德運豬扒車仔麵

营业中

休息中

今日學完跳舞順便吃完晚飯才回家在佐敦地鐵站附近有一個閃閃發光的新式車仔麵店裡面有復古的裝潢用復古木板做為餐牌加上霓虹燈的裝飾很有趣聽聞炸豬扒很出名所以其中一個餸必點炸豬扒因為時間比較晚所以我最愛的河粉賣完了只好點米線配汁當然要選辣汁因為車仔麵的辣汁是自己無辦法調配的魅味炸豬扒$18+爽頭牛肉丸$14+豬大腸$12米線 麵底$12凍檸茶少甜+$3炸豬扒足足一大塊廚師很貼心的把它剪開三塊拼起來足足有一個麵碗大！$18真的非常抵食炸豬扒做到酥脆即叫即炸非常新鮮熱辣辣而且不太油膩非常推介爽頭牛肉丸是自家制的手打牛肉丸都會非常彈牙吃下去都吃得出牛香豬大腸真是無得輸肥美之餘清洗得很乾淨沒有怪味加上份量真是多！總結： 雖然店舖只開張幾個月但人流很多可見味道好質素佳重點是價值便宜下次我都會再次光臨！！📍 德運豬扒車仔麵 (佐敦)佐敦白加士街83號地舖

今日放工經過佐敦，行過見到一間新開嘅車仔麵店，個招牌好吸睛，再睇吓餐牌，感覺上覺得幾吸引，於是就入去試吓。舖頭招牌菜係豬扒，諗都唔使諗一定要點啦！😆呢度配料選擇都好多，而且仲可以揀麻辣，啱晒我！我同朋友每人嗌左一碗，我哋帶咗好多款不同嘅餸，可以share嚟食，佢餸嘅份量都幾多，個面嘅份量比一般車仔麵店多好多。豬扒超大塊，我相信係即點即炸！香脆可口，而且一啲都唔乾，豬扒係另上，唔會比啲湯浸到林晒👍🏻我揀咗河粉，配上麻辣湯，食到停唔到口！我選擇左牛肚，墨魚丸，豬大腸。牛肚好淋身好入味，墨魚丸一啲都唔粉，好彈牙，我覺得係必點嘅！豬大腸都清理得好乾淨，好好食！仲可以加錢有餐飲，我點嘅凍檸茶有超多塊檸檬，個茶底幾好，比想像中好飲！朋友點左凍阿華田，佢覺得好好飲，因為好濃郁，佢覺得係加咗奶落去沖，好有心機！下次如果喺佐敦唔知食咩，呢度係我嘅第一選擇！🥰🥰🥰🥰

今次黎到佐敦食街-白加士街，試下新開冇耐嘅車仔麵-德運豬扒車仔麵。去到餐廳由於未到時間尚早，唔洗點等就有位。餐廳環境雖然唔算大，但坐位都寬敞，坐得幾舒服。佢主打車仔麵，麵底$12，唔算貴，而車仔麵餸選擇都幾多，價錢由$9-$18。湯底有5種揀，麻辣，沙嗲，牛腩汁辣汁同清湯，緊有一種啱你。而且餐廳仲有提供唔同小食！另外餐廳係下午茶時間都有提供$38 3餸任揀麵餐，下次有機會一定要黎試下～🔻牛丸，炸豬扒，生菜出前一丁味道：7.5/10價錢：$53緊係試下佢地個炸豬扒啦，餐廳仲好細心咁俾客人揀另上豬扒，唔怕佢浸淋👍 豬扒炸得都幾香，份量算多。牛丸爽口彈牙，好食！🔻魷魚，手撕雞，金菇，菜心，生菜米粉味道：7/10價錢：$66魷魚爽口，唔會點有雪味。手撕雞食落都嫩滑，唔錯。而且份量超多，食到超級飽！

今晚經開佐敦有d肚餓經過白加士街有间人氣車仔麵就一於走入去試过見到d人個個必叫魅味炸豬扒見到都想食！于是坐底點左幾樣哇真係好肚餓樣樣都想試一個麵一個小食跟餐小份自家炸韭菜餃 掂有下次必帶埋朋友過嚟一齊分享喜悅

在佐敦白加士街麥當勞附近，見到這間德運豬扒車仔麵有7.77折，這是一間很稱職的車仔麵，平民價錢分量充足。.有不同的材料及面底，如果想減肥的朋友可以選擇清湯菜底；又或者可以選擇印尼撈麵烏冬等等。如果選了牛腩湯，更是無形中附送牛肉肉碎呢。.見到這間車仔麵很有心機，有不少餸也是自製的，包括韭菜餃、貢丸。材料片片厚切、大塊，而且叫滿$38送熱飲，絕對是街坊可以每天來當飯堂的餐廳。.我並不是特別喜歡吃豬扒的人，不過見到他這裏的招牌正正就是豬扒，沒有理由不嘗試吧？一份豬扒$48一共有4塊，可以同朋友happy share。見到豬扒煎得金黃，肉色粉嫩滿滿有肉汁，而且不會太肥。味道比較自然，沒有太多浮誇的調味，甘香可口，就算我不是特別喜歡吃豬扒，也覺得這豬扒不錯。我的朋友不知不覺吃了三件。

佐敦雖然唔近旺角，但食店數量一d都唔會小過，有質素既餐廳比比皆是，今次去左間平民食店試一試個車仔麵🥰——————🐽 秘制豬扒、紫菜、花菇沙嗲米粉米粉大大碗，加上左芫荽、蔥花同炸蒜，第一啖食麵已經好香好正，秘制豬扒食落好林，好入味，不負秘制之名，花菇處理得好入味，唔會水下水下，加埋沙嗲汁一齊食出真係好出色😆🐽 炸牛丸炸牛丸加外皮香脆，表面加上香料，令到升華左一個層次，小食都有好多其他選揀，絕對滿足到大部分人😻

本人喜愛食車仔麵，所以價錢合理經過都會一試！位於佐敦呢間車仔麵主打魅味炸豬扒，望落都幾多街坊過黎幫襯。車仔麵餸當然唔少得點豬扒，如果單點豬扒小食就要$48比較經濟嘅係惠顧滿$38粉麵就會送熱飲，凍飲+$3豬扒、手撕雞、冬菇粗麵（麻辣湯底）豬扒會有兩大塊，用嘅係帶骨豬扒，邊邊少許肥膏部分富油香，醃得好惹味，質地可以又唔會俾鬆肉粉整到淋晒！冬菇份量都幾多，蠔油汁炆得夠入味。雞絲一絲絲唔會好乾柴，都保留到少少雞味，另外粗麵係超大一碗魚腐、午餐肉、雞翼米粉（清湯）午餐肉厚厚的一塊，不過口感偏軟身，唔係火腿午餐肉果種。米粉口感爽滑，份量都幾多！自家炸韭菜餃 跟餐價$15餃皮口感好特別，有點似蝦餃果隻皮炸出黎嘅口感，富彈性，韭菜餡亦幾新鮮！埋單仲送番張優惠券全單7.77折，下次惠顧時使用。

食晏時間一個人喺佐敦，想簡單快趣食一餐，經過呢度，見到食車仔麵，幾啱我呢日嘅要求，再上網Google一下，見到口碑都唔錯，咁就決定入去開餐😆麵底有多種選擇，揀咗 $12嘅「菜底（可以 以菜代麵，幾好）」，再加幾款餸，要咗 $18嘅「魅味炸豬扒🐷」、$12嘅「牛肚🐂」、$12嘅「自家韭菜餃🥟」、$9嘅「白蘿蔔」，包一杯熱飲，要咗「熱奶茶☕️」；另外跟餐加 $15要咗「自家炸韭菜餃🥟（小份）」😆基本上簡單好食，特別係「魅味炸豬扒🐷」幾香口好 juicy😋。「白蘿蔔」大大件有三件，煮得幾入味😋。「自家韭菜餃🥟」無論係放湯嘅同埋炸嘅都幾好食😋。「熱奶茶」幾香幾滑😋

說到港式麵食，除了魚蛋河、雲吞麵等，車仔麵亦係一大特色的地道麵食往日港人所謂的『嗱喳麵』就正是『車仔麵』，聽說舊日流動小販時代的車仔麵，真的是由店主推著流動小販車在街上叫賣呀！！現在的車仔麵店全都在店舖內出售，今天也興起跟好友隨心走進一家吃碗車仔麵中午時段到來，店家的車仔麵選滿38元更會包有一杯熱飲多加三元就可轉為大大杯的凍飲跟友人各自點了一碗，再多來一份招牌的豬扒做小食兩碗麵食的份量不少，從麵類、配料至湯底都由自己揀選配搭，彈性很大自由度夠高，正是車仔麵一直受人愛戴，討人歡心的一大原因吧嚐了店內的招牌豬扒，味道的確不錯！調味剛好，肉質鬆軟不乾嚡，魅味豬扒果真美味其他的配料也不遜，沙嗲汁惹味不辣，有像孩童時代跟祖母外出用餐時所嚐到的滋味我們互相交換配料，特别欣賞店家的豬紅，入味不腥又無渣我倆不消一會就吃光了跟餐加配的墨魚丸更是必點之選，既彈牙又多墨魚粒在内街邊風味的魚蛋燒賣更是當年課前的早點或課後的茶點之選！！還記得當時會跟小閨密搶吃最後一粒的燒賣是多麼青蔥的回憶滋味呢～雖然現在的車仔麵不再『車仔』，更不是『嗱喳』，但能夠令人憶起舊日的味道，已教人會心微笑

早前搵到一間超正炸豬扒🐷+超抵食下午茶三餸麵🍜， $38有3個餸，仲配埋嘢飲！試過佢哋三餸麵都抵食好味👍🏻，今次經過忍唔住入去食吓佢哋其他小食🧆🍲🍖！📌魅味炸豬扒🐷$48一客四件，即叫即炸，超級酥脆😋😋豬肉完全冇雪藏味，醃料夠香！豬扒肉質唔錯，唔會乾，正！😋😋📌德式四寶🍢🍡🍲$38超豐富，冇諗過有咁多粒丸🤩！！！有魚蛋、豬肉丸、墨丸、貢丸，紫菜和生菜🥬！高質港式湯品，正！📌檸賓加$7🍹🍹抵飲，夏日炎炎，飲呢啲酸酸甜甜嘅嘢最啱，而且好夠味，檸檬都夠👍🏻👍🏻📌贈送熟客仔兩隻餃子，你都來做熟客仔可能都可以得到，幾好食架，新鮮豬肉韭菜餡👍🏻👍🏻🐷

呢間車仔麵，主打豬扒，豬扒好食juicy唔柴皮，冬菇夠林夠入味，雞翼炸得夠脆，我叫3餸，份量夠多，好飽！佢送滷水蛋+熱飲，凍飲都係+3蚊。價錢五十零蚊，唔平唔貴。

星期六晚要食自己，喺佐敦行下行下就見到呢間車仔麵店。裝修都幾光鮮同乾淨，應該係啱啱新開嘅，坐得幾舒服。價錢都好合理，種類唔少。而呢度出名炸豬扒，梗係要試下喇～先揀麵底同湯底，然後揀餸。最後嗌咗油麵、牛腩汁、炸豬扒、自家韭菜餃、豬紅、通菜、蘿蔔。炸豬扒真係必食，好juicy 多汁，又唔會炸得太過油膩。另外佢哋個韭菜餃有驚喜，因為自家製嘅關係，個餡料真係好豐富，個皮又唔太厚，真係好好味。仲包熱飲，好掋食。

諗住佢新開又寫住有8折咪幫襯下， 我叫咗三個餸 ，都六十幾蚊， 跟住佢話堂食先有8折，外賣係無， 但係出面門口嗰塊牌係無寫囉。仲有D餸少到不得了，食完好似無食。差到呢👎👎👎🤮🤮🤮

話說第一次食呢間啲牛腩汁魚腐、豬紅、雞翼米線都幾好食，但係今次叫左一碗光速車仔麵（碗麵有蘿蔔、雞翼、廚師腸）真係超難食！呢個湯底淡而無味，而且啲牛腩汁唔夠鮮甜，真係大不如前！今次最氣頂就係遇到有個冬菇頭女人幫我落單，佢既待客之道真係超惡劣！佢幫我落單個陣竟然逼人加多幾樣餸，佢見我唔肯加餸就乘機向我黑面，而且佢見我食平野又坐得耐就乘機對個客發脾氣！不過當時唔係有好多客，呢個大陸職員今時今日既服務態度真係超悔氣，我以後都唔會再幫襯呢間垃圾店！

德運豬扒車仔麵佐敦白加士街83號地下地鐵A出口行2分鐘突然想食港式口味的車仔麵，在佐敦路過一間車仔麵檔，見職員態度誠懇，好招呼，因為環境算企理，唔想再周圍行，就入去叫了碗四餸車仔麵，粗麵配牛腩汁（魅味炸豬扒，真墨魚丸，魚腐，菜心）+凍好立克 (大熱天時，極想飲凍飲）車仔麵好大碗，分量十足，特別魅味炸豬扒，這是招牌菜，非常香脆厚肉，值得一試。其他就同正常車仔麵口味差不多。車仔麵送滷水蛋一隻及滿$38元送熱飲一杯