德美壽司

营业中

休息中

好耐無係大埔食德美堂食了，因為每次都要排隊等好耐，今日先拎左飛，再係周圍行陣先返轉頭，就順利入座了，作為德美系列既常客，我真係知道平常水準既德美係點樣，今日lunch 叫左三色魚生飯，茶碗蒸真係整得唔錯，蛋好滑又足料!但係發覺今日三文魚切得無平時咁平均，明顯見到有一舊係特別厚，變左口感無咁好，油甘魚普通，無咩鮮味，失去左平日既水準，白身魚就差唔多，帶子係好味! 以前會覺得特色壽司飯好正，但今日好似又酸左少少，可能落多左壽司醋。今次係有d失準，但過往都係良好記錄同埋係性價比不二之選，大約100蚊左右食個Lunch，多選擇，有熱食又有魚生壽司，次次落單都要諗一諗，因為好多野都想食，哈哈。過多排會返黎再試下!

之前食過尖沙嘴既德美lunch覺得都唔錯見到大埔原來都有一間就去左去食一去到薯薯妹一定會叫煎鵝肝帶子手卷（薯薯妹去過好多次）之後叫左個牛肉鍋個味到都唔錯牛肉味幾濃野菜新親 但湯太淡壽司就叫左 三文魚 油甘魚 頭兩個都正正常常 唔係唔新鮮仲有灰色既壽司睇相係紅色 可能睇得耐所以熟左試下個味先肉冇肉味成舊都係根自問咩肥牛多根都食過 （60幾沙田圍邊爐個啲）但依個真係食唔落叫左個綠茶飯 味道唔錯 幾滿意唔咸啱啱好 綠茶味又夠之後發現餐具全部都訂製🤣🤣終於黎左個鵝肝帶子手卷帶子比上次好似細左鵝肝正常但個面個啲係咩係dorito黎既 完全唔夾 不知所謂破壞曬成個手卷 1分都比多佢最後送左個埋單甜品送既甜品黎講味道算唔錯最後唔好係大埔食德美

壽司一向都好新鮮，今次食幾款特別款式嘅壽司，全部都食後再三回味嘅感覺～尤其呢個松葉蟹壽司~赤貝～超新鮮，三文魚子～真果隻咸咸地，牡丹蝦～超新鮮好鮮甜，甜蝦都好有味，所有壽司都係一食難忘，好似好誇張，但食過德美嘅都應該有同感～牛油果軟殼蟹卷野菜牛肉鍋，湯底真係好日本，D牛肉都嫩餐後有甜品，好Surprised！係紅豆和菓子

好耐之前已經聽過人地推介德美壽司今次終於可以嚟試下疫情下座位唔太多 平日夜晚都需要等下位呢間無論門面定入面嘅裝修都好有日本feel可以當自己去咗日本咁-首先就嗌咗啲刺身壽司 再加個海膽炒飯呢個海膽炒飯非常足料 海膽都好鮮甜 又唔腥海膽迷必試！-之後就係串燒～全部燒出嚟熱辣辣 個皮好脆推薦免治雞肉棒 入面有啲脆脆嘅軟骨 好爽口-呢個香蔥吞拿魚魚生飯都係好足料上面仲有生鵪鶉蛋好特別-總括嚟講大埔區可以食到呢個質素嘅日本嘢真係好驚喜好滿足想食高質日本嘢嘅話呢間絕對值得一試總評分：4.5/5

如果想係大埔區食似樣啲嘅日本野，Top choice 一定係德美香港有咁多分店，經常食尖沙咀嗰間，信心保證，所以係大埔日本嘢嘅第一名價錢合理，勝價比極高，午餐首選🥣$60 - $80 有個set lunch 🥗 沙律，湯，蒸蛋，魚生飯，甜品唔使加一，坐位舒適缺點係又熱又曬，要係室外等位因為好多人等，無耐性嘅唔使諗呢間北海道三色魚生飯係我favourite $84 ，有帶子x 2，三文魚 x3 ，劍魚 x3極為新鮮，魚生鮮甜，精緻，配流心蛋送飯一流份量岩岩好蒸蛋也不錯，滑身熱辣辣，有雞肉，冬菇粒，算好足料份量對我嚟講太多，吃不完再嚟介紹另一個常吃之選，火焰🔥三文魚飯，燒得好好味，半生熟，外熱內冷，伴碟有好多青瓜絲，一樣有流心蛋撈飯，有6片三文魚，$74，個飯係內有驚喜，有色飯，有冬菇嘅有味飯

放左工約左朋友食飯，估唔到係翠和里呢個比較僻少少既位置都有高質日本料理，好有驚喜👍🏻😋當日我地得兩個人，所以就叫左一個壽司拼盤同烏冬share 食，份量都好足夠👍🏻最有驚喜既都係壽司拼盤，有海膽、蔥拖羅、帆立貝、三文魚、吞拿魚、甜蝦、三文魚子、池魚、油甘魚等等，魚生好新鮮，尤其海膽一啲都唔腥，非常難得👍🏻食完壽司就要食主食，窩燒烏冬熱辣辣，湯底比較清淡，岩曬我口味，配料都好足夠，有天婦羅蝦，雞肉，蟹柳獅子狗等，烏冬都尚算彈牙👍🏻🙆🏻‍♀️值得下次再去幫襯，最想再試就係魚生同壽司，又可以同朋友一齊吹下水食下日本菜😚

終於約朋友聚下～唸住近近地係附近搵間日本餐廳食晚飯🍱😬成日經過德美都未食過，今日即管試下～🤩..入到去位置尚算闊落，如果唔想坐bar枱就要預早訂位😌貼心位係侍應會提你有張空凳比客人放手袋～～..Menu入面有好多唔同款式嘅嘢食，有貴有平，價錢公道！👍🏼我地都揀左好耐先揀到想食咩，花多眼亂😗..🇯🇵梅酒 • 9/10.真係唔係間間日本餐廳/居酒屋啲梅酒都咁好飲 ...仲要加咗冰，有啲浸得唔夠耐個味道會好淡😫但係呢杯梅酒完全冇比啲冰溝淡，好好飲😭😭..🇯🇵刺身 • 9/10.1. 左邊 : 大家都好熟悉嘅三文魚腩刺身～好肥美，油脂到剛剛好👍🏼👍🏼.2. 右邊：鯛魚刺身～成日聽到個名都未試過食😌口感比較煙韌、厚實，有少少難咬🤔同三文魚腩嘅感覺完全唔同😗 個人覺得不錯～..🇯🇵壽司 • 7/10.中規中矩，冇太大驚喜😌最中意食海膽軍艦，好滿足😍..🇯🇵鵝肝帶子卷 • 4/10.Em...... 唔知係咪同朋友掛住傾偈，冇即刻食，感覺上面頭舊帶子好似有啲唔太新鮮🤔加上入面好多青瓜絲，太多太多⋯⋯完全搵唔到鵝肝嘅蹤影😹😹😹..🇯🇵黃金汁焗蠔 • 9/10.反而呢個係最有驚喜🤩勁多芝士係面～又有ma

放工都要排到8點先有位🤭大埔比較少居酒屋style 日本餐廳 ！Order左個魚生丼飯 ($138) 有五款料！吞拿魚/三文魚/三文魚籽/帶子/甜蝦！😚😚😚 好多飯 竟然好肚餓都食唔晒🤣但係三文魚籽真係非常之少🤯可能得十粒八粒 其他就好多好足料🤔但整體黎講都唔錯既～ 🍣 .

德美壽司保持水準德美分店都有幾家 印象中曾食過尖沙咀、紅磡的分店今次連大埔(近太和)的分店都試埋 整體質素都唔錯 水準仲KEEP到德美的環境都算闊落，不會太擠逼，坐得舒服是日是食午餐 價格都相對抵食我地都食幾個SET 幾乎大部分的SET都附蒸蛋及麵豉湯1. 炸軟殼蟹便當(附刺身)份量適中，刺身新鮮，軟殼蟹炸得鬆脆2. 十貫壽司壽司大件，魚肉質素不錯3. 吉烈豬扒燒鯖魚便當 (附刺身)等待時間較長，因為即燒，所以條魚係好食!反而吉烈豬扒就炸得好硬，肉排都好薄份量好多，好易飽~! 最後每人有一件黑糖紅豆糕做甜品 價錢: 每個SET大約$90-140

好想食日本野，但元氣要罷食，咁食德美啦！P.S. 大埔德美d醃薑好食，唔知其他分店如何牛油果軟殼蟹卷 $78炸得好鬆脆，炸漿都算薄，蟹都叫有肉地，睇圖會見到都幾大舊肉（白色個忽），美中不中牛油果太小太薄燒牛舌 $39上次食過幾好，今次回頭再叫牛舌，可惜佢唔太爭氣，撇除size細過片檸檬，咬入口雖然爽，但有d難嚼鮮葱呑拿魚腩茸山掛卷 $139貫徹德美一向卷物大大份唔可以一口試曬卷物嘅口感同層次，但勝在一上枱夠曬滿足感呑拿魚腩茸新鮮，每次食佢都keep到水準油金魚腩刺身6片 $116好肥美，入口爽，油脂感重，除咗海膽外，我對刺身麻麻，所以唔評論赤貝刺身 $59都係一句，新鮮。另外有驚喜嘅係，佢會將切剩嘅頭頭尾尾，用紫菜同青瓜整幾件卷物俾我地食埋佢，唔好㗰，我好欣賞火灸魷魚鬚壽司 $30餐廳贈送嘅甜品和菓子嘅物體，勝在入面係紅豆蓉但唔會偏甜。唔知佢有咩咁吸引，但我呀媽覺得好食到問店員邊到買，店員話係叫貨嘅，佢都唔知德美嘅環境真係幾岩我心水，今次店員帶我去比較入嘅枱，隔離又冇人坐，岩曬傾計

午餐去了德美，不算貴，但幾好吃。一入去就一人一個小沙律，原來lunch set 個個都有沙律，所以落單前直接就送咗一個先我帶咗個便當三段。前菜係茶碗蒸和麵豉湯仲有甜蝦刺身等等，再加上有天婦羅和豬軟骨，這個便當菜式其實款式很多。食完相當滿足。最大問題係冇咩位，如果12點嚟有機會冇位可能要先訂位

令人失望嘅係和牛壽司， $68得兩件，和牛壽司係應該入口即溶又香，但係佢冇即溶嘅口感之餘，仲要有筋，係幾件都有筋啊！作為一件和牛sushi都真係幾差，亦都冇牛味冇香味。講返啲好食嘅，就係隻燒左口魚壽司，佢入口都幾林。油金魚刺身厚切，唔錯，三文魚刺身就見佢冇乜鮮味冇乜驚喜，海膽份量就少。卷物叫左兩款，軟殼蟹牛油果卷同埋帶子卷，都幾好食。食呢到已經食左一千蚊啦😂大埔冇乜壽司鋪揀，依家算叫做質素比較好。

去大埔見客,想搵間無時間限制,食物質素有保證既日本菜,打去德美問下,佢話星期一至四無限時,咁就book左位了。7:30pm準時入座,成間舖已經座無虛席,仲一直見到好多客人walk-in等位,呢個時勢仲可以咁爆場真係唔容易。三個人散叫叫左牛油果海葡萄沙律,壽司拼盤,雞翼+黑豚肉+牛舌串燒(唔記得左影相),赤貝刺身,吞拿魚腩蓉卷,其實佢呢度仲有啲定食set都唔錯,$1xx既價位好合理抵食,不過想食多d款式嘅話當然係散嗌開心啲。而佢呢度都有啲二人餐, 有睇過不過就唔係咁啱食啦。壽司一如其他分店一樣新鮮,質素都幾唔錯,冇話邊一款特別差,所有都above average全晚我最鍾意嘅係佢吞拿魚腩蓉卷,吞拿魚腩蓉份量好多,見到好多人都叫呢款,最重要都係嗰句,新鮮。至於牛油果海葡萄沙律就偏咸,味道一般般未必需要叫。雖然呢度話冇限時但係見到佢外面咁多人等都唔好意思坐咁耐,而唯一的limitation係呢度始終地方比較細,當隔離枱有人好大聲嘅話就會成間鋪都變得好嘈好應聲。

如果想揀一間好食、坐得舒服、價錢合理既日本餐廳，我就會去德美。經常叫佢嘅壽司拼盤，每款經典高質素又好食嘅壽司都包含在內。再叫多個二人或者四人餐，小食、炒飯包羅萬有，就圓滿結束我既晚餐。

星期六中午搵食，還有10分鐘就係12點，見冇咩人排隊，就試吓啦，人剛坐下就即刻送上沙律之後先送上茶，單都未落再嚟個湯，服務非常快速，睇咗一陣餐牌，樣樣都好吸引，最終我叫咗個lunch set 十貫，即係十款唔同嘅壽司套餐，可能我較遲落單都等較耐時間才有得食，呢到嘅壽司全部都係得一個師傅手做，所以壽司餐等較耐。十貫套餐到，第一眼已吸精擺放好好，魚生望落好新鮮，跟住開始食壽司，飯嘅軟硬度好好，亦不會太大舊，味道不會太酸。魚生好新鮮，厚度適中，吞拿魚容份量十足，連下面舊飯都差啲承擔唔到，另外海擔同三文魚子比我想像中非常足夠，味道好鮮甜。下次我會晚餐時段會再嚟一次。