彪哥海鮮菜館

营业中

休息中

同學聚會黎左觀塘既 「彪哥海鮮菜館」，食左超多餐單無既菜，值得推薦俾大家。1）油浸筍殼魚 筍殼魚連埋鱗炸，魚皮脆口，魚肉嫩滑。加埋醬料真係好食到停唔到口。2）唔係魚香茄子煲 （超推薦）唔講你知，你一定認唔出佢係茄子。食完會自我懷疑，真係食緊茄子咩？茄子唔腥唔腥得黎唔油既？！真係超好食。外皮乾爽，食落完全唔知自己食緊茄子，加埋D料真係完全刷新左我對魚香茄子煲既概念。3）鹿舌小炒王 平時小炒王大家食得多啦。呢個厲害啦，裡面條肉竟然係鹿條俐，真係第一次食鹿俐，條俐唔騷得黎又唔韌。4）缽酒煮脆鱔 平時食鱔一般都好多骨架。呢個無骨得黎肉嫩皮又脆，個缽酒炒洋蔥又香甜，忍唔住又食左3舊。5）超大瀨尿蝦配花雕酒陳村粉 隻瀨尿蝦大就一定架啦，長過手臂真係少見，肉又唔散，一定超新鮮！重點係個花雕酒陳村粉超香。可惜人多，只係分到少少。6）八寶鴨 材料有蝦米，鹹蛋，冬菇，白果，紀子，栗子，百合，瑤柱。呢道菜製作繁複，拆骨塞料再復完隻鴨個外型，真係超難做。食料落口清甜，應該係百合同紀子既甜味。咁大隻鴨原本估佢會柴口啦，點知嫩滑得黎唔膩。7）炸鮮奶 拿！呢個甜品雖然唔係獨家，但係連爆炸糖食真係第一次。加芒果味就

提早慶祝母親節，睇電視台飲食節目，加上朋友介紹去試一試。餐廳地方唔算大，但清潔。服務員態度都友善良好。點了幾個推介的菜式，包括炒花生苗、砵酒桶蠔、星星蜆炒麵、炸鮮奶，都好味。炸鮮奶可以單隻叫，每隻$9，不錯，因為其他人唔食炸嘢，我都可以叫。另外叫了豉汁蟶子，當日$38隻，亦都煮得幾好味。唯獨沙嗲粉絲牛仔骨，這個不推介。飲品方面叫咗個生磨杏仁汁，有熱/凍/有糖/無糖選擇都好飲。今日用咗OpenRice app先訂位，我覺得呢個比較方便，如果唔係就要響出面排隊。

朋友介紹我來這一間位於牛頭角的小廚菜館地方其貌不揚但的確夠小眾且有實力餐廳沒有精緻裝修非常人排檔特色餐牌都貼在牆上特別留意到他們有鹿肉的菜品好驚訝啊！香應該很少地方可以吃吧！所以我們都抱住獵奇心態點了個清湯鹿腩味道…像牛跟羊之間吧要是不告訴我是鹿肉我也分不出來呢當中廚師推薦的鐵板炒蜆也有點這個我最喜歡鐵板上還保留了天然海鹽的咸味朋友想吃魚腸蒸蛋我們便叫了一份有點苦並不是我杯茶反而「炸奶奶」— 即炸鮮奶我是很喜歡的！荷葉包鱔朋友亦讚不錯可惜我不吃有骨邊魚無緣品嚐椒鹽粟米則不過不失吃起來有一點點麻煩之後我們又點了蟶子，還有炒飯整體表現是可以的起碼夠小眾有特色下次想試一下百寶鴨這個要預訂不然師傅備不了貨

每次嚟到一定要食八寶鴨，沒有糯米喺入邊，因為佢哋糯米飯已經攞獎，要分開食! 師傅話八寶鴨要整兩日，所以要預早order。朋友仔生日，我哋通常都去呢間，除咗小炒好味之外，生日果枱嘅客人佢哋會送壽桃包（訂枱時候預早講定）椒鹽粟米-爽甜粟米，加上避風塘脆脆，每次都要嗌1.5份！蜜糖欖角骨外脆內嫩，呢個都係每次要嗌1.5，唔係份量少，而係我哋每人都要食幾舊😌肉鬆蒸水蛋水漾嫩滑，豉油唔會過鹹，唔送飯都好味砵酒焗美國桶蠔得獎菜式，名不虛傳，脆皮邊，蠔身剛剛熟，沒有厚厚的炸粉，佢嘅汁一定要撈飯，好正！八寶鴨唔使多講，你一定會再encore肉鬆生菜包食得辣嘅一定要試佢個秘製辣汁！清炒花生苗加入咗冬菇同埋爽脆蒜心，味道超夾鐵板花甲王有種泰式風味，唔係成日有貨，大家遇到記得試啦炸鮮奶甜度剛好，加上日本3.7牛乳，見到勁多人買外賣飲酒梗係用戰鬥碗，爽！

最近去咗彪哥海鮮菜館，慕名而來話呢間餐廳好多年，攞咗好多獎，做蛇羹起家，本來對呢間餐廳抱有期待，但最終有啲失望。😔首先，我哋預訂咗八點，8:10 到達時，侍應話張枱已經俾咗其他人，要等多半個鐘先可以入去。電話明明話只需等 15 分鐘，真係有啲不合理。等到我哋入到去，叫完餸後，啲菜上到7788，大約 9 點幾先有服務員過來問水同茶，仲要叫咗好多次佢哋先記得，等得太耐真係唔好受。😩六個人叫咗6個小菜，但啲份量少得可憐，全部都係用啲細細隻嘅碟上，價錢又唔係平 好唔抵食😠芥末牛柳粒*🥩 芥末味可以，但牛柳幾乎冇牛味，份量仲細得可憐。炒花生苗🌱 唔夠嫩口，眼膜雖然爽口，但有啲渣，整體效果一般。薑蔥霸王雞🍗 雞肉冇咩雞味，主要靠薑蔥同醬汁去掩蓋。菠蘿咕嚕肉🍍 菠蘿唔夠靚，反而有啲酸，肉粒又細，失去咗咕嚕肉應有的風味。蜆蚧鯪魚球🐟 睇起來靚，但實際食落去唔夠大粒，實肉感不足，蜆蚧味道又唔夠香。蛇羹🐍 味道中規中矩，但略嫌太水，口感唔夠濃郁。鮮榨杏仁汁反而呢杯嘢飲，我幾鍾意，唔同一般出面嘅杏仁霜或者杏汁，佢係有淡淡而有後續慢慢滲出黎嘅杏仁香總括來講，今次去彪

地方不大 枱不多 只得三個樓面 有一個仲要收埋銀 出菜極慢 要三催四請 有個圍住黑色洗碗圍裙嘅阿姐 好似未瞓醒咁 我有嗌嗰啲又冇寫 冇嗌嗰啲就屈我有叫 仲想同我嘈咁樣 你張手寫單寫到鬼五馬六 你掉落嚟我都唔知你寫乜啦 餐飯食咗三份二 杯凍檸樂先落到嚟 3塊煎藕餅我食完成餐飯都未嚟 叫咗佢嚟整就唔使喇 我想埋單走嗰下先嚟 佢嘅炸奶奶係好好食 但其實就咁喺出邊夾入嚟嘅嘢 我都唔明點解我等咗成15分鐘都未嚟 後面有一台二人枱遲黎過我都已經有嘢飲有嘢食雖然有同我講返聲唔好意思 招呼唔到 但你哋個洗碗圍裙阿姐真係好趕客 冇下次 但佢地嘅金沙翠玉瓜同椒鹽粟米係真係好食

現時好吃的菜館真不多，彪哥實在可以再去，是觀塘區老店（小巴站附近老牌飯店），裝修有點舊，我初次光顧，order左白菜豬肺湯，清甜冇味精。炸鮮奶，炸得十分的好，香而不油膩，好食，要趁熱食。特色炒糯米飯，普通蓮藕餅就一般綠葉荷包鱔，特色但沒有驚喜酸薑皮蛋蝦卷，啲酸薑皮蛋蓋過曬啲蝦肉蠔仔煎蛋的蠔都很好，很大隻沙律厚切蝦多士，多士好油掛鹿米線，超鹹……失水準整體來說，觀塘區嚟講算好唔錯也值得推介，正常水準，菜式特別，味道可以接受，地方雖小，但無阻我再來品嚐的意欲，服務員招呼恩勤，炸鮮奶真的不錯。

彪哥真係久仰大名，但就未有機會一試姐姐們親切好笑容，服務態度完勝但不知是否師父失準，幾度菜都有點落差鮮菠蘿咕嚕肉邪惡五花腩，肥肉香酥，炸得脆皮，調味酸甜度剛好，再加上有新鮮菠蘿解膩，高質咕嚕肉咸菜豬肚粉腸煲材料份量十足，內臟處理得不錯，豬肚爽粉腸粉亦無異味，胡椒味濃惜乏咸菜味薑蔥乳鴿煲喳喳聲上枱，姐姐亦兜左幾下，視覺效果一絕！但熱度入唔到鴿肉，外皮辣得唔夠焦香，鑊氣只流於表面椒鹽鮮魷鮮魷爽彈有咬口，炸得火喉夠，椒鹽炸蒜再重手點就更正海味粉絲什菜煲食材新鮮，但湯頭味道有點意想不到，唔係上湯或海味味道，反而係一道甜味，像罐頭桃糖水味道，家鄉煎藕餅煎得時間火喉唔夠，外皮唔夠脆身，藕餅變得太油口

難得齊人星期五約星期六食飯，剛好星期五跟其他朋友食飯，坤爺推薦了彪哥海鮮菜館，道，我細佬剛吃過，很不錯。坤爺發過來的相真的很吸引，我立刻打電話訂位，幸運的，有枱！星期六朋友們在群組再次問起，我回覆：今晚吃完再報告，怎料坤爺提醒：好嘢要訂㗎！再來幾個字，東海龍王🐲⋯⋯糟了，已經四點，心想試一試吧，打電話到菜館，負責人說：做埋比你啦！三個人準時到菜館，地方不是很大，目測大概可坐大小10來桌，我們先點飲料，新鮮杏汁好味！除了預先訂的東海龍王，我們還點了-燉豬肺湯-好味，點了細盅，每人都有兩碗，湯好清甜，豬肺洗得乾淨，好食-花雕瀨尿蝦陳川粉，老細話，先用花雕浸瀨尿蝦，蒸完用精華薈陳川粉，好食，正-東海龍王-師傅切薄魚片，裹住蝦膠，再用黑松露雞蛋蒸，蛋好滑又吸收了魚肉同𧎚膠精華，勁正- 新鮮菠蘿咕嚕肉，鮮菠蘿同咕嚕肉都好食-炒花生苗清甜爽脆-蝦多士，好食，不過我更欣賞炸奶奶-炸奶奶，炸鮮奶，不油膩好食❤️❤️老細同姐姐服務都好好，如果追求大堆頭的朋友未必喜歡，但希望嘗試精緻菜式的絕對可以試試。現時想一吃再吃的菜館真不多，彪哥實在可以再去！

彪哥菜館依個名想咗好耐，但一直都未有機會試，今晚終於可以一嘗。由於早到又未齊人，喺宜安街行咗半個鐘，周圍睇吓啲食肆，雖然間間都唔使等位，但都叫做入座率九成，唯獨是彪哥，經過咗門口幾次都係好冷清，得兩抬四個客，同之前啲人話要排隊等位相差好遠，但既然嚟到冇理由唔試。原本諗住三個人叫咗四個餸，但侍應姨姨話應該唔夠食，心諗四個餸都唔夠食？後尾侍應姨姨再誠意推介多兩個餸，佢話應該夠食。當啲餸嚟到，我終於明白，四個餸真係唔夠食，因為啲餸真係好細碟。 首先蒜蓉粉絲蒸大蟶子，平時啲粉絲係放喺蟶子上面同蒜蓉粉絲一齊蒸，咁啲粉絲入味。但今次啲粉絲竟然係鋪喺蝶底，然後蟶子放喺粉絲面，真係第一次見。咁樣蒸啲粉絲當然冇味啦！最奇怪係連聖子都冇蒜蓉味，成碟餸好淡。（$55/隻）第二味係侍應姨姨誠意推介嘅清炒花生苗，因為唔知咩叫花生苗，所以都想試吓。點之一見到碟清炒花生苗即刻呆咗，隻碟五至六吋左右大，成碟餸好似人哋食剩咁，仲要完全無味，好符合清炒呢個名。（$88）第三碟係青芥牛柳粒，又係搵隻細碟裝住，不過依個餸終於都有味，係好重嘅芥辣味，牛味則欠奉。（$138）第四碟又係侍應姨姨誠意推介嘅家鄉煎蓮藕餅，又係無味，仲

🥢彪哥海鮮菜館 - 大廚出馬👨🏻‍🍳.Quite a feast that we had! 😍 真係捧著個肚走🤣 I took pictures of most dishes, loved everything though the most memorable was definitely 炸鮮奶 (deep fried milk) and the 砵酒焗桶蠔 (oysters) and I would say the most comforting and satisfying was the 懷舊八寶鴨 (braised duck with chestnut) and 星洲炒Thai河 (Thai flat noodles stir fry)! .📝Here’s our menu: .大白菜燉豬肺湯 冰鎮大釘椒鹽粟米欖角骨翠玉西蘭花*砵酒焗桶蠔 順德荷包蟮懷舊八寶鴨清炒花生苗 黑金磚豆腐金沙翠玉瓜星洲炒Thai河 桃膠杏仁茶 炸鮮奶*得獎菜式.😋Recommend? ✅ 👩🏻‍🍳Food rating: 4.5/5👩🏻‍⚖️Overall experience rating: 4

📍 #觀塘 #彪哥海鮮菜館#羊羊在觀塘#羊羊在九龍最近有朋友要離港了，臨走前就同佢揀呢間食餞行飯，希望食完係外地一切安好🥹餐廳有啲偏僻，遠離地鐵站又要行斜路，但食完又覺得幾值一試🤣唔知原來呢間嘢都幾勁，有好多得獎菜式😲可以用咁親民嘅價錢食到得獎菜，覺得幾正🤑✨黑金磚豆腐 $88開頭仲諗住炸豆腐有幾勁，點知真係意外好食❗️外皮極脆，炸漿偏厚，但係唔會咬落豆腐散哂👍🏻脆硬嘅外皮同滑嫩嘅豆腐，造成對比，一啖有兩個口感🤩呢間好似比較擅長炸物，因為所有炸嘢好脆唔油膩🫢✨皮蛋花椒豉油雞 $178雞的確好滑同入味，花椒味唔太出，得陣麻味，但好食😆不過同樣嘅價錢，可能會揀返豉油雞，因為差唔多😂✨蠔仔煎蛋餅 $98普通不驚艷，蠔仔份量較少🤏蛋稍薄，稱唔上蛋餅😛✨沙爹金菇肥牛煲 $118沙爹香濃，似現成街邊醬溝成，不特別🙂牛肉略柴，個底有粉絲吸哂啲汁😙✨椒鹽鮮魷 $128鮮魷又係勁脆唔油膩，仲要好在放耐咗都保持到脆度，又係大推✌🏻另外份量都算多，係稍為有啲鹹🧂✨沙拉骨 $102每條排骨上沾滿沙拉醬，油潤嘅口感配埋啖啖肉嘅排骨會唔會太邪惡😈✨蒜茸炒豆苗 $98豆苗依然翠綠嫩口，好彩唔係落咗好多油炒(應該🫣食落

入秋想暖啲，食羊腩煲就最適合不過。古法枝竹羊腩煲就大大煲最抵食，以火爐奉上的羊腩煲啖啖肉，加$40蚊有時蔬一碟，本身應該係生菜，因為生意太好冇晒生菜，職員俾咗啲菠菜我哋，意外地好夾，放入羊腩煲內煮過後，吸收了羊腩汁精華後份外滋味！食到中途，大廚出嚟見到我哋個羊腩煲入面有菠菜，仲好貼心咁問我哋使唔使幫我哋加啲油，因為菠菜好吸油，加啲油落去會好啲，真係好warm好細心。😆仲嗌咗佢地個招牌豉椒炒蜆星麵底，炒蜆一黎到，真係好震撼，好夠鑊氣好夠味！啲蜆都唔算細隻，食落都好有鮮味，醬汁辣辣地，配埋佢地蜆煲炸星麵底，真係好好食😋。朋友唔係好食得辣，但係都食咗好多，啲麵浸落汁度好入味，半軟半脆，豐富口感。仲有鹿骨煲，掛住食，唔記得影相🤣。上菜嗰時係煲同肉分開上，職員會上一個乾砂煲，另外仲有鹿骨同紅蘿蔔，當住你面放入去，即刻超有鑊氣，同埋好大煙。聽返佢哋介紹，原來鹿骨咗煮五個幾鐘，好林好入味，食完唔會癡牙，但係又唔會話一咬就散晒，口感啱啱好。睇得出師傅全部都係功夫菜，其實真係會值呢個價，雖然買單都人均400-500，不過真係有八點幾食到人哋收鋪，11點幾。雖然唔係好似任食buffet嗰啲咁抵食feel，

椒鹽粟米 送酒一流🍻鍋貼小棠菜炸漿唔會好厚 好香口💯豉椒炒蜆加左個星麵底⭐️兩者都冇乜特別 正常發揮😛😛另外仲叫左個花椒雞 唔辣 但好香花椒味 肉質又夠嫩 食得過🤩

由冬天開始食佢哋嘅蛇羹到夏天食佢哋嘅小炒每一次都令我地感覺大滿足今次要睇吓兩個新菜式💫定菜版「魚香茄子🍆」由傳統煲仔上多醬汁版本演變成乾身嘅長方形茄子博博嘅脆粉更香脆乾炒魚香肉碎惹味濃郁成件事除咗好味之餘亦少油少鹽係健康之選💫訂菜版「避風塘海龍王」以前食開佢哋嘅避風塘雞翼今次進階版有生猛嘅龍蝦少少川菜感覺有乾辣椒🌶️但不會太辣超級嘢味💫彪哥蠔餅每次都要食嘅蠔餅超多蠔仔🦪性價比極高同場加映：椒鹽鮮尤香辣海蜇冷盤涼瓜牛肉炒麵