彪哥海鮮菜館

营业中

休息中

一班同學仔再次聚埋一齊食老字號菜餚😍今次食大師傅的廣東菜🤤第一次聽冰碗「戰鬥碗」原來係以前的人會雪凍「戰鬥碗」再倒酒配冰凍的藍妹啤酒及菜餚，一流真心好味😍第一次食蛋黃醬茶樹菇個豬肺菜膽燉湯好正😋🤤十分十分推介期待下次再聚

一行6人特地約黎呢度食飯，特別早一日訂左燒鹿脷、羊腩煲同砵酒焗蠔，因之前食過好正🥰先黎個老火湯，大白菜煲到好淋，淡湯好甜下，岩岩好一人一碗。*黑金磚炸豆腐*用百福豆腐整，外脆內軟既口感不錯，而且份量都多，有淡淡芝麻味，其實幾有特色，只是我不愛吃芝麻😅*豉椒炒蜆配星麵*醬汁惹味，d汁送埋麵一齊食係幾夾，麵就脆卜卜咁，蜆肉都鮮味。*泰辣去骨鳳爪*個汁辣度剛好，去左骨仲有d筋位嗦嗦聲，而且入味，食完幾開胃👀呢個*辣酒花螺*岩晒我🥰夠晒辣，粉絲索左d湯汁好正！花螺煮到一拉出黎就係，都新鮮。*香濃羊腩煲*個汁又真係香濃既，真係羊腩黎，肉煲得夠淋👍🏻有冬菇、支竹都好入味。*香脆花生苗*第一次食，有d似芽菜咁，但大條好多，真係有粒花生係度，都算幾清甜。*砵酒焗蠔*好肥美既蠔，隻隻都好大隻好甜🤤個汁又香濃壓軸出場*燒鹿脷*廚師會走出黎燒比你食，會配埋雞髀菇一齊燒，令雞髀菇索埋鹿脷滲出黎既油😯雞髀菇本身甜帶少少鹿脷既香味，完美演繹🙊鹿脷味道比一般牛舌味道更濃郁，騷味更出，我鍾意🥰當然都好嫩滑啦～食到7788，整個*大良炸鮮奶*當甜品，甜度適中又滑嘟嘟，食飽飽食埋佢都唔覺膩😁

觀塘牛頭角交界有一條宜安街，可說是區內食街，短短二、三百米距離內餐館之多嚇死人，而且中、泰、越、日、印尼等菜均找到。由於辧公室就在附近，一星期總有三、四天在此搵食。但因為九成九都係一個人食，多數去茶記便算，這天舊同事來呢區飯聚，話想食傳統粵菜，我就選了位於宜安街內、都有兩、三年冇幫襯過的「彪哥海鮮菜館」。此店不大，我又冇預訂，所以早一點在六時四十五分來到，總算不用等位。先叫支青島解渴兼等齊人，店家用現時流行的戰鬥碗，都有雪過D碗，還算貼心。雖然此店做蛇羹起家，但這天想清清地，決定來一大盅大白菜燉豬肺湯。呢個湯好清澈，大白菜散發淡淡清香。整體而言味淡但令人喝得舒服。懂做菜的都知洗豬肺好麻煩，而這裏的豬肺洗得十分乾淨，一點異味都冇，呢一些功夫錢抵比。黃金蝦味道合格，至少蝦尚算大隻，肉質亦算彈牙，若咸蛋黃用多一點的話會更惹味。金銀蛋浸菠菜普普通通，肉多個菜，其實菜的份量多一點會更好。蜆芥鯪魚球做得好好，個球搓得夠圓潤，放了一段時間也沒有縮水，抵讚。而且呢度用的蜆芥醬又不會死鹹，反而真的有提味之效。個豉椒炒花甲加多三十元要個星麵底，其星星賣相絕對是呃like之選。總算花甲夠新鮮，沒有打不開殼的

剛好好友生日，大家一班人到這間好有霸氣的彪哥為好友慶生。一行12人點了九菜兩湯。先來兩湯，分別是大白菜燉豬肺湯和竹笙響螺燉雞腳湯。呢個燉湯算幾甜，另一個竹笙響螺燉雞腳湯都可以，不過飲唔到有響螺味，成個湯就有少少藥材味！蜆的size有份咁大隻，炒得幾辣，不喜歡太重豉椒呢個唔錯。童年白切雞，肉質滑，不過雞味就不足。椒鹽鮮魷，香口，鮮魷不會太韌，好食！香港炒飯，不知道是否今天對炒飯沒有好感，個人感覺味道不太夠，雖然有薑味，不過我覺得味道有點淡，和不夠火喉。蠔大大隻，配埋汁味道不俗。賣相幾好，豆腐入口都滑，中間的菜料少少辣，淡加辣的口感不錯。家鄉煎藕餅，可以一試。另外，還叫了生炒骨，ok。魚香茄子煲，魚香唔算好多，茄子就夠淋，ok。整體來說都算不錯，海鮮類好味，不過有些食物火喉不太足夠，味道較淡。另外份量不會太多，食完份量剛剛好，每人135價錢適中，一定要多人分享才抵食。

住在觀塘區已有二十多年了, 但一直不是觀塘有一間海鮮店, 直至電視節目的介紹才知道, 地點不易找如在觀塘不熟路可能需要一點時間, 臨近中秋節和家人一起吃飯, 早於四日前已致電訂枱, 一行四人預訂了七時三十分, 待應還問有沒有人生日, 因會獻上生日歌和壽包的. 但我說沒有~真細心!!在牛頭角站下車步行大約十分鐘便到達, 由於時間尚早只是七時十分, 暫時未有枱等了大約十分鐘便能入座, 這間菜館有兩個舖位, 大少少我估是原來的舖位多數是大枱還有電視, 廁所等等..另一邊舖位比較細沒有其他的設備, 而我們就坐在細舖內.牆上有很多得獎, 上電視的相片, 還有很多招牌菜的價錢牌, 及先送上一碟花生.細盅湯適合一至三人飲用, 內裏有很多料材, 有豬肺, 瘦肉, 大白菜等等, 味道比較清淡但味精味道卻走不開的...失望.電視節目推介的白切雞, 大失所望. 雞肉頗滑但只有少許雞味肉質感覺不太好, 再加上薑葱亦未能令我覺得有驚喜. 本想試清蒸花甲但沒有花甲只大蜆, 大叔說清蒸不夠鮮甜不如油鹽水, 我都是第一次食油鹽水蜆, 蜆肉大細適中, 份量不少. 杞子很多但頗甜, 莧菜偏淋, 但最失望是沒有藥材味道,

上星期日約了家人到觀塘 APM 看電影，但因事前有其他約會，所以沒有跟家人一起吃晚飯，獨個兒到觀塘宜安街的彪哥海鮮菜館，因時間尚早，仍找到座位。我向店主說明是慕名而來，請店主代為點菜，店主很熱情地給我介紹了這裡的招牌菜，並特地為我做了一個人的份量，以致我可多嘗幾個菜式：1.蒜茸蒸蟶子王：沒有吃過那麼巨型的蟶子，非常新鮮美味。2.大白菜燉豬肺湯：味道很好，用料豐富，豬肺、瘦肉、大白菜和蜜棗放滿了整個燉盅。3.果皮蒸泥孟：都是游水的泥孟，很新鮮。4.砵酒焗桶蠔：錫紙包著很肥美的蠔，打開錫紙便傳來很香的洋蔥香味，吃下去則是混著酒香的鮮蠔，很特別。5.日式青芥牛柳：看去沒有甚麼特別，但吃下去先是青芥的香味，然後是鮮嫩的牛肉，全熟但一點也不韌，再下去便是一股刺鼻的感覺，卻一點也不辣，是一道很令人「感動」的菜式。6.綠葉荷包鱔：荷葉包著鱔球，本來沒有甚麼特別，原來最精彩的是那個用梅子醬做的獻汁，配合荷葉的清香，再伴著鮮嫩的鱔球來吃，味道很特別。7.生磨杏汁：整頓晚餐以一杯精緻的生磨熱杏汁作結。回家瀏覽彪哥海鮮菜館的官方網頁，得悉菜館老闆的信主經歷，和他設計菜式的心得，實在很感動，自然想起那道日式青

一家人又一同晚飯, 是次揀了遠一點的地方: 觀塘. 一早訂了位, 否則也幾難有位. 是晚我們就坐係旁邊的鋪, 也沒大問題. 環境當然不會太好, 不過望落去也乾乾淨淨的.來到這裡, 先知這裡也係那些得獎餐廳. 既然如此, 就叫這裡的招牌得獎菜吧.大白菜燉豬肺湯 $68: 9分, 要了個大盅的, 怎知道份量係真的非常之大, 小弟係飲了好幾碗. 跟飲開的杏汁豬肺湯不同, 這個大白菜燉豬肺湯係好清新的, 喜歡飲清清的湯一定會喜歡. 沒有師傅的痕跡, 飲落口只覺得好鮮甜, 豬肺洗得乾淨, 大白菜真係幾大條, 但係好新鮮. 單單清完這個湯, 大家也飽了不少.彩蛋白花卷 $13 x 3: 8分, 04年的得獎菜. 叫了四件, 上臺時只得三件, 再追加也無影無蹤, 唯有吃三件好了. 賣相係幾靚的, 用薄薄的威化紙包著, 入面有不少材料, 蝦膠幾爽口, 皮蛋也幾靚的, 當然, 最搶鏡的一定係酸薑, 吃完係好開胃的.全港首創掛鹿米線 $20 x 2: 8分, 點解叫做掛鹿米線? 根據店方講, 係每條米線都黐住鹿肉, 而且每粒鹿肉都唔黐的. 望落碗米線都也覺得這個說法係幾真實, 都有不少米線係黐住鹿肉, 不