彩福皇宴 (置富都會)

营业中

休息中

來到紅磡體育館睇演唱會，當然要食番餐飯先入去狂歡啦，最近既為食地點一定係置富都會行過門面呢間用左非常吸睛既湖水藍佢主色，增加左埋去睇下既意慾牆上面佈滿花花既裝飾絕對係打卡位，適合各位俊男美女呢唔止門口整得靚，內裡裝修都絕不馬虎，而且都座無虛席架龍蝦配上湯伊麵 - $99$88一斤，呢隻重1.2斤，加埋伊麵1百蚊都唔洗，性價比絕對超高，加上龍蝦肉質都新鮮爽甜，所以算係誠意之作清蒸沙巴龍躉1.2斤 - $148黎到酒樓當然要食番條蒸魚啦，條魚夠新鮮，清蒸就可以了，淋上滾油加豉油已經非常鮮甜，配埋絲苗白飯食就更加正竹燕椰汁糕4件 - $20呢款甜品值得稱讚，唔會太甜但椰汁味亦濃，配合竹燕味道互相補足紫醉金迷4件 - $20呢款係紫薯糕，始終係蕃薯所以會比較膩同飽滿有龍蝦有龍躉有甜品，性價比肯定高啦

今晚去睇鄭秀文演唱會，開場之前梗係要搵地方醫肚，唔想同人迫foodcourt，又唔想去啲細舖頭排隊，結果穩穩陣陣，訂定彩福，舒舒服服食返一餐先呢間彩福就喺紅磡站隔離嘅置富都會，以粉藍色做一個主調，格外有一種親切同和藹嘅感覺行入門口就見到呢一幅鮮花牆，顏色鮮艷好搶眼，係中式嘅酒家裏面感受到西式嘅庭園氣派大廳繼續以粉色為主調，配上水晶吊燈，感覺好舒服。而我哋就好好彩，入咗一個廳房裏面食晚餐，好多花嘅佈置因為今日有演唱會，所以只有特別餐牌，更有一個演唱會特惠餐我哋隨便揀咗幾個小菜，幾碟都好好食彩椒菠蘿咕嚕肉（$85）會見咕嚕肉都先經過油泡，所以外層都炸得比較脆口，卜卜趣嘅外層，鎖死咗咕嚕肉嘅肉汁，咬開之後，內裡嘅肉仍然維持鮮嫩腰果西芹花枝珊瑚蚌（$108）呢碟餸鮮味十足，珊瑚蚌嘅爽口鮮甜，配上花枝片嘅滑溜肉質，完全發揮到海鮮應有嘅色香味。顏色紅紅綠綠， 十分鮮艷。偶爾食到一粒爆香了的腰果，勁有咬口燒味拼盤（$138）彩福其中兩樣最出名嘅，就係燒腩仔同埋黑毛豬叉燒，想一次過食晒，就記得要叫呢個燒味拼盤啊。燒腩仔保持一貫嘅鬆化外皮水準，咬落去索索聲，以叉燒肉味香濃，軟硬適中，係半肥瘦义嘅最高境界

今天媽媽生日，一家人來酒樓吃飯。酒樓環境很美，很大，樓底又高，門外是青雅的tiffiny blue, 入了門口還有花花牆，如果擺酒做reception很美。看到有精選小菜，就點了些先點了韭黃菜脯肉鬆帶子炒蛋，蛋很滑，很夠熱，有很多帶子喔！加上菜脯和韭菜，很香，簡單得來很有家的味道👍🏻又點了松子沙汁蜜桃青瓜蝦球，這道餸很特別，蝦球很大，蝦是炸過的，少少脆，最加上上面少少甜的汁，配合得很好，伴碟是青瓜沙律醬還有甜甜的蜜桃，令炸蝦不那麼油膩，很青新，整體配合得很好👍🏻龍蝦和蟹也很好味，整體是很好味的酒樓👍🏻😊

蝦餃皇蝦餃四件每件都大粒飽滿，皮晶瑩剔透不過太薄易破，內里蝦仁爽口彈牙，味道不錯。石鍋珍菌百福豆腐最喜歡彩福的石鍋系列，石鍋熱騰騰上桌，確保鍋里菜品保持熱度，吃到最後也保持口感。豆腐豆香濃郁口感滑嫩，蔥花及菌類等更增添整體香氣及風味。XO醬石鍋煎腸粉另一石鍋系列，腸粉質感彈牙，腸粉每層平均吸附醬汁，軟滑好味。滷水豬腳仔豬仔腳含豐富膠原蛋白，口感柔軟彈牙，滷水入味。脆皮燒雞雞皮超薄香脆沒肥膏，雞肉質柔軟，味道香濃，咬下雞肉香嫩多汁。旋風黃金流沙包流沙包外表呈旋風花紋，上桌時熱辣辣，咬下咸蛋黃流沙似湧出，咸香而美味。鯉魚芒果布甸布甸質感超水潤滑嫩，芒果味香濃夾帶芒果肉。

因為爸爸媽媽都好中意食龍蝦，之前又試左佢地個芝士龍蝦伊麵好出色，所以就帶左佢地嚟試！本身其實見到條龍躉都好吸引好想叫，不過因為我地叫左3隻龍蝦，再去配個芝士伊面底，驚會飽得制，所以就無叫到。龍蝦上嘅時候其實燒唔係好夠燶，但因為我地三個都中意飽燶啲，食落會香啲。所以我地都問左侍應可唔可以叫廚房再燒燶，侍應都話可以，就幫我地整好左，無嫌我地麻煩，服務態度一流呀！再上枱嘅時候就燶咗好多，啱哂我地心水，今次食同上次一樣咁好食，我屋企人都讚不絕口，話無介紹錯，我地食到乾乾淨淨！爸爸仲話想趁住佢仲有個優惠再嚟食過。下次嚟一定會試埋條龍躉！

今日同個好耐冇見嘅朋友敘舊，大家都想坐得舒服又飲下啤酒，見到彩福皇宴啲啤酒咁抵飲環境又靚，所以就去左坐底。因為大家都唔太肚餓，都係志在傾計同飲啤酒，所以我哋就係叫左半隻炸子雞送酒。彩福皇宴上食物嘅速度都好快，叫咗之後等五至六分鐘就已經有得食。隻雞都無令我地失望，好滑，個皮亦都好脆，同時又唔會油。我就中意點佢個豉油食。至於啤酒方面，因為真係好抵飲嘅關係，我哋兩個人傾下飲下最後都飲咗成五六支枝，送住雞飲真係一流。雖然食物試左唔多，但都食得出彩福皇宴嘅餸非常有水準，下次一定會嚟食過正餐是多啲餸！

今日同朋友兩個人去左食彩福皇宴，因為見到佢有個龍蝦嘅優惠推廣，一隻都係88蚊，非常吸引。其實佢呢個龍蝦係可以配伊麵或者其他麵底，但因為我地得兩個人，所以就無加配麵底。  我地叫左一隻龍蝦同一個冬瓜盅。龍蝦嘅整法我哋揀咗用芝士焗，芝士味非常濃郁，同時又唔會蓋過左龍蝦嘅鮮味，龍蝦非常厚肉，肉質好爽口，食得岀係十分新鮮。呢個龍蝦性價比真係超高，下次多啲人嚟食，一定會叫多幾隻同埋試佢個伊麵！  至於冬瓜盅，我地兩個都認為係不過不失，不過食完隻龍蝦再食個冬瓜盅，都覺得個冬瓜好清甜。整體而言，彩福皇宴嘅餐廳環境非常舒服，裝修亦都好新好靚，大家都可以趁佢個優惠推廣仲有嘅時候去試吓。

早果排去過大埔間彩福食晚飯 食物質素真係好好 所以出開紅磡就去紅磡彩福食晚飯 試試係咪彩福出品 必屬佳品 去到紅磡分店第一個感覺係 個場真係好靚好優雅 全場都係我最愛既Tiffany Blue為主調 難怪彩福另一賣點都係做開喜宴租場 唔會比係酒店擺失禮當日嗌左兩款特價小菜+兩款正價小菜蒜蓉蒸龍蝦粉絲底 新鮮鮮甜 肉質夠扎實彈牙爽口 粉絲吸哂d汁超好入口炸子雞 即叫即炸 熱辣辣 皮脆肉嫩啫啫薑蔥蠔煲 用既係大桶蠔 啖啖肉椒絲炒生菜 炒得夠香 生菜入口仲好爽脆兩個人埋單$413 飽飽 滿足!

每一次比賽前，都會約班隊友聚一聚食個晚飯，當然順便傾下計。搵一間餐廳傾計，都有少少學問，要搵一間坐得舒服又靜嘅餐廳係有啲難，而彩福坐得係舒服😌。金裝潮式滷水拼盤，種類有豬耳，鵝翼，雞腎，豬耳好爽脆，鵝翼好入味，雞腎軟硬剛剛好。四川大蝦球，蝦肉好爽口彈牙，一啲都唔梅，酸酸地好醒胃。彩椒菠蘿咕嚕肉，咕嚕肉唔肥，炸得剛剛好。香煎銀雪魚，煎得剛剛好，魚皮煎得好脆口，再加埋個醬，真係冇得頂。啫啫肉碎蝦干通菜煲，好香，啫啫味超正脆皮燒腩仔，個皮好脆，肥瘦度剛剛好。

其實住係紅磡附近咁耐 都未知有呢間水準咁出眾既餐廳比其他普通既酒樓點心好食🉐️多雖然距既位置都隱密下 但食好西係要付出架啦😂😂細細舊既燒腩仔😗😗肥瘦適中 一咬即溶 口感一流 味道更加無🉐️輸😃腸粉同普通既腸粉冇乜特別 都係一樣味道😂叉燒包都係 無奈有d人係鍾意食呢D蝦餃幾中意食 因為距原隻蝦咁上 好fresh 鮮甜最後係呢個燒賣 比我係7仔食既分別好大 全部都係餡料 我食到停唔口😂呢個燒雞先係重點之中既重點 點解咁講呢 因為熱辣辣 多汁 爆汁我未食過咁正既燒雞 果種口感係先脆皮後肉質 最後先雞肉味道不得了 各位有機會一定試下😘😘山竹牛肉球都唔錯既 我鍾意食🥺

講起食海鮮，一般人都會諗起鯉魚門和西貢，遊客更趨之若鶩，是指定打卡地點，那裡的海鮮雖然種類繁多，但價錢越來越貴，實在不是食客之福。其實吃海鮮，市區的海鮮酒家都有很多選擇，今晚來到紅磡國際都會的彩福皇宴。此處地方寛敞，人流不太多，店內的魚缸養着各式各樣的海鮮，非常悦目。此店現時推介龍蝦優惠，每斤$88，我們點了三隻，每隻一斤二两，三隻都是$300，相比其他海鮮酒家，起碼有七成折讓。龍蝦我喜歡開邊蒜蓉蒸，可以食到龍蝦的鮮美。其他小菜味道都不錯，尤以黑蒜涼瓜牛肉最有特色，甜品椰皇燉燕窩亦是此店必吃之甜點。人均消費$254，相當便宜的海鲜晚餐。

今日去紅磡探望朋友然後就一齊喺食埋晚飯，咁喺置富都會商場入面見到彩福皇宴，門口已經係好吸引人既粉藍色，令酒樓個格調更高😍食物方面我就點左滷水拼盤，龍蝦同蟶子。滷水拼盤方面，食物非常入味，豬耳嗰啲亦非常爽口，一碟非常不錯既頭盤。而蟶子就好新鮮，大大隻再配埋蒜蓉粉絲，諗返起都想再食多隻🤤最後就係龍蝦方面，酒樓方面都好細心，一早已拆定殼，令食客好容易就夾到肉唔洗整污糟對手，而味道亦相當好，非常超值👍🏻

同朋友一行四人去紅磡火車站對面商場食彩福酒家，點了四個餸今天比較悶熱，還有一位朋友未到，先黎過鹵水拼盤開開胃再飲杯鮮橙汁蝦球彈牙可口銀雪魚也煎得香這個煲最推介，蝦味肉碎通菜，菜很新鮮

上星期屋企人生日，所以就同佢地去彩福皇宴食飯。彩福皇宴以粉綠色為主，離遠就見到好靚嘅粉綠色，好高級嘅格調。我地叫左2隻龍蝦，一上枱見到都幾大份。龍蝦肉一切就成舊出秀，食得好方便，唔洗整污糟隻手。肉就幾大舊幾鮮，唔錯嫁。虎皮椒腰果牛柳粒，牛柳粒都幾多，唔會韌好易咬。綠色嗰啲椒有啲都幾辣，我食到一粒好辣，所以食嗰時唔好一啖擺落口。聖子皇，呢個好食。聖子好大好鮮，配上粉絲一流，粉絲吸曬啲鮮味。瑤柱蛋白炒飯，啲飯炒得幾好，粒粒分明。瑤柱都幾多，幾乎啖啖都食到瑤柱。最後叫左個原個椰皇燉燕窩，上面係燕窩，下面係燉奶，仲有淡淡嘅椰子味，感覺都幾養顔。

之前成日來食燒雞蒸魚同龍蝦，一路印象都唔錯。今日行過唸住試下新嘢，叫左個燒雞，椒鹽肉排，同剁椒蒸茄子。肉排就極肥膩，食到一半油膩到食唔落。好多肥肉比麵粉包住咬落去先知中伏；剁椒茄子剁椒不夠酸辣的來同酸菜味道好唔夾，仲要落埋糖，甜甜地少少酸少少辣仲有陣酸菜味勁奇怪。成餐飯食左唔到十五分鐘其他一個鐘係不停等⋯茶水等左十幾分鐘，上菜等左半個鐘，最後碌卡買單等左十五分鐘！成間餐廳只有三分一坐左客人，每一次叫人都係無人睇到我地舉手。唔會再來！