彩福皇宴 (iSQUARE國際廣場)

营业中

休息中

同一班同事去食飯 好耐都冇食過彩福啦所有賣相都好好睇味道都可以 特別係柚子水蜜桃炸蝦初頭睇個配搭好似好奇怪，最後個個食到停唔到口水蜜桃甜味加蝦既鮮味再加少少柚子味唔錯唔錯乳豬唔洗講好好食呀脆卜卜仲好多肉大龍蝦伊麵如果再有芝士就好啦！龍蝦啖啖都係肉 肉質好實！唔會梅左！新鮮既炒珊瑚翠帶子清清地唔會好油帶子我一個人食左三粒因為好大粒口感好好 都係好似啖啖肉咁南非鮑魚好新鮮呀！平時遇到啲咬唔到既鮑魚會好sad好彩佢地整得唔錯！整體好滿意

通關後禮拜六午市，之前打電話問有冇訂枱，職員話冇。Walk in 都預咗要等位，12:40到現場，取飛（6人）見到仲有兩張就到，斷估都係等多半個鐘。點知明明見到有啲6人枱走人，個叫飛都唔跳，但放咗一啲話訂咗枱嘅客入場。火都嚟，問清楚個知客，仲西口西面話訂枱滿咗，所以答你冇得訂枱。咁你唔早響？問佢要等幾耐，佢仲話有好多客訂咗，答唔到。個時我望錶，1:15，佢夠膽放訂咗1:45啲客入去。真係可以當你透明😡。為咗討回公道，唯有質問個知客，係咪當我哋Walk in客死？經過一輪擾嚷，終於要叫經理，成班人先死死氣叫坐咗超過90分鐘客人埋單，放Walk in 客入場。就算有靚景美食，俾呢班倒米職員咁搞，神仙都難救。

星期六同屋企人飲茶。家母最鐘意黎依到食番個燉蛋。佢嘅燉蛋係大大個嘅椰青燉燕窩。蛋白非常之滑，仲有清香嘅椰青味。份量亦都十分大，真係食完一個到飽飽地。另外仲叫左賽螃蟹伊麵，鮑汁鳳爪，鮮竹卷，素粉果。全部都唔錯。特別係鳳爪，個汁真係有濃濃嘅鮑魚味，而唔係蠔油味。七十蚊有十隻鳳爪，仲有冬菇片，唔錯！賽螃蟹伊麵好似平時訓練嘅質素。入面嘅帶子亦都好鮮味。唯一唔好嘅就係服務麻麻地。侍應成日圍爐傾偈。啲枱冇人執。出邊又等晒位。

明明嗌咗雲耳百合炒全齋(內有腰果冇蓮藕)，佢竟然上左另一樣餸(有蓮藕)。同佢講，佢竟然仲喺度死撐🙄，好似我哋唔啱咁…… 2022年最後一日晚餐都比我一個咁差嘅回憶😪

服務方面：之前見其他食評話呢度啲服務態度唔好，不過我同屋企人係10:00一早嚟，冇乜人，所以都感覺係正正常常環境方面：我哋一早就book咗位，同埋要求左要海景位，所以我哋都好滿意個環境！可以望到尖沙咀個景同埋望到維多利亞港，對面中環都望到，都算係幾遼闊🤣🤣🤣食物方面：啲點心都好精緻，尤其是個奶皇包，個賣相都幾特別，有啲黑白扭紋，奶皇流晒出嚟，比住少少點心相你哋睇先其他蝦餃燒賣都正常，好好味😍😍😍最後埋單，人均消費都係100蚊左右，有食到點心同埋食咗一碟炒飯，大家都好飽。喺尖沙咀區有呢個咁舒適嘅環境飲茶，仲要有咁精緻嘅點心，我覺得都好抵食㗎

非常不快的經歷，想不到要一碟 “普通的辣椒油”，都要收費港幣$5。。。 在用餐中要求要一碟辣椒油，係普普通通的辣椒油， 並不是XO醬之類的貴價嘢，但侍應話如果要辣椒油要叫潮州粉果先可有免費辣椒油。結果我們叫了一個六人餐，餐內有6個潮州粉果，再次要求侍應比碟辣椒油，但侍應只配給一碟細細辣油，就算叫部長到來，態度依然惡劣。真想不到一間有規模及價錢中上，位於尖沙咀的酒樓，會咁計較一碟普通的辣椒油。對此，感到非常失望

垃圾食市⋯偷工減料 差燒包冇差燒 只有肥膏, 碟排骨又係⋯只有肥膏伙記服務態度真係衰到貼地 叫佢加水 立即黑面 好似我麻煩到佢 重叫我自己去攞個水壺refill 😵‍💫不知所謂⋯

有“利是”，人一叫職員即衝去，無“利是”，叫極都無人理 （沖水無人理，連基本上菜都要傳菜姐姐做埋）食物一般，份量正常之下雖然$1980，八人餐唔係貴嘢。但連基本服務都無，味道又唔係好好。諗唔到有乜理由再去，為個景？ 尖沙咀大把餐廳有呢個view 啦，仲要唔一定俾到你

呢間彩福皇宴位於isquare 26樓所以有個好靚嘅海景view, 呢個海景當然要提早幾個禮拜request先有啦😜。今次叫咗個名為”超值澳洲龍蝦套餐”四位用$720, 另收茶芥及加一🍽️上湯焗澳洲龍蝦(1.4斤+伊麵底)龍蝦新鮮爽彈多肉, 龍蝦味道比較淡, 伊麵唔算彈牙比較淋身, 芡汁味道適中🍽️燒味拼盤(例牌) -有燒肉, 叉燒, 油雞, 煙鴨胸及海蜇燒肉皮脆; 叉燒蜜味唔濃肉質比較硬; 油雞豉油味都算可以, 肉質嫩滑但雞味唔濃; 煙鴨胸係買返嚟嗰種冇乜特別; 海蜇麻油香味唔濃, 比較淡口; 燒味拼盤完全冇跟醬汁😅, 例如黃芥辣, 醋及薑蓉🍽️腰果翠珊瑚海螺片(例牌)上枱嘅時候感覺唔到有鑊氣, 食落亦然, 珊瑚蚌正常, 海螺片韌口, 比較難咬開, 味道一般🍽️清蒸龍躉斑(1.2斤)龍躉斑蒸得過老🍽️羅漢上素扒菜膽(例牌)正常羅漢上素貨色, 冇咩特別🍮黑糖紅棗糕(四件)Q彈煙韌有口感, 紅棗味濃, 唔算甜另外再叫咗個晚市三大優惠之一的 - 🍽️脆皮乳雞(1隻$150)大大隻炸得香脆, 肉質嫩滑爽彈, 但雞味唔濃散叫甜品🍮金箔芝麻卷(6件$28)芝麻味唔濃但亦唔算太甜, 質地滑溜但唔夠咬口感🍮竹燕

今日飲茶去到 I square 廿六樓拎飛、等咗幾張枱就到但係佢叫你落廿五樓同集團嘅酒樓開枱。⬇️環境真係唔錯、平時應該係做宴會或者婚宴不過係細細個場地 ⋯ 樓底唔算高，但係冷氣抽風唔錯。就算差唔多全場爆都唔覺得侷促！⬇️兩個人叫咗一碟炒鴛鴦米、另外加咗三樣點心，茶位每人$15。鴛鴦米炒得好乾身好多料$98真心覺得好味抵食，仲食剩要打包做晚餐！⬇️鮑魚燒賣$35三粒大大粒一啖一小鮑魚、新鮮熱辣。⬇️千絲春卷$33脆卜卜嗰啲千絲好好味。⬇️最後流沙包新鮮蒸出嚟$30真係流沙要小心食。⬇️加一埋單$251、起碼唔會逼你食一碟花生酸菜。環境好坐得舒服，炒粉麵真係抵食好味記得要叫！

放假去飲茶，第一次嚟iSquare彩福飲茶，環境闊落坐得好鬆動，景觀開揚光猛，有維港靚景睇😍 員工都好親切有禮啱啱好4個人，點咗個午市4人餐。揀咗燒味拼盤，有燒腩仔，叉燒同豆腐。燒腩仔塊皮卜卜脆👍🏽 叉燒肥瘦適中好好食😋 豆腐都唔錯另外仲有其他點心，有叉燒腸粉、蝦餃、燒賣、粉果同叉燒包。蝦餃上方有粒小帶子，幾有新意粉麵可選瑤柱蛋白炒飯或蝦頭油海皇鴛鴦米，揀咗鴛鴦米。有大蝦、帶子、珊瑚蚌，亦有少少紅椒，味道濃郁鮮味，略嫌唔係好夠熱，不過都推介👍🏽

Isquare 地段優越,幾乎間間樓上餐廳也有優美景色,今天和男友到isquare彩福皇宴飲午茶,今天十二點來到不算太人,可能下雨天,記得上星期來要等差不多廿張枱,這裏空間闊落,不在窗邊也能看見中環境色,因此感覺也很舒適。我們點了一個lunch set,很滿意：1. 點心拼盤，保持水準，沒有太大驚喜2. 燒味拼盤,有驚喜,豆腐清香,叉燒半肥瘦適中,入口難忘😋😋😋😋😋3.炒麵好好味,加$5配辣椒油,很香很正4. 椰皇很香很滑,正😋😋😋😋😋5. 拿獎炸蝦，吾記得咩名也很特別6. 鳳爪普通😋整體而言,特色點心值得一試,價錢也值的❤️

娘娘胞姊很喜歡這裏，每次來尖沙咀用餐，大多會光顧這酒家，無他，水準穩定，價錢公道，更重要的是，它一邊大玻璃面向維港，八時，一邊用餐一邊看著“幻彩詠香江”，有外國朋友的話，首選！這晚，人還未齊，但來早的都餓了，所以大家也有點興致，先來個“大壽包” ！ 這壽包不得了，不但餡料飽滿，端出來熱騰騰的，一個西柚那麼大，雖然作為飯前小食可能有點誇張，但我們有幾個人分享，還好。這幾個家常小菜，“脆皮南乳雞”、“菜脯肉碎白飯魚煎蛋”、 “密柚梅子京燒骨” 和 ”西蘭花帶子”，水準如常的好，不錯。這“鹹菜胡椒豬肚鯛魚片煲”一定要評論一下 ... 這個配搭有驚喜，一個潮式、帶胡椒辣的砂鍋菜上，把沒骨刺的魚片剛剛灼熟，也把魚片一般有的腥味壓了下去， 於是把切得薄薄的魚片變得更嫩滑、美味，口感、味道可稱一絕！切記，一定要把湯喝光！

1）交完單，過幾分鐘職員手上拿住幾張單衝出來，問我哋係咪叫這些嘢食，我哋同佢講已經係寫咗枱號，上嗰幾張單唔係我哋落嘅。職員繼續去其他枱問人。2）嚟咗點心唔係我哋既，落錯單，算數照食。3）驚驚地,問男西裝職員（經理？）有啲乜嘢係落咗單。問完行入廚房，出返嚟冇覆過我哋。4）等左一陣，決定問另一個落單嘅女職員。拎張單出來，原來其他的都取消左，只落咗我哋已經食咗嘅。5）既然係咁，就決定賣單。最後個女職員知我地好嬲，其實唔關佢事。個位男西裝職員，見我地嬲嬲嘈緊，立刻擰轉面行相反方向行。6）到賣左單，竟然出現一個，職員一開始話無幫我哋落到單嘅食物。真係好奇怪...到底一開始到中間幫我哋落咗啲咩？呢個場個景係好靚，但係有些職員真係好唔掂。飲餐茶都咁勞氣，曾經諗過婚宴呢度,好彩最後冇拍板揀呢個場。

勁恐怖，食完野去廁所見到遮遮戴住紫色手套去完廁所洗手再用，係米第2層皮膚？佢答我洗乾淨d油再用，吾通成日換咩？佢究竟做咩位？食完先知道好驚囉。落單個侍應問左2次，落紙筆寫低都吾記得，定睇吾明自己寫咩，黎到既食物都係錯咖！！中菜既服務大概咁上下，年輕d既員工可能要招呼壽宴既人啦，員工應該要進步下，或者有個人去督促，Isquare既餐廳吾係咁樣呀？