影片
港铁牛头角站 A 出口, 步行约6分钟
继续阅读
电话号码
23453855
开饭介绍
人气海鲜小菜馆，主打多款镬气小炒及中式小菜，砵酒焗生蚝及蒜蓉煎大蛏子惹味得来鲜味十足，不少人都慕名而来。
继续阅读
特色
适合大伙人
附加资料
餐厅原名为蛇王彪海鲜菜馆
营业时间
今日营业
11:00 - 15:00
17:30 - 01:00
星期一至日
11:00 - 15:00
17:30 - 01:00
以上资料只供参考，请与餐厅确认详情
有关奖赏计划
食记 (143)
同学聚会黎左观塘既 「彪哥海鲜菜馆」，食左超多餐单无既菜，值得推荐俾大家。1）油浸笋壳鱼 笋壳鱼连埋鳞炸，鱼皮脆口，鱼肉嫩滑。加埋酱料真系好食到停唔到口。2）唔系鱼香茄子煲 （超推荐）唔讲你知，你一定认唔出佢系茄子。食完会自我怀疑，真系食紧茄子咩？茄子唔腥唔腥得黎唔油既？！真系超好食。外皮干爽，食落完全唔知自己食紧茄子，加埋D料真系完全刷新左我对鱼香茄子煲既概念。3）鹿舌小炒王 平时小炒王大家食得多啦。呢个厉害啦，里面条肉竟然系鹿条俐，真系第一次食鹿俐，条俐唔骚得黎又唔韧。4）钵酒煮脆鳝 平时食鳝一般都好多骨架。呢个无骨得黎肉嫩皮又脆，个钵酒炒洋葱又香甜，忍唔住又食左3旧。5）超大濑尿虾配花雕酒陈村粉 只濑尿虾大就一定架啦，长过手臂真系少见，肉又唔散，一定超新鲜！重点系个花雕酒陈村粉超香。可惜人多，只系分到少少。6）八宝鸭 材料有虾米，咸蛋，冬菇，白果，纪子，栗子，百合，瑶柱。呢道菜制作繁复，拆骨塞料再复完只鸭个外型，真系超难做。食料落口清甜，应该系百合同纪子既甜味。咁大只鸭原本估佢会柴口啦，点知嫩滑得黎唔腻。7）炸鲜奶 拿！呢个甜品虽然唔系独家，但系连爆炸糖食真系第一次。加芒果味就会变左芒果布甸，加榴梿味爆炸糖就会变左榴梿布甸。一个炸鲜奶三种口味，绝！呢餐饭真系非常满足，埋单都系人头600左右。值得推荐俾大家啦。
继续阅读
提早庆祝母亲节，睇电视台饮食节目，加上朋友介绍去试一试。餐厅地方唔算大，但清洁。服务员态度都友善良好。点了几个推介的菜式，包括炒花生苗、砵酒桶蚝、星星蚬炒面、炸鲜奶，都好味。炸鲜奶可以单只叫，每只$9，不错，因为其他人唔食炸嘢，我都可以叫。另外叫了豉汁蛏子，当日$38只，亦都煮得几好味。唯独沙嗲粉丝牛仔骨，这个不推介。饮品方面叫咗个生磨杏仁汁，有热/冻/有糖/无糖选择都好饮。今日用咗OpenRice app先订位，我觉得呢个比较方便，如果唔系就要响出面排队。
继续阅读
朋友介绍我来这一间位于牛头角的小厨菜馆地方其貌不扬但的确够小众且有实力餐厅没有精致装修非常人排档特色餐牌都贴在墙上特别留意到他们有鹿肉的菜品好惊讶啊！香应该很少地方可以吃吧！所以我们都抱住猎奇心态点了个清汤鹿腩味道…像牛跟羊之间吧要是不告诉我是鹿肉我也分不出来呢当中厨师推荐的铁板炒蚬也有点这个我最喜欢铁板上还保留了天然海盐的咸味朋友想吃鱼肠蒸蛋我们便叫了一份有点苦并不是我杯茶反而「炸奶奶」— 即炸鲜奶我是很喜欢的！荷叶包鳝朋友亦赞不错可惜我不吃有骨边鱼无缘品尝椒盐粟米则不过不失吃起来有一点点麻烦之后我们又点了蛏子，还有炒饭整体表现是可以的起码够小众有特色下次想试一下百宝鸭这个要预订不然师傅备不了货
继续阅读
每次嚟到一定要食八宝鸭，没有糯米喺入边，因为佢哋糯米饭已经攞奖，要分开食! 师傅话八宝鸭要整两日，所以要预早order。朋友仔生日，我哋通常都去呢间，除咗小炒好味之外，生日果枱嘅客人佢哋会送寿桃包（订枱时候预早讲定）椒盐粟米-爽甜粟米，加上避风塘脆脆，每次都要嗌1.5份！蜜糖榄角骨外脆内嫩，呢个都系每次要嗌1.5，唔系份量少，而系我哋每人都要食几旧😌肉松蒸水蛋水漾嫩滑，豉油唔会过咸，唔送饭都好味砵酒焗美国桶蚝得奖菜式，名不虚传，脆皮边，蚝身刚刚熟，没有厚厚的炸粉，佢嘅汁一定要捞饭，好正！八宝鸭唔使多讲，你一定会再encore肉松生菜包食得辣嘅一定要试佢个秘制辣汁！清炒花生苗加入咗冬菇同埋爽脆蒜心，味道超夹铁板花甲王有种泰式风味，唔系成日有货，大家遇到记得试啦炸鲜奶甜度刚好，加上日本3.7牛乳，见到劲多人买外卖饮酒梗系用战斗碗，爽！
继续阅读
最近去咗彪哥海鲜菜馆，慕名而来话呢间餐厅好多年，攞咗好多奖，做蛇羹起家，本来对呢间餐厅抱有期待，但最终有啲失望。😔首先，我哋预订咗八点，8:10 到达时，侍应话张枱已经俾咗其他人，要等多半个钟先可以入去。电话明明话只需等 15 分钟，真系有啲不合理。等到我哋入到去，叫完𩠌后，啲菜上到7788，大约 9 点几先有服务员过来问水同茶，仲要叫咗好多次佢哋先记得，等得太耐真系唔好受。😩六个人叫咗6个小菜，但啲份量少得可怜，全部都系用啲细细只嘅碟上，价钱又唔系平 好唔抵食😠芥末牛柳粒*🥩 芥末味可以，但牛柳几乎冇牛味，份量仲细得可怜。炒花生苗🌱 唔够嫩口，眼膜虽然爽口，但有啲渣，整体效果一般。姜葱霸王鸡🍗 鸡肉冇咩鸡味，主要靠姜葱同酱汁去掩盖。菠萝咕噜肉🍍 菠萝唔够靓，反而有啲酸，肉粒又细，失去咗咕噜肉应有的风味。蚬蚧鲮鱼球🐟 睇起来靓，但实际食落去唔够大粒，实肉感不足，蚬蚧味道又唔够香。蛇羹🐍 味道中规中矩，但略嫌太水，口感唔够浓郁。鲜榨杏仁汁反而呢杯嘢饮，我几钟意，唔同一般出面嘅杏仁霜或者杏汁，佢系有淡淡而有后续慢慢渗出黎嘅杏仁香总括来讲，今次去彪哥海鲜菜馆的经历有啲失望，无论系服务定系菜式，都未能达到期望。希望日后可以改善，期待再试嘅时候会有更好嘅表现！🥺
继续阅读
您可能会有兴趣的...