德興酒家

营业中

休息中

現在很多的火鍋店都是有限時的，就是害怕客人坐得太耐，而且一般未夠時間，也會叫你先結帳。所以我朋友一說話有一間火鍋店是沒有限時的，我們便馬上相約時間去。這裏像一間大型酒樓，地方也很大呢，而且環境很闊落，連來的人也很多呢！我們叫了一個湯底是海底椰豬骨窩。而且還有不少火鍋配料可以選擇，我們每樣也叫了一點，另外出邊還有汽水及其他食物可以選擇。這個就是海底椰豬骨煲，湯底也很足料了，而且還有豬骨在湯底內。這裏就是出邊能拿的東西，除了麵食之外，還有不少食物可以拿，而且醬料也有不少選擇呢！這個是帶子，味道鮮甜，細細粒，很爽口呢！這個是豬紅，味道很嫩滑。

好耐冇打邊爐，同朋友搵邊度平靚正，俾我搵到呢間德興酒家，見到不限時食火鍋都幾吸引。鍋底選擇都唔少，叫左黑松露姬松茸花膠螺頭雞湯，非常入味，雞湯養生滋補。自助配料區有唔少選擇，除左菜，菇類，重有響鈴，丸等食材。肉類叫左羊卷肉，肩胛牛肉眼同黑豚肉卷，岩哂食肉獸。肉質嫩滑，尤其羊肉既精華滲進湯底。鮮蝦水餃同韮菜餃味道都唔錯，外皮滑滑口感又唔容易散開。海蝦啖啖肉，鮮味十足。美中不足既係，如果有多甜品選擇就perfect 。

上德興打邊爐全因為遠方朋友嘅主意, 朋友係美國黑人, 住咗係尖東酒店, 近排香港極混亂, 朋友唔想行太遠食飯, 又想試試香港地道火鍋, 聽酒店介紹所以訂咗酒店旁邊嘅德興.朋友曾經係香港工作半年, 當年我地成班同事經常帶佢去食好西, 打邊爐係其中之一.炸魚皮, 鵝腸, 豬紅, 午餐肉, 響玲, 炸蒜頭, XO醬, 對於我地香港人黎講係平平無奇嘅火鍋配料同醬油, 但係對於美國朋友黎講係新奇事.德興嘅鵝腸無膏而且洗得極乾淨, 啱自己口味, 順便教教美國朋友鵝腸有膏同無膏分別.炸魚皮口感香脆無過氣, 滿意.最最最正係牛栢葉, 一D都唔韌, 當然唔好淥太耐啦!自助醬油選擇比好多放題店多.以為 XO醬唔會太辣, 點知比想像中辣, 最主要係自己唔食得辣啫!雖然飲品選擇無其他食店放題咁多, 但朋友有酒飲就足夠.最重要朋友佢食得開心! 佢重請埋我埋咗張單添, 算係咁咯....

在兩星期前，同事攞文件給住在她附近的熟客，個客很客氣，送上德興雙黃白蓮蓉月餅劵給我們！有天放工，我專外登走到尖東麼地道半島中心 <德興酒家>，反正順路，還幫埋我同事攞埋！德興雙黃白蓮蓉月餅有效期頗短，9/9 領取，9/18 便到期嘞！只是一星期有多！紙盒裝，附上環保袋！夠哂環保又無鐵盒咁重！月餅斤兩十足幾大個！其實，我們沒有叮熱，只是由雪櫃放至室温，蓮蓉甜美軟滑，最緊要鹹蛋黃油潤富鹹香又不乾身，質素不遜色給美心呢！

我曾經幫趁「德興酒家」飲茶午飯多次，記憶中多年前好像還有自助午餐！不過印象有點矇矓了！今晚來品嚐是不限時間放題火鍋。自助吧式提供多款的配料、醬料及飲品。如要極品火煱食材，自然要另加收費了！這個選單已經能滿足我了們！湯鍋選擇頗多，我們選擇東瀛海鮮鍋。開餐了！東瀛海鮮鍋：海蝦、海蜆、青口、帶子、薑片、大蒜、冬瓜、海帶.........湯底夠鮮甜！自選食材：肩胛牛肉眼、肥牛心腹肉、牛胸油、金錢展、花膠仔、花姿片、帶子片、手打蝦丸、黑豚肉捲 、豬紅。我特別推介：肩胛牛肉眼、肥牛心腹肉、金錢展、黑豚肉捲 ，不用佐醬料也肉味鮮濃，原汁原味，美味可口！ 牛胸油10秒即熟的牛胸油，爽脆帶肉香，吃畢齒頰留香！包得大顆的鮮蝦水餃，蝦甜肉鮮，夠足料！挺健康的喬麥麵啊！我楝了清甜的竹蔗水，抵消火鍋的熱氣！很滿足了！

經過一日辛勞 ，晚上約同兩位同事到尖東半島中心的德興去吃 火鍋，想不到去到酒樓，竟然幾乎座無虛席，在現今的市道，而他竟然有此盛況，當然有他的道理，用198元，可以任食兩小時的火鍋，你可以說不便宜嗎？當我們坐低不久，殷勤的侍應 即為我們送上火鍋紙及為我們開了一壺茶，我們點了一個椰子雞鍋，而火鍋紙上 的推介，竟然有十多款鍋底，其中有雪耳雪梨蘋果鍋，冬陰功海鮮鍋，黑松露姬松茸花螺頭鍋，都是比較特別的，但竟然都是包括在198任食的價目內， 如果加88蚊你可以叫煲翅鍋添，至於火鍋料方面，大致同市面一般火鍋店都差不多， 我們點了牛肩肉 豚肉片羊肉捲 花姿片，帶子 ，海蝦，鱔片等 他的牛肩肉很好吃 因為肉質偏瘦 沒有那麼多脂肪，所以多吃幾片亦無妨， 另一款安格斯肥牛 適5合 想吃雪花多的朋友，因他脂肪比較多，所以肉質偏滑，除咗牛肉有幾款之外豚肉 亦爽滑， 羊肉捲則吃不出有騷味 。海鮮方面則有海蝦，帶子， 花膠仔 及蟮片也是我們的選擇， 鱔片夠薄，帶子夠鮮，除此之外尚有脆鯇 花姿片等 十數款海鮮供應，要食比較有特色的海鮮亦可以自費點叫，冰鎮南非鮑魚， 北海道元貝，蟶子王等十數款 海鮮，任君選擇， 自助

今晚約左幾個朋友打邊爐，朋友揀左係尖咀半島中心二樓既德興，位置方便之餘，最重要係任食又不限時，唔洗食到滾水碌腳，可以慢慢食，慢慢嘆，慢慢傾7點鬆黎到，已經坐滿曬人，很誇張湯底選擇比預期多及吸引，比平時任食既湯底有特色得多火鍋配料，另外出面亦有自助吧既配料可以自己夾飲品都係任飲自助吧我地揀左粟米椰子雞鍋除左雞肉份量多，湯底配料亦都勁多，所以除左聞到勁香，食落亦好夠味雞件好滑，吸收曬椰子味好正海蝦，必食，必點黎到d腳重識郁，又大隻，食落好鮮味，爽口彈牙有幾款牛提供，肉質唔錯，連牛胸油都有，任食係極少見！火鍋配料好多，試左好多款，雖然無逐款影低，但基本質素都靠得住，都令人滿意始終客多，食物自然新鮮d食飽飽，重有貴價雪糕食超級滿足

過了中秋氣溫少少下降，變得冇咁炎熱，又是聚在一起打邊爐的好時機。尖沙咀東一間稍有名氣的酒樓推廣$198火鍋放題，是一班人聚會最佳選擇。粟米金筍椰子雞鍋煲起上來，椰香飄散，味道香甜！雞件非常滑溜，粟米清甜。自助區有大量丸類，蔬菜，麵類.....擺放整齊，放心食用。隨了自助區，還可用點餐紙點選海鮮類，肉類，餃子..等等。蝦隻，帶子，花枝丸質量不錯，多點幾次值回票價。醬油配料區看似平平無奇，麻醬非常濃稠有驚喜。整體來說，價錢，質量，人多聚會是好選擇。

位於尖沙咀東既半島中心德興酒家不限時任食邊爐 亦都可以加錢逐碟叫又得😋湯底被一般選擇多 材料可以自己落🥘叫左松露姬松茸花膠螺頭雞鍋任食選擇有牛肉 豬肉 青口 花膠 帶子 蝦 。。自助配料選擇都算多 有牛肚 水魷 丸 牛栢葉 鮮腐竹 苦瓜 勝瓜 麵等等仲有奶皇，叉燒水晶包《新款打邊爐料》食物味道一般 但足夠可以填飽肚湯底都清甜可以當湯飲但雞件份量多飲品選擇都大眾化小妹精選推介食物如下: 牛展 牛肚 帶子 牛栢 奶皇水晶包水晶包建議可以湯底剛煲熱放落去食左先"如打火鍋中後期落 個皮會帶咸味 "~整體價錢幾抵 地點就唔算太一般方便

今晚有空，約左三五知己去尖沙嘴食火鍋放題，朋友仔話依間德興酒家抵食（位於半島中心二樓）入到去，嘩，都幾人頭湧湧，7:00去已八成滿座，望望餐牌，都有幾多湯底選擇餐單亦有好多火鍋料選擇除order外，還有自助吧取火鍋料肉類都有凍櫃保鮮，夠衛生我地order左椰子雞鍋，十分足料，有甘荀、粟米、雪耳、紅棗、椰子，湯味夠濃魚皮夠脆白魚旦夠彈牙，好食蝦任叫，新鮮，隻隻識郁牛肉夠新鮮，唔靱唔鞋口凍櫃有好多款飲品，除了樽裝飲品外，還有罐裝可樂、雪碧及自製甘蔗汁最後每人還有一杯movenpick雪糕在尖沙咀鬧市，配合價錢及服務，值得一試

假日與家人飯聚，沒什麼主意吃什麼，那就火鍋吧。這次我們選了德興火鍋任食放題，$219一位，不限時，飲品亦任飲。我們選了黑松露姫松茸花膠螺頭雞鍋，湯料和清湯分開上，用料十足，有足足半隻新鮮雞，多片黑松露，姬松茸花膠螺頭瑤柱全部加起來一大碟，水滾放下煮熟，雞肉鮮嫩爽滑，湯頭鮮甜。吃完雞喝完湯就開始打邊爐，我們點了多款食物試試，有海蝦、帶子、青口、肥牛、豬紅、豬肝、水餃、手打牛丸和蝦丸。火鍋料新鮮，其中海蝦爽口，帶子鮮甜嫩滑，我們點了一碟又一碟。手打丸亦不錯，牛丸是麻辣的，蝦丸爽彈。水餃亦足料，餡料爽口不膩。除了點菜單，自助區有炸魚皮、響鈴、山根、迷你鮮竹腐皮卷、小籠包子、各式腸仔丸類、水魷魚、蔬菜和麵食等。款式之多絕對豐富。響鈴雖然不是很脆的那種，但煮軟吸湯汁一流，我又是吃完一件又一件。吃火鍋飲品都不能少，這裏飲品有自家製竹蔗茅根水及各種樽裝飲品，很讚！

今天與爸爸媽媽及姐姐一家四口去德興吃火鍋，任飲任食。 我們點了黑松露姬松茸花膠螺頭雞鍋湯底。摸了相當豐富，有半隻雞，大量花膠，螺頭，瑤柱，杞子等等，真材實料。湯底非常濃郁鮮甜，雞肉嫩滑。吃過雞鍋之後，我們便出去自助吧看看有什麼，自助吧有大量食材，例如炸魚皮，響鈴，腐竹，各式丸類及蔬菜等等。比較有特色的有鮮蝦腐皮卷及小籠包。小籠包打邊爐很特別，鮮蝦腐皮卷及響鈴放入湯底內吸入鮮甜湯汁， 十分好味。之後我們便填火鍋料紙。點了青口，鮮蝦，帶子，白鱔片，生魚片，鮮蝦水餃，豬紅，手打牛丸，手打蝦丸，肩胛牛肉眼，肥牛等等，非常豐富。鮮蝦十分新鮮，鮮甜，蝦肉爽口。帶子雖然不是很大隻，但是十分新鮮， 十分鮮甜，肉質嫩滑，吃過不停。鮮蝦水餃有驚喜，大大隻，餡料飽滿，鮮蝦爽口。肩胛牛肉眼有香濃牛肉味，手打蝦丸爽口。另外，飲品都是任飲的，其中我們最喜愛就是自家製的竹蔗水，還有樽裝荔枝紅茶。這餐吃得非常豐富， 十分滿足，食材新鮮，湯底鮮甜。

德興火鍋這家酒樓相信大家一點也不陌生，最近我聽朋友說他們的火鍋性價比高，只需$199而且不限時，所以今天便和老公去試一下。首先，湯底有好多不同選擇，喜歡吃辣的有沙嗲，麻辣，冬陰公，而且還有麻辣雞鍋。也有健康湯底，有黑松露姫松茸花膠螺頭雞鍋，海底椰豬骨湯底等....清潤養顏。自助蔬菜吧和肉丸吧種類繁多，應有盡有。牛肉一份大大份，肥牛心腹肉，牛胸油，金錢展好新鮮，而且黑豚肉片肥瘦佈適中。花膠仔，脆玉魚片，脆玉魚腩很新鮮，爽口。飲品也是種類很多，而且這裏的放題是不限時。最適合三五知己一早來這裏邊聊天邊吃，不像其他地方的放題有限時的規定。

今晚打風，最好就是吃火鍋了！今次我們到了這家德興火鍋酒家，已有多年歷史，這間老字號，我和男友對他可是信心十足！因為男士最喜歡就是打邊爐，這家他和同事之前也來過！黑松露姬松茸花膠螺頭雞鍋這裏的特色火鍋是必點的，看到網上，見到材料十足，果真是呢！雞窩啖啖肉、螺頭花膠十足，養顏的材料都集中在這個鍋了！不枉此行！肥牛心腹肉男友試過牛魔王，他表示這裏的牛肉牛味十足、而且肥瘦均稱，吃起來一點也不肥膩，可謂相當出色。黑豚肉卷而我最愛的黑豚肉，當然要來點一客了！黑豚肉絲毫也不肥膩、而且是新鮮切起的，令我一吃再吃！蔬菜吧這裏特色的是，可以出外自助蔬菜吧，有木耳、金菇、瓜類、粟米等等，而且是自助形式，可以自由選取想要的份量，而且件蔬菜也不停上新， 十分新鮮。竹串海生蝦男友一吃便吃了四份，他表示蝦肉十分爽口、新鮮，配上酒家提供的特製醬料，簡直是絕配呢！這裏的環境寬敞、侍應有禮、常常主動向客人查詢所需，能夠在這一個舒適的環境進膳，實在令人滿足了。

朋友一向鍾意打邊爐，佢上次去食一間火鍋放題，夠鐘還枱都話未食飽，哈哈，今晚就同佢黎德興食，德興係無限時，食到收舖都得㗎。成人$199一位，任飲任食仲包一客movenpick雪糕，抵！飲品都幾多唔常見嘅選擇，但就無無糖飲品，有需要嘅都可以要求開壺茶嘅。湯底又係好多款揀，連雞煲都有，但兩個人怕太飽食唔到火鍋，就要左清湯併麻辣湯。清湯幾鮮味，麻辣湯好重花椒八角味，唔算太辣，個人覺得呢個辣度打邊爐剛剛好，太辣會失去味覺，哈哈。醬料也有不少款，重要係有我喜歡的麻醬同芫荽。自助bar有炸魚皮，響鈴卷等。點的火鍋料完全無漏單，點三份就真的來三份。肥牛都幾靚㗎自助bar仲有蔬菜，雜菌，丸，腸等，至正有蓮藕片同鮮淮山片，大量encore！肥牛有分幾款，牛肉眼同心腹肉都正。麻辣湯底配羊肉卷勁正，又係大量encore！打邊爐甜品～水晶奶皇包，可惜未淥已經爆皮，小心舊奶皇餡跌左，哈哈。熟左後，用鹹湯底整熟佢都無怪喎，甜甜鹹鹹幾得意。最後就係雪糕啦，有朱古力同奶凍味揀，我同朋友都要左朱古力口味，雪到好凍呀～食左三個幾鐘，邊食邊吹水完全無壓力，唔使怕趕住還枱。