御麵 (已結業)

佢嘅炸雞豉油撈麵做得好出色雖然睇落都只係炸雞同撈麵，好似好簡單，但佢嘅炸雞係即炸，然後又Juice多汁專有不同口味可以揀，我上次有食原味同蒜香，蒜香做得比原味好食而佢個豉油撈麵建議要粗麵，非常好食必試個老細都好Nice係咁撩我哋吹水

酥炸雞球撈麵（可以自選麵） $58位於元朗大坑渠旁既呢間小店 最出名就係佢個炸雞球撈麵 事關雞球係連皮即炸 咬開會食到好濃既黃薑粉🫣但小編就覺得外皮炸得略為乾硬 同埋黃薑粉太搶fo了 反而撈粗幾出色 每一條麵都沾滿自家秘製醬汁 味道偏甜 有啲似瑞士汁 的確幾好食🤪我諗我會為左佢個撈粗而翻兜！

估唔到咁快又畀人捉入元朗做野無計啦又去食下好西再次鳴謝大西北朋友子既推薦店舖今次呢間都係小店黎位比較窄如果拎住太多野可能會唔方便3到4人 無拎野一枱應該無問題冷氣方面我坐門口入一枱既位夠涼 食到最後都無覺得熱同流汗店舖位置佢離朗屏站有10幾分鐘既路程對搭鐵既人黎講係有啲啲仔遠食物雞球撈($58) +豬腳($15)+凍0水(+2)雞球撈不得不說佢個雞球真係好有特色聞說佢係用雞脾起骨再整佢可以將塊雞皮整到好似零食脆片咁脆而雞球唔會因為過份既炸而無曬水份依然保持外脆內軟而味道方面落既調味料唔多但可以帶到雞既鮮味出黎好岩淡口味既我撈麵第一眼望落去黑同反光可能大家會聯想到好咸，好油，好易膩但食落去係完全無呢個問題聞說佢地用自家特調既甜鼓油個咸度可以話係岩岩好我食曬成碗都唔覺有口渴既問題而且食完都唔覺有胃頂住/唔消化既問題豬腳炆得夠淋但由於淡口味我覺得少左炆豬腳既惹味凍0水+2 有呢個size 合格啦店員我諗應該有 3到4位因為我去到已經2點幾無咩人 所以睇唔太出Serve 我個位應該係老闆黎老闆健談 親切有傾有講個雞球撈都係佢推薦我點無伏我總結我覺得 1到2位其實可以去試下因為雞球撈真係好有特色

元朗有間隱世小店，雞球撈麵最出名。位置喺大坑渠旁邊，店舖細間，座位比較擠迫，今日同行友人叫左炸雞球炸菜米線（$48），雞球另上嫁。炸雞球用黃薑粉去炸，記住黃色部份唔係肥油黎嫁。炸雞球唔會充滿油溢味，大大個雞球，食完超滿足，一個餐有4件雞球。我就叫左炸花枝丸撈粗（$56），撈麵可以揀粗麵或幼麵。值得一提嘅係佢哋嘅撈麵，超夠味，每條麵充滿醬汁，又唔會好咸，但略嫌鹼水味有啲重，不過可接受。份量大碟，花枝丸有4粒，唔簡炸花枝丸嘅，價錢會平少少。套餐包野飲，當然例牌凍飲加2。無加一收費。

御麵既雞球係👧🏻👦🏽經常掛住既美食🥺🥺酥炸雞球撈粗&蒜香雞球撈粗 $56用左粗麵，麵身唔會好淋，小小硬，口感唔錯彈牙，太淋就會唔好味。麵嘅顏色幾靚，老闆話係用左自家製豉油整，應該都有運用老抽去做色水，食落鼓油味比較上甜，👧🏻👦🏽都鍾意食辣，所以加咗少少辣椒油令到成個麵都會再香啲😋😋份量都幾多下，一定夠飽👍雞球係佢哋嘅招牌菜式之一，我哋兩個都偏向鍾意蒜香雞球多啲，因為兩者炸法應該都一樣，炸粉超薄，亦都炸到勁脆，但係裏面嘅雞肉keep到好juicy🤤🤤好惹味雞肉係有小小黃色，應該係醃雞肉嘅時候用咗黃薑粉，所以雞肉都好香👍🏼

因為揸車無位泊車，只能食外賣我打去order 外賣自取問了店員怎樣行過去，佢話你泊唔到車我一陣整好拎過嚟比你喇，你揸咩車 車牌係咩我只點了八十多元食物他們真的太好了講返食物蒜香雞撈麵 好食唔係果啲倒蠔油比你撈果啲麵身Q 彈，帶甜味，好味，推薦撈麵👍🏻蒜香雞，炸得好好好脆，卟卟聲，咬到入面有啲咖喱香味，估計係薑黃，香口惹味👍🏻 有用心醃和烹調，唔似叫貨台灣腸 不過不失 翻食的話會食撈麵由於我連舖頭都無入過，唔知咩樣，未能形容食物同服務都很好，下次去試吓堂食

週末到元朗飲飲食食，今次選擇試「御麵」。「御麵」舖面不算大，不過除了鋪內，還可以選擇在舖外開枱食（但炎炎夏日，筆者當然選擇有冷氣的室內）。還好抵達時未算多人，不用在烈日下排隊。必試的酥炸雞球，炸到金黃色，外脆內肉嫩。啖啖肉非常juicy，加了黃薑粉後更加香口。最特別之處是老闆把雞皮翻起一齊炸，脆卜卜的口感，尤如在吃薯片。米線點了酸辣湯底（另加$5），正常水準，沒什麼特別。撈麵是「御麵」的招牌之一。撈麵可選粗幼度，份量頗多，口感爽口彈牙。配上店家自家制的甜豉油來撈，顏色偏深，賣相幾靚。味道偏甜，個人覺得加辣椒油會更香。

去到元朗唔知食咩就揀呢間，佢主打自家製甜豉油撈麵，咁就試下啦，有粗麵同幼麵揀，全部all in撈粗麵🍝【酥炸雞球撈麵】 $58 (8.2/10)講下佢個雞球，你會見到有一塊野反起左痴住個雞球，嗰塊係雞皮嚟😱，我開頭以為係炸粉嚟，直到睇到牆上面報章簡介先知係老闆娘特登翻起雞皮去炸，個雞皮好好食，雞肉都唔錯😬，唔會好多炸粉，唔怪得咁多人推介🍝【香茅豬扒撈麵】 $60 (8/10)豬扒咬落唔會好韌，好食，不過雞球好食好多😂，撈麵同上面講嘅一樣普普通通啦，但個麵真係煮到啱啱好，佢係車仔麵嗰隻粗麵嚟，食落個醬唔似甜豉油，似有調過嘅汁🫠🥃【凍檸茶】 （跟餐＋$2）(3/10)是一杯冇茶味嘅檸茶，唔係似檸水，冇錯，點睇佢都係凍檸茶嘅樣，但唔知點解飲落好怪🧋【凍奶茶】 （跟餐＋$2）(0/10)我真係唔知自己飲緊啲咩，奶又唔係，茶又唔係，唔識講，我自問平時都冇比過野飲咁低分，呢間揀罐裝汽水好似穩陣啲

【勁大粒！連皮炸嘅酥炸雞球撈麵】呢間位於元朗大坑渠既御麵，最出名係大大粒既酥炸雞球撈麵，今日終於試左！四粒雞球真係大大粒！！大過煎釀三寶嘅魚蛋，大個高爾夫球！雞球圓碌碌，另外有個尖尖位，食落原來係炸雞皮😻，脆卜卜咬開雞球，入面有黃色嘅調味粉，應該係黃薑粉呢雞球內裡肉質嫩滑，但略嫌表面炸到有少少乾另外佢淋咗好多甜嘅豉油醬，豉油醬應該自己調，甜過同杰過支裝煲仔飯豉油，我好甜，好中意💝佢嘅撈麵，係鹼水麵。落單時會問你要幼麵定粗麵。食落啖啖鹼水味，再加埋微微甜嘅醬油另加煎蛋$5，半熟蛋黃好自癒$58+$5 total $63，包普通熱飲，係有特色嘅，係好味嘅，但價錢略貴。元朗六十幾蚊出面食到更加多花款嘅嘢。✏✏✏✏✏✏✏👅味道：8/10🌌環境：7/10👍🏻推薦：6.5/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作__________________

「御麵」嘅招牌炸雞球，雞球特別嘅地方就係將雞皮翻起嚟，炸雞皮下面嘅脂肪，就唔會喺咬落去嘅時候俾脂肪層影響口感。雞球本身可以話外脆內嫩，入面嘅雞肉就肉汁豐富，唔會炸得太老而變到乾晒，而雞球嘅蒜香味就可以再突出啲；而撈麵就用咗「御麵」嘅秘製豉油，小編覺得豉油嘅甜味同鹹味調校得怡到好處，唔會話一味死甜或者一味死鹹。如果分量再多啲就perfect啦！今次自己帶盒買外賣所以有得減低20

今日去咗元朗郊遊 之後就梗係要幫襯下元朗嘅黃店啦 呢間御麵嘅雞球撈麵極之出名 雞球粒粒都幾巨型 外面炸得勁香脆 入面仲係juicy多汁 雞肉嫩滑 撈麵嘅醬汁鹹鹹甜甜 麵質蛋香濃郁有咬口

呢間小店最出名食嘅係炸雞球有四大粒份量好多但我就比較鍾意食蒜香雞翼雞翼炸得超香脆係新鮮熱辣辣即炸皮脆肉嫩勁多肉汁面頭加上椒鹽非常惹味但今次我揀咗酸辣米線酸味同辣味都好足但略嫌辣味比較嗆喉

好食，但撈麵居然冇ching 湯 ，食唔到撈麵一乾三濕嘅精髓。 咩叫一乾三濕，即係麵、湯、茶、汁 四樣無論你食雲吞麵 雲吞撈麵 都一定要上齊呢四樣如果你食撈麵 最正宗最傳統o既食法應該係先飲茶漱口之後加醬油落兜湯度 食幾啖麵 含一啖湯一野噴落個小二身上「咁難食點食呀! 」咁個店家就知你係行家 會打番個7折比你！

御麵🍜元朗有好多小店都好好味，今次試左呢間，撈麵可以揀粗麵或幼麵🍜幼麵爽口彈牙，加上秘製醬汁，甜甜地好惹味🌟雞球大大舊，外脆內軟😋酥炸雞球撈麵 🌟好味😋

行行下街肚餓， 即刻諗到快食之選-炸雞球撈面個炸雞球次次都又脆又入味， 肥都值得四粒其實食完忍唔住想再叫撈面個粗面份量足夠，加埋自家製甜鼓油， 食完真係好滿足。 值得特別一讚係個鼓油汁分量啱啱好， 因為好多時汁少搞到個撈面好乾， 食到一半就已經唔想再去， 但係呢度完全無呢個問題， 真心正。 凍檸茶正常， 唔會特別苦， 食完炸雞嘆返個凍檸檬茶真係人生一大享受。 大滿足一定再回頭， 唔怪之得係元朗國名物之一， support!!!