德國佬餐廳

营业中

休息中

假日的晚上黎到，唔算多人，可以揀室外或者室內坐，天氣咁熱，都係入去涼下冷氣好。人少少，靜靜地，都幾有情調。點餐後先送上麵包，麵包夠熱夠軟熟，可配黑醋食。餐牌有set dinner或者散叫，我地叫左一個set，前菜有煎蠔，呢個煎蠔好好食😍。蠔好大隻，表面煎到脆脆地，但入面仲係似生蠔嘅口感，配埋襯底的洋蔥煙肉，真係好正👍🏼主菜有牛扒，五成熟剛剛好，另外有提供海鹽同芥茉醬等，但塊扒本身已經好濃味了，點埋其他調味就太鹹了。另外散叫了黑松露意大利飯配煎鵝肝，意大利飯落咗好多菇等等嘅配料，所以口感好豐富，煎鵝肝亦煎到外脆內軟，好食👍🏼最後有跟餐的小朱古力蛋糕作甜品餐廳食物大多都偏濃味，所以無點啤酒嘅話最好都係飲多杯水，免得太口乾吧😂

繼續元朗食店分享，這篇也是午餐，因為我實在不多在本區晚餐！Never Too Late dining 的成功，令好些元朗西餐也跟住不加一兼打折，德國佬 就是其中一個例子。不經不覺，餐廳已經六年了；想起來最初幫襯時還是孕媽媽，算起來又差不多！那時元朗的西餐水準還比較差，今時今日選擇多了太多，才慢慢遺忘了這裡。事實上會到訪，也是因為同街的 Chef's Movement 正好關了門！ 午餐 ($48-78) 奉送是日餐湯、咖啡或茶或果汁，質素也可以。 不過主菜的 紅酒燴牛尾 ($68) 及 意大利辣肉腸薄餅 ($68) 就無論賣相還是味道都是平平，兩口子還是寧願到 Chef's Movement 吃漢堡去～ 市場，的確是貪新忘舊又殘忍的，為了不給淘汰，希望小店要好好努力改進出品！

去完南生圍郊遊，窩夫與蝦子餅去元朗找地方吃東西，由於窩夫突然想吃德國豬手，便去試試網上評語不錯的德國佬餐廳。先來小麵包，暖暖的，軟軟的，醮黑醋和橄欖油來吃，味道不錯。吃德國菜除了豬手，還要吃德國腸，德國佬的德國腸選擇不少。窩夫與蝦子餅選了豬肉蛇形卷腸($78)，腸衣夠薄，腸肉肉汁得以保持，水準不錯。主角德國燒豬手($198)來了，豬手已經切件，吃起來很方便，豬手皮脆肉嫩，味道不會太鹹，窩夫吃得很滿足。結帳時才知道德國佬為慶祝開業六週年推出早鳥優惠，星期六、日及公眾假期晚市時段8時30分前離座可享九折優惠。

餐廳位處較寧靜的位置，但靠google map 都不難找到。入座後店員很細心的給我們介紹是日精選菜式，餐牌亦有提供多款晚餐，價錢合理，但由於我和家人都想試試德國招牌菜，所以決定散叫，然後一齊分享。點菜後店員問我們是否趕時間，若不趕時間可以慢慢食，他們會按次序幫我們上菜，先來剛烘好的餐包配黑醋油，香脆鬆軟，再來雜菜沙律，黑醋汁甜甜的，很清新美味，接著是是日精選的雞肉腸卷，一碟有兩小條，共砌為六小件一口的大小，入口酥脆可口，還有豬肉卷腸，砌開小粒一家人分得好幾粒，點蜜糖芥末或黑醋燒汁都很美味。接著是“內有秘密黑松露意粉“,由於本人是超愛黑松露，所以就點了這個，一客的份量不多，但妹妹吃完卻十分喜歡，店員還會問我們吃到內裏有甚麼秘密，想不到還有互動的環節，這個意粉真的好食又好玩呢！最後兩道菜分別是羊架和豬手，羊架一人一支，肉質鮮嫩，大家都很滿意，配菜紫薯批和蕃茄蓉雜菜亦很精美，必吃的德國豬手爸爸略嫌皮太硬，但我們倒覺得皮脆肉嫩，十分滿意！店員服務真的十分週到，在我們用餐期間，會因應需要為我們換碟，最後還給我們休息片刻，再幫我們端上生日蛋糕，下一有機會，一定會再來光顧！

周日午餐在德國佬解決，上次試過豬手和麵包後，令我對餐廳的出品頗有信心，個人認為，德國佬在食物質素和價位上，都勝過附近大商場的德國菜餐廳，難怪能在元朗多年仍能䇄立不倒。今天午餐我選了主菜烤羊架，隨餐附有餐包、湯和餐飲，另加錢可配雜菜沙律。先來的是南瓜忌廉湯，入口香滑甜美，贊。再來雜菜沙律，以新鮮雜菜配上橄欖油和黑醋沙律汁，雖然算不上特別，但清新美味。主菜烤羊架有兩件，配菜有椰菜、粟米及金黃香脆的薯角。我沒特別要求羊架生熟的程度，想試試廚師會做出什麼來，我在中間切開，羊架呈漂亮的粉紅色沒有血水但仍保有肉汁，口感不靭，輕輕帶點羶味，但是我個人喜歡，所以十分滿意。以下就是我第一次吃德國餐廳時吃的豬手：雖然餐前麵包賣相可謂其貌不揚（第一眼看頗失望），因為有點像隔夜麵包，怎料一入口竟然是暖暖的，很有烘焙香，外皮酥脆，内裏鬆軟，口感非常美妙！極之好吃！吃完一片會非常想再來多一片！我問過，原來餐廳是訂麵團回來再自己焗，所以烘焙香味特別濃，也特別新鮮好吃。豬手是這兒的名菜，我相信不用任何言語，相片自己都會說話。化皮！肉嫩！實在出色！配菜的酸菜和酸青瓜亦很美味，二人吃一份，十分滿足！難怪朋友間都盛傳這裏的

居於元朗多年 一直都有經過德國佬外形裝飾好有德國感覺而且地理位於人流較少的小街 因為慶生 所以一試餐包是自家製作好香軟 👍🏾👍🏾👍🏾薯角幾好食 切到好大條 好有口感 芝士腸（$98 for 2）芝士腸好濃芝士味啦已經我覺得唔加醬都好好食 之間睇食評對醬汁滿懷希望但醬汁食落還可以吧重頭菜 德國豬手（$218）肉好林好香 但個皮好硬好乾最後都係只吃肉 乾脆唔食皮天氣唔熱 所以就算坐室外都無問題 連風扇都唔洗開 而且小街關係 唔會好多人行來行去 環境好舒適 而且坐出面有cam留意室外客情況所以員工都會留意到出面客人需要會主動幫你加水等服務態度細心 環境舒適

港女愛洋腸，一啲都出奇，睇下呢個德國腸併盤，粗幼長短應有盡有，仲有唔同味道唔同口感添。侍應仲會話你聽由淡口味食到重口味，等你可以食真每條腸嘅味道！賣相：味道：價錢：除咗呢幾條多汁多肉嘅洋腸之外，仲有大大隻嘅咸豬手，睇下佢啲肉幾粉嫩！脹卜卜咁都幾sexy，仲要皮脆肉嫩添！賣相：味道：價錢：

正宗德國脆皮炸豬手，剩係賣相已非常吸引，燒到層皮非常卜卜脆，豬手肉樕滑！味道非常好！配以特定醬汁, 食落皮脆肉滑，口感非常一流，最厲害連伴菜既薯菜都有幾個款式，有炸薯條，焗薯，仲有酸菜提供，唔怕會食滯，連同德國啤酒，簡直係絕配，正正……諗諗下，都想再去食

之前經過過幾次 都想試下 前幾日終於去左食 無book位 咁啱walkin有兩個位 不過係室外既位 照坐 還掂仲好氣氛首先上既係餐包 有得點黑醋同橄欖油 味道正常 跟住就係南瓜湯 幾香甜濃郁 口感幾滑 但餐飲就細杯左d 橙汁兩啖就飲完 沙律菜配埋個醬汁食都OK 不過今晚既重點唔係呢d 而係個德國咸豬手 皮脆肉嫩 而且一早已經幫客人分好一件件 方便得黎亦見廚師既貼心 加分 肉既咸味啱啱好 食落都有肉汁 配埋隔離果兩個醬食就將個味道升到另一層次 食到滯滯地就可以食下d酸菜同酸瓜 中和下 可解膩 仲嗌左個牛扒 雖然望落細細舊 但好厚 所以都好夠飽 五成熟 切開肉呈粉紅色 食落富有肉味 亦有肉汁 旁邊既配菜亦都唔錯 幾新鮮 甜品叫左個心太軟 餐廳仲送多個粉紅色心形小蛋糕 又一加分位 味道酸酸甜甜 唔錯 可惜心太軟唔夠流心 但味道頗濃 可接受

是晚朋友建議嚟試試, 其實呢間餐廳都已開業好一段時間, 不過以往一話食德國嘢, 就會去洪水橋嗰間多沒有訂位, 不過因為時間尚早, 好好彩唔駛等就可入座食過其他的才有比較, 我就較喜歡呢度的咸豬手, 因為皮脆唔un, 肉的咸道剛好而且肉質嫰滑, 配的酸菜也很可口, 只係份量少一點忘了這個是甚麼腸了, 但似乎比想像中細條通常海鮮飯都係配白汁的, 但呢度帶子飯配紅汁, 酸酸地又幾醒胃, 又冇白汁的那種飽滯感, 值得推介

Book 唔到位，試下walkin。成功。先來一杯Paulaner，事實都係得一款啤酒，只不過分黑同白。易入口，淡淡的，有小小似stella的味道。德國芝士腸。都juicy, 味淡，無咩特別。但我鍾意個醬汁。牛肉味可以，密糖醬ok,不會甜過頭。 咸豬手，巧大隻啊！皮脆肉滑。不這有些位置就硬左d了。處理手法有待改進。味道不咸，可以再咸些小。配菜的酸菜味道剛好，但青瓜就酸左小小。燒羊架，7成熟剛好。肉質可以。肥廋適中。配菜都唔錯，沒有草青味，熟度剛好。送的麵包，熱發軟。Ok woo. 黑醋及橄欖油都可以woo..不會 “拿“ 喉吖。整體唔錯，雖然價錢不算平，但可媲美名店。支持小店好吖。不過，服務要改善了，忘了我們的餐茶及甜品。

朋友睇中左<德國佬>多時…點知黎左幾次都碰門釘…~.~...今次靈機一觸…打左電話黎book定位先…原來入面座位唔多…有30左右…裝潢簡簡單單…只有幾幅掛牆畫…晚上搖身一變做酒吧…大概德國人生活就係咁樣…ˇoˇ...呢個好似浸住成串提子既玻璃樽…非常特別…仲好有design…唔知有無得賣既呢…^^¡¡…左邊出口係黑醋…右邊就係橄欖油…仲以為係意大利獨有沾麵包用添…麵包係法包黎…呢隻牌子既牛油十分之香…真係肥都要食哂佢…>，<…朋友似乎每次都會order湯…唔通西式迷魂湯真係咁令人神魂顛倒？？！！黃黃地色既係粟米忌廉湯…絕對唔係罐頭蓉黎…夠哂香甜…米米地色既係香蒜薯仔忌廉湯…第一啖感覺真係好蒜頭味…第二啖再慢慢品嚐...可能加左薯仔中和左d味道…蒜味未算太濃烈而不會變得難入口…都幾特別…頭盤係鮮吞拿魚蟹肉他他伴牛油果…造型幾新鮮…好有層次感…上層唔係好覺係蟹肉黎…反而似罐頭水浸吞拿魚加沙律醬…中間紅色既係鮮吞拿魚…無咩魚味…底層既牛油果…天生味道不濃…三樣無味配搭埋一齊…好似有d古怪…香煎羊架配百里香燒汁係set lunch黎…賣相都唔差吖…$68包湯包餐

從來未試過食一餐德國餐,要去三次,第一次去,被人包場,第二次去無開,第三次聰明,打電話book位先,今次肯定有先約友人,餐廳不算大,燈光比較暗,有3個待應,都有禮好客,會主動幫助,當食物多時,會比4人位使用。因聽聞呢到份量比一般餐廳多,今次唔敢叫太多菜,只叫了四道菜一甜品,兩湯,湯跟餐包,餐包好脆好味,朋友話佢地選用牛油好香,可配黑醋食,我要了粟米湯,好足料,每一口都是粟米溶。前菜要了個牛油食蟹肉鮮吞拿魚他他,入口啖啖魚肉配合牛油果蟹肉,又清新又好味。主菜叫了德國咸豬手,做得咸味剛好,外皮好脆,肉唔乾,仍有肉汁,配燒汁,介辣一流。燒羊架,有兩大片,好好肉,又嫩,燒汁又開胃。檸檬汁銀雪魚配帶子,帶子大大粒好肉,但檸檬汁唔突出,銀雪魚不太滑。甜品本來要蘋果批,但今日冇,改了藍梅芝士蛋糕,芝士味濃厚,中間心有藍梅醬,唔錯。飲品要了朱古力奶同意大利咖啡,愛朱古力友人話朱古力唔得,得甜味,但咖啡好香。總括來說,餐廳服務好,會定時加水,有問有答,食物水準中上,客人長期爆滿,但必定要book位。

元朗有間餐廳叫德國佬，顧名思義係食西菜尤其德國菜，如德國腸、鹹豬手等。點個德國腸拼盤，可以一次過嘗多款腸，配以酸菜最為正宗，食多都不會膩。主菜我比較喜歡燒原隻鮮魷魚墨汁意粉香草汁及焗茄子肉醬千層麵，前者魷魚鮮，後者肉醬香濃。最後來杯即磨咖啡，濃郁誘人的咖啡香撲鼻而來，醒神。值得讚賞係假日中午都有午餐供應，頭盤沙律非常新鮮，餐湯亦非常有水準。主菜一般有牛扒、羊扒、三文魚扒、千層麵等，$88 一set 真係超值。

坏境不錯, 相约三五知己一聚,確認一个好地方是晚冇乜客, 所以大家可以慢慢吹水德國豬手 - 大家讚不绝囗 , 皮脆又唔乾身,控制得啱啱好雜腸 - 好多款,每款味道都好不同, 因其他店子的雜腸唔多款之餘,每條都差不多味道Ribs - 又係好好食, 夾雜d肥油一齐食, 好香口燒雞 - 一般,冇乜特別西冷排 - 朋友話好一般帶子意大利飯- 完全唔係果樣野, 彼失望 前菜牛油果三文魚 - 外型不錯,味道都可以,係三文魚有点腥餐湯 - 唔掂, 好“希”, 又唔夠味甜品 - 朋友話好似食洗潔精咁 總括来說： 他們煮豬比較出色, 其他野表現得麻麻, 所以我下次再去的話,都係叫番豬既系列会好d