彩

营业中

休息中

元朗又係一個出名多好嘢食嘅地方，今日我哋就嚟到位置隱蔽嘅麵店「彩」，一試佢哋嘅沾麵🍜味道如何啦。😚舖仔細細門口位置掛住一個大紅燈籠🏮，係夜色襯托之下立即有滿滿日本深夜食堂感覺🗼🌃，因為坐位唔多嘅關係，我哋大約等咗半個鐘，店員係我哋就快入坐前先落定單，減省咗等食嘅時間😋。(特別提醒每碗麵都會配有叉燒/紫菜/荀/蔥 同埋糖心蛋,如果有朋友要走任何配菜記得要係門口落單時講定哦😜)。「彩」另一個特別之處在於佢哋不定時會更新沾麵嘅口味同埋配菜嘅款式，而且大多都唔會預先公布，令食客每次嚟到都會有新發現😝。第一款嚟到嘅係「原味豬骨湯 配黑胡椒麵」🤍。原味湯底豬骨味道非常明顯，試落會有少許昆布味，但又唔會過份油膩😝，濃郁程度剛好足夠掛麵，但直接飲都唔會覺得太咸，配合黑胡椒麵嘅小小辛辣調味🔥，非常不錯。👍第二款到嘅係「黑蒜油湯 配小麥麵」🖤。湯底黑蒜油蒜香味吸引，味道濃厚，但少許太咸，並且加埋蒜油令到湯底較油膩，不太適合直接飲（因為會肚仔受不了🤣）。不過小麥麵嘅軟硬度適中，麵身夠滑，而且食落會有些許小麥味，加分。😝配菜方面：叉燒咬落鬆化夠淋， 但肉味偏淡，如果輕輕煎香會更好，4⭐。 流心蛋嘅時間掌握得好

彩都開咗幾年🌈記得啱啱開嗰陣時排隊要排勁耐💨🔥嗰日小編晏晝去到啱啱好唔使排隊🤣好好彩——————————————————————————————🍤蝦味增湯沾麵 $93(今日special柚子麵）塊紫菜好靚😭🙈配料方面每碗麵都有筍、好淋滑嘅叉燒、好正嘅糖心蛋🥚啲面好煙韌有咬口好掛汁✨但冇柚子味🍋湯底有超級濃蝦味🍜跟住再加埋店舖提供嘅炸蒜🙌🏻係好味嘅！但係食完之後會好口渴因為都幾鹹🤌🏻7.8/10🧄黑蒜油湯沾麵 $88 (今日special柚子麵）配料一樣~但會幫你落埋炸蒜😋呢個湯底整體比較油膩🤣但小編❤️呢個多啲喎~黑蒜味勁重🤍加埋啲麵好正😵‍💫但都鹹呀！🤌🏻8/10🍵靜岡可樂 $22唔錯！可樂同抹茶味溝埋唔怪🥤🤌🏻7/10——————————————————————————————#為食tips👻 總括嚟講幾好味但價錢頗貴~同埋一入到去就會聞到一陣日本味🤣係啲筍味！老實講有啲啲似廁所味😂但小編覺得ok接受到👌🏻可能因為我都鍾意筍😽大家都可以以懲罰吓佢哋💛

聽朋友講元朗市中心個邊有間隱世沾麵店 咁就去試下啦😋 位置真係好隱世 係小巷入面 附近有好多車房😂個人覺得哩間鋪幾正宗 有凍水提供俾客人飲用🧊好適合中意食沾麵但住元朗又唔想去港島既人試試👍🏻總共有3款沾面提供🍜🍜🍜我今次就揀左 蝦味噌湯沾面 $93湯底味道濃 溫泉蛋流心啱啱好 我叫左200g 食完唔係好夠飽 於是就叫多100g😋然後店員話可以加湯🤩好少有店舖會加湯俾你 可能因為店長係日本人 十分友善😁可惜既係麵只有熱麵 冇凍麵揀

呢間麵店一直想試好耐佢哋只係得沾麵賣，湯底可以選擇三款位置都幾隱蔽，喺橫街窄巷嘅盡頭環境唔大，大概只有10張枱座位有少少迫試咗佢嘅富士蔥沾麵配原味湯底麵有得加份量同埋選擇口味今次我就試咗佢最普通嘅小麥麵拉麵幼身同埋彈牙湯底濃郁，有一隻蛋同埋豚肉有勁多蔥同埋少少柚子皮食落唔會好油，帶啲清新豚肉切得好薄，都幾大塊脂肪分布平均，感覺唔會好肥整體食物唔錯不過衛生方面有待改進一入去有啲異味，同埋有蚊冷氣都唔係太夠有機會會試吓佢其他麵同埋湯底

西環都有分店 之前番學咁耐都冇食到 竟然係去到元朗食🤣小店座位唔多 好有日本拉麵小店feel🏮😚🍜原味豚骨湯 · 小麥麵 $78湯底香濃☺️有幾塊好腍身既薄叉燒😗真係好薄😂我地揀左小麥麵🤎同當日special黑芝麻麵🖤食落冇分別🤔🙈麵質偏硬但又唔係彈牙 帶點鹼味😢覺得沾麵會有更好既選擇🙈🤣

睇返前面comment諗住應該唔差點知一坐低就聞到一大陣x渠同機油mix埋既味道有d想嘔所以成餐只諗住快d食完快d走全程食唔出味我相信平時應該唔係咁?如果唔係冇可能呢個分不過佢係一間可以係廁所招呼客人既餐廳冇下次

本人一向喜歡食沾麵有一日係社交媒體見到有人推薦彩既沾麵決定要去試試店舖地點係元朗壁球場隔離既小巷入面唔算難搵店舖既堂食位置唔多目測約有10-15個當日我同朋友約晚上七點去到唔需要等位，直接入坐餐廳既餐牌有啲難理解要員工解釋先睇得明最後叫左一個原味豚骨湯沾麵（半份麵）及一個蝦味增湯沾麵兩款既湯底個人認為屬於偏油及唔夠杰原味較淡↓ 蝦味就濃d↓ 麵質都彈牙總結試左一次就夠

今日本身想去元朗二悅食牛肉麵，但原來星期四放假，就唯有係附近搵其他野食。記得有日個friend 講過附近有間拉麵唔錯，就搵到Aya。入到去，裝修同員工制服已經比到一種真正日本既店鋪觀感，員工統一格仔襯衫，全部帶帽，店面有種簡單而實用既感覺。一上坐，有冰水供應，雖然未至於好似日本拉麵店咁凍，但已經感覺真係日本人經營，因為日本有冰水供應係基本禮貌。望餐牌，清一色拉麵，唔似其他拉麵店為迎合一般香港人咩都叫D既叫法。我一般第一次去新餐廳都鐘意叫最basic 既野，因為gimmick 野通常都講運數，未必顯示到一間店鋪既實力。但見到個特別多蔥既version我都忍唔到手。最後叫左個多蔥既豬骨湯小麥麵，同一支柚子梳打。無耐野食來到，飲淡汽水，唔錯，但因為真係有D似韓國個柚子茶，相比起來加22蚊，其實建議要我一直飲開既青提汽水更好。到野食，個麵係粗麵，比起最近香港好多裡面店既幼麵我比價鐘意粗麵。咬口好彈牙，唔鞋，其實真係我食過既拉麵來講好上乘，口感非常好。唯一硬要講就如果小麥味再強少少更好。湯，其實同一般食開既沾麵好唔同，第一就係清好多，第一個感覺似湯麵多D。因為一般外面食沾麵個湯其實似汁多D，其實

蝦味增湯沾面(菠菜麵底) $93✅湯底濃郁 有蝦嘅鮮味 唔油膩☺️✅麵嘅質感好好 煙韌有咬口😍✅可以選擇唔同麵底: 小麥、黑胡椒、當日Special (Eg 菠菜麵)🤩❎菠菜麵完全冇菠菜味👀—餐廳：❎環境比較擠迫✅有日本小店感覺🤣—Price: 🌟🌟.5Environment: 🌟🌟Taste: 🌟🌟🌟🌟Service: 🌟🌟🌟🌟Overall: 🌟🌟🌟.5(Out of 🌟🌟🌟🌟🌟)

💛🍜 彩•呢間西環都有分店💛而元朗就係佢哋嘅總店🥳呢間都係要排長龍嘅小店 因為佢裏面嘅座位唔多🙈而入到去佢係一排咁樣坐💫前面就會係啲廚師煮緊麵🍜•蝦味增湯沾麵配黑胡椒麵 $93隻蛋係成隻咁上😆一咬開係黃黃地嘅蛋黃🥚好流心😚不過唔算好重蛋味🤨•黑胡椒麵好似幾特別就叫左黎試下😋😋因為出面好少有呢種麵😆呢個黑胡椒麵比較碎口不過口感都幾彈牙🤣但食到最後啲麵實在太碎😣個人嚟講唔太鍾意啲太碎嘅麵🤭同埋其實都唔算好重嘅黑胡椒味🤣同唔係好掛到啲湯🤥•可能因為個湯唔係平時沾麵嘅濃郁🤨不過個湯就幾重蝦味😚鮮味都幾出👍🏻仲有啲筍、蔥同埋紫菜喺面😚入面都好似有幾塊豬肉🤣•整體嚟講覺得一般般🤭呢個價錢嘅話會試下其他嘅拉麵舖頭🧐🍜

好少入元朗 問左朋友介紹元朗有咩好食幾個異口同聲都話要試吓 彩Aya雖然位置有少少隱蔽不過係黃店絕對要支持下 💛而我一向都中意沾麵多過拉麵嫁！佢地自家製沾麵，麵嘅口味有3款：小麥同黑胡椒係基本款，仲有Today Special🤩 價錢一百蚊內有一碗，幾抵💪🏻小麥麵底配黑蒜油湯 $83配菜有2片叉燒、1隻溏心蛋、1片海苔同筍。麵條份量都比想像中多，男仕都夠飽😆以前覺得沾麵嘅湯普遍都好鹹，但係呢個好濃郁得黎唔太鹹！溏心蛋好好食呀😍😍麵質有咬口而且有彈性，中意重口味既一定要試黑蒜油同蝦味噌湯，同樣非常香！而豬骨湯就清啲，單飲亦都唔油膩呀😍

👍🏻👍🏻👍🏻👍🏻👍🏻/5分💛彩aya元朗建德街26號益利大廈地下14號舖-黑蒜油湯沾麵🍜幾年前食過念念不忘所以特意11點幾走去食😁都要排成30分鐘🤪個黑蒜油真係超級香配合埋d炸蒜😆同埋個豬骨湯底勁濃郁配沾麵perfect☺️同埋佢一d都唔油😂呢個沾麵特別之處就係有黑胡椒入面😇所以仔細咬會有dd 胡椒香🥰成個層次昇華曬蝦味噌湯沾麵🦐哇成陣蝦蝦蝦味啊🦐真係未食過咁重蝦味既湯底😊原來d蝦係北海道嚴選🇯🇵😆所以個湯底更鮮味濃郁😁我覺得呢個比上一個沾麵更勝一籌😉真係超好食暫時係我心目中香港排名No.1沾麵😁性價比極高😆飽到一個點立即忍不住去💩-🚽(5🌟滿分)可惜小店沒有廁所🚽最近都要去到千色先有🚽🏃🏻

係一月頭某一個中午………懷著滿心歡喜來到這間比較出名嘅小店，食我想食嘅沾麵！店舖望落去坐位不多………當然喺疫情關係之下，座位就更加少，循例都要排隊啦…………到我啦……期待已久的我入去嘅時候望住張枱凳望住張枱發覺……咁矮嘅，咁我個人生得高大喎………坐埋去嘅時候發覺好似小學生張枱凳咁………咁呢…後面條行人通道比較窄，咁我唯有坐前啲啦！如果唔係啲侍應都出唔到餐畀其他客人！好喇……沾麵嚟………望落去其實係唔錯嘅！但係當我烏低身想食麵嘅時候……我爭啲撼咗埋去張枱上面嗰塊板………因為張枱已經夠矮……而上面上層嗰塊板又好出！！真係坐前啲有死坐後啲又死………前啲就撼頭埋枱………後啲就阻住條路………唉………既然嚟咗碗麵咁冇辦法啦咁都要食㗎………我唯有拎起隻碗嚟食………點知原來發現我隻手雖然係大，但隻碗係無乜手位可以畀你拎得住………就算拎得住都好辛苦！下真係無言…………真係未食到啖麵都已經好冇癮………就算你碗麵幾好食都冇用啦………最後總結！彪形大漢或身高超過165 cm人仕………入場幫襯都請三思！（其實用餐腰板係要挺直係常識！喺1000間餐廳裏面有999間都做得到！所以唯獨呢間……無下次！）

🥉不及當年風「彩」拉麵.4年前同🐡🐡黎過呢度食一次❤️當時覺得真係唔錯😂唔知係唔係呢幾年香港多左好多過江龍拉麵黎左，今日再嚟就覺得相比之下略有失色🙈.首先個湯基本上係暖而唔係熱🤣🤣就算個麵上個陣係熱麵都彌補唔到本身個湯底唔夠熱既不足🤪同埋個熱麵，食食下變左痴埋一住😂叫咗蝦湯底同埋黑蒜油湯底:蒜味完全唔夠😂食食吓直頭覺得冇晒蒜味🙈唔知係蒜味湯底🤪相比之下個蝦湯都幾濃味但係始終個湯唔夠熱😆個味就係唔夠出😛

Been a frequently take away customer, and everytime the food taste great. The food is always prepared just in time for pick up, sometimes during rush hour it’s a little longer of a wait but that’s ok. I chose to pick my order up at 13:00, and placed the order at around 12:40. It was ready by 12:51 and when I picked up at 12:59 the soup was already cold. The food didn’t taste as good. Food wise, order extra char siu ($20) and they cut the char siu super super thin compared to normal. The extra tw