彩福皇宴 (置富都會)

营业中

休息中

上星期去咗石門彩福飲茶，覺得唔錯所以打算試下他們的晚飯。 不過今次約咗朋友到紅磡這邊, 所以就試一試置富都會入邊的彩福皇宴, 剛剛放工時間, 但發覺平日都好多客人， 似乎名氣都唔錯。 小菜都有好多選擇， 還有很多孖寶和精選菜式， 價錢都經濟實惠。 這條沙巴龍躉蒸得剛剛好，新鮮嫩滑香蒜美極煎海蝦， 好香口惹味連殼都食埋菠蘿生炒骨， 酸甜度剛好份量亦不少，可以再香脆啲就更好。這個芥蘭炒臘味， 我覺得較為肥膩但有些朋友就是喜歡這樣。金箔芝麻卷做甜品，細細條但芝麻味都香濃。

今晚同個內地朋友去了置富都會食過晚飯就乘車回家，本身想同他去食自助餐，但他想吃中餐，又唔想食food court就係咁係openrice內搵到這裡，這裡地方夠晒闊落，門面裝潢華麗，望吓餐牌有套餐或點菜，兩個人套餐內嘅食物又唔係樣樣啱，所以望了餐牌點了半隻脆皮南乳雞$68，雖然話係半隻，但份量十足，而且個雞燒得十分香脆皮，肉質嫩滑軟熟，朋友都讚唔錯！而黑松露秋葵帶子炒滑蛋$86，就係朋友喜歡多一點蔬菜口味，秋葵夾埋炒滑蛋入口更加軟滑，而帶子鮮甜彈牙，加埋啲黑松露味道更加香濃，而杞子濃湯花膠泡勝瓜$79，花膠配埋濃湯入口味道香濃軟滑，勝瓜入口夠晒軟熟，而個人最喜歡就係臘味糯米飯$98，上面放了最愛嘅臘腸片，加埋個糯米飯夠晒味道，飯身軟熟，而材料十足，冬冬地嘅天氣夠晒暖胃！朋友十分滿意這裡，下次再來港時又可以同他到這吃飯了！

記得不要愛得太遲，爹哋話紅磡火車站對面有間酒樓飲茶好正，搵日得閒試吓晚餐！唔想一日拖一日終於的起心肝打電話訂位帶佢去食半肥瘦靚叉燒王。門面裝修確係企理又有派頭，坐得都幾舒服，姐姐服務員有笑容。懷舊金獎叉燒 $118，肥瘦分明，肉質鮮嫩多汁，最緊要就係有豬肉嘅鹹香味，daddy讚口不絕！除咗招牌金獎叉燒，柚子爽蕎頭京燒豚肉粒 $89 亦係不能錯過嘅菜式之一，尤其是喜歡吃肉的朋友。柚子汁酸酸甜甜夠晒開胃，爽蕎頭爽脆多汁，京燒豚肉粒外脆內嫩，鬆軟綿密，比生炒排骨更好食。跟住媽媽又話想食魚，推介菜式裏面有一款剁椒雪裡紅南瓜蒸班球 $128。我平時比較少食魚係因為驚魚骨，但我覺得呢個餸菜好出色，哈哈因為啖啖肉食得好爽！首先媽媽係唔食辣嘅，點知原來雪裡紅就係雪白嘅魚肉上面鋪了艷紅的辣椒，起初都怕辣但其實味道刺激得來一般人都接受到，十分惹味的班球，魚肉鮮甜滋味。開心嘅時刻過得真係快，同屋企人食餐飯傾下近況update下，再食一個我自己覺得超級懷舊嘅金箔芝麻卷 $18，芝麻味香到不得了。每人大概$200埋單，彩福精選小菜確實係經濟實惠，無論以地點、環境同埋食物質素來講都係超值！

前排有朋友生日, 一大班人去左酒樓食中菜一齊慶祝生日. 即實惠又好味, 個個食到頂住個肚腩出門口. 最先大家點左個抵食6人餐, 包括有: 冷盤: 脆皮腩仔 + 青瓜拼海蜇  腩肉的肥瘦比例剛好, 味道亦唔係太鹹, 皮又夠脆, 口感同味道都幾好.  青瓜拼海蜇的醬汁做得幾好, 够香够惹味, 辣度剛剛好. 青瓜清新爽脆, 海蜇够粗, 口感爽口彈牙. 花旗參燉烏雞雞腳瘦肉湯  食飯前先黎一碗足料燉湯, 用左大量瘦肉,雞腳同埋烏雞燉出黎的雞湯香味濃郁, 飲落仲有淡淡的花旗參甘味. 滋潤養顏又可去火, 補而不燥, 好適合而家的天氣. 炸子雞  上枱時已經聞到好香, 顏色又够靚非常吸引. 最重要嘅係外層的雞皮燒得都幾好, 够薄又够香脆. 而裡面的雞肉依然嫩滑多汁, 非常好味! 翡翠扣原隻鮮鮑魚  原隻新鮮鮑魚size 都唔係細咖, 口感彈牙又够鮮味. 清蒸沙巴龍躉  大約有1斤2兩重的蒸沙巴龍躉, 火喉掌握得剛剛好, 魚肉熟得黎唔會過老. 魚肉入口又滑又嫩, 而且因為魚够新鮮, 所以味道都好鮮甜. 濃湯鮮菌浸時菜 櫻花蝦海皇炒飯  炒飯炒得好香又够乾身, 飯粒粒粒分明又唔會過油, 水準唔

平時比較少在紅磡食晚飯，因為自己公司就在紅磡，而平時會約會一起食晚餐的朋友都比較晚放工，所以我都唯有遷就他們在他們工作的地方附近食飯，難得今天朋友比我早收工，就可以叫她來紅磡找我食飯了。這間荼樓我已經吃過無數次，因為位於公司附近，所以公司經常在這聚餐，不過只會在下午時間聚餐，所以我只食過這裡的點心，晚餐的菜式就真的未有嚐過，今天就可以有機會一試了。其實我每次經過這間茶樓都會被其非常有少女味的裝潢所吸引，今天陪我吃飯的朋友都不例外，一來到就讚嘆這粉藍色的門面，這粉藍色為主且有童話氣氛的裝潢真的在中菜館中比較少見，想必有很多人結婚會在此擺酒。而且餐廳內的空間很大，因為閒日晚餐人流不算太多，所以二人都可以被安排到坐四人位，可以非常舒服的享用晚餐了。首先想介紹一下同行朋友是一個不折不扣的海鮮精，所以我們在選菜時都以海鮮為主，餐牌上都有很多海鮮的套餐，所以最後我們就點了一份孖寶E套餐$248，包括了薑蔥炒肉蟹及美極香煎海蝦，再叫了一客燒味叉燒及燒肉雙拼$138和上湯焗開邊海中蝦伊麵底$168。首先薑蔥炒肉蟹已經令我喜出望外，份量比我想像中多，蟹肉非常肥美，而且用了很多薑蔥去煮，醬汁分外鮮甜美味，

近排係畢業季節,諗返起自己N年前既事,忽然覺得有點唏噓! 尋晚係一個相識多年既朋友個女畢業,小妹妹真係由細睇到佢大,估唔到咁快就畢業啦! 朋友話,囡囡想請我地食餐飯!好感動啊!今次朋友囡囡請我地去彩福皇宴食,無它既,同佢係polyu影完畢業相行過去近嘛! 不過好在佢好醒咁book定位咋,原來有婚宴,開得個細廳咋!都等左陣先有位!囡囡拍板話點叫六人餐,再叫我地散叫一d餸黎食! 既然咁有誠意,我地就望下有咩食啦! 8個人可以再叫多幾個餸,見menu有介紹精選小菜好似唔錯! 望落呢度d魚幾唔錯! 所以點左個"剁椒南瓜蒸斑球", 呢個菜好特別啊! 本身剁椒係湘菜,但用黎蒸,好酸好香,聞到都流口水! 估唔到用黎蒸斑球陣味又好夾喎! 斑球好白滑,d魚油滲晒落底下片藍瓜度,索晒d魚味!好好食!至于囡囡媽媽呢,就叫左個"櫻花蝦XO醬花生苗露筍炒蝦鬆"! 哈...個名好長,但做法有d似小炒王! 特別在個花生苗,都係第一次食,頂果粒係生花生,但底既莖好似芽菜咁爽脆。配埋露筍炒蝦鬆真係幾惹味!個蝦鬆唔知點整既呢,口感似魚鬆但好有蝦味!至于個六人餐呢,都好多野架! 前菜有青瓜併海蜇,同我最鐘意既燒腩仔!

難得放孖day ,當然要孝順下媽咪，所以同佢去左飲茶，知道紅磡彩福有一些特色點心，我當然要去試一試佢。一入到去地方好大，我去到咁啱午市時間勁多人，但都唔會覺得地方好窄。點心種類眾多，令我都唔知點揀好，我叫左幾個得獎點心，旋風黃金流沙色，海皇太子餃，試下佢😋😋😋賣相好靚，一口咬落去流沙不停湧出來，奶黃甜度適中，蛋黃味好重，一定要趁熱食。😋😋😋海皇太子餃，皮薄內裏蝦十分新鮮，味道好清新。牛肉球，比起一般酒樓食較有牛肉味，肉質入口即溶。露筍鮮蝦腐皮卷，外層脆卜卜，鮮蝦裏面鮮甜，配埋露筍更有口感。Total 食12碟野買單都係四百幾蚊，物超所值👍🏻👍🏻👍🏻👍🏻👍🏻

今日放假就約咗媽咪去飲茶，就去咗屋企附近間彩福飲過午茶，一來方便，二來媽咪比較喜歡這裏的點心夠新鮮夠特別。每次一踏入門內，佈置非常美麗吸引，好靚呀！未到午市巳經爆晒場，好彩一早叫細佬訂了位✌️所有點心 都是即叫即蒸，點心款式多，每樣都想食，最後點了兩三款得獎點心試下😋原隻鮑魚燒賣皇-得獎真是實至名歸，每粒燒賣已經有原隻大蝦🍤，超爽好彈牙，乾鮑魚細細隻但已經好鮮甜，一句講曬正！黑松露小籠包小籠包皮薄多汁，咬落去上湯即時流出，肉質鮮甜配埋黑松露一流😋😋😋叉燒腸粉-皮薄叉燒不會過肥或過瘦，味道適中。瑤柱蛋白海鮮炒飯-好有鑊氣，熱辣辣香噴噴，帶子同蝦都好鮮甜，加埋芥蘭，口感豐富，爸爸最愛👍👍👍

係紅磡火車站上面嘅置富都會，有food court個層，有一間好明顯裝修好靚既酒樓，一望就覺得好舒服，似係for 擺酒用，見咁靚就入去試下d野食如何先！寶藍色既tone，晚市都唔少人裡面有個大魚缸，好多生猛海鮮，由於老人家唔太好海鮮，所以點小菜多望到呢九味精選小菜，合曬老豆何車，分別叫左4味，第一味花膠濃湯勝瓜呢味鮮得黎清淡，花膠彈牙，聖瓜好清，推介飲埋d湯好鮮甜，有心機加左d紀子，其實我最鐘意食d炸蒜，第二味柚子蕎頭豚肉粒呢味好惹味，有別於甜酸排骨，一般既甜酸骨好多醬汁同酸得唔自然，呢味酸甜得好自然，因爲加蕎頭酸酸甜甜同有柚子既果香，肉質好淋，粉唔多，真心好味第三味同第四味識叫一定係叫孖寶優惠，好彩我望到精選九款小菜張餐牌（右下角有寫），酸菜炆頭腩+南瓜蒸斑球都係$238，比比散叫抵呀！呢碟南瓜蒸斑求沒得輸，鐘意健康菜式既啱食，南瓜好入味，個斑腩好足秤啖啖肉，個皮好Q彈呢個酸菜頭腩賣點唔係啖啖肉，而係頭腩骨既甜味，渣左更加惹味，用埋豆豉爆真係配到好多飯，酸菜唔係普通街市個d得個鹹，而係甜酸，似潮州菜館d前菜，開胃我地最後越食越起勁叫多兩份鴨掌鮑魚（一份$78炸），估唔到10頭既鮑魚都

朋友介紹依間中菜味道唔錯得黎服務同環境都幾好，於是一行4人就黎試一試佢！環境真係相當唔錯！裝修好靚，如果擺酒都係一個好選擇。菜式都相當多，但我只拍了其中一張餐牌😅芹蒜咸酸菜炆斑，味道唔錯，甜甜地芥蘭煲，爽口勝瓜，清清地，老人家食一流！南瓜斑球，南瓜吸曬魚既鮮味，正！柚子豚肉粒亦都相當香口，配飯一流鮑魚鵝掌，味道都相當唔錯！值得一提係小菜既配料都相當足，蒜頭亦相當惹味。服務員手腳動作亦相當快，服務一流！

為了今晚的家庭飯局，母親竟然已有決定，到紅磡的彩福皇宴用膳，原來這個月的15和30號有期間限定的阿拉斯加長腳蟹優惠，她早已預約留座，身為無海鮮不歡的我們當然舉腳贊成。從紅磡站C出口 (即紅磡體育館出口) 步出，已經看見置富都會，有行人天橋直達，進入商場後已經看見酒家招牌掛在顯眼位置，只需上一層扶手電梯，整個過程不用10分鐘，非常方便。酒家裝潢從內到外富麗堂皇，又是一家知名的婚宴及公司聯歡派對的場地，在門外已能感到氣派不凡。一行人安頓後，於餐廳經理的安排下我和母親到水族箱親自挑選帝王蟹。帝王蟹果然名不虛傳，每隻都生猛新鮮大得誇張，由於我們人多，職員熱心幫我們挑選較大隻的，然後我們選了清清蒸方式，食材新鮮清蒸才是皇道。除了帝王蟹，還另外點了5道小菜，今晚我們是準備大快朵頤。*西蘭花油泡大帶子西蘭花不會過生，都很大顆又夠味，帶子口感彈牙，不會過熟，而且帶子份量為數不少，第一道菜已經讓我們很滿意。*燒汁松子繡球珍菌炒花姿柳為酒家9大精選小菜之一。花姿柳粗切，跟松子及繡球珍菌一齊炒非常惹味香口，燒汁不會過咸，跟一杯冰凍啤酒簡直是絕配。*杞子濃湯花膠泡勝瓜也是酒家9大精選小菜之一。花膠份量十足，於

又到家庭樂日子，雖然父母接受能力高，咩菜式都會嚐試，亦喜歡試新野，但始終最愛食中菜，一家人坐埋一張圓枱拎起雙筷夾餃食飯談天說笑最溫馨~位於紅磡既彩福，地鐵站出來過對面商場就到，對九龍人黎講十分方便~打開餐牌，散叫同套餐選擇都好多，今晚唔想用腦，一於就點呢個四人餐，有魚有蝦有雞有燉湯，岩哂我地~原盅豐料燉靚湯足料既湯水燉出來味道一定唔會差，湯頭清甜又滋潤~超級足料，已經可以係一碟餸~美味胡麻脆蝦球蝦肉爽口，外皮香甩，配胡麻醬食夠清新，連埋伴碟既炸菜葉一齊食就更香~脆皮一品燒雞皮脆肉嫩既炸雞，每件都帶有肉汁，不過更喜歡之前食過佢地既南乳炸雞~清蒸沙巴龍躉班肉質彈，都幾大條，唔會過熟~濃湯鮮茄浸菜苗新鮮蔬菜，加少少肉碎，清清地，食完咁多肉食呢個清清味蕾最適合~紅米瑤柱炒飯加左紅米混合白米去炒，健康之餘更有口感，配料只有菜，粟米，蛋白，又少油，清清地父母喜歡~最後仲有甜品，桂花百合紅豆糕作結，呢餐大滿足~

姨甥仔百日宴,作為表姨嘅當然係要出席啦擺十圍,場地闊落,上菜速度快,店員有心幫忙但有某部分店員好似聽唔明我哋講嘢,明明我話要熱水佢就畀茶呀,好搞笑而家紅雞蛋唔洗染色, 包🍓🍓🌽🌽張玻璃紙咩都搞掂慳水慳力! 雞蛋味道冇咩問題,惟子薑比較鹹。乳豬皮脆,味道都係太鹹,點 甜醬就可以中和返翠玉瓜用料,新鮮唔會苦澀!象拔蚌軟硬度亦都適中,唔會難咬開菜單上面都有好多蔬菜菜式,清一清味蕾,無咁油膩節瓜肉厚,入味,但係入面舊 瑤柱 就唔太好食缺乏肉汁炸蝦放邊邊唔會畀沙律整淋,而且冇雪味,非常新鮮沙律冇出水,證明係即叫即整雖然我唔主張食翅,但係菜單上面有,入面唔覺得有好多翅,可能得一兩條鮑汁扣花膠鵝掌!!!❤❤❤好好味 ! 花都大大隻!好入味!好多汁!鵝掌入口即溶忍唔住食多幾隻!炸子雞炸到卜卜脆!!! 唔會好多油, 離遠都聞到陣香味咁大條魚其實好有難度🐟🐟🐟🐟🐟🐟, 一個唔小心啲肉就好"鞋"😭但係唔蒸又怕唔熟 呢條魚有成條前臂咁長💪, 但係無啖肉都滑滑,小朋友連魚眼都食埋👁👁 舐舐脷!個甜品有少少奇怪, 外面綠色嗰層冇咩味道,入面奶黃/芋頭餡好甜!反而紅豆桂花糕,有驚喜邊個諗到呢兩隻味道居然可以拉埋一齊

最近同朋友飯局如果係選擇中式酒家，我似乎已經慣性了去彩福，因為感覺口味適合同餐廳舒適。而今次去到紅磡做嘢都唔例外，去到位於置富都會嘅彩福分店。去過唔同分店發現到原來每間分店都做緊不一樣嘅套餐，今晚我們所點嘅係優惠商務四人餐，包括原盅豐料靓燉湯，滿滿嘅瘦肉同雞腳，除了湯味清甜外，骨膠感亦十分豐富。清蒸沙巴龍蠆班，大約一斤倆兩，唔太大隻，所以肉質較嫩，魚味唔太重，需要以蒸魚豉油同姜葱絲提味。美味胡麻脆蝦球，蝦肉炸得外皮金脆，沾上胡麻醬十分惹味，新穎嘅煮法，不錯。脆皮一品燒雞，同其他分店嘅南乳脆皮雞接近，只是少了南乳沾醬，但配以華鹽也另有風味。濃湯鮮茄浸菜苗，菜肉均衡，食完多度肉食，跟上呢度菜苗正好解膩，鮮茄嘅微酸，更添食慾紅米瑤柱炒飯，紅米當堂感覺上健康啲，但其實都偏油有進步空間。桂花百合紅豆糕，唔太甜桂花淡香，留有餘香

中秋前夕約朋友去飲茶，順便去黃埔逛逛，我們來到置富都會那邊的彩福，聽說點心都不錯！午市都幾多人！招呼不錯點心選擇非常多，這裡還有特獎點心，外型和味道都不常有，很有特色！我們都點了些試！金獎旋風流沙包平時最喜歡吃流沙包，熱騰騰，流沙包好有型，中間有旋風的圖案，包好鬆軟，滿滿的奶黃流沙好甘香！芝心海皇千絲春卷一碟有6件，幼幼又香脆的絲包住春卷，裡面有流心芝士，好香濃，還有爽口蝦肉！好有層次感，想不到中式點心會有芝士這類，有特色！黑松露小籠包小籠包的皮好薄，真的皮薄餡靚，咬開有湯汁，混和黑松露，非常滋味！銀芽肉絲炒麵我最愛的肉絲炒麵，麵做到好脆身，即使有汁在上面也不減麵的香口度，配合軟稔的肉絲，好吃！下次叫多些朋友來，就可以試多些得獎點心！