德國佬餐廳

营业中

休息中

今日約左兩個朋友食午餐，去到元朗呢間德國佬，我第一次食，一點左右去到都有位。我叫左西冷牛扒，朋友叫左帶子意粉，另外一個朋友晏少少先到，佢話不肚餓，淨係叫左杯凍檸茶先上餐包，朋友話好食，我一食，嘩，脆而不硬，帶啲鬆軟，好正之後個湯正常，個包好食啲個意粉唔知好唔好味，但望落靚仔西冷牛扒樣靚仔，落單冇問要幾成熟，但冇所謂。食落有肉味，肉仍帶血紅，OK嘅間野坐落幾舒服，野食也可以，最緊要唔係好貴，$80一個西冷扒算超值，食埋啲薯條夠飽嘅

一般如果想食西餐作為lunch，就會諗就係呢一度，有一定嘅水準價錢又唔太貴，而店內地方不算太大，但很潔淨，店員也很有禮貌 ！通常餐湯只有一款，味道都唔錯，幾鮮甜濃郁，最喜歡就係食佢個餐包，外脆內軟，很有口感 ！通常我會叫嘅就係西冷扒配意粉，西冷扒唔會太un, 質感唔錯，意粉比較爽身，所以咬落去比較有口感。另一個係紅酒會牛尾，炆得十分入味，非常之淋滑，而且味道香濃，薯條亦都炸得香脆。廣島蠔墨魚圈蜆肉意粉，味道清淡一啲，忌廉都係幾 creamy嘅, 但就一般，冇乜特別！

三五知己限聚令下最好既聚腳地，環境有室內室外，適合唔同喜好必食推介：西冷14oz要5成熟，可以4個人一齊食再黎羊架，唔會好騷，唔鍾意騷既人都岩食德國腸仲可以每種揀1條配搭必選辣肉腸，芝士腸冷盤可以食蟹肉他他，配上芝麻包多士，味道非常好德國咸豬手係重點之一啦，外皮夠脆，肉夠軟熟，又係必食鍾意食蠔既人可以揀煎蠔黑松露風乾火腿薄餅，黑松露迷必選重點推介：德國生啤酒，有黑/白兩種，仲要係45蚊飲咋，抵到爛，飲幾杯都唔肉赤想食菜既可以揀炒雜菇，好好味整體黎講，味道同環境都一流，值得去食

各位聖誕節快樂🥰🎄今年係第一年6點後冇得堂食既聖誕....晏就去到邊都好多人😖竟然比我地搵到呢間餐廳，就入左去🤩🍝 鮮蝦日本帶子意式香辣蕃茄意粉$62叫左之後發現好多枱都有叫呢個🤩真係超驚喜！意粉煮得岩岩好，係我中意既口感🤩好彈牙，唔會偏淋/未熟咁🤪 岩岩好！另外蝦同帶子都好鮮味🤩🤩重點係咩？係聖誕節佢地都竟然冇加價！又唔收加一，超良心😱😱😱$62，有飲品、餐包同湯！咩事呀點解可以抵到咁，仲要係好食既😭

由西鐵站行到德國佬要10分鐘，33度嘅溫度下行過嚟，真係幾熱下。餐前麵包外脆內軟，熱辣辣。餐湯係意大利雜菜湯，我無飲到但睇到好足料。等左十零分鐘就上主菜，係香煎雞扒咖喱意大利飯（$58）。雞扒煎得剛剛好，微脆，內裏仲好滑。咖喱飯入面有三色椒粒同洋蔥粒，食落惹味，飯量好多，下次去會叫少飯😆 最後用杯橙汁做結尾，正。呢間鋪頭望落唔起眼，但係食物質素同服務態度都好好，環境都好舒服，晏就無加一，真心無得彈，希望老細長做長有。

情人節，當然要同心愛的好好慶祝近近地去左元朗徳國佬餐廳🍴法式田螺配薯蓉，好食！豬手好食，值得推薦！意大利飯，正宗！情人節的餐桌報置當日坐室內位置，空氣流通，於現在出外食飯陪感安心👍🏼

訂左枱5位12：30 ，12：20去到佢同我講將我地book既嗰張枱比左另一枱5人客，因為職員搞錯左，叫我地等 下！！我就係唔想我家人要等先book枱，而家仲要因為你地既職員搞錯，要我地等，我地等左5分鐘覺得唔對路，再問佢先話最快要等半個鐘，先可能有客會走，對話期間態度惡劣愛理不理，同我講你地可以等，我冇理由叫啲客走 Ok fine 冇野好講 我走我打喺度純分享，要唔要幫襯佢自己決定 味道幾好都冇用，何況我連試既機會都冇

話說，早排有朋友生日，所以搵左間餐廳食，去左呢間位於洪水橋既德國餐。我地叫左一份包，佢配左兩款醬料，我覺得個醬都唔錯😆仲有兩份燒雞！燒雞真心正！😍d肉勁soft😍😍😍😍😍又juicy！仲叫左豬手，不過我唔太食豬手，朋友們都話好食！雞粒薯條都不錯，但可以再炸香口少少😂😂😂另外，係得德國餐廳食！緊係要食德國腸啦😆😆😆好好食！！！全晚都不斷聽到生日歌！最少聽到5次😂果然好多人黎慶祝生日😆😆😆

打完波揾地方醫肚，兜了一圈，冇乜好選擇之下試吓這個德國佬，主因太熱想飲啤酒和抽煙。坐低先嚟兩大杯啤酒涼快吓先，餐牌還是午餐時段，點了西冷和牛尾，都是七、八十蚊貨仔，本應無咩期望。點知食落有驚喜，雖然幾十蚊貨式，但老闆及廚師絕不欺場，件西冷並不是高質物色，但調味及火喉上好，牛尾炆得夠霖。有幾會一定㑹試吓晚市是否一樣高水平。一間會再幫襯食肆。

週未跟朋友飯聚，友人推薦這間德國佬餐廳，於是特意到元朗做下「德國佬」。店內掛滿復古鐵皮畫，風格統一，態度和藹的員工推薦了一些合我們口味的菜式。最終我們點了德國咸豬手（$198），豬肉蛇形卷腸（$68）。.以下為每款食物的分享小評：前菜先來暖暖小麵包，喜歡醮了黑醋和橄欖油後的味道，口感軟軟的，很好吃。..德國咸豬手($198)重量級豬手切件登場！果然是經典招牌菜！不單皮脆肉嫩，鹹香惹味，而且肉質十分有嚼勁！其中芥末醬和燒汁味道獨特，令人食指大動，垂涎三尺。酸菜瓜是咸豬手的好朋友，也被我們吃光光，以解一解邪惡的油膩感。 ..豬肉蛇形卷腸（$68）吃德國菜最喜歡點蛇形腸了，腸衣很薄透，容易切開，肉汁豐富，是美味的配酒小食。脂肪和肉的比例很好，香而不膩。..

第一次係元朗食徳國餐，竟然係不得不將我第一次寫評奉獻出來。同行四人一來到餐廳，因為室內滿座，所以逼住坐室外😅但都無損食好野既心情。坐低之後，職員開始送上4杯水兼擺位，同時介紹meun，其實我地都無理，掛住自己研究。後來另一個職員又問我地想食咩，我地就叫對方介紹先上餐包，應該係芝麻包，配上黑醋加欖油之後上水牛芝士沙律，呢個真係好正！個樣成個波甘，切開好似乳酪，但味道配上蕃茄，再加少少玫瑰鹽，味道一絕，好得意。然後食完，職員幫我地換過只碟，之後再食小食，2條辣辣徳國腸，配粗薯，醬係有少少酸的咖哩，味道不錯👍🏻之後再來係墨魚汁飯，我覺得有少少甜，我就覺得還可以，但下次就未必會再叫😂😂期待已久既徳國豬手，終於出現啦d皮好脆，又唔算太咸，配埋黑啤，又係一絕值得一食！整體而言，都值得再回頭光顧既！而且d職員好好人，好nice四人消費左740左右

餐廳環境清雅，怖置有風格。坐位不擠迫，好舒服，店員介紹菜單好有禮貌。我點了紅酒牛尾餐，先上的餐湯夠熱，面包好脆，牛尾好焾 有酒香 非常入味好食。餐飲我叫了咖啡，好香濃。店員服務好好，值得一讚。

上星期平日大約6點半黎德國佬餐廳，好彩冇人等位，一黎到就有得入。我同朋友叫左個呢間餐廳最出名嘅德國咸豬手黎食，可能係即叫即整，都等左一段時間先上菜。但個豬手整到好脆，配埋啲酸菜一流👍燒羊架有3舊嘅，唔太臊，都唔錯。

Book左7:00枱同屋企人食飯，去到時唔太多人，但到8點左右就開始坐爆啦。坐低冇幾耐就送左啲麵包俾我地，好鬆軟好香，點橄欖油食仲香。我地嗌左豬手，鵝肝，黑松露意粉，西冷，燒春雞，味道一流。佢地唔會一次過上曬所有菜，反而會等你食到差唔多時先會上下一道菜。而且服務態度唔錯。

週末黎左試呢間嘅lunch set 見唔使一百蚊有西餐食就入去試下 雖然唔係住元朗嘅可能有啲難搵 係喺條停車場巷仔入面 環境好舒服 有得揀坐室內或者室外 室外佢佈置得好靚 宜家天氣涼左 帶狗仔貓仔可以坐室外食 今日我揀咗個香辣帶子鮮蝦意粉同埋西冷扒 有湯(我今次佢係青豆湯有啲難飲)有飲品 (唔止檸茶檸水咖啡茶 仲有蘋果汁同橙汁揀)香辣果然有啲辣 以為西餐應該冇咁辣 佢應該用左tabasco煮 唔係好食得辣就唔好叫帶子同蝦都幾好食 不過唔係好大粒 每樣得兩舊 六十幾蚊就算啦而西冷朳就冇問我地幾成熟 煮出黎係十成 我係中意嘅 覺得幾好食 但另一半中意食五成嘅就覺得好un 所以中意食生啲嘅不妨問下佢有冇得整生啲 或者叫其他我覺得lunch set兩個$144唔收加一黎講 性價比都幾高 雖然其實都幾想試佢嘅鹹豬手 但應該夜晚先有 唔知價錢又係咪好抵呢?下次再試