飯都仲得最重要係個《返却口》當每位客人用餐完畢後，都必須像在日本一樣自行執拾好，這點幾好，又可讓港人學識自律和責任總結係如果思鄉的話真係不妨一試，真係止到咳同埋價錢真係好平民化，我們2人用餐都只是$132，相當超值

新例生效前一晚，呢度已經跟正嚟做店員先問客人是否堂食，堂食就先度體溫，然後落完單入鋪㩒張冇卡仔既枱坐。呢樣幾清晰既，見到個厚燒牛舌飯幾吸引，上枱果陣比預期細碗好似某牛肉飯專門店既早，下午茶細飯咁不過牛舌都有4大塊既，的確係厚切。食落去冇乜太大驚喜，而且好韌，好難咬得開。個醬汁撈飯都ok既，但如果收人70蚊碗飯，份量係咪應該增大少少呢？杯汽水都係細杯，百事汽水都冇所謂都唔駛裝咁多冰俾人掛，飲幾啖就飲晒泡菜 辣度不足，偏酸麵豉湯不過不失總結嚟講真係好一般

餐廳位於商場地下層，連接西鐵站出口極為方便，店鋪走日式快餐路線，性價比極高。廿一燒牛丼 ($65) - 牛肉多米質優，套餐連面豉湯，大福/泡菜及飲品，又好味又抵😋鐵板角切和牛配燒魂丼 ($88) - 和牛肉質嫩，醬汁味道濃，配以溫泉蛋紫菜飯，誠意之作👍🏻廿一厚切牛舌丼 ($70) - 牛舌實在太多太厚了，真的以為在跟牛牛接吻，牛舌烹調時間適中，不過熟好咬口，單吃牛舌已飽了 服務員態度非常良好，還會主動替顧客處理托盤，又教顧客如把餐盤放回取口處便可獲得$2現金卷以方便下次使用。現在如消費滿$100更可獲贈搓手液一樽共同抗疫。

已經無幾多間店舖會收遲過 8pm…荃灣 Donki 真係好好行! 血拼前要先醫醫肚, 發現新開的廿一堂, 有我喜愛的豚肉丼, 正! 店面大, 座位寬闊, 日式的裝潢! 安頓後先到店門外點選食物, 再到枱前領取食物, 同快餐店一樣! 當然亦可使用售票機, 不過部機接觸不良, 信用咭機顯示已過數, 但機面無顯示已成功購買及已購買之食品, 好彩後台睇到張單…應該話好彩我都係做呢行, 如果唔係未必會留意到部咭機, 所以都係直接買比較穩陣! 燒豚丼 $65 ~ 包括丼飯, 麵豉湯 及 大福, +4仲有杯檸檬七喜! 鰹魚湯讚岐烏冬配關東煮 $69 ~ 包括麵豉湯 及 大福, +8 有巨峰椰果梳打特飲! 鐵板角切和牛配燒丼 $88 ~ 好有牛肉味, 燒得香香的, 肉質嫩滑, 紫菜及溫泉蛋拌飯, 絶配! 註: 甜品大福, 軟糯幼滑!