御麵 (已結業)

👨🏻‍🎓要數多黃店嘅地區，不得不提自成一角嘅元朗國，簡直就係總有一間喺左近，無論中西日韓台泰嘅黃店都可以喺到搵到，今次P仔就要介紹間食中式撈麵嘅餐廳。🍜今次P仔食嘅呢間就係叫御麵，舖仔細細咁太係真係估唔到咁好食，而且價錢唔貴，佢嘅好味完全係出乎預期！🍝佢呢到嘅招牌菜其實就係佢哋嘅酥炸雞球撈麵，大大粉又好食！首先要講下佢哋嘅撈麵，質地方面係偏粗少少嘅麵，食落唔會好稔，反而都幾彈牙，配埋佢哋獨一無二嘅自家製甜豉油同應該係蔥油，食落甜甜地又好香，完全係會一啖接一啖停唔到，算係食過最好食嘅撈麵！🍗至於佢哋嘅酥炸雞球就有4大舊，全部都係肉，應該加咗啲黃薑粉之類醃，所以黃黃地同有陣香味。呢個雞球最好食嘅地方係佢外面炸到勁脆，連埋塊皮都勁脆，入面就都仲幾juicy，唔會好乾，所以都好好食！☕️另外呢個麵係會有埋一杯熱飲，P仔就加咗HKD 2轉凍檸茶少甜，飲落唔會好甜，但係茶味都幾香，同一般飲到嘅分別唔大！🍽整體嚟講呢個麵同雞球都好高質，而且價錢唔貴好大份，絕對係P仔會回頭嘅餐廳之一！不過唯一就係小店有小小逼，但係佢太好食所以其他嘢都唔重要！

今日做完gym想食啲邪惡野，所以去御麵食佢嘅粗麵👍🏻餐牌上面有粗麵幼麵仲有米線，炸物有名物酥炸雞球，唔想食炸仲有豬手添。今次除咗豬扒撈粗之外，仲有叫蒜香酥炸雞球，新鮮炸起一出到場已經食晒冇影到🤣唔好以為佢個麵底好似好細，飽足感其實好大，同普通粉面檔個味道係冇得比，平時好怕食嗰陣鹼水味，雖然overall口味比較重，但係食得撈粗梗係食重口味😋去食有定心理準備出品比較慢，但係食好食嘅嘢耐心但係值得

睇到好多推介話好好味星期四就同個朋友一齊由西貢特登入元朗試支持下我地未入去 見到入面客唔算多人間店好細 一睇睇晒 一到就有位有得坐 可能係平日關係？我就食左個雞翼撈粗 朋友就食左炸雞撈粗個賣相同網上食評啲相完全唔同 一上枱完全唔吸引既 個粗麵越食個口越大「簡」水味越食就越勁 完全頂唔順 食唔晒我以為得我覺得 就連我朋友都覺得好重「簡」水味 可能如果食幼麵會好食啲？雞翼算ok 炸雞大粒但味道都唔得人地講咁特別好食 可能本身對佢太大奇望 所以食完就特別失望？不過我諗都真係真係真係無下次！完全係失望點解咁多人會覺得好食架🙊比人呃左添真係完全覺得唔好食同唔抵食 *疫情時個溫度計壞左定無開？

因為限聚令關係同朋友係附近搵到呢間5點半都仲比我地入去食野嘅店叫咗招牌酥炸雞球撈粗好似主打係自家製豉油豉油比較甜，我就鐘意自己額外加少少辣油撈勻，更加惹味略嫌個麵太油附上嘅菜好硬好老不過件雞球估唔到好大粒！剛剛炸起好脆香鐘意食香口野嘅人會鐘意除咗酥脆，件雞食唔出其他調味不過一碟有4件咁大嘅雞黎講相當抵對比朋友叫咗個魚皮餃撈麵就真係差天共地😂

星期五行完山， 落山醫肚， 朋友的朋友介紹去御麵， 因為唔熟元朗路，睇google 左行右行先揾到， 原來向大坑渠B仔涼粉附近。店子細細， 可能閑日又過左午餐時間，人流一般，靜靜地，抱著一般心情， 冇特別期望！ 一坐下， 店員推介炸雞球， 咁就信佢啦! 要了炸雞球酸辣麵。另外， 朋友話佢地豬手出名， 都叫埋！ 仲有叫了炸雞翼，這個一定安全。先來炸雞翼， 一上枱趁熱即食，肉滑皮脆！ 食完先想起未影相， 所以相片只見雞骨再來主角炸雞球酸辣麵， 雞球分開上， 雞球好香，少少鹹香， 有啲似日式唐揚， 雞球中間加了黃薑粉，又多一重香！ 另一驚喜就係個雞皮好脆，一啲都不油膩， 脆薯片咁，但係有雞香味， 連平日不食雞皮的我都食曬！ 超讚。最後，豬手又淋又滑，一啲都唔油膩！幾拾蚊大大碟， 好抵食！ 可能肉類太出色， 酸辣麵反而平凡了。這店有驚喜，好食！ 已經諗定下次再去會叫啤酒或燒酒送炸雞球、雞翼、豬手😎🤣

—去到晏晝兩三點都要等位如果唔係係咁落葉 就會坐出街食酥炸雞球撈麵($56) / 酥炸雞球榨菜米線($45)重點係嚟食炸雞球 新鮮炸起小心睇熱塊雞皮炸到飛起咗 好型!! 薄脆而香口雞肉中間見到黃澄澄嘅醃料?!嫩滑有肉汁 配返個清湯米線 感覺冇咁熱氣😇其實甜豉油撈粗都係出名㗎 我本身就麻麻 但係佢哋都話好食嘅—————————————————————御麵 Imperial Noodles元朗裕榮徑11號好旺洋樓地下4號舖

經營餐廳最怕別人抄襲餐牌。若能做到菜式有點技巧，獨一無二，味道吸引，人無你有。只要客人想起該款食物菜式，腦海就聯想起你的餐廳食肆，自此生意就可以無憂也。打個比喻大家就明白：元朗名物「老婆餅」材料配方複雜，只要香港人想到微焦蛋黃鬆皮，軟韌微甜冬瓜餡料的元朗老婆餅，就自然聯想到元朗恆香，再而前往購買。中國元朗市範圍很細的，全是腳程所至，但特式食物極多，堪稱我的美食天堂。自己成長於此，對區內美食，如數家珍，琅琅上口。飲茶者去吃大榮華馬拉糕厚切燒賣、壽司者吃教育路珍寶壽司、食豉油豬扒要去冬菇亭、還有許多許多……燒鵝啦、雞粥啦、煲仔飯啦、鹵水鵝啦、涼粉啦、水餃啦。總之這些佳餚，只是元朗獨有，美食印在我腦海，味道伴隨我成長。「御麵」低調，舖面狹長，過往未曾光顧。無意間步經，見其「甜豉油撈麵」甚有特色，以此作為招牌菜式。特意造訪，評其能否於我元朗的美食榜中，增佔一個席位。食肆位置就在B仔涼粉之溝渠再進，車可泊於對岸之路邊。周六下午三時到達，座無虛席。在門外增開了兩張餐桌，涼風吹拂。為了美食，我嫣然蕭瑟一角，冷香飛落溝渠，也在所不惜。餐牌是一大本十來張用A5彩紙過膠，然後用鎖匙圈扣緊的薄子，十分沉重累

首先讚一讚炸雞，相信係即炸，又熱又夠脆，而且製作認真。食落應該係先醃雞肉，壓成雞球，用雞皮包住再炸。製作唔錯，有心思。店稱御麵我本來對啲麵好有期望，點知一入口鹼水味非常濃厚，即使甜豉油已經多到令到成個麵變咗黑色，都遮蓋唔到鹼水味。不論幼麵定係粗麵都係一樣。明白店舖空間有限，但位置相當窄，要有心理準備。總括嚟講，麵完全唔推薦，除非你係鹼水味嘅粉絲，否則我都係推薦炸雞啤酒餐，炸雞真係值得一試嘅，而且啤酒亦都唔貴。

今日放假見悶悶地就出元朗覓食，行行吓行到B仔涼粉附近見到依間食麵嘅都幾多人排隊。感覺唔錯所以一試。叫完雞球撈麵加蛋，上菜有啲慢都等咗15分鐘。但原來等都值得。先講個面軟硬適中豉油好香好甜幾入味。雖然食唔到麵粉香但以中式面，都算高質之後講吓啲雞球。揸得好香佢用皮包住啲雞肉拎去炸。我食一舊有兩種口感相當唔錯，難怪同場咁多人都係叫依個雞球。最後到隻蛋生熟程度啱啱好蛋白熟蛋黃切出嚟仲有蛋汁。好過公司附近嗰間大X哥。可能見到50多元會覺得有啲貴。但我覺得味道對得住佢嘅價錢。平時食下都唔錯但位置有少少偏僻可能要花多少少時間搵同埋午餐時間都幾多人建議下午茶時段再去。

1. 酥炸雞球撈面2. 魚四寶撈面We tried two of the dry noodles and both were delicious. They were both served fresh and hot, especially the fried chicken.1. The chicken is a must try! The chicken was fresh and juicy and goes really well with the noodles!2. The second noodle is a variety of fish balls, fish skin dumpling, cuttlefish balls and fried fish cake. These toppings were less attractive and tasty compared to the chicken but we would still recommend it if you would like to try something else on the menu

//我和我最後的倔強 握緊雙手絕對不放 下一站是不是天堂 就算失望不能絕望  我和我驕傲的倔強 我在風中大聲的唱 這一次為自己瘋狂 就這一次 我和我的倔強//好耐都冇同P先生好L小姐一齊食嘢，由於好耐都冇食中式湯麵，所以就嚟咗呢一間良心小店。.聽過佢嘅炸雞球十分出名所以就叫咗嚟試。而待應（老闆 ）服務態度都好好，一路都有解釋各種食材嘅特色同推介嘅食材。小店位置唔算好大所以位置都唔多，所以高峰期嘅時候都要等位。大部份食物嘅價錢都係$50多一點，而且有學生優惠，價格相宜，而且加凍飲姐加兩蚊，十分合理。仲有唔同嘅小食提供，我推介嘅係$40 set，包左一支啤酒三個雞球同埋一份薯條，但聽老闆講應該就嚟加價，所以想食嘅快啲過嚟叫。雞球同埋豉油撈麵係呢度嘅招牌菜，朋友係冇介紹錯嘅XD豬手麵：豬手都算煮得入味，但湯頭略淡，但加上辣椒又可以填補不足。雞球撈麵：大推！雞球係用黃姜粉醃過所以十分入味，而且撈麵嘅醬汁十分香濃，如果係男士或者大食嘅人可以加底，因為食完真係會想再食㗎。總括而言：中式嘅良心小店真係唔多而且質素都相當唔錯，值得一試！

今日是10月10日,黃店大攻略日,元朗到處都是手足,走遍幾間黃店都無位/等到下年,記得在IG見到有一間吃炸雞的黃店,所以就來碰運氣,幸好不用等就有位,好野~環境較為狹窄,有油煙味,屬於小店形式,不過價錢實惠,而且可以多做客人生意,證明老闆有想法聰明!來到當然要試其炸雞球及撈面啦~酥炸雞球撈粗麵   56元+3元凍檸茶   4.5/5分1. 要等15分鐘的炸雞球是非常值得的,因為咬入口爆汁,應該用了咖哩汁調味,超級好味,是我在香港吃過最優質的雞球~有4大粒,好味~!~~2. 撈粗麵配甜豉油都好夾,份量岩岩好,實係好味到震呀!!!!!!!!!!!!!!!!!!!!!!!!!!!!炸豬扒米線   47元+2元熱檸蜜   3.5/5分1. 炸豬扒一樣好味,切的時候有聲,實在厲害~2. 雪菜米線就好一般,不是主打,不建議叫~熱檸蜜和凍檸茶都偏甜,但都不錯,叫少甜就可以啦~非常支持大家來到這間黃店,好好味架~~~~~ 

支持小店!終於吃到傳說中的雞球撈粗去到未開閘, 以為冇開, 打電話問, 好彩開門咋！雞球熱辣辣真係好正我嫌撈粗D豉油太甜, 不過加咗辣椒油中和D,5錯！香茅豬扒入味,酸辣湯底都夠濃店員服務都5錯

同屋企人行元朗行到攰想坐低食lunch，見到咁啱有位唔使等，就入去叫左網上個個都話好食嘅酥炸雞球撈粗🍜我估係即叫即炸嘅，因為嚟到嘅雞球超級熱辣辣✨但裡面唔會好乾，反而幾juicy，仲要有四大舊，大過我個口，開心死我😂不過可能我唔慣，略嫌撈粗個汁太濃味，米線應該啱我胃口啲，如果下次轉米線，配埋雞球會食到停唔到口🤭唔記得影餐牌，但以我記憶雞球撈粗好似$54，米線再平啲，唔錯唔錯可以做長期飯堂🥳下次會想試埋佢嘅蒜香雞球！💛

元朗搵食，其實都有好多選擇，想不過想找到個位食嘢同泊車都唔係咁易。今次想輕食一碗港式撈麵🍜，想起呢一度。.舖面細少，座位靠兩邊，主要係廣東麵食，簡單得嚟、經濟又好食，達到「平靚正」嘅標準🤓———————————————————————————🍽酥炸雞球黑豉油撈粗🍜➕🥤💬招牌炸雞球，顧客跨區都係為咗試呢一款，係炸得香口，味道濃，略嫌鹹咗少少，如果跟返一碗韮黃上湯就更好😏.🍽花枝丸黑豉油撈粗➕🥤💬想中和撈麵嘅濃味，其實可以叫唔係炸嘅餸料，比較清啲，眼見鄰座有叫牛腩🐮同豬手🐷，份量都相當之多，下次都可以再試😌