彩龍船中西美食坊

营业中

休息中

星期六下晝放工後，去咗探下我好朋友同佢小朋友，因為好耐冇見啦，仲一齊去咗彩龍船中西美食坊食下午茶😋我聽我好朋友講佢成日都同佢小朋友嚟依間茶記食早餐，所以一直都想試吓呢間茶記嘅出品😆由於我星期六返工下晝兩點先收工，所以去到佢屋企附近已經過咗三點。由於其實我都幾肚餓，所以我就叫咗楊州炒飯作為我嘅下午茶，因為其實我都好鍾意食炒飯☺️😋　呢間茶記嘅楊州炒飯都炒得唔錯，幾有鑊氣，份量都幾足，我食完都覺得好飽肚😄而且廚房廚師都好快手，落咗單冇幾耐之後就已經有得食😄👍樓面夥計服務態度都唔錯，我諗住下次再去探我朋友嘅時候會再去呢間茶記食😄到時再試吓佢其他嘅嘢食😆

講真，在荔景想找食，方便的就只說「大家樂」，但無論午餐同晚餐，多次食過都後悔。所以今次行遠一點上祖堯找食。曾經試過這店午餐，食炸雞脾飯，味道不錯。今晚同老公試試小菜吧！我們叫了南乳炸雞和豆腐斑腩煲。點菜時，店員補充「斑腩」只是龍利柳，本來就知這價錢不是斑腩，但店員再補充，很老實😅。南乳炸雞很香脆，不會過鹹，不過本身隻雞太瘦，無乜肉，不能評高。豆腐斑腩份量足，但有點鹹。我們的加了支啤酒，這樣就滿足了。

這茶餐廳食物款式不少，但有一味，我五天午餐都選擇它，因為美味可口。就是炸雞脾飯😋⋯⋯炸雞脾算炸得合宜，外脆內滑，還有肉汁，不是乾乾的。許多時候，一些店的雞脾會等炸好，客人點食，廚房會再炸，這樣內外都又乾又硬，肉質鞋到哩😒；有些為了節省工夫和食材，會把一邊的肉切走，這樣易炸易熟，但變相太乾和少一大忽。有些醃得鹹鹹，以掩蓋雪藏味；有些略略醃味，只會食到面頭有味，內裏的肉卻淡淡的。這茶餐廳的炸脾不算特別大隻，但不會切走一大忽，份量可接受。炸得外皮脆脆的，內裏醃料味道合宜。我愛配簡單豉油汁，少少就足夠😋。我見同事叫的吉列豬扒，看落也很不錯，不過得一塊就少一點了😅

「祖堯邨」對小弟嚟講，可以話既陌生，又熟悉，點解？陌生，喺因為從來無進入過呢條邨，熟悉，喺因為每每由美孚行上「華景山莊」（當行山），實經過「祖堯邨」，但只限外圍。今次，卒之入邨喇，因為送個焗爐俾朋友，兼聚一聚，就相約晌邨內嘅茶記「彩龍船」食個下午茶。餐廳轉咗老闆，比以前喺集團「彩龍」經營時，質素提升咗，但環境依舊，兩側喺卡位，中間就一排細圓枱，裝咗啲大電視俾客人電視撈飯。「祖堯邨」都好多年歷史喇，聽友人講，都算喺條老人邨，所以，幫襯嘅都喺啲街坊客、家庭客，加上位置縮咗上去，就更無乜生客，相反，嚟嚟去去都喺嗰批食客，店員跟食客有傾有講，噓寒問暖，更顯得人情味濃。睇番以前啲食評，都會見到供應吓點心，大抵因為喺有酒樓集團嘅背景。但依家，賣嘅嘢就如慣常晌茶記所見嘅，早餐、午餐、茶餐、碟頭飯餐、晚市小炒……等等。就連放晌枱上嘅餐牌，跟外賣紙一樣，都喺平實版，只喺白紙黑紙嘅普通影印單色，無乜花巧。既然嚟下午茶，目標清晰，就向茶餐一欄睇睇。沙嗲牛肉包餐 $31呢度就無賣菠蘿油，不過，沙嗲牛肉包都啱我，皆因茶記嘅沙嗲牛肉普遍都做得有一手，又喺百搭食材，早餐、午餐、常餐……等等都會有佢嘅蹤影，定價亦都合

說來慚愧，住祖堯既我，這間餐廳開業已有數年，到今日我先第一次幫襯，趁今日放假近近地黎過下午茶，叫左牛腩麵同凍檬茶，牛腩好入味，尤其牛筋好正，凍檬茶都好有茶味，望真吓呢間餐廳擺設很像以前結業既福田餐廳，有一種懷舊既感覺，值得一提既呢間餐廳外表比較殘舊，但內裏空間很充足，座位都很寬敞，埋單34元正，價錢見仁見智，總括黎講都算係一個優閒既下午茶

間野開正在我工作環境附近，睇過openrice大家對佢嘅評價，一個“笑”都冇，已經心諗有d伏，但見佢咁近，貪方便走去試試一試真係嬲喇，呢個食物質素同埋價錢完全唔成正比，我食嗰碟乾炒牛河，有燶味，表面可以見到有一點點嘅燶焦，諗住係個鑊未清理乾淨啦，咁都算喇！點知食落真係有燶味！食到中間，揭開一睇，竟然有一大片白色嘅河粉黐埋一齊，完全諗唔明點解炒到燶曬都可以炒唔均勻另外，個場冇乜後生仔幫襯，幾乎全場都係老人家，唔知係唔係想就老人家嘅口味，d野食都好鹹

在祖堯找吃的，想不到原來有一間這樣的茶餐廳。門口的拓牌已經有點褪色，店內環境大，但顯得有點陰暗，雖然是假日，但客人不多，坐上客大多是附近的街坊，都是老人家。老化的舊區對年輕人來說可能已經失去吸引力，不過卻很有人情味。很想吃炸雞脾，可惜這種兒時美食現時已經變得越來越難找，這兒也只提供炸雞翼。下午茶餐其實14：30才開始，不過店員都讓我們點。這兒的下午茶有常餐、西多、薯條和中式小炒。金黃的西多外表很誘人，麵包夾心中塗了滿滿的花生醬，本來很香，但麵包濕濕的質感卻是一大敗筆。另一個茶餐反而有些驚喜感，薯條熱辣辣，脆口又無膉味。兩隻雞翼肥嘟嘟的，炸至金黃，咬下去外脆內juicy，嚐得出有醃料的香味。附近有幾所中學，午市主要客源應該是學生，不過Lunch要點一客肉餅飯連餐飲都要$41，屋邨價格來說意外地嚇人。小店掙扎求存不易，但高通脹下生活的我們卻同樣疲累哦。

擺明知道出品差都要嚟食, 無計, 做義工大晒喺祖堯商場食飯, 一係地下茶記 (不過鋪頭細, 時常無位), 一係酒樓, 一係去KK食咖喱, 最後就係選呢間(實有大把位)時間緊湊, 拿拿林食完走人 福建炒飯$38連熱飲 ... 一上檯見到用腸仔做餸已打個突, 其餘餸料有蝦仁、叉燒粒、菜梗、什豆；炒飯底幾香而且炒到粒粒分明, 炒飯用蛋的份量算很慷慨 芡汁份量剛好地把炒飯包住, 杰杰質地亦無把飯浸死 味道濃淡都調得恰到好處；唯獨蝦仁, 都知道一定是雪藏蝦, 但為何蝦帶腥味???黑椒雞球炒麵 $36連熱飲 ... 最初送來時心底還在暗罵......「有無攪錯, 雞球變雞絲」但食過之後就慶幸廚師無用雞球是正確的 雞肉有被化學催毀過, 正常呀! 但催毀到完全無雞味 OK算! 最奇怪是無味雞肉咬落「有渣」 嚡的粗質的口感, 真正係「不吐不快」 ； 炒麵有炸過但炸得唔透, 囗感硬又硬唔晒, 軟又無真正咁軟 黑椒汁得個「辣」字, 唔香兼淡味接近$40一個餐, 你俾番我, 好嗎?

上回講過要試下這店的炒粉麵飯, 今次機會嚟啦......首先, 炒得不夠乾身, 飯依然一嚿嚿, 味道太淡兼無鑊氣。反而這厦門炒米炒得幾好, 糖瓜充足, 酸甜適中, 都幾驚喜厚杯裝的熱咖啡, 都幾掂喎！凍奶茶, 奶多茶少, 讚！三十多元的炒粉麵飯, 係唔同d

去老人院做義工前要先揾食, 對上一次是去KK食咖喱, thumb up記得上次見過這店鋪, 感覺新奇, 決定擇食來試------結果就是今天一入門口, 可能我們是生客, 每枱都轉頭望住我地, 我感覺好似西部牛仔戲甫坐下, 阿姐問我地飲茶定食早餐? 我話: 等等, 我地第一次黎, 睇下先(因為原想食午餐)阿姐: 食早餐呀, 我地早餐到11:30(當時11:15左右)我話: 哦我研究咗一陣, 丈夫一馬當先去拿點心, 每款$7, 叫了蝦餃(2粒),燒賣(2粒),蝦腸粉(2條), 即每粒$3.5, 都唔平 咁我諗早餐$20, 但炒粉麵$3X, 既言重係早餐時段, 咁都係叫早餐合化算, 那麽叫了C餐沙爹牛麵, 奄列或腸仔煎蛋, 牛油麵包再送熱飲點心總評: 蝦不新鮮, 肉硬, 腸粉皮及蝦餃皮厚沙爹牛麵總評: 重味精, 牛肉質梅, 麵是普通茶記的公仔麵奄列或腸仔煎蛋總評: 最好是蛋的製作牛油麵包總評: 硬及乾到不可理喻食後, 丈夫告訴我, 其實開屋村食店什麽什麽靚料, 優質食品, 注重健康是沒用的, 你看(周圍都是老人家及地盤裝修工人), 他們總之要大碟, 重味道便大口大口的填入口, 最

呢間野的服務同味道都唔得..係因為學校附近冇咩食..所以先試下..係就係平..一個學生飯$18+飲品..我地坐左卡位..佢既飲品太甜..食物就好耐都未上..我連飲品都飲完了..我個飯都未到..吹左成4-5個字先黎..唉..個經理仲差..好冇禮貌甘叫我同我個fd坐埋一邊..比其他一個人既搭枱..呢間野..一次就夠!!

普普通通得來價錢ok，三個人食兩個餸，都好大碟，有湯有飯，免加一及茶芥，吾想煮飯又吾想去快餐店，都係可以選擇。金菇肥牛煲﹕大大煲，味道不俗。涼瓜班腩煲﹕涼瓜不太苦，班腩味濃。食物質素似家庭式小菜。