彩福皇宴 (已結業)

101123 星期二 | 爸爸跟友人外出旅遊，這幾天要抽多點時間陪媽媽了，今天就跟媽媽到彩福皇宴飲早茶，早晨優惠點心選擇頗多，就點了個風味碗仔翅、招牌布拉腸和山竹牛肉球，另外要了個頂點竹笙菌皇灌湯餃。風味碗仔翅 ($6.8)，無咩特別風味，都係一般杰撻撻的碗仔翅，材料都幾多，味道OK。招牌布拉腸 ($7.8)，稱之為招牌，應該有些過人之處，但係又唔覺得特別滑或者特別好味，都係一般水準吧。山竹牛肉球 ($7)，又一一般水準之作，睇嚟優惠點心都不能有甚麼期望了。竹笙菌皇灌湯餃 ($32.5)，滿以為這個頂點會有些超水準的地方，可惜係無，重好唔抵食，竹笙只得一件，冬菇一件，灌湯餃裡是有些菇類碎粒粒，但看不出是甚麼菌皇啊。茶位每人$5，埋單要$71。點心的水準實在很普通，跟晚飯小菜有點距離。

官塘呢間彩福,聽聞食物ok抵食, 所以星期日一大班人去試, 原本仲打算中秋節訂幾圍酒席...., 先說食物質素, 點心整體尚算可以, 不過職人手唔多夠, 要添茶, 落order, 到最後埋單, 次次都要花十分鐘以上..., 不過心諗晚飯無茶市咁繁忙, 可能會好d, 於是埋單後就出門口搵下宴會部傾下訂酒席事宜, 不過唔見有宴會部, 唯有同門口派緊位果位女知客問下啦, 點知行埋去同佢講左好多次"唔該", 果位知客依然唔理我地,好似完全聽唔到咁,繼續黑口黑面地派飛,之後佢仲好不滿咁瞄左我一眼, 我同其他人唯有搵部長啦, 搵到一位部長表示想訂晚飯酒席, 部長都係同果位知客講, 叫佢幫我地訂枱, 咁我地咪企係度等佢幫我地啦, 點知等左成分鐘, 果個女知客依然繼續佢黑口黑面地派飛, 完任冇理我地, 我再問左聲"請問可以幫我地訂枱未?", 佢依然唔揪唔睬, 咁既情況真係令人火滾!!!於是我同屋企人話: "人地都唔理我地, 走啦, 不如去第二間訂好過啦!" 點知果位知客至好悔氣地話:而家咪同你訂囉!,原來佢對客態度係鐘意就答你唔鐘意就當聽唔到! 咁"好"既服務態度叫人點幫襯, 尤其是仲話係婚宴專門店?

昨晚（星期六）到彩福皇宴開餐，一行五人，約7點到達，無需等候，即時有位。經過一論桌上會議，決定以下餐單：冷盤醬油牛柏葉，幾有口感，不太腍又不太韌，但那個醬油鹹了些，不好味道，不蘸醬油又淡戊戊。主菜魚湯鮮竹浸菜苗，清清地，好味、有益又健康，值得推介。蒜片牛柳粒，都幾鬆化，只是鹹了些。京葱珍菌花膠帶子，分量不錯，味道一般，賣相則差矣。生炆星班頭腩，是整個鍋上，當侍應打開個蓋，熱氣冒出，好有新鮮滾熱辣feel，感覺很好，不過味道跟京葱珍菌花膠帶子差不多，都是類似豉油皇炒甚麼的味道。甜品椰皇燉燕窩，order了兩個，五個人分享，很滿足。埋單時，每人還可享用一碗免費的紅豆沙，實在太滿足啦。最後要提提那個餐前小吃（忘了拍照），是菠蘿粒、番石榴粒和車厘茄，甜甜酸酸，開胃又好味，有別於其他食肆的花生菜頭，值得一讚，但承惠＄20。

前幾日同同事在旺角彩福飲完茶, 食過返尋味! 今日放假, 同男朋友去左觀塘彩福飲茶!12點去到, 未到食飯時間, 所以一入去就有位!叫左壺鐵觀音, 好香茶味, 唔錯!來到觀塘彩福先發現, 原來唔同分店o既點心係有少少分別的!例如旺角有酥皮叉燒包, 觀塘有雪山叉燒包, 即係墨西哥包o既皮都好味o既, 但係冇酥皮咁脆咁好味!因為旺角個錦卥雲吞實在太好味! 所以o黎到照叫, 不過依度做得好似冇旺角咁好味, 但係個汁依然係very good!黑魚子燒賣 & 蝦餃, 全部都好大粒同叉燒腸粉一樣, 味道方面是好吃的, 但沒有太大驚喜我地仲叫左籠牛肉球, 依個好好味喎, 但係gip汁如果多d就更perfect哪! 埋單$143, 兩個人o黎講有少少貴, 不過都係可以接受o既範圍總括o黎講, 食物味道好, 招呼都唔錯! 不過如果多d款式會更好呀~P.S.另外我仲見到佢地有d午市行政套餐, 2人/4人/6人都有, $2xx 左右有炒粉麵飯+小菜+點心, 都幾抵食, 好方便上班一族, 不過我唔係依頭返工, haha

與失散多年嘅老朋友約好到彩福食晚飯, 呢間彩福都幾好坐夠哂寬, 唔使同隔離枱手踭撞手踭。因為上個月同親戚嚟過一次, 覺得佢哋個餐好好味, 喺無睇餐牌嘅情況下, 再嚟encore個套餐。 一碟一碟隨即奉上, 我先至發覺佢哋個餐有啲菜轉咗, 無問題啦, 最緊要好食啫。 直到佢(彩福一品卥水乳豬)嘅出現, 我接受唔到lor,點解隻乳豬唔係炸架, 點解個豬頭五官咁清晰...點解...點解。我一嚿都無食呀, 連掂都唔敢掂, 隻乳豬一上枱我哋已經拿拿臨叫waitress姐姐拎走個豬頭, 我以為...我真係以為我哋可以食得落, 最後都係唔得。 今次都係我大意無睇清楚個餐牌, 太過大安旨意了......唯有當作都係一次經驗吧。不過, 總括嚟講味道都唔錯。 價錢都好經濟, 是晚我哋半席$988 。

話梅骨 - 一煲燶味, 退左貨柚皮炆海鮮 - 柚皮超苦斑頭腩煲 - 茨汁5分鐘內, 唔知點解凝固成一pat片皮鴨 - 用PANCAKE皮包(?!), 鴨好大陣酥味小炒(忘記了名) - D花膠&海參完全無味南瓜炆牛仔骨- 南瓜好"爽口" 馬蹄露 - 馬蹄冇味, 吉士粉味超勁, 唔甜大家一致認為, 全晚最好食就係碟腐乳炒通菜.

阿媽話鱷魚恤大廈開咗幾間新茶樓想試下，見放假又去試下囉。上星期試過間百樂門，海蜇燻蹄好似都ok，但啲點心就又貴又麻麻地，啲侍應又唔so你，無第二次囉。今次又上openrice睇睇，有人介紹彩福，就上去試一試。啲侍應哥哥姐姐好專業親切，招呼周到又唔過份熱情，好過百樂門啲人，係百樂門我以為我係伙記。蜜汁叉燒飯舊叉燒又香又稔甜，唔太肥唔嚡，上佳之作。但碗飯偏爛pat pat，爭啲。雪山叉燒包香軟好味，不過我叫個碟應該唔係啱啱焗好個批，唔係應該重正。但成$7.7一件，好似唔太值。胡椒鹹菜豬肚唔夠胡椒香，賣相靚但唔係熱辣辣囉！可能就咁butt上煲就算。懷舊豬脚薑比較差，啲豬腳超肥，一啲都唔似係醋到煲過咁，似霎熟放入薑醋浸下染色就算咁，呢尾點心算幾差。醬香牛蹄筋煙靭，味道一般，醬汁唔夠惹味。彩福蝦餃皇餡料鮮甜蝦爽，但個皮偏粉擂擂，唔煙靭，敗筆之作。擂沙湯丸煙靭香口，如花生碎有少許花生粒有趙頭更好。潮州蒸粉果個皮反而晶瑩通透煙靱，餡料較多雪菜，幾好味。四個人食了$266我覺得偏貴，工廠區嘅朋友想話多啲歎下茶都唔係咁化算。

Happy Friday ~ 同屋企人上左去觀塘彩福皇宴食晚飯~$198 南非鮑魚，同屋企人一人一隻，鮑魚都夠入味 ~終於可以出去參觀下露天花園，聽講係俾新人做證婚 ge ~咦 ~ 仲有 BBQ ？初初睇張宣傳單張仲以為係去旅行燒野食咁…原來有師傅燒埋…咁又幾好 wor ~ 唔洗食到成身都係 bbq 味…下次可以同班 fd 上黎試下…

今日去飲茶, 一行4人去官塘鱷魚恤大廈的”彩福皇宴”, 由APM商場通過去都好方便, 不過負責鱷魚恤大廈 ”車立”的小姐好唔掂, 又唔幫你按住度門咖喎, 入去”車立”就成個人咁”得”住按層數的位, 但又唔主動問人地去幾多樓咖喎…離奇。一出”車立”口就開始擺枱，　地方唔算好大，　不過都坐得幾舒服。我地叫咗：燒腩仔：個皮好脆，　好食。不過友人話唔夠肥。鴨舌海哲：我淨係食海哲。蝦餃：一般。炸鯪魚球：好食，　夠大粒。炒蘿蔔糕（粒）：幾香口，　不過有ｄ蘿蔔糕（粒）粘在一起。流沙飽：我無食，　不過友人話一ｄ都唔流沙。時菜：生菜，　ｏｋ好味，　有蒜粒。潮州粉果：怪怪的，　個皮好透。食落都係一般。鳳爪：ｏｋ。燕窩椰皇：友人食。蛋撻仔：個皮太厚，　唔好食。錦鹵雲吞：呢個要讚　（個汁），　因為市面好多地方食的錦鹵汁係無“料”的，　純粹係汁，　呢個就最傳統，　有好多料：魷魚、叉燒、豬肉、蝦．．．好好食。不過個雲吞就麻麻地。炸魷魚鬚：個樣炸得好硬柴柴咁，　但係落又唔係，　好食。壽包：友人一個人食。Service都幾好，　成日refill水，嘢食ｏｋ喎，絕對有下次。

我和薑餅人的父母在農曆新年相約外出互相拜年, 地點就由我決定, 就來試試鱷魚恤中心的其中一間酒樓吧!要了兩個晚飯双寶, 分別是燒味双拼, 蒜茸粉絲蒸元貝, 例湯和蒸青斑.我們再另加幾味餸, 有梅子腩排, 柚皮炆鵝掌, 魚湯鮮腐浸時蔬和經理推介的椰皇燉雪蛤作為飯後甜品.燒味要了燒鵝拼貴妃雞, 燒鵝略瘦了點.蒜茸粉絲蒸元貝 - 最愛充滿蒜茸豉油香的粉絲, 元貝size不大, 鮮甜度也一般.蒸青斑火喉控制不錯, 魚肉嫩滑.梅子腩排炆得夠稔, 梅子醬汁帶點酸甜, 也都能減輕啖啖肉的滯膩.柚皮炆鵝掌 - 鵝掌夠大隻也滑稔, 柚皮竟然沒有試到.魚湯鮮腐浸時蔬 - 健康不油, 鮮腐竹索了湯汁稔甜.椰皇燉雪蛤熱乎乎, 燉奶香滑, 幸和薑餅人分吃, 因吃落有點滯.親家相見, 萬事如意.

年初三...下午揾屋企人去飲茶~原來觀塘鱷魚恤中心開左好多間酒樓~一於試下啦~由於新年,所以都知道一定係飲貴茶架啦~不過無所謂啦,難得新年有假放嗎!!一去到大堂就見到人龍啦,要排隊上去~本身打算去3樓...但要等10張枱...所以我咪落彩福睇睇囉~都係一樣要等咁多張呀~但最後都係飲呢間!今日飲茶比平時假日還要貴,好似小點要$13,中點要$17,大點要$21,茶錢每個$8...叫了3個椰皇燉燕窩,因為屋企人好鍾意食,都幾貴,$28一個,出面食都係十幾蚊,不過好好食~新鮮,而且好重椰子味..好潤潮州粉果,真的皮薄餡靚山竹牛肉,牛肉彈牙,不過特別一個牛肉球多蔥d~菜肉生煎包,包裡面好多汁,令到個包有d淋~煎得夠香口!牛雜煲,味道較清,份量ok,不過唔知點解有幾塊豬皮酒樓地方不大,服務不錯,食物夠新鮮~

又到本樓的聚會時候, 地點選擇了彩福. 一聽到朋友話去彩福食, 好自然聯想到係食中菜, 但佢話唔係, 係食燒烤. 咁即係可以在觀塘市區食燒雞奕, 豬扒, 牛扒香腸啦........因為最早放工, 攞埋蛋糕就單人匹馬上去先, 環境是露天, ( !! 當日大風加上有時有點毛毛細雨, 真係幾凍!!!!), 但估唔到佢有支好似燈柱的物體, 是火把黎的, 咁先有番d暖意. 枱上還有雨傘, 今餐飯唔駛在雨中進行啦. (環境好受天氣影響, 天氣好個feel會更加正) 人齊, 開餐...燒烤當然離不開豬牛羊雞香腸, 仲有不少海鮮類, 有大頭蝦, 扇貝, 帶子, 鯖魚, 秋刀魚. 蔬菜類有粟米, 番薯. 仲有少少熟食, 有炒雜菜, 椒鹽豆腐, 干燒伊麵, 沙律, 同埋比較中式的羅宋湯. 啤酒汽水菓汁先生任飲. 食物由專人燒, 我地負責食就好了, 當日就有兩位部長幫我地燒, 兩位部長真係好好人, 同埋好盞鬼, 令到我地食得好開心. 佢地亦都好窩心, 我地叫佢地不如幫我地燒番熱D炸豆腐同伊麵, 點知佢話不如整過D新野出黎, 不特止, 仲成碟上左我地枱. 真係要多謝部長 食物算係咁啦, 燒的食

Been there for dinner, eat the set for 6, price is inexpensive, the food quality in the set dinner is quite alright, the desert is a bit special compare with other chinese restaurant too.Environment: Good, but still under decoration, the fish tank is still under construction..Food: ok, acceptable at this price range.Services: Many staff, but they are working on those empty table instead of serving you!My dessert was available, but since no staff serving us, we reminded them twice, at last we can