德美壽司

营业中

休息中

誤打誤撞，來到河畔花園搵食。食店林立，花多眼亂，最終被一串紅燈籠吸到了。從外面望進店鋪，店子小小，座無虛席，各人言談甚歡的樣子，給我一種日本地道居酒屋的樣子。此時，剛巧有位，我們二人不假思索便走進去。四眼店員（不好意思，今次很想點名）非常有禮，予人好感。朋友想試二人餐，我們便點了400多元的，另外加一板海膽。上餐速度快，食物都是水準之上，不俗！期間，朋友外出泊車，眼見食物已堆滿枱，四眼店員主動提出「其他食物會放慢一點上」，此貼心之舉，令人欣喜，不得不讚。除海膽外，其他都是二人餐（最後還有兩粒雪米糍）。400多元，我覺得巧滿意。我，喜歡的，食物沒失望之餘，員工態度有禮，令人舒服；廚師用心（不hea煮），令人滿足，這就是很好的一餐了❤️❤️德美，下班後，可給你愉快的感覺。😊👍🏻（給飯後滿肚子氣的你，你懂的。😉）

前排小編去威爾斯個邊body check ，剛剛朋友都係個頭返工，所以一齊去lunch 😊,朋友就book左依間壽司舖，好彩有book 到位，一開門15分鐘已經坐滿左，食完之後，已經見到好多人等緊🤓今次就叫咗佢嘅10貫壽司🍣lunch Set, 價錢超實惠，不過個set又有海膽+拖羅蓉+三文魚魚籽+帶子壽司，仲要份量都唔少👍🏻，唔怪之得我見枱枱都叫依一個set，lunch set 仲有包埋沙律，茶碗蒸，麵豉湯，仲有甜品，佢係一個糯米糍😊整體來講，小編覺得一次體驗都唔錯，喺沙田第一城或者沙田圍附近返工嘅朋友都可以試吓，不過就要提早book位啦😉

沙田河畔區出名外美食，基本上全部都試過，其中一間會不斷encore 就係德美壽司的lunch set CP 值高，服務態度亦好，星期六日lunch set的價錢同一至五一樣，基本上每日11點9開始就有人龍等午市。打咗幾日風，心血來潮，又想食壽司，不用多想沙田德美。一坐底即刻叫咗個櫻花角切魚生飯、6貫壽司定食加牛肉細烏冬同炸餃子牛肉烏冬連加洲卷。被安排的坐位已經放上茶碗蒸，一如既往好滑又足料。今日的熱食上菜速度如常，壽司及魚生飯比平時慢咗少少，可以之前打風大家都餓咗好耐。店員的態度有加分的地方，當我哋食緊牛肉烏冬同餃子時，眼甘甘望住壽司師傅的方向時，店員主動行過嚟表示當日好多人叫壽司所以要等等，並非漏單，唔洗擔心，包係佢身上😂，仲拍一拍心口。搞笑得嚟又專業👍🏻魚生飯同壽司一上枱，嘩，點解啲魚生好似比上次食的份量多咗，亦如常的新鮮，加埋個沙律，味增湯同甜品，每次食完才都好飽。七十幾八十幾蚊一個餐，CP值滿分。值得一提係佢個牛肉烏冬，絕對不是普通貨色，牛肉片好嫩同湯底好夾，食過一次之後，每次都會在牛肉烏冬餐同魚生掙扎一段時間先落到單😛如果真係要有改善的地方🤔可能係啲位可以寛啲

已經有一段頗長時間冇幫襯過，最近過開嚟呢頭，想念呢度滑溜嘅蒸蛋，於是二話不說就嚟咗呢度開餐喇😉河畔區確實有好多嘢食可以選擇，但我始終就對呢度係情有獨鍾。呢度嘅裝潢非常有日本feel, 服務員親切友善，會經常幫客人添加熱茶。食物方面的用料和配搭都係一流，一坐低就將沙律同蒸蛋送給客人享用。食材非常新鮮，而且午市套餐係唔需要收加一，所以每日中午12點前都會有忠實fans在門外排隊等候入座。飽餐一頓後，還會送上甜品雪糕糯米磁，為美味一餐畫上完美句號。

壽司5件+迷你牛肉烏冬 （$90）沙律方面份量足夠 但雪到d菜有d硬壽司5件食得出係手握三文魚、大蝦同吞拿魚蓉都好新鮮玉子質感都好好牛肉烏冬就正正常常要讚一讚個茶碗蒸好好食90蚊包咁多款都好抵

雖然返工放lunch都成日食德美，不過今日難得食一個壽司set🍣就要記錄一下喇～今日媽咪話要坐吧枱，可以睇住師傅整我哋嘅壽司😙本身個lunch已經包咗沙律同茶碗蒸🥚兩樣都冇咩特別，正正常常🤔我叫咗個壽司十貫加玉子 ($138)🍣仲有碗麵豉湯😆我覺得魚類食得出新鮮，但唔算太肥美，都食得過嘅。蝦係全熟嘅，而帆立貝鮮甜好食，不過唔夠厚，爭少少好飽滿嘅感覺。海膽有少少苦，不過都有鮮味，合格嘅👍🏻反而我覺得最好食係墨魚同三文魚籽😌墨魚好膠，口感好好，三文魚籽就唔係死鹹，一咬係有種海水感覺咁爆出嚟，好好食😋媽咪叫咗個壽司六貫加牛肉細烏冬 ($90)🍲佢都好滿意呢個set，佢就話個帆立貝最好食喇。另外仲叫咗一份三文魚腩刺身 (6件) ($78)🐟呢個真係值得一讚，非常肥美，魚油都好香，食到停唔到口🤣最後個餐跟埋一粒雪米糍，仲要係我最愛嘅芋頭味😋好味啊😌

聽朋友介紹 德美，經過沙田梗係試下。 入到店入邊，面積唔算大，大家都坐得好近，我野食都未叫，佢已俾兩個沙律我。 👍👍叫左兩個sets 一個係十件壽司盛，一個係刺身set, 都有配麵豉湯、蒸蛋、小食（薯餅），沙律。 一個set 100 蚊有找，仲有咁多野包晒，味道又好味，所以點解鋪頭細細 都迫爆人，一定有佢既道理。

話說今晚同孕婦太太去食德美，我攞籌個陣要求坐卡位，因為有孕婦，眼鏡哥哥話無問題，仲問我有無揸車，叫我留個電話之後同太太係車等，有位就打比我，無幾耐我就收到佢電話比我入坐，係依到好多謝依位眼鏡哥哥帶比我方便🤗

好耐以前食過幾次，隔左咁耐，我返黎喇！🐟吞拿魚腩蓉丼（$86）🐟我次次黎都食呢一款～1️⃣沙律凍咗啲，不過蔬菜係新鮮嘅～2️⃣呢度既茶碗蒸冇退步過，仲係咁滑！3️⃣吞拿魚腩蓉上面有一隻鵪鶉蛋，可惜俾論盡嘅我跌左落枱，冇得食...🥺不過吞拿魚腩蓉真係冇得輸，好正！🤤😍4️⃣雪米糍侍應應該係隨機抽兩粒俾我地。分別係雲呢拿同抹茶味～唔知會唔會仲有其他味呢？🤩朋友就叫左牛肉烏冬同壽司，佢表示呢餐好滿足好滿意！👍🏻👏🏻

〰️滑蛋吉列豬扒飯定食 $64定食有味增湯、沙律、茶碗蒸、主食同埋小甜品沙律嗰隻醬好似有小小Wasabi咁嘅味😗好開胃，但係略嫌太少醬茶碗蒸嘅蛋夠滑溜，但覺得香菇味唔夠出😣滑蛋吉列豬扒個滑蛋都唔算滑蛋😩而且吉列豬扒外皮已經淋哂😢保持唔到外脆😩不過豬扒肉質夠鬆軟，粉漿厚度都不過不失～

上次專登到河畔食唔到呢間，今次就下午專登過嚟再次碰碰運氣。今次諗住食午餐，希望排隊嘅人會少啲。幸好行快一步，完全唔需要等，就可以直接進入餐廳。地方非常狹窄，坐就覺得唔多舒服，感覺坐得很迫。一坐低，都未決定食什麼，職員就會奉上蒸蛋，沙律。蒸蛋很滑，味道不錯，但沙律就麻麻。今天選擇了午餐壽司十貫。賣相不錯，竟然還有海膽軍艦，心不禁說了一聲：無睇錯嘛？壽司還算新鮮，不過飯就一夾就散，內裡沒有放上少少芥辣。軍艦就中規中矩，而海膽軍艦不要抱太大期望。還點了小食味醂雞泡魚乾，甜甜地，不難嚼，尚可接受。擔心會唔多飽，所以叫了加州卷品嚐。職員一放上枱，就不禁嘩了一聲！咁大件㗎！當進食時，絕對不能一件放晒入口中。因為需要分開部分部分咁食，覺得不夠好味！可惜可惜！

今日係沙田行街 晚餐想食日本野 之後上openrice睇下野睇睇下發現好耐冇食過既德美係附近有 即刻渣車過去試下 個位都算好易到, 不過出邊D車真係多到過份 泊好架車之後就入去找位啦, 好好彩唔洗等, 一入就有位食物方面一黎先叫個每次必食既蟹子沙律蟹子份量好多 青瓜夠凍夠fresh 好食主食就叫左荷葉鰻魚飯 鰻魚燒得好味, 不過可能荷葉燒耐左有小小濃味壽司叫左三文魚同海膽 不過不失冇影到仲有個加州卷全晚最鍾意反而係個野菜牛肉鍋可能天氣凍 暖暖地好好味最後埋單只係500幾抵食好食要再食😋😋😋

沙田花園城這一帶的餐廳,德美是最好食的，沒有騙你，若你有時間，我強烈建議你抽時間來試試這間餐廳. 餐廳中型size，餐廳每張枱算大，所以不覺得逼，坐得舒服，而且有一間獨立房間，可容納大約六-八人 ，關上趟門，自成一角，私隱度高，外面容易泊車。這間餐廳屬於隱世美食 ，平時好多人，建議訂枱.這間餐廳，我來過許多次，軟殼蟹卷是必食的， 是我暫時吃過最好食的軟殼蟹卷，軟殼蟹甘香鬆脆，配上牛油果和沙律醬，還有魚籽的口感，食過返尋味，有時真的想獨立叫一個自己品嘗，不想和人share，因為真的太好味了。再來一個炸生蠔壽司，配上沙律醬，生蠔新鮮 ，味道也不錯，大家不妨試試。親眼看見兩位師傅在壽司枱面前做壽司，有一名師父可能是學徒，他造了一碟大約十件的壽司，師父覺得整得唔靚。唔夠整齊，成碟掉咗，師傅重新做過。我欣賞他們不單止對食物 質素有要求，連賣相也很嚴謹。你看我拍照的角度就知道我坐在bar枱，目擊整個過程。芥辣八爪魚壽司,滿滿的,非常飽足,味道剛剛好,魷魚新鮮，芥辣味道剛剛好，調味有少少鹹但不會太鹹，壽司飯酸酸甜甜，加上紫菜是絕配，我極喜歡。再叫一個牛肉鍋配烏冬，份量十足，有冬菇、牛肉、菜、豆腐、大

曾經有一段時間經常和家人來沙田圍這間分店食午市套餐，因為呢度嘅食物質素高又坐得舒服，性價比很高！～～～🐨後來社會運動、疫症期間就減少咗嚟食飯。嗰晚我地去街去到很夜，打算食個簡單晚餐。因為食咗個幾豐富嘅下午茶，所以晚餐就只係點咗兩樣嘢就算啦。～～～🐨我地入到店裡，店員安排我地坐喺吧位，可以清楚睇到師傅好有心機咁擺刺身拼盤，捏壽司等。感覺就好似去咗日本高級壽司店食Omakase咁。好懷念啊！～～～🐨野菜牛肉鍋，啲湯甜甜地，牛肉非常嫰滑，因為端上嚟嘅時候仲係半生熟，所以火候啱啱好！好少地方有得食嘅帶子鵝肝反卷，帶子好鮮甜，鵝肝則入口即溶，兩者真係配搭得天衣無縫！～～～🐨搵日再嚟食午市套餐先得！

一直想黎幫襯好耐，5點打電話去訂位，好好彩6點果轉有位！！6點黎到已經有幾枱客坐緊，第一輪叫左三文魚腩刺身，同幾款壽司，侍應態度好好同埋上菜速度超快三文魚腩好鮮甜好新鮮，有6大舊，食完都有小小飽飽地壽司果方面都好高質，金目鯛係無令人失望😭好有咬口好新鮮。油甘魚都非常唔錯，反而𩶘魚就一般藍鰭吞拿魚都好味無乜根，火灸左口魚魚油唔算多，有小小失望最後叫左碗明太子茶漬飯，明太子得四分一條左右，雖然茶底好味但如果多啲明太子就更好