彩

营业中

休息中

一碗由麵到湯都係自家制既沾麵，而且係日本人主理，衝著呢兩個原因，身為拉麵愛好者梗係要試下！店面小小裝修同日本拉麵店好相似，有哂係日本食拉麵既感覺。今次點左原味豚骨湯沾麵，配原味麵，因為拉麵係店家每日制造，所以有幾隻味可以揀，包括原味，胡椒味同每日限定，第一次食佢梗係揀原味啦。沾麵一上枱碗湯夠哂熱，配上微冷既沾麵真係完美配搭。食麵前食一啖湯，豬骨味濃厚，放入沾麵一食，真係一絕！個麵麵質彈牙，小麵味完全無比湯底蓋過，淨係食麵都已經好好食！食完一個麵完全唔夠，要追加多個先夠！真係食完想再來食！

「彩」是我最近光顧的一家午餐餐廳。我在星期六下午2點左右到達，稍微等了一會兒才有位子。這家餐廳的主打是自家制作的沾面，有常駐的小麥口味和黑胡椒口味，還有一款每天都可能不同的時日限定口味，而今天正好是黑芝麻口味。湯底的選擇有三種：原味豚骨、黑蒜油和蝦湯。我三種湯底都試過了，我自己最喜歡蝦湯，而我的朋友則最喜歡黑胡椒。我選擇了蝦湯配黑芝麻面。蝦湯濃郁，能清楚地品味到鮮美的蝦子味道，非常有日本風味。至於黑芝麻面，雖然沒有太明顯的黑芝麻味，但麵條的口感適中，有著彈牙的嚼勁，非常適合沾湯食用。我的朋友則選擇了黑胡椒口味的面條，搭配黑蒜油湯，這是他每次來這家餐廳必點的組合。這兩者的味道結合得非常出色，帶來了令人驚艷的風味衝擊。整體而言，餐廳「彩」的自家制沾面味道出眾。雖然有些許等候時間，但品味到的美味絕對值得等待。餐廳的氛圍也很舒適，讓人可以放鬆享用美食。👍👍

特登由九龍搭屯馬綫入去食，之前去過一次但太多人放棄左。估唔到平日1點都要等位。沾麵有幾款味道揀，我揀左黑蒜沾麵，朋友揀左蝦味噌湯沾麵，仲有得揀不同麵條，除左麥麵條，有唔同味道嘅自家製麵條，咁岩是日麵條係伯爵茶，咁特別就試下啦。沾麵湯唔會太傑，聞落香氣四溢。黑蒜湯唔會有人工黑蒜味，係淡淡嘅慢慢滲出來嘅黑蒜香氣。伯爵茶都有淡淡嘅茶香氣，係好清新嘅味道，可以中和湯底嘅肥膩感，都明白點解咁多人排隊！我朋友嘅蝦湯仲濃味少少，佢好鍾意。埋單大概$100/人，性價比高！會再黎～

是日過開去做野，問朋友就推薦咗呢間專門食沾麵嘅小店，原本都怕肥，不過一睇有最愛嘅蝦湯就唔理啦🤣 位置就稍僻少少，要行到賣裝修材料嗰頭。蝦味噌湯沾麵 ($93)蝦味噌湯：蝦湯幾濃，但唔會因為太濃而要加水/飲水👍沾麵：叫咗是日推介嘅柚子麵（另外可以揀小麥麵或者黑胡椒麵），就咁食慢慢品嘗真係食到淡淡嘅柚子味，幾得意☺️但沾麵咁食其實食唔出🤣🤣糖心蛋： 熟咗少少🤣一半流心另一半熟咗但都ok嘅叉燒片： 有兩塊薄片，入口即融😋整體其實唔錯，去開元朗嘅朋友可以去食下，但覺得未至於要專登入去食😌

沾麵又到啦。。唔鍾意湯麵嘅我緊食沾麵啦。。做野又去到啲我去唔到嘅地方。。黎到緊係食啲好野。。呢間沾麵次次都排晒隊。。經過好強次都食唔到。。難得過晒ᑭEᗩK ᕼOᑌᖇ時間。。唔洗排又食到😏😏佢位真係好少。。排隊都要嘅。。同最緊要早到😏鍾意蝦蝦蟹蟹嘅我。。我緊係揀蝦咪啦。。佢湯底好濃好正。。仲有佢啲麵底都係自己打。。同佢個麵麵有得揀下。。我揀SᑭEᑕIᗩᒪ麵。。佢係要問下職員。。可能日日唔同嘅😏佢嘅湯加埋個麵底係好出色。。口感+濃湯👍🏼👍🏼我當然叫我同事叫另一個咪啦。。佢就叫左黑蒜。。我當然試左佢一啖啦。。其實都幾好味。。都有濃濃嘅蒜香味☺️我就覺得唔錯。。大家都可以去試試👍🏼👍🏼..🍜蝦味噌湯沾麵 配 SᑭEᑕIᗩᒪ麵底🍜黑蒜油湯沾都 配 SᑭEᑕIᗩᒪ麵底..📍 彩 (元朗)元朗建德街26號益利大廈地下14號舖..@aya.tsukemen..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#dis

呢間係元朗既小店沾麵好出名，一直都好想試，呢一日夜晚8點左右黎到見唔洗等位就即刻入去試，店面好細得十個位左右，每個位都可以睇到師傅整麵既過程🐷蝦味噌湯沾麵 $93揀左是日special麵，當日係紫菜麵；蝦湯入口係好濃郁既蝦味，但又唔會好咸好漏；紫菜麵入口幾特別，淡淡既紫菜味而且麵質有彈性🐷黑蒜油湯沾麵 $88呢碗揀左小麥麵，麵質同樣有彈性，但紫菜麵驚喜大d; 呢個湯比較重口味，黑蒜味極重，比較適合男士；小麥麵淡淡地就同呢個湯平衡番P.S 呢度default每份麵200g會比較多，細食既朋友叫半份100g都夠食

元朗既一間沾麵 星期六黎到 一個人都等左半個鐘有多 要企係門口排隊 隻腳俾矇咬 叫左個蝦味噌湯沾麵🍜可以揀麵底 小麥麵黑胡椒麵今日special麵蝦湯好重蝦味好出 麵份量都多⭐️CP值;⭐️⭐️⭐️👩🏻回頭指數;👩🏻👩🏻👩🏻📸打卡比分;📸📸📸

我們已很久沒來過吃了。難得晚市不用等位​，就再吃吃吧😊​。我選了蝦味湯底🦐​，麵底選了是日Special 的芝麻味​。他選了黑蒜湯底配黑椒拉麵​，聽到個名都覺得惹味😋。蝦味湯底的蝦味比以往濃​郁，我很喜歡💕。不喜歡蝦味的他，果然不太喜歡今次的蝦味湯了🙈​。不過，他對黑椒麵很滿意。我也嚐嚐他的麵，黑椒味確實很突出​，難怪他作為黑椒控那麼滿意。黑椒麵和黑蒜湯底可謂一拍即合，非常合襯💯​！而我的芝麻拉麵，麵條有一點點的芝麻味，​閒時來吃吃都不錯啊👍🏻

呢間元朗隱世沾麵小店聽聞長期都好多人排隊。今次我好好彩嚟到就有位入，一坐低已經見出面有四五個人排隊😂呢到最出名應該係蝦味噌湯沾麵，不過我怕太濃味，就揀咗原味豚骨湯試下先原味豚骨湯叉燒沾麵是日special係柚子麵，聽落幾fresh咁揀咗佢。麵條好有咬口，淡淡嘅柚子味，睇落個湯好稀以為唔係好掛湯，點知完全無影響，好易掛湯🤭呢個質素嚟講，性價比算幾高，仲有要留意呢到一份麵係200g，半份就100g。今次揀咗一份覺得好多😂食到超飽！普通女仔應該食半份就夠食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️(五⭐️為最高分數)

彩拉面一直都係位於元朗的名物~ 我幾年前係佢大排長龍既時候已經食過當時已經覺得十分出色呢次經過元朗 突然有D懷念呢間沾面店經過門口 估唔到經過幾年 彩拉面依然要排隊睇黎佢既食物質數係無退步我地叫佐個蝦味僧湯沾面湯底十分出色 非常掛面面亦都好特別 有咬口 唔會太淋 雖然已經係老網紅店但呢到既員工服務態度依然非常好 非常難得

其實呢間店都已經開咗一段好長嘅時間。但係人流都係依然咁旺盛，可見佢嘅實力都係非常之穩定。以前一直會叫佢哋做嘅胡椒麵，今次見到有紫菜麵就即管試吓紫菜。所謂紫菜麵，其實佢個味道唔算好濃，但係多咗一浸蔬菜嘅味，夾落豚骨做嘅沾麵湯出奇地配搭。其他配料，例如叉燒、荀之類就不過不失。環境其實都係一張L字枱，睇住師傅做面，頗有喺橫街窄巷尋美食嘅氣氛。埋單都係$80，以CP值來講其實非常之高，經過元朗嘅朋友真的可以一試！

好多年前食過呢間，當期時已經係好出名，排咗好耐隊先食到又真係幾好味，所以令我印象深刻。之後想再食但每次經過一係就好多人隊一係就撞正店休好多年後見到周末夜晚經過竟然冇人排隊，就諗住再試下，但質素比以前差咗。叫咗蝦湯($93)同豚骨湯($83) 豚骨湯很不錯反而期待咗好耐嘅蝦湯麻麻地，如果就咁飲蝦味都幾出，但因為唔太掛湯，所以食麵就冇乜味，有少少失望同埋可能因為鋪頭少位而職員有4位，食嘅時候不停見佢地玩手機。

呢間沾麵店既蝦湯沾麵真係世界級好食😋！每次想食沾麵既時嘅，都會過嚟呢度～雖然每次去到都要排隊，不過好彩外面有張長凳俾客人坐低等待。大家記得帶定蚊怕水，等個時俾蛟咬咗幾啖🙈小店裝修簡約，入面座位不多，得11個位～ 係座位上會睇到師傅製作過程。 Menu上有3款湯底選擇，包括原味豚骨湯、黑蒜油湯同蝦味噌湯～ 麵條都有3款選擇，包括小麥麵、黑胡椒麵同是日special ~ 是日special要問返侍應生，當日係抹茶味～蝦湯沾麵 $93 🤩每次黎到必食蝦湯沾麵！一上枱，就聞到超級香！小麥麵條有咬口，沾上濃郁嘅蝦湯，麵條馬上掛汁，係滿滿既幸福味道！配料有溏心蛋、叉燒、紫菜、筍同蔥花。食完碗麵，記得叫師傅《加湯》，師傅會幫你加鰹魚湯係碗到。本身既蝦湯味加鰹魚湯味，成個湯充滿鮮味，為呢餐作完美嘅句號～👍🏻呢度每個沾麵都有200g麵條，無論女仔定男仔食都一定夠飽！😋

我早喺六七年前已經開始食彩拉麵。當時彩係人龍小店，每次都要等一頭半個鐘，但因為日本老闆同四眼肥仔哥哥身上嗰種敬業樂業嘅精神，每次碗沾麵都好滿意。今日黎開元朗，專登黎食彩拉麵。昔日人龍已經不再，門可羅雀。甫進餐廳，大概已知原因。三個拉麵師傅，兩個見到客入黎都仲專心玩電話。唔緊要，我明白佢地可能未為意到已經有客人到左。但我叫完拉麵後再望佢地，佢地都仲玩緊😅😅😅一得閒煮完嗰麵又繼續玩電話，今次就三個一齊㩒，完全唔需要留意下食客嘅需要。試問咁嘅態度，啲麵又點會好食？我覺得好內疚，因為我嘅出現，令到佢哋無得打幾分鐘機

曾經好好食既沾麵，係元朗最首屈一指既沾麵 🍜我係早幾日晚飯時間，由於見門外唔洗排隊，即刻諗都唔諗入去叫左一碗原味豚骨沾麵！一入座就比店內濃烈既荀味充斥住我個鼻，如果大家未聞過或者討厭荀既人，你地可能會唔中意呢個味道，或者覺得呢個味道好似「廁所」！呢一點大家小心呀✨首先，原味豚骨沾麵，湯係凍，豚肉切得比較薄身。我好明白一分一分貨呢個道理，所以係呢度唔再對塊肉有任何評價。個湯飲落欠奉豚肉味及比較咸⋯第二，請容許我形容個麵為一pat麵餅，麵為小麥麵，佢係涼冰冰 好有一種擺左好耐既感覺。以及，麵質唔煙韌！如果個湯係熱或者係微溫既，我諗個麵都唔會好難入口既，呢一點真係有小小失水準。我諗到既原因可能客量比較少，員工都無乜心情去煮一碗麵吧！當日員工大部分都坐喺到玩手機，即使有客人或者外送員，佢地都無點特別招呼。係佢以前未裝修，即使好多人排隊同埋有荀味，我都唔介意成日排隊食佢。因為果陣日本老細同員工，每次見到有客人除咗會禮貌用日文打聲招呼，上麵都會日文介紹⋯果陣有一刻好似係日本既感覺同時都係我真真正正係到咩沾麵！裝修後、開分店後，我都間唔中會去食，但食物質素都未至於今次咁😥經歷今次體驗，我覺得可惜同埋