德興火鍋海鮮酒家 (已結業)

噚晚既飯局既人物,包括有....JOSEPHINE,JOSEPHINE男友EDWIN (我第一次見),阿傑,JOJO,阿傑既朋友 LEO (亦都係第一次見),阿PIK,SHIRLEY同埋我.我地今次既飯聚,係為咗12月份聖旦時,大家會一齊去山區義教,依家大家見下面,到時唔會咁陌生啦.講番呢間酒家,點講好呢...先講服務.... SHIRLEY同我講BOOK咗7:30係德興打邊爐,用JOSEPHINE個姓氏黎訂位,咁OK啦,我先到,先攞位,去到OK唔駛等,可以直接去個張枱.坐定定後,唔知係咪經理黎呢,走黎問我,幾多位,再問我係咪食任食火鍋,我話弊啦,唔清楚,因為班FD冇講低係咪食任食火鍋,唔敢決定,咁佢就話,如果係任食既就117元一位,食2個半小時,入座開始計,我話我班FD未黎喎,佢話未黎,我可以出番去再排過隊,我話下,佢話呢D公司規定喎,我再問個經理,如果唔係任食,有冇限時間,佢就話冇.態度係有D串,但都明呢D係公司既規定.再講食物 ....我地點D唧唧魚麵,寫3個就黎1個,寫帶子都寫多D,佢都係黎幾粒,再講粟米,佢地落落下發現其中一嚿既粟米,有野,同個經理講,個經理居然話係由粟米入面

很久沒有與"德興"這個飲食品牌扯上關係了,我想,大約起碼超過十年,或者更久.如今出外晚飯,除非是同行之要求,否則我是不會主動上那些如漢X,稻X,新X等連鎖酒家.是夜來到旺角創興的"德興火鍋",是出自家母之主意,一聽到她說去德興,我說如果一定要去旺角,不如去泉章居.家母堅持之下,我也沒有辦法,唯有乖乖就範.與大陸來的親戚,連同家母,家弟,有七個人.一早安排了個"星之全包宴".半圍$833,包加一,蔗汁一渣,啤酒一支.如果在平日來,價錢更平,六位$666.差不多全民皆爐,只得我們一檯吃小菜.究竟這個星之全包宴,有什麼菜式呢?順次序下:紫微金豬下凡來,珠雀蝦仁燈結彩,紅鶯鮑粒荔芋盒,天機法海佛蒲團,北斗司晨雞煲翅,武曲百靈雙肉掌,驛馬擎羊老虎斑,文昌狀元吊燒雞,郎月影照長眉麵,繁星萬顆耀仙桃,仙間時果千里香.所有菜式名字,果然與星有關,聽落就好聽,吃下去又是另一回事.打頭陣的紫微金豬下凡來,真正身份是燒乳豬,這道下凡乳豬,皮很淋,一點脆口感都沒有.相信是在下午燒定的貨色.而珠雀蝦仁燈結彩,當然沒有珍珠同孔雀,只是西芹炒蝦球而已.所謂天機法海佛蒲團,其實是羅漢齋,用腐皮包著羅漢齋,是不是代表天

朋友生日,打左電話去訂位,6點準時去到, 但無人理我地...終於等到有個ar姐理我地,但佢態度惡劣黑口黑面 我6個人佢地比張4人枱我地,超逼,仲要有張櫈係BB櫈 (個ar姐認為我地坐得落??)要求換枱,無人理,再揾,終於有人應我地,但佢好無禮貌咁話無得換 (p.s果陣全場得3枱人勁多吉枱), 於是問個經理,佢都係好無禮貌咁話全場比人訂晒位low....我地話張枱太細點坐ar??? 係呢個時候有對母女行入黎話兩個人,有個知客問佢地有無訂位,佢地話無, 但比張4人枱佢地坐low!!!! (我地O晒咀...個經理呃我地low!!)好鬼嬲!!!! 於是我地話唔食la, 你地咁嘅態度做生意! 我地一行6人即刻走la,咁我地知道7樓仲有間富臨有得打邊爐, 咁我其中一個fd話咁我地去7樓la~點知個經理仲要好好好好好串咁話:嘩~呢間鋪d人咁講嘢嘅??! 我地真係好嬲!!! 我地呢世都唔會幫親火鍋海鮮酒家]!!我唔想貼$買難受!!!!最後好多謝個德興個經理叫我地上7樓, 因為人地富臨服務態度超級好~我同朋友食得好開心~好多謝德興個經理令我睇到德興火鍋海鮮酒家嘅真面目!!!

上星期同一班朋友上去打邊爐， 價＄ 度度差唔多，點知食到一肚氣！服務極差， 又漏單，吹幾次都唔黎，又唔新鮮， Ｄ野飲又唔得好淡，飲啤酒就ok！！！上梁不正下梁Y~ 集團式黎講～ 呢間比起佢Ｄ分店差好多low~可能旺角，Ｄ人做到忟怪～打邊爐 唔夠水叫人加水浪費好多口水～

德興都食過無數次啦...無晒驚喜如果唔係無啦啦落大兩...都唔會貢入去...試過好多次..."帶子片"同"花膠仔"都叫兩輪就話賣哂....今次响門口問明至入,因為已經十一點半...點知俾個知客阿姐'o秒'...好彩有個樣似部長既...笑面迎人立刻話有有有....今晚樣樣野都好新鮮.....而且包既湯底多左幾款...好難取捨..揀左"清湯牛坑腩湯底"...淨係湯底已經有約兩碗牛腩麵既份量...而且滾兩滾已經好淋...好鬼美味"帶子片"同"花膠仔"可能真係貴...要三催四請至黎多幾碟...帶子雖然係雪藏貨...但用濃湯淥過一樣好鮮味...花膠仔係 cheap cheap 魚肚..而且已浸發...淥兩淥就 ok ,滑o都o都既骨膠原呀...正....不過其中一碟附送頭髮一條一大驚喜係雪花肥牛...都唔知好彩定係乜...咁鬼靚既...連叫兩碟都靚...入口油味香噴噴...唔 un 又唔淋...任食可以有咁既水準係好正....另外羊片、蝦丸、脆鯇、九肚魚通通都係中上之質素附送既馬碲水同酸梅湯就非常之唔掂...d 冰溶哂都未有客飲...又再加冰咁...淡如清水

琴晚同左屋企人去呢度食晚飯,超迫,真係好迫,仲迫過大排檔同茶餐廳,好離譜,跟住叫左個$666 O既六人餐,但D野食好咸,味道不太好,但竟然有一道菜係暮餅,好差,真係未試過,來左6樣菜中,係得條蒸魚叫做合格............D小二亦原全係十問九唔應,而且個個都係黑面,真係唔知點解,我一定唔會再去!!

呢間野我一個月都會黎2-3次打邊爐,其實我覺得佢都算幾ok,相對其他任食火鍋既地方黎講算係唔錯...最近一次去,除左有任飲竹庶水同酸梅湯,每位仲另外送多一支汽水,非常抵...呢次叫左個沙魚骨豆腐湯,清清地幾好味...食物方面都尚算幾新鮮,新出既芝心牛肉丸好好味...次次都至少食一碟...百幾蚊有得食花膠仔同帶子片真係唔錯,,,不過d花膠仔既味道好似怪怪地...不過d貴價食物(eg:帶子片)每次黎得好少,一碟得果4塊,每次落單寫兩三碟但都只係黎得果一碟...真係激鬼氣...同埋次次都食得唔夠喉好冇癮囉...不過總括黎講我都覺得質數唔錯,食物新鮮,環境都幾乾淨企理,遲d會再去~

眼見很多酒樓如果出品不太差,服務OK其實已經不愁客路.星期日就係懶!求其揾一間飲茶就又見識到咩叫做「挑戰無極限」!出電梯門口已經無人理唯有二人自己走入去找了一張四人枱坐低,坐低立即有一男一女侍應走埋嚟(心想:咦?咁高效率？)男的問了幾多位及開咩茶,回答後便專心剔點心紙,五分鐘後女的又走來問幾多位及開咩茶?重覆一次回答之後五分鐘竟然又問一次!!!終於茶到,一翻開荼杯及碗污穢程度係自己洗都無謂!要換!結果換來該女侍應一邊口中唸唸有詞一邊將杯碟扔在枱上....點心紙上的蝦餃燒賣可以選擇叫半籠,此方法用意不錯!兩個人一人一粒唔駛食咁多可以試多幾款其它嘢!蝦餃、燒賣----原來一人一粒都嫌多!未食過蝦餃係無調味嘅.連裡面隻霉霉地嘅雪蝦連雪味都無!真神奇!燒賣就有大量肥豬肉,入口爆油!蘿蔔糕----只要煎得香夾起唔解體就收貨!鳳爪----從外觀係睇唔出…..味道同白切雞嘅雞腳一樣,無味嘅!肉絲炒麵----炒麵底燶得有苦味,肉絲茨汁埋得太薄,夾兩夾變咗水!炸雲吞----凍嘅!點解要等十五分鐘呢?個酸甜汁好似菓Jam咁杰!綿花雞----魚肚壓味濃郁!用薑葱出水都懶!果兩件雪雞肉可以用筷子一夾即散.加水

難得同大B到旺角打邊爐, 我地都諗住去試任食打邊爐去到創興, 係包剪拓嘅情況下, 我地去咗德興... ... ( 7PM-9:30PM )但估唔到無去一排, 又加咗價喇~ ( 又話市道低迷減價嘅=.= )而家仲要無得任添醬料, 改收成$9一位, 梗係即時話唔使啦~加咗價但又少咗野, 佢真係咁咩!!!!!!!不過試完, 又真係OK張材料紙多咗D選擇, 湯料都多咗好多款.....我地2個人, 叫咗"鯊魚骨個湯底"但估佢唔到...... 勁淡, 一開始好似渌緊清湯咁=.=但係估佢唔到, 有花膠選擇喎我地當然唔少得叫勁多肥牛啦~ 夠雪花, 正!!!!但真係越夜越多人, 仲越黎越噪, 我地係閃返屋企算LU

2009 HAPPY NEW YEAR2009.1.1(四) 零晨兩點才打邊爐，皆因响西九倒數完畢，諗住坐巴士快速逃離佐敦區，薯不知遇上60X壞車，害得圓方大塞車，也害我們待在巴士個多小時，兩點才到達旺角。落車正正在創興廣場門口，挨餓挨凍幾個鐘，唔會再研究去邊度食，總之未打烊就好了﹔四個人箭步式上四樓，亞大叔話每位 $128 收四點。(六月頭黎過一次都領教過，又迫又嘈野食麻麻，是次冇得揀唯有接受現實)滾住個鴛鴦湯底差不多半個鐘都未有野食(速速寫定第二轉入單)，幸好叫亞經理跟一跟(否則唔知等到幾時)，未幾亞經理親自拎盤火鍋料出黎(勞駕勞駕)，齋滾湯底滾到冇晒水，放兩片牛肉已經要加水... (周中師傅話齋“滾”冇水點得…)﹔掃完第一轉第二轉配料又要追，追佢又竟然拎返同第一轉一模一樣既配料黎...好掂呀﹔算...都係果句“有得食就算”。火鍋配料都係果兩個字“麻麻”，環境都係果四個字“又迫又嘈”，天寒地凍的元旦凌晨有得食就算都係呢四個字“接受現實”。

在１５分鐘內，上了４個菜，食到好似要鬥快．已經放到枱面都放不下，叫左三次可唔可以停一停，菜都繼續來．座位非常迫，椅背可以貼著另一枱的椅背．乳豬很肥，魚很鞋，不好食以後都不會再去．

另一半每次來這裡必點燒燒雞米線($48, 假日$58)燒雞半隻--->雞皮香脆, 雞肉嫰滑米線一鍋--->分量充足, 更總附青綠菜心5-6棵, 伴而食之, 感覺更均衡健康其他點心也不錯:生煎菜肉包--->現煎的, 夠熱, 如果再焦脆一點更好鴛鴦水晶包--->熱騰騰, 水晶皮既爽又帶點煙韌, 餡料有豆沙和奶黃兩種蠔王鮮竹卷--->夠味而不油膩

星期日...我同男朋友決定去打邊爐!所以便來了這兒打......我們order了.....芝士腸,午餐肉,肥牛,豬頸肉,包心丸,墨魚丸,牛丸,豬肉丸,火腿丸,炸枝竹,鮮腐竹,豆腐,玉子豆腐,雞肉片....食物質數不是很差!叫左渣竹庶芧根~飲品也是任飲.......仲有蝦送.....我們叫了一個冬陰公湯底.....個湯底都幾好...........款式都算多.........我會再來......

尋日屋企人訂左一圍半,14個人去食飯慶中秋我同妹妹行完街先到,所以就兩個上左去坐先一坐底,嘩!d杯真係污糟到冇得頂,勁多白色一撻撻漬,係每一隻都係!即刻同個名姐反映,佢只係換左一隻乾淨杯俾我就算我再同經理講,佢同我講"呢d唔係漬,係花左姐"之後又係換左一隻俾我之後見佢行過去阿姐果邊針密計,阿姐笑住咁講"冇計啦我地d杯係一d乾淨一d污糟左d嫁啦~"我同妹妹見其他台d杯都冇咩野我地用滾水洗下d杯,洗左好耐d水就變小小灰白色,但杯仍係咁污糟我同妹妹都比較細個,十幾歲度,唔知係咪咁佢就唔理我地啦!屋企人到齊之後就上菜,以為服務夠差啦,點知原來都未夠野食差!芝士龍蝦伊麵龍蝦係幾大隻,不過上台時一d芝士味都冇,食落都係冇芝士味,早知叫上湯龍蝦伊麵好過珊瑚蚌帶子炒甜豆甜豆爽脆都ok,個珊瑚蚌一d味都冇,似白烚,帶子仲衰,一陣霉霉地味!炸蟹鉗皮好難咬開,舊野十分之乾,一d汁都冇鴨掌鮑片我咁大個女第一次食甜o既"鮑片",口感好奇怪,肯定唔係鮑魚瑤柱香菇扒生菜算是比較好食的一道勸.普普通通唔知咩野翅入面係有好多粒粒帶子同蝦肉,不過帶子又係有陣怪味,蝦肉好咸,d翅細到係個口感覺唔到蒸石斑味道幾好,但有小小o

11.7.2008 (五)今晚同事聚會,我、林姑娘、endi同umy四條友打邊爐,好掛住林姑娘啊~~~~~ >.<事前搜集了資料,知道旺角哩間德興劣評頗多,不過佢地唔係住九龍就新界,所以唯有哩黎間就腳d啦。上到去見到d桌子擺得超迫,個侍應仲分派左一個走廊位俾我地,無野呀,點坐呀? 我坐底左你地係咪唔行哩條路先?唔係囉!! 所以我地咪行過去第二張台度坐囉!!哩度只係任食,無得任飲,仲要淨係得豉油,另外d醬料要俾錢,10蚊一碟,多s晒~每人送左一碟野,有兩隻蝦、一隻帶子同一塊蚌,都ok喇。林姑娘狂啃肥牛啃左好多碟................heeheee 墨魚丸唔知整乜咁硬~查實食物都唔太差o既,不過同其他分店比就真係差左d,可能位處旺角唔憂做吧。食食下聽到隔離桌班年青人同個部長講個煲痴晒底,部長話要換gei話就要收$38...anyway,今次我地都係旨在gather下~