御八築地 (已結業)

都係架啦。 門口等半個鍾。因為miss左張台。3文魚加州卷今次打風甘上黎。味道正常。最好吃都係火龍卷。 中間蝦蝦脆脆的。雞軟骨送啤酒正。壽司拼盤海膽ok, 其他都好味。沙律1定會點。

從畢業開始，每逢轉新工我都會喺哩到請家人食飯，因為貪佢夠平夠抵食🙈雖然哩到唔係樣樣都平，但識得揀，每人都唔洗80蚊，仲可以食到你飽飽。五六個人食的話，首先上三個飯或麵share 哩到石頭窩飯係必食嘅，石窩夠熱，上菜時仲撻撻聲。烏冬滑溜，食唔停口。再是旦加個飯，我今次叫左鰻魚炒飯，有啲油，唔推薦。食完三個主食就再來兩三個小食。雞軟骨勁大碟，蒜香味濃，一邊傾計一邊食最正。三文魚頭唔油，算多肉。最後來個招牌火龍卷就完美啦。蟹籽多到食唔晒，仲可以加入炒飯到食。唔飽嘅話仲可以食哩個軟殼蟹卷。偷偷話你地知，哩啲特式卷入面，火龍卷之外最抵嘅就係軟殼蟹卷，但放上枱十分得睇，呃得下人以為哩餐好貴！哩餐五個人食平均每人80蚊，但食唔晒，六個人食就差唔多。每人六七十蚊就夠晒飽啦！

上水要食好野？我首推御八築地！其實上水日本野有好多選擇，但佢係我由細食大只有進步嘅一間，而且次次都大排長龍，無他，好食又大件！先上頭盤，芒果蟹子沙律！佢地用料一d都唔客氣，你睇下d蟹子，好多啊！芒果今次酸d，但好開胃！小食方面，雞翼餃子係唔錯嘅選擇，脆皮雞翼裏面有好多餃子嘅肉非常好食！呢個炸雞軟骨，香口鬆脆，雖然有啲熱氣，但非常值得，因為好食又大碗！喜歡三文魚的你，一定唔可以錯過呢個三文魚壽司，拉起來成尺長！一碟兩件都係＄30！食到重點，刺身方面我哋叫咗個精選刺身船，最驚喜係有半版海膽！三文魚又厚又大件，雖然吞拿魚就唔係話好靚，食起嚟有啲斤，但是都非常滿足，我最欣賞，就係呢個帶子，非常鮮味！壽司方面，我主要叫左好多火炙壽司，呢個火炙芝士帶子壽司，真係食到好開心！有好多從來都，鮮味、芝士香味、仲有火炙嘅燒烤味道！最後當然要介紹我最鍾意食嘅兩個食物，雞軟骨炒飯同埋火龍卷。呢個炒飯用嘅米非常特別，食起上嚟好乾爽！去呢間鋪頭，你會見到每圍嘅顧客都會叫呢個火龍卷，吉列炸蝦卷上面有大蟹孩子，食起上嚟卜卜脆，好好食！價錢都唔係話非常貴，但係要排隊，平均都要等半個鐘。但係都非常值得！我哋一共食咗＄12

男朋友住上水，所以間唔中都會係上水搵野食。御八築地，住上水既人一定唔會陌生，每次經過都係有人排緊隊我地今晚都係一樣，都等左3－4個字。餐廳雖然係細，但野食都係有一定既水準呢間餐廳既最出名既係挪威三文魚，我每次去食都會叫，有時會叫長長既三文魚壽司，但今晚叫左6件三文魚腩三文魚腩，師傅厚切，好肥美，好有魚既鮮味鐵板蒜蓉燒帶子，一上枱，係剛燒好架，熱辣辣，散發陣陣既蒜香味，帶子好入味，燒得啱啱好帶子厚身火龍卷都係係御八築地必叫架！火龍卷中間係天婦羅蝦，脆而不膩上面仲舖滿三文魚籽我地兩小口都好細食，所以叫埋個豚肉烏冬就啱啱好！豚肉薄切，肉同脂肪分明，烏冬彈牙，但略嫌湯底比較淡。

係上水黎講，築地算係數一數二既壽司店，每逄星期六、日夜晚都必定大排長龍，等左大概30分鐘終於入得喇!我地差不多一星期都有兩、三次黎食，已經熟到唔洗睇餐牌都識叫haha首先叫左個京蔥燒三文魚腩，簡稱352。每次黎到都必食既，燒到半熟既三文魚腩，入口即溶，非常美味。燒雞泡魚干，食到一半先記得影相haha，因為太肚餓喇，忍唔住食左先，燒到岩岩好，外面有D脆脆地，入面就淋淋地，沾上千島醬，食唔停口啊!串燒牛舌，好爽好彈牙，有少少盬吊下味，唔錯。盬燒鯖魚，魚皮燒到好脆，魚肉好嫩，但可能落得太多鹽，有少少咸… 如果少D就好食多了。鍋燒雞扒手打烏冬，烏冬好彈牙，雞扒都好入味，仲有粒冬菇索晒D湯好鬼正

港女最鐘意就緊係食日本野啦!!! 其實好耐好耐之前係食開大埔果間御八策地嫁😞 自從佢執左之後就一直都想搵個機會黎上水呢間分店食個飯懷念下☺️呢日終於有呢個機會啦🤣滑蛋雞排飯☺️ 好味道😋火炙黑椒三文魚壽司👍🏻 最鐘意就係食策地啲火炙壽司😍食左一半先記得要影相既豚肉烏冬😂 賣相太差係因為真係太好味 一黎到就即刻食 差啲連呢張相都唔記得影🙈芝麻鰻魚反卷👌🏻 其實平時食開火龍卷嫁 今次就試試新野☺️ 都係最愛火龍卷🙈

呢篇係幸福。肥。兩小口👫既第一篇食評✌🏻唔講廢話，事不宜遲，介紹下呢間餐廳先。呢間餐廳位於上水石湖墟符興街，因為男朋友仔🤷🏽‍♂️住呢區既關係，假期好多時都係呢頭搵食🍴相信住上水既朋友仔都知呢係頭食肆林立既地方！之前果個星期日係上水想食日本野，咁岩又經過呢間餐廳，一直覺得佢門口靚靚仔仔，成日經過但未食過，所以俾機會佢試一試😏我地差唔多一點半先黎到，餐廳大概有1/3人，人流都算唔錯。一坐低就諗著問佢拎個lunch menu睇睇，點知weekend係無lunch set既，咁我地唯有叫返normal menu啦。因為男朋友仔個肚唔太舒服，所以我地只係點左兩樣野食😉火龍卷 HK$72 （⭐️⭐️⭐️半）最高5️⃣⭐️🤷🏻‍♀️：火龍卷個賣相幾吸引，蟹子分布好平均，對於我呢個蟹子控黎講真係無得頂😈呢個火龍卷實際係蟹子紫菜天婦羅蝦卷👍🏻成個卷物有八件，機本上每一件都會食到蟹子，入面天婦羅蝦亦係新鮮炸，所以好好味😋豚肉鍋燒手打烏冬 配豬骨湯 HK$68 （⭐️⭐️）🤷🏽‍♂️：通常第一次試間日式餐廳都會揀我最愛既豚肉烏冬配豬骨湯底，今次亦唔例外😌話明鍋燒烏冬當然用鍋上啦，所以成個烏冬食到尾都仲keep到好熱🍲 手打烏冬

而家工作煩忙都已經好少上op打下自己食評有時好食既唔得閒讚,唔好食既都唔得閒彈,差d連個acc都唔記得pw不過尋日一個體驗令我返上黎講下呢間店既食評.....廢話唔多講價錢>係我第一個驚訝既一part,一拎起張點菜紙見到..再望下周圍既環境...位於上水......店面一般...內裡坐位又窄又坐得唔舒服..竟然一碟火炙三文魚都三十幾蚊......特長三文魚壽司30蚊都算...其他唔特長既壽司閒閒地最平都要26蚊(講緊係玉子/蟹柳壽司個d)其實睇完張紙已經唔想食......諗住食少少就走.....不過朋友話,可能好好食呢.....算啦...求其點d食下啦....服務>一入到去剔野,已經feel到有個男人成日同隔離枱個女仔講野....再聽下....原來係一個男店員....係咁問個女仔有咩想食呀,晏d一齊食野呀,連人地有無男朋友都問埋............其實真係好影響其他食客....如果佢其他做足都算...佢就真係淨係企係個幾個女仔附近服侍個一枱女仔乜都唔做...又一個想走既理由.....真係好騷擾...食物>亦都係最重要既一環,我以為佢個d貴既壽司可能真係好出色

屋企人生日，太多人，吾想響屋企煮咁煩咁逼，就黎左呢間食飯。店內位置都幾少，我地等左差吾多成個鐘先入到，坐得都幾逼。吾理咁多，嗱嗱聲點菜，要左蟹子沙律，火龍卷，刺身，壽司。羊架，雞亦，炒飯，烏冬...先講蟹除沙律，菜同蟹子都超多，一碟都係$52, 大件夾抵食。火龍卷，說穿了就係炸蝦卷上面鋪蟹子，蟹子份量好有誠意，炸蝦又夠脆，值得推介。雞軟骨岩岩炸起就上枱，熱辣辣，正！原本仲想叫辣蟹炒飯，落單先知呢個炒飯吾再出，咁就試下佢個鰻魚炒飯啦，咁就中伏啦，鰻魚量又少，最慘係飯吾夠熱同有腥味壽司就推介特長三文魚壽司同鰻魚壽司，三文魚超大塊，鰻魚又超厚身其他刺身類/熱食既就普普通通，冇咩亮點。埋單計，平均每人112 左右，日本菜黎講都算係抵食。

經朋友介紹下，決定去上水御八築地試下！打去諗住book枱原來不接受訂座架，問佐開舖時間係11:45,所以一開舖同家人已經去到，怕星期日多人要等位，好彩去到得四張枱，我哋重可以揀卡位坐添🤗我同家人有四個人，入到去即點菜！因為非常肚餓....點了菜太約15分鐘左右，已經陸續上菜，可能一開舖唔算多人，上菜都比較快👍🏻特別介紹特長三文魚壽司，真係好長架，重好有三文魚味😋重有個鹽燒鯖魚，都燒得好好味架！加啲檸檬汁食重正，連我妹妹平時唔食魚都忍不住試下，食佐都讚好味👍🏻另外個炸軟榖蟹手卷，炸得非常鬆脆，手卷算唔錯😋佢地個豚肉鍋燒烏冬同角切魚生反，都好大個呀!我哋四個人都食唔曬😂除佐個海膽壽司兩件要$112比較貴之外，整體食物都算唔錯，下次都會再黎👍🏻

工作愈來愈忙，愈來愈難約三五知己一起吃飯，時間和地點都難夾。這間店開張了很久，但一直未有機會去試。難得騰得出時間一起吃飯，加上朋友一直推薦這店，所以一群人就去試一下這店。這店唯一不好的就是不能訂位，而且平時還挺多人的，幸好有朋友可以先來拿位子，我們才不用排隊就能進去。出於個人小私心，很難找到不好吃的日本菜。這店的菜可以稱得上中上的水準。但那一份三文魚壽司一上的時候，還是嚇了一下。這三文魚壽司，正確來說是三文魚拖羅壽司，這份量也太令人心心眼了。這三文魚拖羅真的長的誇張，一口把它吃掉，真的有說不出的滿足感😍整餐飯唯一的遺憾就是沒能嘗試到那蟹籽沙律，我們是在要結賬的時候，才看到鄰桌點了過菜。為什麼一定要吃這個呢？因為它是湯碗大小份量的蟹籽沙律，沒錯真的是湯碗，下次如果再來的話，一定要試一下！

好耐無食築地，突然想食日本野，就去左築地食，諗住唔會好差。去到見到餐牌，好似樣樣都ok,就叫左個角切魚生飯，一黎到個魚生飯成碗都被d炸天虎羅d碎蓋住哂，係成碗，仲多過d 飯，完全見唔到d魚生，一食成口油味，完全食唔落，同佢張餐牌完全唔同樣，問個侍應，佢仲要答係咁多炸碎，如果唔想要咁多，下次可叫少d碎，聽完完全嬲左，依家係圖文不符wo，張餐牌都叫唔到有咁多碎，係出面食都未試過食咁垃圾既魚生飯，可能係我見識少，未見過d咁有特色既魚生飯，總之成餐都好呃錢，食左兩啖，完全食唔到law，收我$7x

接近下午茶時間才去吃午飯，一進去已經LAST ORDER。（午市營業至3PM）點了饅魚飯、饅魚壽司、三文魚壽司、雞扒鍋燒烏冬和加洲反卷（但反卷因為漏單沒上）。鰻魚飯有點像部隊鍋，有鰻魚、芽菜、泡菜、酸菜，飯帶着淡淡的酸辣味，就缺了雞蛋。已經不是新鮮事物的超長三文魚壽司。感覺飯好像變得更少了，不過㠭文魚還是很鮮甜（雖然據聞三文魚是一種壞了也看不出來的魚）。鰻魚壽司，重點是燒汁。雞扒鍋燒烏冬。豬骨湯底鮮甜，感覺沒有很多味精，雖然雞扒不夠滑嫩，但算足料。蒽花很多，配有冬菇一件、仿蟹柳兩塊和鳴門卷一塊。

呢間嘢呀媽一直都想去食，剛剛就去試下呢間嘢等呀媽開心下。當時六點正，我到先，攞定位，點知間嘢無冧住開冷氣準備客人嚟食晚飯，間嘢細都唔係只開一陪冷氣下話，好焗！好彩自備風扇，自己伙計話焗先去開！個人評論：間嘢細！位又窄！變成環境好嘈喧巴閉！成日聽到隔離條友不斷講粗口當自己語言！個人認為啲嘢食非常一般唔係特別好食，叫咗牛油帶子，睇張相個賣相好靚，點知又乾又鞋又無帶子味，拉圾！跟住條火龍蝦一樣，食完條脷重鞋，都唔知咩嘢食嚟嘅！跟住叫其他嘢都係一般，唔值咁嘅價錢！只可以覺得海胆壽司ok！唔通為咗海胆壽司再嚟咩，唔會囉！埋單380，我比四百，我冧住佢比番一張廿蚊紙我，點知找來一蚊兩蚊，冧住我唔會要咁，我就要哂佢比你睇！呢頭錢啱啱收咗，客人都未離開個位，就即刻收嘢，差啲就整到我！又攪到我媽要等佢收埋嘢先可以起身離開，真過份！出面啲人開始排隊，唔明點解有咁多人幫襯，我亦唔想知！我淨係知無下次！真正食嘢嘅人都會同我一樣！我而加條脷重鞋緊，你地不妨睇體驗下！

當日同亞爸亞媽食晚飯想食日本野 又未去過 就試下啦叫左個豬軟骨炒飯想搵舊豬軟骨真係難過登天但係我都算味道普普通通啦再黎係加洲反卷$45 4件 吾抵食亦吾出色最差最差係咩牛肉拉麵果塊牛肉韌到亞媽都吾認得完全食吾到從來未食過甘差既日本野仲要扮高級但係食物同服務完全吾成正比吾洗指意我再入去