德美壽司

营业中

休息中

年廿八約朋友食飯，朋友推介德美壽司，話曾經中午食過值得推介，今次試試晚餐。早幾日已經BOOK位，7點半去到發現食客比想像中少。掃QR Code落單，晚市主要係散叫，叫了野菜牛肉鍋、魚子蔥吞拿魚腩茸丼、雞軟骨、三文魚沙律及牛油果軟殼蟹卷。朋友推介必食的是魚子蔥吞拿魚腩茸丼，我覺得口感真係唔錯，吞拿魚腩茸份量多，可惜飯量比較少。我個人比較欣賞牛油果軟殼蟹卷，食落口不會有油膩感覺，而且大大舊，食完有滿足感。野菜牛肉鍋及雞軟骨都係不過不失，沒有特別之處，勝在份量足，比較之下，刺身壽司會比較優勝。唯一失望的是三文魚沙律，三文魚份量少，變左以蕃茄為主，以$80黎講唔抵食。侍應服務比想像中好，由於2人枱比較細，食物又上得快，枱好快就唔夠位，佢地都好快手幫我地擺好野食，換細碟等等，就連加水都好主動。［埋單$494］

Quality food gradients and good cook, getting them a forever long queue in weekend lunch and dinner. We waited 30 minutes even on Friday night with only two tickets ahead of us. I liked the baked oysters with golden sauce. It was kind of a salad-like slightly-sour taste and a nitty-gritty texture. That is unique from other restaurants.

和同事於第三方外送平台點午餐，這次選了德美壽司。見到海膽什錦魚生飯 ($128)比甜蝦四色魚生飯只是貴$10，當然是選前者啊！可能是步行送餐的關係，外送的時間有點長，送到來的時候，海膽已有點溶，不是全部海膽都完整一片片的。不過，德美的外賣盒很堅固，全部味增湯及茶碗蒸也沒有溢出。沙律新鮮爽脆，黑醋份量恰好，令人開胃。味增湯有昆布及豆腐，味道不會太鹹。茶碗蒸相對比較好吃，蒸蛋滑溜，帶魚湯鮮甜又富蛋香！海膽什錦魚生飯，海膽鮮甜不腥，魚生飯內還有三文魚子、蟹籽、熟蝦、三文魚、魷魚及池魚，魚生的新鮮度OK，不會有雪味。魚生飯不是單純的醋飯，是有紫菜飯素的有味飯，加入大量蟹籽，豐富了魚生飯的味道層次與口感。稍嫌三文魚子的份量偏少，只嚐到少許魚油香，不足以令人滿足。吃完整份餐點，感到好飽足！午市堂食的話，只需$100，都幾抵食～～～

呢日陪屋企人去威爾斯醫院覆診，事先問定地膽朋友有乜好食店介紹，朋友推介呢間日本餐廳Order 咗2個魚生飯lunch set 🔸壽司十貫(廚師精選壽司十件 ) $142有齊晒我最鍾意嘅軍艦😍：海膽、三文魚子 同 蔥吞拿魚蓉 😌😌又有我喜歡嘅 帆立貝壽司 同 牡丹蝦壽司其餘5件魚刺身壽司都唔錯🔸魚子蔥吞拿魚腩茸飯午市定食 $90魚子質素唔錯蔥吞拿魚腩茸份量都幾多啵加咗青瓜絲多份清爽感啲飯仲加咗紫菜同菇菇添😋兩份lunch set 都配附：沙律、味噌湯、茶碗蒸蛋 同 甜品呢到嘅lunch set選擇豐富，價錢親民，而且午市免加一服務費，唔怪得全間店舖都坐滿人，多謝朋友嘅好介紹

今日要去教堂觀禮, 因為下午先開始, 咁就係附近醫醫個肚先.原來附近有好多食肆呀, 揀番久違既德美, 因為佢食物質數穩定, 最緊要就係星期六都重有午市優惠添我地手機掃QR code 點左2個餐:每個餐都包左沙律, 麵豉湯, 蒸蛋, 甜品.燒三文魚扒定食燒三文魚扒定食居然有成塊三文魚, 重有炒菜相伴魚扒外皮脆, 充滿魚油香, 好食忍唔住食晒D魚皮.北海道三色魚生飯三色係三文魚, 帶子同白身魚. 白身魚我就唔識, 不過食落唔差.再有溫泉蛋伴日本米都有好幾塊厚既帶子嫁.另一重要野食就係蒸蛋啦.  Keep 得住水準, 重係咁嫩滑.不過亦都因為個蒸蛋, 等左20分鐘甜品: 雪糕糯米糍

呢間之前係尖沙咀食過，壽司唔錯，但今日唔食呢啲，我要カツ丼。滑蛋吉列豬扒飯定食（$68）一坐底即上沙律（正常）同茶碗蒸（滑、有蛋味），點完餐後就上埋碗麵豉湯（清清哋，幾多昆布），最後就係白飯同滑蛋吉豬。先講個滑蛋汁，除咗蛋，仲有不少菇同洋蔥，味道微咸少甜，用嚟撈飯一流。吉豬都幾大塊、兼且厚身；炸粉唔過厚，雖然浸係汁入面，但仍食到脆口；豬扒肉質微實，但一啲都唔嚡，十分有口感，近邊邊位有些少肥膏十分爽口。食哂最後仲有甜品，迷你雪米糍一粒。自己 scan QR code 落單。不收加一。只收現金。

平時都幫襯開，最近服務質素差左好多。兩個人禁飛等左30分鐘，中途已經放咗幾個單人同三人入去，最後有一家四口到，竟然直入？同場仲有另一pair二人等左好耐問待應阿恆，態度惡劣話不嬲係咁做問光頭經理，亦都話係咁做，完全無解決問題既態度。四人枱可以split俾兩pair二人坐仲要人教？請啲咁既人，師傅整咩好壽司都無用啦總之如果大家兩個人想食壽司就唔使幫襯😑

這間日本飯店都有一段時間沒有來了。今日和朋友相約一起來吃個午餐，這店開中午十二點，食過的食客都很醒目，差不多提前十分鐘已經到來，所以餐廳一開門餐廳已經坐滿八成。坐下自己用二維碼落單，店員就分工合作上定沙律、蒸蛋和麵豉湯。野菜牛肉鍋午市定食牛肉都有很多片，內裡有粉絲、蔬菜、豆腐等，湯底味濃熱辣辣加埋白飯真是絕配。網燒安格斯定食安格斯牛扒很厚實，外皮煎香內肉質嫩，還有炸蒜炒野菜。德美天婦羅和食便當每次來都會點這個定食，因為可以吃天婦羅和燒魚，還有刺身和玉子非常豐富。

《令我們尤如置身於日本的小店：德美壽司（沙田圍店）》德美壽司有多間分店，供應日式料理包括壽司、刺身、燒物等選擇。由於大吃貨今天來沙田圍附近，小廚神認為天氣炎熱，想吃點清涼的東西，故此我們提前在德美壽司訂位，免卻排隊的煩惱。德美壽司的食物選擇有很多，一時之間我們也決定不了。最後其實德美壽司有提供二人餐的，只不過那些食物不太合乎我們的口味，我們也想多嘗試不同食物的質素，因而決定單點。我們參考附近食客，看看他們在點什麼，便決定了自己的菜單。❤️蟹子沙律❤️第一樣我們毫不猶豫便下單的是蟹子沙律。當天天氣十分炎熱，很多食客點了這道菜。這道菜是冰冰涼涼的，可以在炎熱的夏天讓我們更加涼快。這道菜的味道十分不錯，而且份量很大，足夠三至四個人吃，小廚神推薦大家。❤️牛油果軟殼蟹卷❤️牛油果軟殼蟹卷這道菜令我們感到十分驚喜。店家使用原隻軟殼蟹完成這道菜，在材料上絕不吝嗇。初時，我們以為份量是小小的一個，誰不知是與孩子的拳頭一樣大的，實在令我們驚訝不已，而且不會過分油膩，味道恰到好處，絕對是必點之一。❤️煎鵝肝帶子卷❤️大吃貨很喜愛吃鵝肝，所以也點了這道菜。其實，如果我們知道牛油果軟殼蟹卷的份量是那麼大，不會另外再點煎

雖然等左半個鐘，但店員都會好有耐心講話太約幾點先有位首先，呢個和風沙律，味道幾好酸酸地幾開胃。啲沙律菜同啲蕃茄幾甜。其後，佢啲刺身都好唔錯，，雖然都知無可能新鮮即捉即食，至少唔會有陣雪藏味。蝦刺身好甜又夠大只，個鯛魚刺身無咩腥味，同有少少回甜。三文魚就ok既同岀面食個啲都差唔多，但好厚切。不得不讚佢個牛舌，燒到啱啱好，用少少鹽去燒咩都唔加，厚身得黎又唔會咬唔到。非常推薦❤️❤️鰻魚都唔錯，係正常嘅蒲燒鰻魚味。不過佢有一個幾新穎嘅菜式，士多啤梨鵝肝多士。可以試下嘅，個麵包焗到好脆同個鵝肝又唔會話太油，沾少少士多啤梨乳酪，幾解膩都唔錯。我仲有點其他，味道都唔錯。你哋可以去自己發掘大

今日中午時候，本新打算堂食。但見佢都幾多人，又要等幾張台，最後決定買外賣。首先外賣盒一個餐要加5元。然後個外賣等左成20分鐘都未有。堂食就係咁出餐。問個侍應有味，淨係識叫你出面等。最後忍唔住同佢講叫佢追下唔好淨係叫人係就便等，個經理先出黎話比兩分鐘佢會出個餐。最後拎到個外賣，麵豉湯同茶碗蒸都已經完全唔熱。重要的事要講三次！千祈唔好買外賣！！千祈唔好買外賣！！千祈唔好買外賣！！佢地會出曬堂食D餐先！

我哋喜歡中午時段來，乜都可以叫，叫到一枱都係又唔洗加一，認真抵今日我哋一家4人叫左以下，剛好$10001. 牛肉烏冬加餃子壽司2. 鯖魚定食3. 滑蛋豬扒定食4. 安格斯牛扒定食5. 十貫壽司轉拖羅6. 什錦天婦羅7. 蝦天婦羅8. 牛油果軟殼蟹壽司9. 鯛魚刺身16件10.汽水兩罐

之前朋友有介紹過話「德美壽司」日本嘢幾好食價錢又唔貴但係奈何地點對我來講有啲唔方便所以我一直都未有機會試有日留喺屋企準備叫午餐開Deliver Woo就見到有德美壽司就即刻叫左個定食黎試雖然係Deliver Woo, 但款式都幾多由於我咩都想食我就叫咗個 😍壽司定食配牛肉細烏冬😍價錢HK$120左右呢個定食佢有配到日式蛋加沙律日式蛋都幾好食幾滑雖然話係牛肉細烏冬, 但其實份量都唔少而且好好食!!!而壽司佢跟六件俾我再加玉子一件壽司都好有誠意㗎1. 三文魚同油甘魚非常之肥美鮮味2. 帶子好鮮甜3. 吞拿魚蓉食落口入口即溶4. 熟蝦都係啖啖厚肉絕對唔會舊飯大過主角既朋友仔所以呢間我一定會bookmark, 遲啲去堂食再試❤️❤️❤️

之前上網見到D人話德美D Lunch Set好抵食，已經好想去試下但可惜屋企同公司附近都冇，今次搵到機會平日放假搵男朋友食晏，終於有機會試下！ 壽司十貫（包麵豉湯、沙律、茶碗蒸）呢個壽司set係最多人推薦，都只係$138就有10件壽司加set10貫包括有三文魚籽、帶子、拖羅、 三文魚、熟甜蝦、海膽、魷魚,、油甘魚、 章紅魚同吞拿魚蓉另外仲有２件燒玉子十件壽司個人最鐘意係拖羅，肉質軟糯冇筋，真係有少少入口即溶嘅感覺其次係油甘魚同魷魚，有少少surprise魷魚都可以咁好食！其他就正常發揮，不過食材都係新鮮嘅！比較失望係章紅魚，太韌了同埋海膽都有少少腥玉子都有少少乾身題外話：箍緊牙嘅我咬完隻蝦條鐵線竟然移左位不過都係佢太厚肉姐值得一讚係佢個茶碗蒸，因為我係食完壽司先食佢，凍左少少但係仍然覺得好好食，蛋好嫩滑好鮮甜，所以凍左少少都唔影響～男朋友嗌左個德美刺身便當盒($100)，冇特別影相，不過個忌廉薯餅幾好食^^但就咁睇份量有Ｄ少，男仔可能未必夠飽因為坐bar枱，可以望住廚師整壽司又幾賞心悅目～Lunch仲要唔加一真係唔錯～不過呢個lunch set得星期一至五先有，同埋而家疫情餐廳３點就l

今日介紹嘅依間日式餐廳一直係我嘅飯堂，每逢週末總會食一次，事關餐廳定價合理﹑親民之餘餐點又高質。.依份三文魚腩刺身魚腩口感嫩滑﹑肥美，厚切令到每一啖都食得滿足。魚肉上面嘅脂肪層比例剛好，食到三文魚腩應有嘅魚油感，又不至於過份肥膩。除咗油脂滿分，依份三文魚腩最吸引嘅係魚鮮味突出，重口味嘅我每次都忍唔住搵一舊刺身唔沾醬油享用，原汁原味咁等三文魚應有嘅味道係口腔慢慢揮發。.而且最重要嘅係，我每次到訪都會嗌佢黎食，無一次係食到稍微唔新鮮、失準嘅刺身，每碟刺身都係色澤橙紅、穩定發揮嘅好味道～.❍ 用餐提示餐廳人流較多，試過晚市8:45pm到訪都要等足20分鐘～唔想等位就建議避開6:30-8:30pm繁忙時間，或者預早幾日打黎預約好先。餐廳設計係和風裝潢，橙木色系配精緻裝飾，非透明嘅間板令到即使同隔離枱距離較近都依然私隱度十足，適合家庭、朋友聚餐，沙田店仲有塌塌米添～.❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫三文魚腩刺身 ($78/6片)餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♡♡♡用餐體驗 | ♥︎♥︎♥︎♥︎♥︎♥︎♡♡♡♡推薦程度 | ♥︎♥︎♥︎♥︎♥︎♥︎♥︎♥︎♥︎♡