弘 CHIRASHI (已結業)

作為一對哈日族情侶，每次出街搵食都主要以日本菜為主～而刺身丼飯當然也是我們超級喜愛的，之前見朋友影左幅好吸晴的刺身丼飯，於是下定決心要跟男友去會一會佢！這間食店就位置灣仔，從時代廣場行過去都係5分鐘左右，位置好易搵！這裡有分午市及晚市時間開放，我地就係午市時段黎啦～你睇下都幾多人架wor～地方唔算大，座位唔算多，不過座位之間都唔會坐得太迫～看過Menu之後都係決定叫呢個二人享用的巨型刺身丼飯，直徑有30CM，仲有兩層添～點可以唔試下！落單後，職員先奉上熱茶～等了一會兩層高的享丼丼已經佔據枱面差不多一半，而且上面的食材都擺放得很仔細～原隻松葉蟹當然是整碗丼飯最吸晴的～它們已經將蟹分成多份，方便食用～本身我對蟹沒有太大興趣，對蟹膏更不是喜愛的說，還是第一次吃了那麼多的蟹膏，它的蟹膏好鮮味濃郁，好香濃的蟹味，終於明白點解有人那麼喜歡吃蟹膏吧！而我食蟹最喜歡就係食蟹肉，師傅都預先將殼處理好，所以我地食用起上黎好方便，輕易就將蟹肉剔出來吃～雖然蟹肉不算多，不過蟹的鮮味好出，好鮮甜的蟹肉味，就算唔沾任何醬汁食都味道已經好足夠！除了松葉蟹之外，上面還有不少的切片刺身，色澤鮮明，看得出是食材的新鮮～當

係平凡嘅街道 有着一間為求創新而不斷改變嘅餐廳 弘CHIRASHI在日本料理上破格求變 陸陸續續推出新作品 既神誕丼之後又有一新傑作店內餐具🍴具備日系風格 更令客人有種被日本風包圍既感覺 長就達30cm既享丼丼來頭唔細 外面看似得一層嘅丼 但內裏卻喑藏多一層看不見的蟹膏飯進食享丼丼時務必要先看看 進食程序表 店長提供5步既進食程序 可以作為參考一上菜已經被佢既貌相吸引 正所謂人不可貌相 食物更加唔可以 但係享丼丼卻能內外兼備 係咁豐盛既食物面前既建議進食程序如下：1）比較清淡既 海膽豆腐=淡淡既滑豆腐襯托出 海膽既鮮味2）鹹味開始上升松葉蟹肉玉子燒=玉子燒搭配松葉蟹肉 不但兩種食材味道能夠平衡 三文魚籽既鹹味達到提鮮的作用3）新鮮既刺身=每樣刺身都為我地食蟹腳既前奏4）非常鮮甜既 松葉蟹腳=蟹腳內裡既蟹汁 鮮甜 蟹肉結實店裡面仲附帶 獨特醬汁帶有薑味 為蟹肉提鮮 食到最後有 豐富既蟹膏飯 濃厚既蟹膏 作爲拌飯醬 再配搭碎蛋，蟹籽，蔥，蟹肉 呢個配搭簡直係絕配

呢間店一直放響食店list度，之前話好多人排隊食呢間，諗住等熱潮過左先黎食，見到openrice 有得book 枱咁方便，終於上星期五試左。當晚7pm 入座，入面都未坐滿人，出面都未見有人等位。食物賣相吸引，味道ok，食材新鮮，價錢係貴左d, 至於二段丼份量，以本人平時唔食飯嘅人黎講大左d, 好勉強先至食得完。男生應該足夠的！

男友與我同樣熱愛日本料理，閒時約會都以四處覓食為主，早前在IG看見洗版的巨形丼飯已無比心動，今天的目標就是它啦！弘Chirashi位於灣仔道221A地下，剛好在灣仔站與銅鑼灣站的中間，不論哪邊都有點小遠，但這無損我的熱情~~(好像一把火~)！步行十數分鐘終於找到店面，店外已有不少人等候入錯，幸好有事先訂位，再等十多分鐘便被安排入座了，期間看看餐牌介紹，正好可以選定要吃甚麼。單看海報已經超吸引的享丼丼，二人分量$488的價錢是有點壕氣，但看那30cm巨丼、內容豐富還分成上下兩層的分量，不得不試！桌上已備有等會兒開餐用的工具，那個小叉形狀的東東就是挖蟹腳用的~！滿滿的享丼丼上桌囉~~店內幾乎每桌都是點這一款呢！上桌時店員還會簡單說明各種食材的進食順序，很貼心！第一口先吃掉海膽豆腐，清新滑豆腐對上濃香海膽，配搭和諧。再來將綴著魚子的松葉蟹肉和玉子燒一起吃掉，口中儘是玉子的甜與松葉蟹肉的鮮。旁邊的數款新鮮刺身，色澤誘人，肥美三文魚鮨味甘香，帶子刺身滑溜鮮甜！進攻松葉蟹的時候到了，可以先吃蟹腳再吃蟹身，最濃味的蟹膏殿後。個人喜歡將蟹肉全拆下來再慢慢吃，運用銀色叉子來將蟹肉剔出更方便。白嫩嫩的蟹肉

知道弘開業一段時間，但一直都book唔到，直到最近openrice新增訂位功能，終於喺聖誕前夕試到。餐廳空間不大，全場大概有1X 張枱左右，枱與枱之間都幾近，想傾密計或許不適合。是日樓面只有2人，忙到都唔好意思叫佢地，不過員工尚算有禮貌嘅，值得一讚。食物方面，魚生飯配搭十分多，花多眼亂，今次試左呢個享"井井", menu相片同實物一樣吸引，魚生新鮮，分量足夠2人食，頂層是魚生及原隻松葉蟹，下層是飯，但此飯的精粹是它混合蟹糕，超鮮味，如果想試茶漬飯，可以跟員工講，佢地會給你一壺茶，個人提議可以兩樣都試，兩個食法各有特色。小食款色唔算多，價錢尚算合理，當中我點了芝麻醬蕃茄，蕃茄size比正常大，味道清甜，很開胃。

朋友話帶我去食好西，見到店仔細細，外面排左幾個人，心諗好彩有book位，點知。。。我地2位要坐廁所門口，我個面即係變左色，最後梗係要求換位啦！好啦，換左位就order啦！講真咁嘅價錢食咁嘅質素，我唔服，一個字。。。好差 bad 😣全部魚生都好唔新鮮，果pat海膽仲要係苦嘅，估到係咩嗎？煙肉厚切 ? 😣 大佬，咩料啊！有冇諗過客人食完抱住咩心情離開呢? 我係勁失望囉 （泣）另外叫左個有龍蝦嘅丼，龍蝦肉入得列口嘅，唔難食，除非好唔新鮮，否則白烚好難整到唔好食囉。下面果層我已經唔想食了，第一我唔太喜愛蔥吞拿魚，第二我已經冇哂胃口。呢個又咩玩法呢？ 食剩。。。廚餘 ??? 😣 俾心機整好唔好啊！咁樣都擺得上檯我真係冇野好講 （怒）

今天第一次朋友帶到這食店，裝修普通還可以，店員隨著拿餐牌給我，一看每款都想食好吸引，特別顯示「享井井」另我食指大動賣相十分靚好新鮮，再加上下層蟹羔飯足夠兩個人份量，值得再回味

日式丼飯通常都係牛肉豬肉雞肉或魚生之類, 原隻龍蝦真係第一次聽聞, 去開灣仔就去拜訪一下.是次目標係龍蝦二段丼, 二段意思原來係分開上下兩層, 上層有龍蝦頭, 兩隻大蚶, 應該係波士頓龍蝦, 因為真係好多肉. 龍蝦身拆肉, 部分放喺面淨食, 部分加飯同炒釀回龍蝦身. 另外龍蝦頭會拎入廚房滾湯. 下層為香蔥吞拿魚蓉飯、雜錦角切魚生飯同溫泉蛋. 材料十分豐富, 又一次過可以滿足食龍蝦同魚生願望.當差不多食完上層時, 侍應主動拎龍蝦頭入廚房滾湯, 再出番嚟時已煮成龍蝦頭大蔥麵豉湯, 個湯好大碗好鮮味, 飲完好滿足.

難得見到香港有這樣吸引的丼，滿心歡喜地來到了位於灣仔的「弘」～星期六的夜晚8時左右到達，客人並不多，只坐滿店內一半的人數～其實店鋪不算大，坐位也不多，但都有分吧檯同Order檯，就是不太喜歡天花板上的高溫射燈⋯燈力太強，熱力令人感郁悶～侍應頗細心有禮貌，但只限某個⋯滿心歡喜翻了翻menu，點了一個「二段丼」$288及一客赤蝦刺身$48～先來一小碗跟餐的麵豉湯，味道⋯咸了點⋯噔噔～再來就是赤蝦刺身，眼見真的好大隻，感覺很肥美吧～蝦身有手指公般粗大！而且重量也真的不輕喔，心想：這下真賺了！首先將蝦頭與蝦身分離，當然是用扯的方式最快捷～一扯⋯真有點兒嘔心，有點兒童不宜的感覺，因為蝦頭內的液狀體瀉到碗中，蝦身亦被沾污了，但也不礙事吧！好吃便行了啦～誰知⋯超腥！腥的程度有點臭⋯勉強將蝦身吃下去⋯無奈蝦頭的腥液已彻底將蝦身毀滅！！真係好狠腥！想起都有點作吐感！蝦肉亦不見得鮮甜，沒有粘口的膠原口感。拜託！師傅真的不要再這麼大的膽子了！明知赤蝦不夠新鮮，便不要原隻上碟，可將蝦頭額外處理後再上碟，或不要蝦頭罷了，因為欠奉新鮮的蝦頭真的要不得！超噁心！再看看個二段丼，賣相的確不錯，當然實物不及圖片震撼了。

我同朋友公司的位置相隔3條街佢係灣仔我係銅鑼灣 , 放工約飯聚當然要近大家啦.之前係OPEN RICE 睇過其他人的食評我倆一直都好想試下 訂左枱都好多人係門口等果然人氣高.環境就一般我同朋友都坐到廚房門口而且要搭枱不過依個係香港的土地問題只要食物質素高係絕對無問題的 ~朋友生日當然要食好d啦….叫左個龍蝦二段丼, 龍蝦拆肉再同飯釀返個殼方便又好味之後用個龍蝦頭整個湯都好好味大滿足. 下面的雖然只係粒粒刺身但都好新鮮好甜. 其他食物水準都中上唯那個燒茄子過火了有點焦乾所以苦.

對店門口收銀和安排位置的小弟的服務態度太失望。12.23日在openrice上預約的時間是下午六點半，擔心食店人太多便六點就到了，一進店有點失望對用餐環境，好普通的店啊，只有兩個人在用餐，空了好多座位，可是店小弟居然安排我坐在那兩人旁邊，我想換位置就一直告訴我說不可以，不可以，不可以。說其他客人已經訂位了。我心想可能是這樣吧。結果呢，在七點不到的時間來了位先生帶著兩個小朋友，人家沒有定位也安排了其他位置。氣死人。後來結帳時我告訴了那位看門處的小弟，我說我很不滿意，他說隨便你囉。食材沒有驚艷處好普通。差評，

Via openrice I searched this restaurant for lunch, and I had a lobster Don (around HKD 3XX), I was feeling so strange that they put the tuna and salmon with salad source. From my understanding, restaurant may do so if their supply was not fresh enough. After 30 minutes I started having the symptoms of food poisoning,  and on antibiotic for the Christmas. Seriously, I do not recommend this restaurant and I hope others will be alerted as well.

其實係咁，之前睇食評好似幾好所以就試下依間。我地叫左一個$188弘丼和其他燒物。首先黎個弘丼先，一黎就知中左伏，餐牌幅相仲大過實物，實物碗野比實際係細碗，感覺好似與事實不乎，裡面刺身就過得去。另外我想講的就係service, 無論叫侍應加水和添加兩隻碗都催左二次。依間餐廳我覺得有點過譽，收得咁的價錢，我覺得外面仲有好多選擇。

早前聽人講灣仔有間日本食店個二段丼和巨丼好勁，今晚就嚟試下。門外大大張POSTER，好吸引隔離檯6個人叫了好多款式，但我得兩個人所以無可能好似佢地咁叫咁多款(真係好吸睛)  攪到心大心細咗好耐拎唔定主意要邊D好.連木匙也刻有店名最後........... 揀咗最巨果個..... 個碗直徑有30CM長, 等於一把長尺  好欣賞日本料理店用既WASABI係新鮮磨成賣相極吸引，每一檯也必然相機食先，我當然一樣有成隻蟹，仲有其他不同刺身，大飽眼福!   處理這個巨丼真係頗花氣力，要花點時間處理隻蟹  三文魚籽蟹肉玉子 海膽豆腐   吃罷頂層既刺身後，揭開竹板，碗內還有蟹膏、蝦籽、玉子飯 食法有多種，我地懶懶地，只係將蟹膏攪勻就咁食 大大碗超滿足 

弘 壽司丼開到成行成市，先後有築地，豐州水產等 前者看到評語參差不齊，後者則每天都人山人海 小妹最怕便是排隊了 知道弘評價一直都不錯，而且可以預先訂位 難得跟媽媽撐枱腳，便一於訂枱試試 中午一點來到，餐廳已經差不多坐滿 餐廳不算很大的，座位與座位相隔不多 所以坐滿了應該會有點擁擠 壽司丼選擇頗多 有魚生，有龍蝦，有蟹等 怕兩碗飯太飽 所以最後點了一碗弘丼六本木 一客牛舌和一客豬頸肉 弘丼 六本木 壽司丼賣相100分，與照片相符 份量不算大但份量卻非常足， 有三文魚、油甘魚、藍鰭吞拿魚赤身、藍鰭吞拿魚大腩、 蟹鉗還有帶子，海膽，三文魚籽舖面 材料十分豐富，而且頗新鮮 吞拿魚腩肥美口感豐潤 海膽甘香味濃、三文魚油甘魚肥美味濃 整體不錯 牛舌 牛舌厚度適中 有咬口且肉質鮮嫩 好食 豬頸肉 38塊來說這個份量 是幾抵食 豬頸肉肥瘦適中 肉切得好薄但又不失口感 撒上的七味粉的豬頸肉增添風味 總捨而言 壽司丼還是不錯的可以訂枱不用排隊可以一試