彬記粥麵專家

营业中

休息中

重遊舊地，好耐冇嚟呢度食粥麵，入到去以前的兩位伯伯已經唔喺度。現在的所謂老闆娘，態度囂張，不可一世咁，所謂臭坑出臭草，連啲伙計都一樣。坐低諗住叫碗牛腩麵再叫碗粥食，可能覺得我淨係叫碗牛腩麵幫襯少，連單都冇幫我落(當時一啲唔忙，加埋我得三，四個客)，等咗好耐唔對路，見隔離枱入客叫埋嘢食，嘢食都落埋枱。我就問個樓面阿嬸有冇幫我落碗牛腩麵？但佢冇出聲只怒啤我，好似想鬧我咁，麵檔師傅啱啱行過聽到就即刻整返碗麵俾我。阿嬸！你漏單，我問聲啫，仲要兇我？當然已經冇晒mood，嗱嗱聲食完就走，粥都唔想食，出門口俾錢，個老闆娘找錢時仲要擰歪面多謝都冇聲...真係貼錢買難受...俾錢受佢氣！請都唔會再去！食物方面，牛腩仲食得吓，但已經冇以前兩個伯伯做嘅咁入味

唔係荃灣人，真係好難分出以下地方:大陂坊、二陂坊、三陂坊及四陂坊，總之依四個地方都是重重被舊樓包圍，每每都有其特色小店，今次同大家介紹一下，大陂坊的一間食店，筆者最愛豬潤肉丸粥。大陂坊內，可能由於有兩間麻雀館，所以粥店營業時間為: 中午1點至晚上12點，店舖夜了，更有大排檔風味⋯⋯反觀店內面積細細窄而長。豬潤肉丸粥$45~其實第一次到來是吃及第粥的，那次就是被他們的豬潤所吸引，之後試過單點豬潤粥，但筆者又多心，感到單調，試過幾次的配搭之後，最後就選擇了豬潤肉丸粥，之後每次都會點這個”心頭號” 了。豬膶爽彈，每每到來不容錯過肉丸夾雜了少少蝦膠，入味非常粥底有葱花外，就是喜歡他們落了少少的陳皮碎，令粥底帶點點陳皮香，雖然感覺有丁點兒的師傅仔，但這味道，天氣涼的時候，久不久會吸引筆者到來吃碗粥。

網上食評有很多也批評此店的店員態度不佳，所以今天也是抱著戰戰兢兢的心態來一試也特意選了4點多的時間的非繁忙時段來試吃剛到的時候，只有枱客人， 也有空座剛巧也看到店員在包雲吞 很大隻的蝦看了看餐牌，除了麵食，還有不少其他選擇外賣火鍋配料最後選了同事推薦的水餃淨食等了約１０分鐘左右，一碗淨鳳城水餃上桌＄３４一上桌，已經嗅到點香味，應該來至湯底？湯底不算清甜，但喝得出其鮮味飽滿的水餃由一塊又滑又薄的皮包著餡料包括有大大粒且鮮甜爽彈的一隻大蝦除了蝦，還有筍，菇絲和木耳絲加強了口感

留意到有荃灣嘅街坊介紹呢間粥麵店下晝2:00嘅時間去試吓佢搭枱都要等5-10分鐘到先有位你喺出邊排隊嘅時候基本上入邊嘅人係唔會理你(當你透明）基本上我亦都唔覺得有排隊可言因為正當一位乘客食完步出餐廳嘅時候有一個阿婆突然喺我身後沖左入去坐低咗🍂🍂🍂好唔容易坐低咗入邊有一個店員姐姐佢塊面黑到你唔想直視佢叫咗碗剩水餃$33 得5粒…水餃嗰啲蝦同埋木耳加埋一齊係好爽口嘅我見佢粥嘅價錢都唔平由於坐緊門口嘅關係又係得我自己一個人全程係咁聽係門口嗰兩個女人店員係咁喺度發牢騷搞到我想盡快食完即刻撇sss下次如果好想食佢哋啲嘢都係叫外賣算啦我見佢哋買生嘅雲吞水餃好似抵好多其實佢呢個價錢又唔係特別平我相信出邊會有更好嘅選擇

見到食評想嚟試吓薑蔥魚卜不過太夜賣晒之後叫咗薑蔥魚皮好爽脆👍🏻柱候牛腩撈麵夠㝝夠味麵質爽口👍🏻生滾豬膶新鮮魚片粥D粥好綿唔好睇小個檔口仔最讚係職員好友善👍🏻👍🏻下次一定會早D嚟試埋個薑蔥魚卜

朋友推介荃灣一間好有歷史既麵檔，算係一間隱世麵店。天氣有點熱試唔到生滾粥，叫左三樣野：雲吞麵、南乳豬手河、鯇魚皮湯底好清甜，濃濃既大地魚味，麵質都好彈牙，份量合理，岩岩夠飽啦反而南乳豬手麵河粉入面有好多韮黃，豬手有兩大舊，都炆得好淋好入味，河粉唔會煮到好爛好滑口到全餐既精粹啦～想試左好耐既爽脆鯇魚皮配新鮮辣椒豉油，每一片再夾埋新鮮翠綠嘅蔥，入口好清新又唔腥，厚薄適中，好有口感！必試啊！荃灣周圍都係食米線，反而試吓呢啲地道傳統懷舊嘅麵店個肚都好滿足！

睇荃灣友page網友推介這間粥品，講真地理位置在大鴻輝後，旁邊是麻雀館，有點龍蛇混集，平時真的很少經過，所以身為荃灣友也不知這店存在。它開下午三時至凌晨一時，想早餐食個粥就休想了。因為它是粥粉麵店，主打是麵，不是一般粥店，也沒有製作腸粉。雖然不是純粥店，但粥的品質可算是區內之冠，非常綿。及第粥跟艇仔粥肉丸粥一樣是其中最平的一款粥之一，$37。非常足料，有豬肝、豬腸、豬肺和肉丸，全部內臟處理得乾淨，爽口彈牙。

經常聽同事介紹這家杉記，說其湯底由蝦頭煲成份外美味，今天恰巧經過，獨個兒試試看，店內選擇也算多，粥麵以外還有煲仔小菜。******************************雲呑撈麵 (5/10)麵底有少許鹼水味，不算嚴重，但個人實在不太喜歡，要加醋來調味。雲呑有六粒，口感不錯，可惜偏細粒，有點不夠喉的感覺。******************************可能天氣凍了，店內頗多人吃粥的，不知是不是粥的味道會更好？

香港人收工收得夜就係人都知，但係從來都唔會驚冇嘢食。今日收工餓餓地，好彩啲一區係美食天堂，唔驚無宵夜食。彬記係呢一區既老字號，又都出名收得夜，係一個唔錯嘅選擇。店舖入面唔算大，但係勝在可以係出面露天地方坐，食下咽又得，飲下啤酒都得。而且又有地方泊車，好方便。而且呢度有一種人情味爽滑趣魚皮對於一個人食嘅話，份量太多啦。但係魚皮爽滑，送啤酒一流。淨水餃份量適中有六隻，但係每一隻都唔會好大，料唔會好多，咬落爽脆，一個人食啱啱好

This place is definitely worth coming should you wish to experience the local’s way of life. You should definitely add an egg into your congees as it enhances the taste of the porridge. This combination also improves the texture of the porridge. Do not be deceived by the miniature size of the shop, they will arrange a table for you outside the shop should you require it.P.S: For side dishes, make sure to get the fried wanton as it just tastes magical and the crisp sound that it makes is just as

第一次去食係因為嗰日夜收工，好多餐廳已經收咗，男朋友就帶咗我去食呢一間。呢度主要係食粥同面，但其實呢度仲有其他小食都幾好食架。男朋友話呢度以前嘅薑蔥魚腩煲好好味，不過佢覺得依家差咗。今次係因為同朋友提起呢度有薑蔥魚腩煲食，佢話想試吓所以就去咗。一上菜時，已經聞到陣陣香味同埋聽到個d 炸炸聲，令我哋已經流晒口水，雖然我唔知以前嘅味道係點，但我覺得個魚腩煲煮得都夠乾身，魚腩好香口，又夠滑，都算值得推介。另外我哋仲叫咗個爽脆魚皮，之前係澳門食過覺得好好食，估唔到係香港都食到。魚皮果然係非常爽脆，怕腥嘅可以加埋蔥絲一齊食，點埋佢自家製嘅辣豉油汁，好味！！佢仲加左d 花生粒，食下魚皮又食下花生，正😋😋而麵食來講，魚蛋麵同埋撈麵我個人都覺得唔錯。

今日下午有少少空檔，去左睇個醫，睇完係附近搵食，之前食過彬記既麵唔錯，今次就試下個粥啦。想食肉丸又想試多樣野，就叫左魚片肉丸粥$36，粥黎講似乎有少少貴，不過原來幾足料喎，肉丸有四粒，魚片都唔少。個粥一上來見到有d 薑絲，我唔食薑就盡量夾走佢先，然後試下個粥，好熱辣辣，入口綿密濃稠，甜甜地咁，有d 魚既甜味，但都應該有落左少少味精，肉丸幾爽彈，咬開中間有d 似瑤柱既咸鮮味，魚片就幾有魚味，幾鮮甜又唔腥，但間中食到d 小碎骨。

自己常常去荃灣搵食，估唔到我和這間開了那麼多年的粥店在平行時空中，今晚在友人的介紹下終於相遇了。原來我沒有發現她，是她位於內街泊車位旁，所以見到還有那麼港式地道的粥麵店，真的十分興奮。加上佢在牆上還有毛筆寫的餐牌，真的好久不見。話不多說，說回美食：艇仔粥：好多地方都有，但粥底綿密，而且十分足料新鮮，連我不太食魷魚的人都覺得佢魷魚十分爽脆，生菜和肉絲都十分新鮮，晚上仍有這麼高質素的粥，開心。鮮炸油條：一件件熱熱上碟，可見再炸過，重回生氣，擺脫老油條的名字，正鮮鯇魚皮：脆脆的白灼魚皮，配上薑蔥，如魚皮不新鮮，店家不用心，不會做這個功夫菜，所以有得食真的好彩。值得一讚。而雲吞麵係竹昇麵，所以實是難得遇見之作，實在太好味了。總結：地點不起眼的老店，令人難忘的美食，請多支持港式老店。

荃灣舊市中心區最大的特色就是全港獨有的大陂坊、二陂坊、三陂坊、四陂坊及鱟地坊。陂坊源自唐朝長安城，是當時以圍牆圍繞的城市，從荃灣的陂坊布局，可推斷有關陂坊前身應為古城，現在就成了一些舊式住宅樓宇包圍的一些地方，這些陂坊地方，有著不少歷史悠久的食店。雖然在荃灣區上班，平日很少走來陂坊地帶，今次帶我來的，是收藏了一段時間的「彬記粥麵專家」。一向我喜歡吃麵多於吃飯，比較有味易入口，而粥則比較少吃，因為很怕熱騰騰的食物，很容易會燙傷口腔，一定要等它放暖了才吃。今天放假打算去一田百貨減價掃貨，想不到平日下午都這麼多人，超巿見到付款長長的人龍，輪候手推車也排了十幾個人，手推車供應的速度也慢，自己沒耐性等待，而一個人戰鬥力有限，也不會買到多少貨品，這樣戰下去所付出的時間及力氣似乎不值，決定敗走超巿，只買了兩對襪離場。離開時看看時間，約下午五時，有點餓了，突然想吃一碗麵才回家，補償今天不能在超巿掃貨的心情，而且身上沒貨物，走得比較輕鬆，行遠點也行，從荃灣廣場行去大陂坊，大約十分鐘。來到彬記粥麵專家，看樣子都有幾十年的歷史了，門口有些圓桌和椅子，未知是否晚上會開在街上，多做生意。室內座位不多，大概二十個

係高登飲食台見有位巴打推介，自己住得近，即去試試。今次冇叫推介既魚皮，叫左雲吞麵。一食，真係彈牙既竹昇麵，口感當然唔錯！食下食下，噫，有成六隻雲吞，好抵食呀！可惜，個湯重鹼水味，唔岩我，但仍可接受。我唔係食麵既專家，分唔到麥X記同佢既麵既分別。只知呢個價錢食到呢個質素，實在非常好，我會再黎的。