彩福國宴 (已結業)

<晚飯小菜之選>雖然大埔呢間彩福已經開咗好一段日子，但作為土生土長既大埔人，我地都係第一次黎食野。入到酒樓，新裝修既環境好新淨，好光猛，感覺唔錯。菜牌有好多小菜，燒味，套餐組合。野食方面，我地點咗個片皮鴨二食，因為平時比較少機會食到。燒鴨原隻黎到我地面前，服務員即場將燒鴨皮一片一片地切岀。剩餘嘅就會用來製作涼瓜炆鴨件。片皮鴨配埋醬同京葱捲起一齊食，皮連著一少層鴨肉，非常juicy 又美味。另外比較喜歡嘅菜餚係懷舊金獎叉燒，一向都好鍾意食叉燒，但唔係度度都整得好食。呢度整得幾有水準，香口之餘，肥瘦均勻，醬汁好味又夠多。總體來說，幾款小菜都頗有水準，下次放假又可以同屋企人黎飲下茶，試埋呢度嘅點心睇下係咪都係咁得先🤗🤗

彩福國宴大埔店， 嚟到大埔同朋友一行四人，入到嚟搵到呢間酒樓，早前食過別家分店都唔錯，心思思又再嚟食，要嘅嘢都係差唔多，不過呢個服務同嗰間就有啲唔同啦可能大埔區人流少，服務都好隨便好多。皮鴨一食皮脆肉香，早前食過，忍唔住再叫多次，依然係咁好味，因為冷氣過凍，直到後三幾塊的油膩了。 所以就食唔曬要攞個盒攞走喇!栗子淮山雞煲點送嗰個專食栗子，我都係食得嗰一兩粒，可想然之呢個雞煲，都好受歡迎，啲雞配料都係一樣，冇曬!都係得番啲醬汁。櫻花蝦xo醬花生苗露筍炒蝦鬆呢碟餸本呢真係冇乜問題嘅，問題就出現咗一啲好大條嘅芽菜，皮奀肉厚，雖然咬落都唔算好難食，但係基因改造嘅感覺實係太大喇! 所以食兩食都冇乜特別再食，朋友就食晒佢，我就係食曬其他嘢配料囉，味道都算唔錯嘅!跟住甜品就整咗兩個椰皇燉官燕，同埋一個金箔芝麻卷 。官燕唔講大家都知佢點，椰皇先係我嘅強項，食親呢味嘢，連入面的幼嫩椰肉都括埋嚟食，要食椰肉真係有程序㗎!不過呢個程序我就唔會公開話畀大家知啦!埋單800有找跟住畀埋貼士。

今日同屋企人慶祝生日，我負責訂枱搵食。為咗符合大家口味，最後都係決定搵間酒樓食晚飯。之前經過彩福見到都有好多特色小菜選擇，就揀咗呢間。片皮鴨二食大家見到都話想食，而且可一鴨兩食，都值得一試。第二食我地揀咗用涼瓜炆，都好大碟，又好食。酒香腰蝦蒸蛋有淡淡酒香嘅蒸蛋，幾特別。蒸蛋十分嫩滑！懷舊金獎叉燒燒得好香，特別係少少燶果d位好正，肥瘦肉比例正合我心意啫啫蝦干通菜梗原來真係得梗無葉，第一次食呢個菜式。個汁同蝦干好香好惹味，通菜梗幾爽口。秘製無錫骨煲份量都幾足，酸酸甜甜又啖啖肉，屋企人個個都讚好食！

好朋友月尾快要回加拿大了，便約了歡聚下，食過晚飯就一定啦！由於他住大埔，便去了附近”彩福喜宴”食晚飯了，大埔呢間都算幾寬敞下，環境好光猛，可能是閒日，人客不算太多，我們坐下感覺好舒服自在，又唔嘈吵，朋友話很喜歡食片皮鴨，好幾年無食了，咁就一定要叫啦！最緊要開心吖馬，雖然上星期我在令一間已食過😂😂原來片皮鴨的味力好強呢？片皮鴨(一食)$180隻鴨好肥美，肉汁夠嫩滑，好大隻，朋友食得好開心栗子淮山雞煲$93好多栗子配埋新鮮淮山雞肉又多， 好有鑊氣啊！櫻花蝦xo醬花生苗蘆筍炒蝦酥$88配搭很特別 ，花生苗味道似牙菜 ，好爽口清蒸沙巴龍躉斑$148 侍應生話有1斤2賣相條魚細條咗少少，魚肉很滑新鮮，不過我哋四個人食都啱啱好原個椰皇燉燕窩2個$90之前享另一間分店食過，太好味了，嚟到當然要叫返個食啦！水準都差唔多 。金箔芝麻卷(六件)$18

通常如果同屋企人食飯第一時間都會揀食中菜，因為D地方通常可以容納一大班人食飯，又可以開心share今次揀呢度係因為見啲小菜唔貴，而且環境都舒服好多精選特價小菜有好多兩寶三寶嘅配搭，價錢唔貴又可以試多幾款菜呢個係彩福招牌小炒王蝦乾大大隻，又有帶子、腰果同菜，好抵食燒汁松子繡球珍菌炒花姿柳呢個屋企人鍾意食，因為清清哋又多蔬菜，花姿柳又爽口瑤柱蛋白炒飯呢個又係好健康，因為加咗啲豆角去炒，又有瑤柱味，夠香好好味我最鍾意食呢個片皮鴨，因為有皮有肉夠味道，加埋大蔥紅同青瓜真係好好味開頭以為係片埋出嚟，點知原來推埋隻鴨出嚟即刻切畀我哋食見到隻鴨大大隻唔好嘥，叫咗兩食可以跟涼瓜或者茄子清蒸沙巴龍躉斑佢寫明係一斤二，成條魚好夠肉地，啖啖肉又夠滑要讚下啲樓面姨姨態度好好， 食完又會主動幫我哋收碟

和家人出咗去大埔墟行街，回程時經過寶湖商場見到彩福做緊promotion $148一條沙巴龍躉，再睇下餐牌覺得都啱食,就入去試。今次第一次去彩福食晚飯，入去感覺幾豪華，裝修以紫白色為主，有大量水晶燈令環境夠光猛。坐位坐得舒服，乾淨。片皮鴨(兩食)見到餐牌有我最鐘意食既片皮鴨，當然立即 order啦，隻鴨偏大隻，比平時燒味檔的較大，店員在餐枱旁切片，上菜時大約有20片鴨，配料有青瓜，香葱，甜醬和片皮鴨麵皮,鴨皮燒得夠香口，包上其他配料食有爽口，葱香和多重口感。二食可揀茄子/涼瓜炆鴨件我哋揀了茄子炆，茄子同鴨件都夠入味，鴨件唔會過熟。招牌小炒皇相信廚房師傅先將蝦乾爆香，然後再炒，因為全碟菜都有蝦乾既咸香，送飯一流，帶子和蝦仁都夠新鮮。清蒸沙巴龍躉蒸既火候啱啱好，肉質鮮嫩，味道食到魚既鲜味瑤柱蛋白炒飯呢度嘅圓柱蛋白炒飯用咗豆角嚟炒， 感覺上矜貴d, 炒飯粒粒分明，夠鑊氣。

而家間唔中都會帶媽咪去酒樓食飯，今晚都唔例外，入到去地方都幾大，而且裝修華麗，感覺幾乾淨。🥢虎皮椒腰果牛柳粒 $118牛柳粒分量都幾多，牛柳肉汁豐富，而且虎皮椒同腰果都係我鐘意食既。🥢瑤柱蛋白炒飯 $88平時食開既瑤柱蛋白炒飯，蔬菜都係加入菜心頭粒，而呢度就用上豆角，口感比較脆一點，不過不失。🥄香芋西米焗布甸 $16暖笠笠，唔會太甜，滿是芋蓉餡，老人家都岩食。🥢北菇紅燒豆腐 $77豆腐口感軟嫩但有韌性，連埋個汁食實在太惹味，必叫之選丫。🥢黑糖蒸紅棗糕6件 $30黑糖可以健脾暖胃，紅棗就補血調經，呢個糕最岩女士們食。

去了大埔探朋友，晚飯就安排了在他家附近既彩福，係門口等咗一陣就有位了。叫咗以下菜式。虎皮腰果牛柳粒，非常配夏日繽紛色彩的小菜，顏色鮮艷，維他命C豐富，而且甜甜酸酸，誘發胃口。 海王櫻花蝦炒飯，熱騰騰剛炒出來的炒飯真是誘人!蔥末絕對是炒飯不能少的角色!!!櫻花蝦炒出來的味道和色澤，煸出的蔥油香會讓米飯香氣逼人啊!!!加上香脆營養的櫻花蝦讓整鍋炒飯又更上一層樓啦~招牌小炒王，小炒王（香口之選。飲酒一流）就係要食佢既香口 懷舊既味道（小時候既味道 食過既人就會明白😏）黑糖蒸紅棗糕，雖則自己並太喜歡吃這點心, 但不能吃太多, 這店的經棗糕有紅棗味加埋黑糖既味道令我回味無窮, 煙靱口感非常佳。推介呀！！

約左舊同事聚舊，就選擇大家最近的大埔彩福飲茶，而且我未試過在彩福飲茶~得獎點心又幾知心水，所以都點了好幾個芝心海皇千絲春卷 $35春卷變成一絲絲的包裹著，巧功夫咬開脆鬆不油膩，內裡是濃郁的芝士配清新的香菜、雜菌等，各方面比例剛好，又夠創新。龍皇野菌腸 $32軟滑的腸粉皮包著脆脆春卷，內裡是雜菌，味道、質感幾有層次。旋風黃金流沙包 $32包的賣相幾有趣，但不算太流沙，似普通奶皇包。海皇太子餃 $30賣相似金魚好得意，咬開是皮薄餡多，有爽口蝦肉，美味。叉燒腸 $31蒸腸粉好大碟，比一般的厚好多，不過腸粉皮都好滑，飽肚感十足。豉汁蒸鳳爪 $31每隻鳳爪都好大隻肥美，入味又不鹹，值得encore~~份量多、價錢經濟，二百幾元食得勁飽及有部分要打包，值得推介👍🏻👍🏻

最近好多公司同家族團年飯，今晚想享受下二人世界，但又想有兩口子食團年飯嘅感覺，就黎下酒樓。餐牌好似同Openrice度見到嘅有少少唔同，可能轉左新年餐牌啦，價錢比平時貴dd。我地叫左一個肉類兩個菜。傳菜姐姐好細心，見我一個人坐喺度另一半仲未黎，就幫我用蓋蓋住d餸，怕佢凍左。老公黎到之後，樓面姐姐又即刻好醒目咁過黎幫我地揭起d蓋，每次行過黎仲會同我地傾下計，呢度嘅服務都令人留下幾深刻嘅印象。先黎魚香茄子煲($88)，茄子夠哂淋同入味，加埋肉碎、咸魚同埋少少辣椒，味道岩岩好唔會太油或者太咸，好岩送飯，食到最後一啖我地爭食添，哈哈之後係秘製無錫骨煲($98)，無錫骨原來係類似金沙骨，先炸過再加入芡汁，食落香口得黎唔會太熱氣，底下墊左好多洋蔥，夠淋又好甜，我地都食哂。蒜蓉炒西蘭花($75)，呢個菜清清地通常都唔會唔好食，西蘭花熟嘅程度幾岩我地，唔會太硬太軟。團年飯當然要食埋甜品先完滿，所以我地將食唔哂嘅兩舊骨同幾舊西蘭花拎走左，再叫左兩個甜品。九款入面其實我地樣樣都想食，眼闊肚窄，最後決定揀兩個熱嘅。原個椰皇燉燕窩($45)，溫度控制得唔錯，黎到等左大約十秒就可以食，唔會話熱得好緊要，蛋白層混

之前都有試過彩福其他分店 食物多選擇 服務態度好 性價比高 今次就會起到大埔嘅分店加拿大龍蝦伊麵$250龍蝦爽口彈牙 啖啖肉 龍蝦同埋伊麪嘅份量都係唔少 整整一隻龍蝦 而且伊麵唔會一PAT PAT 清蒸沙巴龍躉斑$148蒸魚技巧控制得宜 火喉剛好 岩岩好熟透 魚肉雪白嫩滑 而且完全沒有什麼魚腥油臭味原個椰皇燉燕窩$45LEE 個甜品好搶手 一定要點菜嘅時候叫職員幫你留先有 而且個價錢真係好抵 上面有一層厚厚既燕窩加上椰皇鮮奶 養生滋補的甜品!! 好好食!

星期日同朋友踩完單車，去到大埔六點幾晚飯時間，見到商場樓上有呢間茶樓，就諗住同朋友踩完單車坐得舒舒服服食個飯傾吓計一坐低有個朋友就話唔可以待薄自己於是就叫咗個上湯龍蝦伊面睇返餐牌佢哋話係加拿大龍蝦，食落都非常厚肉新鮮彈牙因為我同啲朋友都想食健康少少，於是就叫咗兩碟炒菜，份量都唔少，四個人食都嫌太多，而且腐乳味道好香濃，係一流大排檔級數有朋友都想食少少肉結果叫咗椒鹽豆腐加蒜香骨，蒜香方面佢哋真係做得好好，肉香味濃，而且唔會因為炸過而乾身有個女仔朋友食完之後話唔夠飽喎帶咗個椰皇燉燕窩，我食咗一啖燉奶非常香濃，而且燕窩份量都有返咁上下，唔係求其用少少，抵讚了結果四個人食都係每人$200左右，而且坐得比大排檔舒服好多，爽

今晚同媽媽提早做節，兩個人撐枱腳媽媽最鐘意食燒鵝，見近近地寶湖商場原來有間彩福，之前幫襯過其他分店覺得質素唔錯，所以就決定試下呢間有幾張餐牌，選擇都幾多，海鮮、燒味、小菜、甜品都有呢個特價推介每枱1-4位可揀選1款，價錢超抵，所以必定要點環境光猛寬敞，乾淨衛生6點黎到見無咩人，但到差唔多走已經滿曬主角燒鵝$240半隻夠大隻，份量多，啖啖肉唔會骨杉杉媽媽對佢讚不絕口皮薄夠脆，肉質嫩滑，連胸位都唔會鞋口而且非常入味，連骨都充滿鵝香糖醋咕嚕蝦球$50超抵食！以為特價野應該份量少，點知同平時正價一樣有成7、8粒大大隻蝦球蝦球有驚喜！味道酸酸甜甜好開胃，蝦球皮薄唔厚粉，又脆口，掂！褔建炒飯$113味道唔錯，唔會過濕，有冬菇，雞肉，蝦，瑤柱絲整體價錢抵食，幾款餸質素都非常滿意

好耐冇去酒樓食晚飯，聽朋友講彩福晚飯有d特價野食都幾抵，所以今晚見得閒，就同屋企人去食下。我地叫咗3個餸+2個甜品。柚子爽蕎頭京燒豚肉粒 - 呢一個組合好有新鮮感。柚子醬汁絕對係豚肉嘅解膩良朋，我估呢個餸嘅做法類似咕嚕肉，不過轉做柚子味，每粒豚肉都被柚子醬汁包住，肥膏少，肉汁亦都鎖得好好，正呀! 食幾件肉之後，食件蕎頭，咸咸酸酸咁，刺激味蕾，好似趕走咗口入面嘅柚子甜味，感覺幾得意。脆皮南乳雞半隻 - 好油水的雞，不過皮脆肉嫩，沾南乳醬一齊食，非常美味! 其實半隻雞嘅分量都唔少，但我地好快清晒。上湯焗加拿大龍蝦伊麵 - 我見隔離檯有一對公公婆婆都有叫呢個，幾好咁，所以跟風。確係爆抵食之選! 龍蝦好肉地又彈牙，$138咁抵，去邊度搵? 仲要有伊麵底! 香芋西米焗布甸 - 西米焗布甸係面，軟滑嘅芋蓉係底。賣相靚靚，送嚟嘅時候有少少微温，甜度適中，呢個係出乎意料嘅好食，$16都抵wor。楊枝甘露 - 我試咗一啖，覺得呢個比焗布甸甜，但我家嘅楊枝甘露控話啱佢口味。呢餐埋單約$400﹐抵食又好食，下次會再嚟。

人大了，反而喜愛間唔中去酒樓食飯。一來又多選擇，二來又坐得舒服。今日近近地來到寶湖商場內的彩福國宴，潔癖怪表示環境很乾淨光猛，主調用上高貴紫色。最重要侍應們都很友善有禮貌！不用擔心會受氣小菜款式不能盡錄，見到有好多都有優惠，半隻燒鵝皇都只需$128小菜配搭有新意，而且價錢合理到不行我們點了個孖寶C餐，有蒜蓉蒸扇貝及香煎惹味大蝦，兩味海鮮只需$198！抵！扇貝每隻手掌般大，火喉剛好，大隻啖啖肉，肉質鮮甜！撈飯一絕！大蝦則如其名，用上蒜、芹菜、辣椒調味，很惹味蝦肉新鮮，尚算彈牙再來半隻燒鵝皇，半隻都超大碟，出名大食的我都有點嚇到！$128這個份量應該夠4-5人食的！想不到皮的確很脆，鵝肉不會o鞋口，油脂很香！必叫小菜見半隻南乳雞都只是$68，又叫半隻送下飯！首先雞無雪藏味，皮亦夠脆。南乳汁調得不錯，不會太咸。本來見到有很多甜品都想試一下，但實在太飽，還是等下一次吧4個小菜，加兩個白飯茶芥，$500有找！抵