彩福皇宴 (置富都會)

营业中

休息中

星期日一家大細去食晚飯，最好都係選擇食中菜。我地叫左燉湯、蒸魚、雞、菜、花膠，小朋友都啱食。星期日竟然都有特價套餐，我哋叫咗晚市孖寶呢：半隻燒雞+1條一斤二兩重嘅海斑都只係$268 ，非常抵食。炸子雞外脆內軟滑滑的，蒸魚蒸得時間剛剛好，新鮮、有魚味又夠嫩滑，小朋友食得好開心，亦都食咗好多，媽媽表示非常安慰。烏雞燉老火湯足料，味道濃郁，細佬寶飲咗兩大碗。$198 一大煲 足夠全家6個人飲。 陳皮蒸鮑魚都只係$35 隻，新鮮，入口彈牙相當抵食。👍🏻

平時除左飲宴都好小食酒樓，不過近排成日出街食飯食到唔知食咩好，不如食下酒樓彩福皇宴主打做飲宴，所以落重本裝修啊!見倒外牆係粉藍色，好少女系HAHA當晚仲撞正有婚宴，佈置得好靚!小菜有好多選擇，都有提供唔同人數既套餐。店鋪呢期仲做緊晚市優惠，有好多小菜都做緊特價!首先叫左脆皮南乳雞，個人好中意食脆皮雞，但平時多數都係去飲先會食。今次可以食半隻，正啊!脆皮雞燒得好靘，咬落層皮好脆口，雞肉好滑，就算係雞胸位都完全唔鞋!配埋淡淡鹹香既南乳味，食唔停口!跟住要左個啫啫肉碎蝦乾通菜煲，煲仔菜最重就係一路食一路都係熱辣辣，蝦乾既鮮味提升左全道菜既味道!而肉碎就令道菜口感更豐富，通菜亦好嫩。去酒樓食飯當然唔小得蒸魚，呢個係清蒸沙巴龍躉，雖然做緊特價，但條魚既份量一啲都唔細!蒸魚時間控制得岩岩好，魚肉非常滑漏。以前成日覺得去酒樓食飯好貴，今晚兩個人食到飽都只係400蚊，睇黎第日出街食飯都可以去下酒樓!

送完親戚坐直通車，同老公行過對面彩福皇宴試下有無位， 幾次酒樓不是畀人全包 ， 就是因為有演唱會搵唔到位，今天好彩竟然有位👏👏設計以粉藍為主色， 接待處一片花海， 非常悅目三大優惠，擺放在門口環境寬敞，燈火璀璨優惠菜其實好抵食但另一張菜單都好吸引，終於唔食平，叫了新菜式嘗試黑松露秋葵帶子炒滑蛋估唔到有咁多帶子， 秋葵砌成小塊， 跟帶子和蛋角入口， 潺潺之中又見滑溜， 口感舒服， 再加上松露幽香， 好有特色栗子淮山雞煲上枱已經聞到陣陣香味， 夠火喉，雞新鮮嫩滑， 大大件鮮淮山爽口， 栗子炆到好冧， 又甜又飽肚， 可以當飯食 燒汁松子繡球菌炒花姿柳第一次食繡球菌，個樣似珊瑚蚌，但咀嚼多幾下就食到真菌的獨有味道， 鮮嫩爽脆，配蜜豆花姿柳， 用燒汁煮惹味非常😋😋三蔥黑蒜牛柳粒京蔥厚切完全沒有一些辛辣味， 可能是當造時蔬， 牛柳粒有咬口感 牛味濃郁，必試兩個人叫四個菜， 飯都唔使叫，菜式有水準，下次再試優惠菜😀😀

親戚移居日本難得回來探親，當然帶她吃香港獨有文化「飲茶」！彩福一直是我晚飯List其中一間，今次去嚐嚐中午茶點先！環境舒服位置闊落寬鬆，每份點心價錢合理、份量多、每件大大件，性價比超高。蝦餃皇（推）蝦餃四件大大件又飽滿，皮晶瑩剔透，內里蝦仁🍤大大粒爽口彈牙，咬下濕潤富水份。XO醬石鍋煎腸粉（推）石鍋熱辣辣嚴無虛假，腸粉柔滑有彈性，腸粉每層分明濃度適中，石鍋保證腸粉能一直熱辣辣好味。椒鹽九肚魚（推）店家炸粉薄，九肚魚入口外脆內柔軟嫩滑，肉質晶瑩剔透，魚肉鮮香美味。潮鹵滑豆腐（推）醬汁濃度及稠度剛好，豆腐滑嫩，入口豆香重帶有潮式鹵水味。濃湯浸菜遠菜心口感較細嫩，咬下菜心吸附湯底精華，味道鮮甜極佳。杏片千層糕千層糕份量多，咬下口感鬆軟富空氣感，杏香香濃。鯪魚肉煎釀虎皮椒魚肉飽滿鋪在尖椒上，香甜青脆虎皮椒，無籽的爽甜香口，有籽的香辣，辣而醒神。最後親戚們都讚不了口，說點心款式多味道又好，還說下星期要再去吃午茶，哭笑不得了。

選址來這裡和家人吃團年飯的原因是有親戚住得比較遠，在紅磡火車站附近吃較方便，加上之前吃過一兩次，覺得水準也不錯，所以雖然只有八點的檯，亦照樣訂位。燒鵝半隻。燒鵝比較普通，可能因為已經冷掉了，所以燒鵝皮不夠脆，而且略鹹。菠蘿咕嚕肉。咕嚕肉不夠脆身，還好酸甜味道的調較不錯，不會過酸。南乳粗齋。份量很足，用煲仔上，裏面有冬菇、雪耳、木耳、枝竹、粉絲等，南乳味調校得不錯，不會過份濃味，每種食材都吸收到醬汁。生炒糯米飯。糯米飯是先蒸過，然後再去炒，所以吃的時候比較黏身，亦不夠香。 其實對於這種專門做婚宴的酒樓並沒有什麼期待，食物的水準在預期之中，不是好但也不叫差，唯一值得稱讚的是這裏的侍應很好禮貌，令人印象深刻，埋單的時候我們也主動多給了小費呢。

我d親戚住係呢頭附近 媽媽話要約佢地出來傾下計咁 就幫手睇下邊度有好野食第一時間 唸到酒樓啦 環境舒服 又可以坐得耐d 咁岩俾我搵到間 好方便既正正係紅磡火車站對面 置富廣場 彩福皇宴 門口用上Tiffany blue 既顏色非常之靚入到去坐底好快就有服務員💁準備餐牌亦都好貼心 介紹左好幾款精選小菜及三大優惠等等 ...我大部份菜都已經係呢度點好曬 方便簡單 吾識都可以睇住張圖點 😂紅運燒味拼盤 多汁 有味 食落口 好似係燒味店剛剛斬好既感覺 暖粒粒的金湯淮山茄粒泡時菜淮山爽口配上生菜🥬和翻茄粒 食落口感 清甜 份量亦都吾錯 三蔥黑蒜牛柳粒 牛柳粒 肉嫩 吾韌 香蔥帶出牛肉既香味 我最鐘意既一碟 清蒸沙巴龍躉班平時屋企係整吾到咁香既豉汁味 都係要酒樓先食到果種感覺 必叫最後 、 有份甜品🍮 餐單 睇到好似好好味 坐耐左亦都可以值得一試 😛

新年時有幾位朋友外遊，未能互相見面拜年，難得大家上星期都有空檔，便相約吃晚餐團聚一番，想找一間可以無限時間的食店，只有酒樓比較合適。紅磡區我個人首選是彩福皇宴，第一地點近鐵路站，第二場地寬敞環境華麗坐位舒適，第三當然是食物選擇多而且美味。當晚我們一行四人，大家都想吃多幾款不同的菜式，但怕吃不下浪費食物，所以點了一些份量相對較少的。在一人點一款之下我選了名貴的乳豬件，其餘的都是由朋友揀選，差不多全部都是香脆的款式，幸好有普洱茶消膩。乳豬件 ($160) 一客8件乳豬件排列得整整齊齊，看得出豬皮很脆身。入口果然非常鬆脆，皮下脂肪不厚，所以吃起來不會油膩，乳豬肉又嫩又滑，的確好吃。脆皮燒腩仔 ($65）這裡的燒腩仔的確值得一讚，脆皮得來肉質仍然嫩滑，而且肥瘦適中又淡口，一啖一口好正 !欖菜肉碎蝦干四季豆 ($88）炒得好夠火喉，乾身不油膩，四季豆嫩綠脆口不韌，鮮甜多汁，肉碎也多，調味蠻不錯。芝士焗龍蝦伊麵 （$238，芝士另收$30）這道芝士焗龍蝦用上不同芝士來焗，令芝士汁更濃更香口。加上份量十足的加拿大龍蝦，切件的龍蝦啖啖肉， 豐厚彈牙又鮮甜。伊麵掛滿芝士甚為誘人，不消一會整碟伊麵被吃得一

今天在外面做事情，當完成工作後已差不多晚飯時間到了，我和朋友在附近找了這餐廳吃晚飯，我們到達時間大約七時正，還需要等一下時間才能進駐餐廳，這間餐廳環境很舒適枱與枱之間空間也足夠，當我們坐下來看着餐牌上各式各樣的美食，真的眼花撩亂，跟着我們點了三道菜，第一道菜是薑蔥螃蟹，這個蟹上枱時已有很香的薑蔥味道而這個蟹又新鮮肉質又彈牙真的是好味，第二道菜是虎皮尖椒爆牛肉，這個菜有點火辣的感覺因為牛肉上沾上尖椒的香辣味令到肉質鮮嫩之餘還有少量的香辣，真的很美味無窮，而最後一道菜是蒜蓉粉絲蒸扇貝，這個扇貝上粉絲深透着蒜蓉的香味帶出了扇貝本身的鮮甜的味道而且扇貝本身又肥又大又多汁真的樣人一試難忘，下次我們一定會再來的感恩美食。

同朋友去平時去開的酒樓食飯吹下水，點知有人結婚包左場，就轉左黎哩紅磡哩間彩福皇宴就係紅磡火車站對面既置富商場，幾方便去到裝修都幾靚幾大，食飯婚宴都唔差哩度食晚飯有好多套餐，有半圍，一圍等等，有好多價格、款式選擇另外都有好多推介菜式，好多新花款同配答，出面都少見，最衰小人黎，唔係樣樣都想叫黎到新地方，我通常都會叫個燒味拼盤，因為最簡單既野先試到間野既水準，亦係我最鐘意食，乂燒走肥，咬落唔會有渣，燒肉軟棉棉，層皮脆卜卜，送酒一流姐姐推薦燒雞，就叫左半隻試下啦，又真係掂喎！皮薄肉嫩，皮同肉之間冇肥膏，入曬味，真係要一試黑松露帶子秋葵炒蛋，除左有平時食黑松露炒蛋的享受外，再加上帶子既鮮甜同秋葵既咬口，一絕最後叫左碗姜湯湯圓同楊枝甘露，我覺得真係比起出面d糖水鋪好食好多，正宗好多四月好似搞個龍蝦節，到時再黎試試先

我與同事到紅磡火車站送文件給老闆，因為正在下大雨，我們便連著行人天橋行左去置富都會，諗住行下或食埋晚餐先走。經過8樓，見到彩福皇宴大堂剛好有人結婚擺酒，好熱鬧喔！我突然想到食中菜，就和同事入左另一邊的晚飯廳用膳。酒樓地方很大，座位整潔乾淨。脆旺金南乳雞，3大優惠之一，怎可錯過！金黃色的雞皮脆口，皮薄少脂肪，肉質嫩滑入味，配合特製的南乳汁，使味道更添美味！鮮菌蟹肉干燒伊麵：伊麵軟硬適中，掛上蠔油汁好好味，還加入鮮菌和蟹肉增加口感和鮮味。彩椒菠蘿咕嚕肉：外層脆口，肉質鮮嫩，獻汁調得夠味，每塊咕嚕肉都沾滿濃濃的醬汁，味道酸酸甜甜的很惹味，立即叫碗白飯撈汁食。紅豆桂花糕：紅豆林甜，桂花清香，做成心形，美味又精緻。

看演唱會前自然要吃飯，剛好今日不用加班能準時到達紅磡，用餐時間較長便抱著試試看的心態跟朋友去酒樓吃晚飯。因為有演唱會舉餐廳人挺多，幾乎坐無虛席。因就兩個人，所以想了會就點了2道菜加一個甜點，因每碟份量都不少挺慶幸沒多點不然會吃不下。第一道菜是蠟味炒芥蘭。菜很消甜很鮮，蠟味也不錯，油香爺不膩。很惹味的菜。另外又點了蠟味糯米飯。糯米飯加上糯米，自然是油香四溢，非常香口。飯粒分明，且味足料足，比想像中好吃。最後是甜品，燕窩蒸蛋白，蛋白蒸得很香很嫩滑。椰汁也很很清香解膩。即使飽也忍不住吃清光。以酒家來說質素好服務也不錯。推薦來看演唱會又有時間的人來～

臨近新年到處的中餐館也難以訂座，彩福同是，最終找了幾家分店才能預訂到八時半的時段與家人聚餐。彩福以婚宴裝潢及高性價比作招徠，早已是我收藏名單的其中一員。新年期間的餐牌只有這兩頁，稍有失望，皆因平日菜式選擇蠻豐富，還有多款特惠小菜/海鮮。蒜蓉蒸大元貝 ($138/4隻): 平均$34.5/隻，對比一般酒樓$68/隻已經打了五折，大元貝夠肥美厚肉，蒸煮時間稍長，肉質一般。粉絲及蒜蓉吸入元貝的肉汁，特別香口，此做法從來也是絕配。脆皮南乳雞 ($68/半隻): 此是彩福其中一款最特優推介，紅燒炸子雞配惹味南乳醬，皮脆肉嫩又夠香口，整體偏濃味。(孖寶優惠) 鹵水豬腳仔 + 斑頭腩煲 ($168): 鹵水夠入味，但不會太鹹，肉質夠軟腍而不黏骨。斑頭腩煲 — 魚腩幾乎是整條魚最滑的部位，斑頭腩先炸後炆，外脆內軟，魚肉又夠滑身。

彩福集團有十間八間分店，紅磡店系港鐵上蓋置富都會七樓，夠曬方便。每間分店都有華麗既婚宴裝修，既適合擺酒，又適合一大班人晚宴，性價比又夠高！脆皮南乳雞 (68/半隻): 脆皮雞有非常豐富既雞油，食落好香口惹味，雞皮夠香脆，而肉質亦好滑嫩，南乳醬味道偏重，嗌白飯食就岩曬！薑蔥焗生猛肥肉蟹 (158/約12兩): 先焗後爆香，非常入味，拌飯食一流，隻蟹有成12兩，相當多肉，蟹夠鮮甜，肉質夠實淨，其實自己去街市買肉蟹都成一百蚊隻，所以黎呢到都真系幾抵食。招牌小炒皇 (90): 小炒皇有菜有肉，以韮菜加入蝦球、帶子粒、蝦乾、蔥段、腰果及三色椒下鍋，既有咸香，亦有肉鮮，炒出黎夠曬香口。

難得平日放假就去紅磡火車站就近既置富都會廣場shopping，行到上去見到門口擺設幾骨子既彩福就入去同朋友食晚餐。我哋揀咗幾款餸，四川大蝦球，大蝦球美得很，蝦球的晶瑩剔透，加上蔥同紅椒撈埋一齊，夾著食，令人覺得好幸福到漂漂然的感覺。菠蘿咕嚕肉，咕嚕肉炸得好香口，肉多過骨，個汁甜甜酸酸的，調得幾好，岩我口味，菠蘿，椒等材料同咕嚕肉既份量一樣咁多。北菇紅燒豆腐，是意想不到的美味, 外焦惹味, 內滑嫩口, 配飯吃真的一流. 昨晚試做了, 我一個人把它清得光光。瑤柱蛋白炒飯是一款很受香港人喜歡的炒飯之一,材料簡單但名貴,瑤柱的鮮甜味能帶出這款炒飯更美味!

食咗咁多間酒樓，都係覺得彩福皇宴最抵食，海鮮又多選擇，次次同屋企人食飯，夠媽都係話 諗唔到食咩就食彩福啦！今係彩福點咗個帶子海鮮雜菜煲，真心覺得好好食。見到佢海鮮鋪晒係面，帶子都有成5-6粒，粒粒原飯帶子勁鮮甜；仲帶蝦，脆口有肉感，珊瑚蚌係老豆至愛，佢話好好咬口，差不多全部比佢食晒～～招牌小炒皇都幾有驚喜，佢落咗好多帶子大蝦一齊炒，加埋韭菜，勁有鑊氣喎！瑤柱蛋白炒飯，香氣撲鼻，唔叫白飯叫呢個仲抵，因為白飯都$14一碗，4-5個人都要$80，叫個炒飯仲好啦！我地仲叫咗個孖寶套餐，因為太夜食好多都食唔到，叫咗果皮蒸南非十頭鮑魚同埋客家咸菜蒸龍躉班頭腩，唔洗$300食到晒兩款海鮮，老豆好精明。