彬記粥麵專家

营业中

休息中

今日特登前往彬記再試它的湯及牛柏葉，一向叫淨米，淨米的湯經過米粉的和味之後味道已極淡，我都會請阿嫂再另外給我一碗黃澄澄的湯，真的極好飲，如果要試它的湯味，不妨請阿嫂另外再多給一碗湯，如此才能喝出原味!它的湯讓我寧可來回花二十六元小巴的錢專登去飲!劉森記的湯是令我失望的!

喺荃灣返工咁耐, 都唔知有呢間嘢, 見到咁多好評, 呢食番次睇吓點先 :水餃牛腩麵 : 麵爽口彈牙, 但都有"簡"水味, 牛腩好淋, 水餃就不過不失雲吞豬手粗 : 雲吞係傳統果隻, 細粒, 豬肉同蝦肉一半一半, 豬手就炆都好淋吓, 粗麵就一般呢間嘢係公園裏面, 唔係好覺眼, 係舊色既麵舖, 唔差既, 但又未至於話好正囉, 價錢都幾貴, 單併18, 雙併25, 貴咗D囉! 服務, 無咩...因為侍應們無反應, 佢企你隔離唔出聲, 你落完ORDER又唔出聲, 放得碗嘢, 都唔出聲...但10幾蚊碗麵, 唔通有大酒店服務咩, 算合格啦!唔會特登去, 但路過可以一試!承惠50個大洋!

望一望荃灣區又咩好野食先 ????? 去街前我都上來看看有咩野要去試下甘勁 0 個喊 ? 我都係半個荃灣人 , 點解我唔知 ? 原來都有經過 , 只是店的外觀不太討好吧了 , 而且不是外街 , 係公園外面 ! 粥講真我未試過 , 我都想試下豬潤 (下次吧) ! 今天我很肚餓 , 先來打個底 .... 再一會陪老婆食 TEA ...... 入到去 , 都幾貴喎 ..... 其他野 ! Cheap Cheap 地叫碗雲吞麵先啦 , 食評話幾好架喎 ! 麵十多分鐘才來 , 無咩人入來者 ? 可能比 D 外賣打尖 ?! 我講野很公道架 , 麵真是很彈牙 , 真的 ! 湯係有少少蝦味 , 但唔好講到甘好飲啦 ..... 會令人失望架 (我) ! 雲吞細細粒 , 有鮮蝦有肉味道 ..... ???? 我真是無咩感覺囉 , 我只會說 OK ! 當然講明只是 (個人) 評級 , 我比 OK 囉 ! 對我來說 : 雲吞麵還是一碗雲吞麵囉 ! 雲吞麵這類是醫肚的食物 , 你唔會要求有幾好食吧 ?! 或者我對牛扒會 / 其他食物要求高 , 但我不會要求連食麵都甘大期望囉 ! 去開可以一試 , 但

响荃灣打滾多年,一向都好少走入去大陂坊呢D橫街窄巷,都唔知原來有間粥麵响裡面.日前睇到openrice嘅食評話呢度D雲吞麵好正,就要嚟試吓.地方好up dup 亦都算逼,非繁忙時間都好多人.叫番碗雲吞麵,雲吞响底麵响面,先食麵,無梘水味,爽口彈牙,好耐都無食過咁正,食粒雲吞,餡料新鮮,D蝦有鮮味,有五六粒咁多,最後飲埋啖湯,有鮮味冇味精,全部對辦,兒時細蓉嘅味道番晒嚟.呢度D粥都好多人叫,下次要試吓.

"彬記"屹立在荃灣已有三十年，但工作於荃灣的我都只是近年才認識到這間隱世食店。 最深印象是彬記的粥品，粥底香綿軟滑，吃下後有一種說不出的舒服，配料愛選"豬膶"、"自製鯪魚球"或"肉丸"。再叫一碟"即炸油條"，真是絕配！ 若在場晚上光顧，則喜歡點煲仔菜，其中以味道香濃，肉質結實有彈性的"薑蔥田雞煲"最為新鮮，因店主在門前養了一籠田雞，便可知此道菜是何等的真才實料！ 有了這麼一間出色的粥麪店，即使生病要戎口，也可滿足口腹之慾了。

十多年前做過荃灣的街坊，竟不知道這間粥麵店的名聲，真的是孤漏寡聞矣...是日專程去試試，看看是否真的這樣美味....以往午間去粥麵店醫肚，通常都要來一粥一麵才夠喉。但現在年紀大了，胃納也變少了，吃完一碗麵後已差不多四分之三飽了...第一次試，當然是要叫雲吞麵了。端來一看，麵在上，匙羹置中，雲吞沉底 (附圖看見的已是小弟將雲吞撈起時的樣子)，賣相是對辦了。先喝湯，有大地魚及少許蝦殼味，也是對路了。有了這賣相及湯底，這碗麵必應在水準以上了...再嘗麵，麵質爽身、彈牙，但卻丁點鹼味也沒有，跟麥文記及劉森記不相伯仲。對小弟來說，甚至是猶有過之....最可惜的是，欠了豬油，不然就真的快活過神仙矣...雲吞餡內蝦肉還是佔了四分之三，肥豬肉只有少許，不盡滿意...但想起來，"世事豈能盡如人意" ? 光只吃麵，就應知足了....

得知彬記是因壹周刊的介紹，第一次來吃就上癮了，彬記的湯跟一般茶餐廳只有調味料不同，有淡淡清甜，頗似台灣家鄉的湯頭，那是一種只有用心熬才有的舊滋味，堪稱是在香港數一數二的，坦白說，港人搵快錢，可能懶時間花心思熬頭，經過荃灣得知彬記，不能不說人生一快，最愛來個淨湯米粉及來一碟新鮮黑牛柏葉，它的湯及鮮牛柏葉勝過蘭春麵家，感謝香港依然有這種老店存在，吃得到舊時味!

吃了很多地方的雲吞面, 這裡賣的都算正宗, 有傳統應有的味道. 面質OK但火喉差一點點, 雲吞則在水準之上, 大細剛好, 皮薄有鳳尾, 蝦肉瘦肉肥肉比例剛好, 湯亦夠清但可惜未夠濃, 如果落多一點蝦子肴湯, 相信就完美了, 值得一提的是師傅仍堅持下一點豬油於湯面, 實在為整碗雲吞面劃龍點晴.

(6 & 23/5/08)兩天分別吃了肉丸鯪魚球粥$30,及淨水餃&雲吞@$18。粥好杰,糊仔咁,沒米香,肉丸和鯪魚球都好細粒,不過每樣都有三四粒,味道仲好有驚喜!肉丸有蝦米/柴魚味,鯪魚球鮮味十足,好似有果皮釣味,兩丸都好好食。至於水餃&雲吞分別不大,都是少肉,蝦爽,上湯清香不確喉。

我一向都唔係好食粥,因為太熱.如果要食,多數都係食及底粥,因為多料,好似抵d.而呢一間彬記既及底粥,我就真係覺得唔錯唔錯.首先個粥底好綿又夠味,而最重要係個d料好足,肉丸有成兩粒咁多,都係好似21定23蚊到又好食又抵,正.至於雲吞麵我都有試過,我覺得d雲吞真係好食,d皮好薄,d蝦又爽又好鮮甜,雖然有d麵店既雲吞都有好大隻既蝦,不過完全係兩個層次.而d麵我就覺得好爽,d湯有味精但都好飲$18碗麵我覺得係值我朋友食左一碗牛腩麵,佢話d牛腩好林,d牛腩汁好好味,我地三個人食左三碗野,飲埋野都係食左大概70至80蚊到值得同大家推介

慕名而來,想試一試佢地既粥!我叫左碗肉丸鯪魚球粥,份量幾多,幾大碗,成碗粥有八粒丸,簡直係啖啖肉,好彩無叫其他野食!鯪魚球好好食,0會好實,而係好似真係手打既感覺!豬肉丸都係!粥底幾靚,加埋薑,蔥,花生粒令碗粥錦上添花!

今日一個人落街食lunch，立即諗到呢間，估唔到都有人起呢度講喎！我每次一次叫水餃牛腩河，加點醋和辣油，超正！這裡是我吃的牛腩中最正，牛腩汁攪到個湯底好正。之前也試食牛肚、墨魚丸等，但最終還是鍾情水餃牛腩，哈哈！上次同事叫魚皮，佢地都話好味，不過我本身對鮮魚皮無乜興趣。其實次次都見到人食粥，但我始終都未試過，因為粥太熱，我食得慢，lunch唔夠時間，等我下次唔係lunch 時間去，一定會試下鯪魚球粥。不過一碗雙併也要$25，真是貴了點。侍應和老闆娘都cool 了點。

尋晚成個人冇嘜胃口.突然之間好想食粥．於是同男朋友黎左呢間野食晚餐..呢度既位置比較偏僻．講真平時都冇留意呢度有間野！男朋友食牛腩麵加白灼芥蘭．而我就叫左個生菜鯪球粥..我碗生菜鯪球粥相比起牛腩麵黎得比較慢！不過一黎到果陣．見到D粥真係好滾下．而且仲好大碗．一碗已經可以分到3小碗..食落d粥好棉．鯪魚球有好多．而且仲好大舊～另外生菜絲又係好多下．認真夠晒足料．好味!另外．呢度仲有煲仔菜食．可以一食..

奇怪是因為只有一個食評, 一間很有歷史的老店, 在荃灣呢檔的炸鯪魚球很有水準, 店子很小, 晚上很多時要坐出店外, 生滾粥的粥底好正,上星期一早同老婆來吃雞粥, 怎知太早未有雞,老婆叫了魚腩粥,我則叫裹蒸糉, 味道也相當不錯!

刀削麵食到牙仔軟，其實未飽，路過彬記，是朋友強烈推介的麵店，見有少少quota，用埋佢。都有十年八年歷史的老店，除粥麵外，晚市有煲仔菜供應，見到餐牌有魚膘煲已口水直流。有鮮鯇魚片粥，自然唔少得白灼魚皮供應，但大熱天時，想試都要等下次。一碗魚蛋併雲吞麵，作價$23同區來說收得貴，湯底預期的淡茂茂，味道來自後加的麻油，味精不少，可幸麵爽身而鹼味唔多，隨便吃過兩啖算了。手打的魚蛋質感似魚腐多於港式魚蛋，鬆泡泡亦沒吃得到多少魚味，「遮瑕」用的白胡椒味倒是吃得出，談不上好，但在坊間大賣彈牙與乒乓魚蛋市況下仍做著這款魚蛋，也有特色。一口雲吞，化學處理過的原隻蝦仔，夾少少無味肉末，口感重於味道，說鮮蝦雲吞，幾時都是麥奀做得最出色。非朋友所說般出色，大概是點錯菜吧，下會試試索價$30的魚皮，看看貴在那裡。