御品·千之味 (大全街) (已結業)

北海丼價錢$188，刺身有三文魚、珍寶帶子、蟹肉、蟹膏、三文魚子，另附有甜蝦，以及蟹子沙律和日本魚翅拼帶子裙邊。蟹子沙律味道正常，沙律醬給不少，所以味道足夠。日本魚翅拼帶子裙邊是味精的咸味，這東西在哪裡都差不多是這個味道，談不上是個問題，只是本來就不算美味。這套餐的重點在刺身，三文魚與甜蝦新鮮程度還可以，味道尚算到位，我接受，但其餘的刺身，甚至白飯，都足以令我把這家餐廳拉黑。首先三文魚子過咸，鮮味被蓋過。其次，蟹肉乾得很，口感柴，鮮味欠奉，頂多有些海水的咸味。蟹膏也是偏乾，吃不出味道來。最令我難以接受是珍寶帶子看着是最美味，竟然感覺不到有什麼味道，只有一坨軟乎乎的東西在口裡！我不知道白飯是不是日本米，它的質感太黏，口感自是偏軟，完全沒有日本米的嚼勁。$188不算便宜，但即使下調價格至$88，我也不想浪費自己去吸收這些只有熱量而沒有美味的食物。此外，店面主要由一位男侍應打理，全程黑面，一副完全不想招待的神情，盡力用最少字數回答顧客的問題。還有上傳照片+點讚+打卡可獲得小食一客，所以不奇怪他們有大量的like。

常常旺角食飯，已經有點吃膩了，而且旺角幾多人，所以選擇附近的大角咀餐廳，御品千之味，日式餐廳，假日lunch set 好抵食，所以全場滿座。裝潢相當有日本地道風格炸蝦天婦羅天婦羅好大隻，炸醬好薄不油膩，炸蝦也是新鮮。芝士雞扒冷烏冬 $88雞扒夠嫩滑，有惹味芝士同沙律醬配搭幾襯，如果醬汁少點會更好。烏冬有芝麻醬、蟹籽、蟹柳、青瓜絲等，拌勻後可以品嚐，夏天吃撈冷烏冬是不錯。海膽壽司 $48、帶子壽司 $35帶子肉厚肥美，海膽鮮甜軟殼蟹手卷 $28脆身的紫菜包著脆卜卜的軟殻蟹，好正最後更有免費雪糕糯米糍做甜品。

不說不知道，原來深水埗開了家性價比相當高的日式料理店！我和男友都「食過翻尋味」，超高質(๑>ᴗ<๑)店面的裝飾很日式，而且放了很多日本酒，我猜應該很多人來邊品酒邊點下酒菜吧？這個蟹籽沙律份量很多，食材新鮮，最喜歡脆脆口感的青瓜絲❤️❤️蟹籽的份量也超多呢！超愛海膽的我看見這個海膽三文魚卷，就口水直流(❁´ω`❁)海膽完全沒有苦味，不愛吃三文魚的我也覺得魚肉很鮮甜，三文魚控的男友就當然覺得超美味！半熟牛扒很香口呢♥️雖然是半熟，但不用擔心會太生或有血水，反而因爲半熟，所以肉質超嫩，而燒汁也完全帶出了肉味～讓人超驚喜的就是這盤蒜農三文魚帶子炒飯！味道夠濃郁，非常香！！好吃到讓我不斷跟男友說下次要再來吃！最後還送上兩顆雪糕糯米糍呢♥️

今日約咗朋友喺大角咀食糖水咁食糖水之前當然就要先食正餐咁今次呢 就咁橋佢揀咗呢一間千之味其實之前我喺深水埗已經食過㗎啦覺得質素都唔錯所以就同佢就拍板食呢間呢一間裝修明顯好過深水埗坐得都算舒服覺得最好就係覺得佢哋有誠意有分 壽司刺身豉油今次就叫咗蟹肉沙律: 估唔到咁大碗 揀咗胡麻醬好食過沙律醬好多炭燒牛扒: soso la 個人覺得硬左啲冇想像中咁好味火龍卷: encore!記得上次都有嗌呢一個保持水準下次都會再嗌壽司: 新鮮唔錯餐牌上面好多選擇下次試吓其他先!!

今日去奧運行完街仲睇咗戲，之後就睇吓搵咩食啦，行咗去大角咀嗰邊，因為聽聞大角咀都比較多好嘢食。跟住發現左呢一間睇落平民但好多人食嘅日本野， 細睇過餐牌之後發現原來超高性價比。一個午市定食都係幾十蚊但係有晒刺身主菜同其他配菜甜品飲品。但係今日我同男朋友想食壽司所以冇叫到佢嘅午餐，壽司方面價錢都好經濟，但係上到枱樣樣都好新鮮又好味。而且店員超好禮貌，好細心講解每一種豉油嘅用法，值得一讚。唔怪得今日座無虛席啦。見到隔離枱叫嗰啲日本定食都好吸引，本身以為幾十蚊都會頹啲，但係睇個樣超高質。下次尼一定要再試下啲定食。

唔知係咪呢排天氣太熱既關係，又係去食日本野😂呢間嘢食唔貴喎，因為大家都好肚餓而又懶得諗食咩既關係，我地叫左幾個拼盤，咩都有啲唔洗揀，真係懶到出汁😂野食好快就到，首先黎到既火炙壽司拼盤，不消一分鐘已經比我地清曬🙄火炙壽司表面燒到焦黃色。火炙三文魚表面有一層薄薄的三文魚油，食落好香、好滑口。左口魚邊壽司唔止一塊，但係要小心食，因為好容易掉。火龍卷賣相好靚，好多蟹子😆裡面係蝦肉御品壽司拼盤，我最愛既三文魚籽一啲都唔腥，甜蝦壽司有2隻蝦咁多，好鮮甜。軟殼蟹反卷我最愛既枝豆，食親日本野都叫😂呢度加左少少黑椒粉，為本身無味既枝豆加了少許味道。可惜order時唔記得叫加熱，熱食會更好味。三文魚帶子炒飯份量都唔少，但黎到係好熱辣，趁熱食好香口，裡面好多三文魚粒，但係唔係好覺食到帶子。吉列炸蠔入面既蠔都幾大隻，襯熱食先好味！最後仲有雪米磁送添

大角咀出名多食店，今次幫襯嘅呢間新開餐廳位於食店林立嘅大全街，亦都係深水埗千之味嘅分店，之前已經有聽過深水埗千之味嘅壽司好好食，知道佢哋大角咀有分店就嚟試下啦由於係新開張，入面嘅裝修好新淨，好靚， 充滿日本風情不在話下， 亦都好多仔細嘅佈置，牆上嘅架放滿日糸嘅裝飾，連卡坐嘅梳化都係好靚嘅日本花紋， 店舖細細，但係畀人好舒適嘅感覺餐牌有好多唔同嘅選擇， 除咗壽司刺身以外還有串燒炒飯和烏冬等等經過一輪掙扎之後，最後點了御品·壽司拼盤，因為可以一次過使唔同口味嘅壽司，啱曬有選擇困難症嘅朋友 除咗有大路嘅三文魚、吞拿魚、甜蝦之外， 還有左口魚，海膽和赤蝦， 左口魚和赤蝦鮮甜唔使講， 海膽足足有兩大片，絕對唔係一pat pat分唔清嘅海膽最後驚唔夠飽仲叫咗吞拿魚沙律壽司

原來大角咀開左間新ge日式料理餐廳，有燒肉套餐，好似好吸引咁，都有其他定食今次係散叫，兩個人叫左超過十樣野食到好飽，d 魚生都幾新鮮，不錯食左三文魚，八爪魚，北寄貝同赤貝壽司。仲叫左三文腩刺生，嘩，塊三文魚真係好厚呀，有d膩。孰食食左兩串串燒，鹽燒雞翼同蕃茄豚肉串，豚肉串有d乾，如果喜歡食濃味，會覺得雞翼味道偏淡。厚燒玉子好好食火龍卷有好多蟹籽， 原來裡面係炸蝦，我地無留意，都叫左份芝士炸蝦卷，但兩個炸蝦卷都好好食，各有特色我本人會微偏向喜歡食芝士炸蝦卷火龍卷相仲有軟殼蟹手卷，略嫌紫菜唔夠脆。最後，仲有送左糯米糍

同一般日式餐廳一樣，以木為主，簡潔舒適。大約有三十個位左右，到七點半就已經全場坐滿。待應雖得兩個，但服務好好，落單上菜執碟都好快手。性價比高，食物質素好有水準，如果係我住嘅附近開，必定成為我飯堂。今次兩人叫左四樣野，每人$140。 軟殼蟹手卷 $28唔油膩，無油益味，炸到乾身脆口，配埋沙律醬食，好好味。吉列炸蝦卷 (4件) $38蝦炸得好好，好鬆脆，食得出新鮮炸出，仍保持到蝦嘅爽口。火炙壽司拼盤 (8件) $108 呢個好抵食，幾款三文魚都做到入口即溶，再配埋芝士個種香濃，真係齒頰留香，必食之一。汁煮牛肉手打烏冬 $78比想像大碗，牛肉同洋蔥煮得好入味，味道好香濃，牛肉又無煮到變鞋，湯底帶有甜甜地，烏冬無過火，仍有彈牙口感。

行完街想食壽司又唔想去連鎖店，朋友就帶左我黎呢間餐廳 話之前食過質素幾好，咁就黎試下~有好多款選擇，而且價錢又大眾化，所以我地都叫左好多野食~蟹籽沙律份量好大，店員亦都好貼心咁另外再加多碟沙律醬俾我地，抵讚!我地叫左幾款壽司: 三文魚、甜蝦同蟹籽壽司都好新鮮，一件甜蝦壽司仲要有2隻大既甜蝦，食到好滿足~ 鰻魚壽司醬汁香濃，醬燒牛肉壽司牛肉有點焦香，幾惹味！另外再叫左個吉列蝦卷同火龍卷~ 兩個卷既擺盤都好有心思，當然亦都好足料~我地食到捧住個肚走 加埋一都係三百頭， 除咗 性價比好過哂D連鎖店， 店員服務易好熱情 ， 這是連鎖店比不到的 ，推介!

呢間位於大角咀餐廳佢嘅位置鄰近奧運地鐵站，由地鐵站行過嚟約十分鐘便到。我去下午茶嘅時候去食人流不多不用等位，店員好快就幫我安排座位，餐廳內空間感十足，座位寬敞，用左好多木材嘅裝飾，以淺色為主感覺，又有音樂，成個感覺好溫暖好舒服。雖然餐牌好多選擇，可惜我只想食個輕量下午茶，所以只點咗幾款壽司祭下個五臟廟店員介紹有兩款豉油，一款係普通壽司豉油另外一款係加入昆布嘅昆布鼓油鰻魚壽司 ＆ 鵝肝壽司鵝肝大片得黎又入口即溶， 嗰陣咁濃郁既鵝肝味留咗口入面好耐好耐....鰻魚有口感，鰻魚醬汁夠晒香濃海膽花之卷呢個係我最鍾意嘅一款壽司，海膽入口即溶 配埋又肥美又鮮甜三文魚黎食，一級棒呢！三文魚壽司壽司嘅三文魚刺身比想像中大片，價錢又平，性價比好高帶子刺身雖然我點嘅係帶子刺身，唔係珍寶帶子，但帶子size都唔細， 而且好鮮甜總結：餐廳鄰近地鐵站雖然要步行一段路但都算方便，門面唔起眼但入面食物水準絕對有驚喜， 好彩冇miss度有走入去食， 除咗刺身出色之外連壽司飯唔知點解會有陣甜味。

公司附近開了間新的日本餐廳，睇到lunch 價錢相宜，於是試試看~店鋪唔大，但都有不少日式風格的裝飾在內，座位都舒適~..睇睇餐牌，有超過10多款午餐。而單點餐牌內都有多類型日式美食，例如: 刺身、壽司、飯類、爐端燒、炸物、沙律…..今次我地就叫了 壽司烏冬套餐，只係$72，包左蟹柳青瓜沙律、半份烏冬、6件壽司、三文魚手卷、味噌湯及或飲品! 好豐足! 壽司的魚身鮮味，烏冬chewy，一個人食哂一個餐都幾飽！..另外我地叫了🥗粟米蟹籽沙律估唔到咁大碗，好似碗「麵🍜」禁大！ Portion 超有驚喜，而且只係$35！ 味道方面也好，青瓜絲、蟹柳絲及粟米都好新鮮，味道鮮甜！..🍣御品極上壽司拼盤同事想食多D壽司，所以點了此拼盤，壽司包括有赤身、中拖羅、大拖羅、牡丹蝦、珍寶帶子、海膽、魚子、蟹肉蟹膏。所有都貴價壽司，壽司飯不會太淋身，魚身鮮味，食完好滿足～..我地仲叫左燒雞翼和鰻魚壽司😋..最後埋單時，餐廳仲會送上小甜品，是雪米滋及蒟蒻😋..補充一下，此餐廳的店員服務態度真係好周到，經常加水，又會提返我地枱上醬油有兩款，一款係點剌身，另一款係點壽司用～..整個用餐感覺唔錯，下次都會與同事再前

想食壽司又唔想食黎食去都係集團式經營既日本餐廳，見呢間靚靚地又平就試下刺身冷麵餐 $88刺身有三文魚、北寄貝、油金魚、八爪魚、赤海蝦、魚子赤海蝦非常巨形，啖啖肉好滿足冷麵好大份，女孩子未必食得晒。不過冷麵好普通，麵質有點硬，食到最後有點兒”銀”胃。而且略嫌醬汁有點多壽司餐 $88壽司有三文魚、油甘魚、鏗魚、赤蝦、呑命魚、蟹子、熟蝦、玉子、鰻魚、蔥三文魚呑命魚蓉手卷咁多件壽司真係好抵食手卷係最好食，赤蝦壽司都好新鮮其他壽司一般，呢個價位接受

在大角咀工作的我今晩和同事來了附近吃晚飯，選擇了這間新開的日本餐廳，環境乾淨。食物的選擇也很多，而價錢也十分合理。同事點的是汁煮牛肉手打烏冬 （$78），還有洋葱、木耳和粟米等配料。牛肉醃得入味，肉質嫩滑。整：體份量還很大呢。我點的是生薑豚肉手打烏冬 （$88），冬冬爽滑，豚肉入味，流心蛋的蛋汁流到湯裡更美味。火炙三文魚腩壽司 （$25）燒得恰到好處。而辣味三文魚卷 （$48）辣度不勁，但夠惹味。上面還放上粒粒魚籽，脆卜卜的口感更佳。即叫即燒的燒牛舌芯 （$32）爽口彈牙，是我去日本餐廳必叫的串燒。最後還有雪米糍送呢

去到大角咀區覓食，今次搵到間幾有心思的日式料理店。以我所知呢間鋪頭喺深水埗都有一間店，menu有套餐有散叫有壽司刺身串燒等等，小店格局，估唔到食物質素都唔錯。蟹子沙律（$35）青瓜絲夠新鮮，咬落索索聲，好清新。芝麻雞翼（$38）雞翼炸得香口又入味，唔錯。特大赤蝦壽司（$32）：蝦肉新鮮有彈性。帶子壽司（$35）、油甘魚壽司（$35）、劍魚腩壽司（$28）：睇相未必睇到個壽司size的大細，其實份量都幾足，帶子同魚都幾新鮮。有兩種豉油，分別可以配刺身同壽司。火龍卷（$78）賣相好好，仲好有心思添！卷物內餡係炸蝦，面頭有好多蟹子，好澎拜呢！