弘 CHIRASHI (已結業)

今日約埋女朋友去食下日本菜，聽到佢話想食下海膽同蟹，於是就帶左佢去位置於灣仔既弘。店內環境算坐得舒適，座位寬闊，而且可以望住師傅炮製刺身料理特別有feel。今次我地叫左一個享丼丼 (二人份)，入面有好多唔同食材，食既次序其實都有考䆓，先由較清新既海膽豆腐開始，海膽好鮮甜又新鮮，配上豆腐口感不俗。第二樣食既就係松葉蟹肉玉子燒，玉子上寫左店家既名幾得意，配上新鮮既松葉蟹肉和三文魚子層次好豐富。之後再開始食刺身，有三文魚、八爪魚、油甘魚和帶子，好鮮美而且油脂分佈平均，唔會食到有渣。完成刺身後可以開始食松葉蟹，先食蟹腳，再到蟹甘最後蟹蓋。師傅一早已經卜開哂d殼，所以食落都好方便。松葉蟹腳勁鮮甜，而且啖啖肉，蟹蓋夠多膏。食哂以上既料理後，下面其實仲有一層蟹飯，對於兩個人份量剛剛好。蟹飯入面仲有蟹籽，蛋絲同埋蟹膏，如果剛剛有食剩蟹肉將佢混埋個飯食一流，味道好濃郁，食完絕對想encore.

每逢星期三我都會去練歌，無錯我是一個女高音。由小學到現在參加大大小小表演及比賽，校際音樂節個類型的，我深信有了音樂才能豐富一生。再次來到星期三，我常常覺得有「時差」一樣，因為真的很趕急吧！時差、晨差秒針的一小分岔，我都捉緊得很準確。 灣仔區是星期三必到地，日本菜又勝價高我相信是近期爆熱「丼」。在灣仔道的一間小店「弘」已經吸引著我，單字的店名永遠都給我一種神秘感。 整店滿帶日本料理的全新感覺，整個餐牌全部被「丼」的覆蓋真係教人如何不選呢？但是眼闊肚窄的我，我選擇一個細份量比較好；因為還要練歌吃少點比較適合。 蝦蝦霸霸二段丼 $388 整個龍蝦原隻奉上已經相當吸晴，其實吃龍蝦最麻煩莫過於拆肉吧。此店非常細心地將龍蝦肉拆開了，很容易便可以進食。粒粒龍蝦鮮味十足，還有肥美的蟹鉗真的滋味。 別以為蟹殻沒有用，但這就是驚喜吧！原來之前起肉的龍蝦，再將蝦膏和蝦子伴飯釀入蝦殻內，鹹香的蝦子精瑩通透與鮮味的龍蝦肉大為匹配。 第二層是我最愛的系列之一，溫泉蛋在置中滑溜無比。酸酸甜甜的胡麻醬撈起雜錦刺身與蔥香呑拿魚相當美味。不需要任何芥末及醬油已經帶出鮮味，份量恰到好處而且油脂不高不俗。 最後還有此店的特飲

上次食松葉蟹丼時貼了相上面書呃like，仲引到唔少friends想一齊食，於是今晚又黎食過。八點幾黎到依然要等位，好彩唔係等左好耐。坐低睇睇餐牌，原來無左松葉蟹丼了，朋友勁失望，店員介紹左新出嘅蝦蝦霸霸丼，好似都好正咁，就轉食呢個啦。坐低就送上綠茶兩杯，綠茶粉泡的，茶味不錯。上次食過極丼($178)很正，今次又叫番一樣嘅先。海膽勁鮮甜，蝦好大隻，又爽又甜。另外仲有吞拿魚同鯛魚，勁肥美，食到啖啖魚油。旁邊嘅帶子大大粒，又係勁鮮甜，成碗刺身都係用新鮮料，厚切超正。附送的麵豉湯，沒死咸不錯。朋友的蝦蝦霸霸丼($338)，上枱時果然盡顯霸氣！整隻波士頓龍蝦放入個碗度！！但蟹肉略咸，味道有點意外。蝦頭很多膏！ 蝦尾拆肉炒3飯再讓返入尾，不過冷炒飯實在不是我杯茶，味道一般。驚喜在下層的丼飯中，一半係吞拿魚蓉，一半係蛋混刺身，兩邊都勁正，刺身新鮮，加了少許調味醬料，好味到無野講。中間的溫泉蛋亦很正，加一點點豉油，一滑入口，蛋醬黏口散發出陣陣蛋味。總括黎講，下層好味多了。隻龍蝦失望啲，其餘都好好味，不過價錢真的略貴，而且坐得好迫，間中一餐半餐還可接受。

✿╮❤╭✿✿雜感女生 好味日記✿˚*•✰。弘 CHIRASHI．二一如二．二人前。✰•*˚✿✿ 30cm直徑享丼丼的灣仔✿✿❤餓底飯聚❤做嘢要喺大公司，喺行內就會響噹噹，食嘢當然要去夠出名嘅餐廳。不過，要符合以上條件，係有付出少少。人好多，要等，享丼丼，都要等。❤ 享丼丼 ❤呢個享丼丼，成30cm直徑大，除非你係大胃王小林尊，否則二人份量嘅丼飯，明顯係二人前。佢係一個「分層單位」上層係日本松葉蟹、海膽豆腐、玉子燒同刺身海膽豆腐伴蘿蔔蓉:豆腐蘿蔔蓉清淡+濃味海膽=夾三文魚子松葉蟹肉玉子燒:鮮甜蟹肉同三文魚子為玉子燒調味鱆紅魚、油甘魚、三文魚新鮮肥美，帶子清甜，八爪魚鹹香煙靭。蟹膏香濃，蟹肉厚實。拆開蟹腳，厚肉鮮甜。下層係用蟹膏、蟹子、玉子碎、蟹肉同蔥花嘅撈飯。食咗享丼丼嘅我，就係響噹噹嘅我，撈到風山水起。小評：味道：★★★★☆環境：★★★☆☆服務：★★★☆☆衛生：★★★☆☆抵食：★★★☆☆

近來刺身、手卷熱潮再起，平時都少食哩類型作晚餐，今日約左位好耐無見既朋友食飯，佢都幾熱愛於日本菜，所以收工近近地係附近依間日本料理食晚餐，我地19:30去到，入座順利唔洗等店內裝修都以和風格調，亦有開放式刺身吧枱座，我地選擇左二人枱面對面坐，依間店係專門食刺身丼，款式多得黎，款款睇落都幾有份量我地叫左個直徑30cm既享丼丼二人前，可以一齊share食，樣樣都有，可以食哂每款唔同既刺身<<海膽豆腐>> 海膽食落鮮甜同有陣陣豆腐香，唔洗點咬就入口即溶，味道好夾同幾清新<<松葉蟹肉玉子燒>> 食落好香蛋味，面頭有三文魚子同蟹肉，加埋少少蘿蔔蓉一口食，令個鮮味提升左<<三文魚、帶子、油甘魚刺身>> 剌身食落好新鮮，口感嫩滑肥美，唔洗點咬就呑到<<蟹腳、蟹蓋>> 蟹腳每隻都已整開左中間，方便用叉抓黎食，肉質食落爽口，好重蟹味。蟹膏比想像中多，質感軟腍腍，食落好香，凍食都有另一番味道食完主角，輪到底層既飯，面鋪左大份蟹膏，仲有蟹子、玉子碎同蟹肉，先將整個撈埋，撈好可以即食

同男友係銅鑼灣睇完燈飾諗住搭隧巴過九龍食飯但係巴士站附近見到依個餐牌勁吸引所以直接食埋先番九龍餐牌背後有食法教學之所以吸引左入黎就係因為依個享丼丼 $488 （二人份量）單睇外表都其實幾有霸氣因為份量都幾多，30cm長既丼而食法都有分次序次序如下-海膽豆腐海膽好鮮味，口感實在配合清清地既豆腐一齊食感覺好清新-松葉蟹肉玉子燒因為小妹無特別再蘸醬汁所以食到蟹肉同玉子既原味玉子味道唔算濃，無蓋過蟹肉的鮮味跟住開始起動食刺身有八爪魚、三文魚、帶子、間八雖說係二人餐，但刺身唔係一人一件架例如三文魚、間八都有三件三文魚捲成花形，肉質好肥間八比想像中肥美，而且唔係出面食到淡而無味那種食完刺身食蟹腳師父上菜前已將蟹腳的殼整開所以輕輕一整，蟹肉好容易就整到出黎松葉蟹都算大隻，隻隻蟹腳都啖啖肉😋因為蟹身較濃味，所以建議食左蟹腳先食其實本身唔係好識食蟹既見到咁多蟹膏實在忍唔住要食個蟹身好多肉同蟹膏旁邊仲有薑味既醬汁可以蘸唔駛蘸都好好味食晒上層，輪到底層既飯啦上面鋪左勁多既蟹膏係飯上面飯本身有蛋絲同蟹籽旁邊都附有松葉蟹腳同昆布煮既清湯將湯、飯、蟹膏拌勻一齊食真係好好味食完滿足既飯再飲番兩杯清清地既香檳熱情果香

最近在面書上看到別人大盛吃丼，有日忍不住，決意獨訪丼之名店弘，一止丼癮。以小人的食力，豈會止步於單單一客丼？決定先來一客海膽刺身，店方還奉上紫菜，包著海膽同吃，正正就是海洋加海水的感覺，大海無量！享丼丼一上桌時，大堆頭的賣相極之震撼！上層的盛合物有海膽豆腐、蟹肉玉子燒、八爪魚、油甘魚、松葉蟹，最利害的地方是蟹是原隻上的，份量十足，不說還以為是散叫的一盤刺身。至於下層的壽司飯除了青瓜粒及蟹籽之外，原來亦混入了蟹肉，中央更有海膽。小人就喜歡如此的吃，不愛甚麼茶漬泡飯之類，皆因就愛原味是也。上下兩層各自各精彩，完全滿足得到本海膽蟹痴，果真為丼之達人~~

友人介紹位於灣仔:  弘 CHIRASHI 地點原來好容易找，就在利景旁邊，巴士站對開。Lunch hour去，不用等位置。餐牌挺貼心，圖文並茂的列明各款丼的相片我點了個享丼丼$488，中午就該吃好些。巨型賣相頗大，不知從何入手。店員教先從面層吃起豆腐上是蟹膏，一啖咬下去，蟹膏咸香夾雜著清甜的豆腐，很開胃。放了多款刺身，包括帆立貝、北寄貝、八爪魚、三文魚，刺身相當新鮮，帆立貝鮮甜肥美。松葉蟹蟹膏香濃，蟹肉入囗很清新，啖啖肉。蟹腳預先剪開殼，進食很是方便。食完上層，就會見到下層的壽司飯。上面放上一大舊蟹膏還布蟹籽、蟹肉絲、玉子粒將蟹膏同壽司飯撈勻，吃落倍感滋味。

Chirashi is a popular  Japanese don restaurant located on Wan Chai Road between Wan Chai and Causeway Bay. The restaurant is cozy restsaurant serving big bowls of sashimi don and some other Japanese food at the reasonable price. The restaurant is well stocked with a wide range of Japanese rice wine as well as a display of sashimi. Besides, they only use Japanese rice which would be a lot stickier than Chinese/Thai rice. We have ordered a 享丼丼 which is to share among 2 ppl for $488. The don has tw

香港人最愛就係跟貼潮流風, 近期流行日本既大盛丼, 單單係facebook & ig已不停被人洗版..今日同朋友黎到銅鑼灣呢頭, 知道呢度有間出名食二段丼既日本餐廳, 早係一星期前已訂左枱了.. 一直期待既今日終於來臨!!! 😀平日晚飯時間7:30如期到達, 估唔到入面會全場滿座! 真係好誇張!! 😱😱😱原來門面有大大張海報 – 慶祝『弘』一週年! 凡選購指定3款刺身丼, 第2個即可享有半價優惠! 😍原來有個咁吸引既優惠, 唔怪得有咁多人!! 而且入座後都不時有人入黎攞飛等位雖然今日落住雨, 不過黎食既人依然咁多, 個個都係為左一碗吸引既二段丼到來😈雖然第2個半價呢個價錢真係相當令人吸引~~不過優惠既二段丼只有3款選擇, 同好姐妹最後都係叫左個更吸引既［享丼丼］🙈 享丼丼$488🦀 (二人前)足30cm既享丼丼, 一上枱氣勢相當強勁! 😍😍😍享丼丼份開左2層, 上層係刺身, 下層係飯上枱後職員好熱衷向我地簡單介紹內裡既食材, 另外有簡單提及呢個丼食法係有先後次序, 先食海膽, 之後向順時針方向進食, 詳細食法都有寫係menu背面
海膽豆腐, 蟹肉魚子佐玉子, 鱆紅魚, 帶子, 三文魚等

今日朋友知我心情躁底，就話食番個冰涼刺身飯降下火😂加上阿媽又叫我出黎灣仔幫佢去潮洲滷買滷味，所以我又黎灣仔 (全家尋日食完都話好味，食過番尋味，又買lol)講番正題呢碗刺身丼，最近食丼既風潮席捲香港，不論電視或者雜誌都介紹日本丼，朋友話弘係其中一間係香港開設日本丼店既佼佼者，價錢屬於普通價且具備質素，值得我呢個火辣辣既心情去食。平時食三文魚食到悶，今日轉換下口味食海鮮極丼。所有刺身海膽食起黎亳無腥味，只有天然既海水鮮甜味，令人食完又想再食。帆立貝雪白晶瑩，滑溜鮮嫩，藍鯨吞拿魚大腩油花均勻分佈魚腩上，嫩嫩的，入口即溶。油甘魚 透白透亮，食起非常鮮香，赤蝦大隻之餘，口感更爽彈無比。食完成個人真係好滿足，完本嬲爆既我心情都靚番。呢排好hit既松葉蟹二段丼，我地點會唔叫番個食😆見到誘人既「長腿」，真係非常心動，垂涎三尺。朋友唔擅長拆解蟹腳，正當佢苦惱點樣拆殼之際，我地發現蟹殼有一面已經預先剪開，方便朋友呢類唔識剝蟹既食客，想得周到。蟹腳肉質鮮甜，入口有彈性，滋味無比。打開蟹蓋，內有乾坤，原來蓋裡面有蟹膏蟹肉蒸蛋，蟹膏肥美，蟹肉甜香，蒸蛋全冇加入任何調味，全憑松葉蟹鮮蒸出清新味道，食唔停口。打開

位於灣仔的弘，是一間很岀名的丼飯專門店灣仔灣仔道221A地下今天頭頭碰著黑，幾個巴士司機點錯路同一嫁巴士乘坐四次，上上落落，浪費不少車錢後才到達，很不開心不過我相信，黑到最尾是幸運的開始，所以今晚決定吃好一點點和媽媽一同來到，點選二人份量丼飯，一同分享享丼丼$48830CM長 的享丼丼，上檯便佔據半張檯了雖賣相頗大，但內裡份量二人剛好，不用擔心太飽哦餐牌後有教導應如何食用。先吃海膽豆腐，豆腐滑溜，味道較清配以濃鮮海膽，不愛海膽的我，也嚐試到濃厚質感然後到松葉蟹肉玉子燒，玉子燒略不夠濕潤湯汁不多，較為結實有囗感。松葉蟹肉鮮甜，令我更期待那隻大松葉蟹其後到刺身，蟹腳，蟹身。刺身包括:八爪魚，三文魚，帆立貝，間八八爪魚煙靭具彈性，帆立貝厚肉肥美，鮮甜嫩滑，味道極好間八味道較清，肉質結實。三文魚捲成花形，也是肉厚味濃，啖啖滿足蟹腳預先拆殼，方便進食松葉蟹肉非常鮮甜，入囗清新，天然美味，令人感動更可沾上蟹醋，令蟹味更特岀強烈。蟹身帶有微微蟹膏，所以要最後才吃哦最後是澱粉控最期待的蟹膏飯米飯已撒上蟹子，蟹肉，玉子碎等，把蟹膏伴勻，當壽司飯進食已非常美味囗感豐富，蟹子蟹肉清甜，超好吃更可當作茶漬飯進

海鮮丼熱朝未減我們又找了一間專門店嚐鮮二人享丼丼氣勢十足直徑有３０厘米之長先有一大隻松葉蟹蟹身的膏香濃美味蟹腳的肉帶甜有海水味不愛吃凍蟹的你也讚好海膽豆腐也有濃濃海水味刺身尤以油甘魚最出色新鮮味美油脂豐腴下層是飛魚籽蟹肉飯待者送上高湯一倒而下變成了類似茶漬飯的東西夾雜著極濃厚的蟹膏吃是天賜的大美味

這陣子食丼的風氣非常幟熱，我和朋友當然唔執輸去享應下！而且月頭荷包不用勒得太緊，決定和朋友去食個豪氣丼～座落旺中帶靜的灣仔道！午飯時份都要輪候一會才被安排入座！海鮮丼 - 沒有港人常點的三文魚～取而代之有五款時令刺身，賣相擺位望落皆不俗！藍鰭吞拿魚質感厚身，魚油分佈均勻，入口鬆化軟滑！油甘魚新鮮肥美，食落甘香，十分好吃喔！帆立貝新鮮又大大粒，入口味美嫩滑！赤蝦肉質細緻具彈性，味道鮮甜！海膽食落沒有半點腥味，質感味美且帶有天然海水的味道～餐廳頗為貼心周到，設有擺放蟹殼的碗～而蟹殼某一邊已預先代為剪開，對我這些不諳剝蟹的人實在是方便至極！😌北海道松葉蟹二段丼(季節限定) - 嘩！賣相吸睛得來又不失霸氣～蟹腳肉質爽口鮮甜，食落倍感滋味，真的會不知不覺食多左食上癮！翻開蟹蓋後再有另一驚喜！原來是以蟹膏蟹肉及豆腐騰燒出來的蛋，口感純淨而嫩滑！蟹膏肥美充滿著蟹香，蟹肉爽彈而鮮甜～下層重點在「丼」！有蟹肉蟹籽及蔥花等等簡單的材料！與飯粒伴勻後，質感軟硬適中，更為香口味美！而安插在碗邊的松葉蟹腳，內藏蟹膏蟹肉，拌住米飯食更別有一番風味呢！中間圓碗內的帆立貝經過火灸後，味道依舊鮮嫩順滑～三文魚籽水潤飽滿

最近唔知係咪興食丼，面書朋友經常都發丼文，而有得睇無得食既感覺真係 ......其實留意到有好幾間餐廳都係呢期上左位，而且各有特色，越講越想食 ......這些機會終於屬於我的。今晚係銅鑼灣附近搵食，終於可以丼一丼。餐廳其實唔算好大，見到有刺身，壽司等其他食物，不過主角係丼。有好多唔同種類既丼，更加有雙層丼，巨型丼。有大食大，揀左享丼丼 (2人前) $488成個丼好巨大，賣點係有 30cm 咁大，真係成個pizza咁大。當然唔係得個大字，裡面有松葉蟹，三文魚、油甘魚、八爪魚、帶子、鱆紅魚，海膽。餐廳有提供進食教學。海膽豆腐用淡味而滑口既豆腐帶出海膽既鮮味。松葉蟹肉玉子燒玉子燒夠鬆軟，松葉蟹肉鮮甜。三文魚、油甘魚、八爪魚、帶子、鱆紅魚刺身類都算大件，份糧唔算太多，用作為食蟹前既一個過渡，重頭戲係之後既松葉蟹。松葉蟹有齊蟹腳，蟹鉗，蟹蓋同埋蟹身。餐廳在蟹腳折開部份殻，只需要用預先準備既食具已經可以輕鬆食。食既時候不妨試試加入蟹醋，令蟹味提升。松葉蟹既蟹味突出，十分鮮甜。下層既飯可以用嚟做茶漬飯或當壽司飯食。加入松葉蟹清湯，湯用松葉蟹腳、昆布、酒、豉油、冬菇煮煮成，再加入木魚花提味，將湯加入