心意餐廳 (已結業)

男朋友一早訂左位慶祝情人節..去一間新餐廳...個位置比較遠離mtr站..我行行下都問男朋友到底間野0係邊..真係有少少嬲佢...但係坐低左之後就開心番晒..間餐廳既decorations好靚..每對情侶送一朵玫瑰花 仲有心形朱古力!!!! 超級surprised!!我叫0左羊膝..男朋友叫左雞捲..哇個羊膝好大件...我覺得好抵食..不過我一個人食唔晒..完全冇蘇味...仲要好多汁...好正...個賣相都好靚...男朋友食雞捲...入面有spicy既肉...感覺好fresh..好少食到咁樣既雞捲..好特別...甜品可以轉心太軟..好好味...唔會太甜...岩岩好!!佢地既服務好周到..幫我地影相..仲request可以幫我地影到岩心水為止..好好呀DDD

I booked a table before, therefore, no waiting time. Once i arrived the restaurant, they reserved a good table for us. Their Service is really good!! They introduced the daily special offer to me and tell me which credit card was making good offer to their dinner set. Price is reasonable!One dinner set is around HKD 80 to HKD100 with soup + main course + cake (you can pay to change other cake like 心太軟)Food is good!i am not professional, i don't know how to say, but I think the food is also good!

朋友同我慶祝生日. 立即諗起去Cafe Elite.我叫左個晚餐, 主菜今次試燒春鷄, 居然係原隻, 不過係鷄唔係太大隻.聽經理講係美國入口.隻鷄整得ok好味.因為係星期一, 有優惠, 加$1甜品可以升級做梳乎理最驚喜經理聽到我生日, 係個梳乎理加左個生日牌. 真係覺得貼心.一個感覺好好生日晚餐.

看見這兒那麼多笑的食評，所以上月也與男友來試試。套餐餐牌得幾個選擇，我不愛三文魚及雞，羊扒也是一般，只好選豬扒，點菜時，侍應還大讚他們的豬扒很靚......不料.......先端來的忌廉湯，很香濃，好味。麵包不過不失終於，主菜上場了。男友選了三文魚配沙律，男友很滿意，味道很好。豬扒賣相不俗，不料，當我一下刀，Oh no....為何這麼硬，幾經辛苦，才切了一小塊。 我從沒吃過這麼硬的豬扒，嘴嚼良久，才可把它咬碎吞下，對我的胃的負荷真大。 我相信豬扒煮得太耐，所以硬如石，吃完它，我已滿身是汗。 最後到甜品，男友加錢換了PANCAKE，味道普通。我已沒興趣再轉其他甜品，所以只是選跟餐的芝士餅，不過不失。 曾想過向餐廳反映豬扒的不濟，不過，最後還是作罷!! 因為來一次便夠，一定不會再來。

拍拖紀念日男友訂咗心意餐廳吃飯, 一入去餐廳, 侍應已經好有禮貌咁帶我哋入坐, 之後又好細心咁介紹餐牌, 果陣其實已經有好多枱客, 我又問咗好多嘢, 佢哋都冇話覺得煩(真係要讚), 之後我哋叫咗一個燒春雞餐, 一個羊柳海虎蝦餐, 餐湯好好味, 最值得提既係餐包, 我哋有兩款唔同既面包, 一個係有紅色既粒粒係入面, 一個有葵花子係入面, 兩個都好好食, 上枱時係熱辣辣既, 唔加牛油都好好食(又要讚一讚), 燒春雞同羊柳虎蝦未上枱已經聞到香味(又要讚), 羊柳好嫩唔鞋, 虎蝦我覺得唔夠大隻, 不過好好味, 唔會太熟啱啱好, 燒春雞就係一大驚喜, 雞皮唔油好香脆, 雞肉一啲都唔鞋, 加埋個汁好好味, 甜品係tiramisu, 酒味唔會好濃啱曬我, 侍應介紹我哋可以轉甜品, 我哋轉咗個Souffle, 蛋白味好香又唔會太甜, 依家個個都咁注重健康, 佢哋既甜品好味得嚟唔會太甜真係好嘞(又讚一讚). 咁有心為人客健康著想又真材實料既餐廳, 一向唔寫食評既我都要乎動下筆嘞...呀! 應該係撳下掣至啱...haha!

即磨咖啡就不過不失原本個餐包desert , 我加了$1 轉疏乎厘, 但極差,就是這個疏乎厘令到整晚分數拉低了, 雖然我不喜歡食太甜的甜品, 但都覺得可以甜番DD 咁多啦, 最差是蛋白部份, 整到似食緊固體狀的蛋白, 不過我要強調: 我從來冇祈望食到高水準的疏乎厘, 可惜連 "不過不失'' 都不能給這個desert 可以用OK 來形容它, 但都不是傳統制法, 缺乏''酒'' 和 ''濕'' , 現在好少餐廳會做傳統的tiramisu 很可惜份量好足夠, 雞肉都算嫩, 皮又唔係好肥, 令到我一向唔食皮的都照食可也, 但我唔知黑松露是甚麼味, 只是覺得燒汁的調味濃淡適宜很軟熟夠暖, 好味, 但做法頗特別, 有少少的紅辣椒在麵包內, 只是很少很少份量的辣, 相信不會令人抗拒頗滑, 不杰不稀, 沒有過份的調味三個人不約而同都order 了同一款套餐 $138, 總括而言, 這個價錢食到這個份量, 水準的食物算係咁, 現在的優惠是任何信用卡或現金付款都可以不用加10 %他們煮食物的配方和調味手法如湯, 燒汁都是輕怡級別, 但light 得來又不會淡而無味, 很適合我waiter 很有禮貌

朋友介紹下打咗電去訂枱, 因為想俾個驚喜男友, 所以諗住訂個生日蛋糕俾佢, 但係又怕貴, 唔知係咪聽電話嗰個人聽得出我意思, 佢就同我講: 有好多客人生日都會用餐廳出品嗰個心太軟嚟代替生日蛋糕, 因為兩個人真係食唔曬一個蛋糕既!" 預早通知, 重可以幫人客做個連名字既生日牌添! 做咁多嘢都係收餐轉甜品既價錢25蚊, 我梗係話好啦...嘻嘻^^! 嗰晚好多人, 好彩book咗枱, 男友叫咗個紐西蘭肉眼扒配牛乾菌牛油, 我就叫咗個煙三文魚忌廉汁配闊條麵, 牛乾菌牛油配肉眼扒原來好特別, 肉眼六成啱啱好, 好軟熟. 闊條麵個汁好好味, 配上三文魚子好鮮甜, 真係又香又甜呀...個意大利菜湯都係一個驚喜, 冇諗個個菜湯會咁好味, 以為係好普通既湯啫. 為咗我既要求, 侍應們好合作, 係適當既時候就攞個點咗洋燭有生日牌既心太軟出嚟, 重唱埋生日歌, 嘩...我男友不知幾開心呀! 真係唔該曬佢哋! 星級既食物同服務, 埋單三百蚊都唔駛, 真係要讚讚讚呀! 開心到都唔記得同個心太軟影相添!!!

在灣仔區工作了不下十年, 每天為著午餐煩惱不已, 偶然經過灣仔集成中心, 發現一間心意餐廳. 看門面很整潔又有情調, 所以便和同事進去試試, order了兩份午餐, 頭盆有湯或沙律, 有甜品, 餐茶, 大盆叫了香煎石班魚柳和炒鮮白菌蝴蝶粉, 石班魚柳賣相很悅目, 香氣迫人, 口感和味道都是星級的, 雖然相對下蝴蝶粉變得相形見拙, 其實味道也恰到好處, 白菌雜菜配合蕃茄忌廉汁, 令人感到不膩不滯很清爽, 石班魚柳餐$70.-, 白菌雜菜蝴蝶粉$58.-, 忌廉湯口感濃厚, 沙律用料全是進口蔬菜, 而甜品是每天轉換, 我們吃的是藍梅焗布甸,十分適合冬天進食...總之真是一大驚喜! 我離開時已向他們預訂朋友的生日晚餐!

今年係第一年既結婚紀念, 之前都諗咗好耐, 睇下去邊度同太太慶祝. 如果係以前太太一定要我去五星級既酒店餐廳同佢慶祝, 但係依家梗係要精打細算啲啦, 但係又唔想求求其其, 後來朋友話我知心意餐廳食物同服務水準都好高, 價錢比起酒店差一大截, 所以好早就訂咗位, 而且, 我哋既結婚紀念日又咁啱係boxing day.好彩一早訂定位啫, 原來果幾晚都滿座喇! 佢哋佈置得間餐廳好有氣氛, 重有好多配合聖誕節嘅小玩意, 一入去太太已經好高興. 雖然果晚好多客人, 但係侍應生個個都好殷勤週到, 知道我哋係結婚紀念, 經理重送咗心太軟甜品俾我哋! 果晚係食聖誕餐, 我大盤點咗個牛柳, 太太就叫咗個虎蝦海鮮闊條麵, 牛柳鬆軟一啲都唔鞋, 上面有煙肉同埋賓尼士汁, 好好味! 太太既闊條麵一上枱就聞到隻虎蝦既香味...我忍唔住叫佢俾咗啲我試, 真係回味無窮...咁好既服務, 環境同食物又好, 重有餐酒送, 埋單都係每人二百蚑多啲, 計落真係好抵呀! 結婚紀念同聖誕節計埋真係超值, 服務又好! 所以想寫出嚟推介一下, 希望香港多幾間咁有質素同價錢合理嘅餐廳, 藉此提升吓香港既飲食文化!

11年既12月31日去左同屋企人食除夕晚餐!佢有special set專係比除夕既!我地叫左B,C,D餐... 個凍鵝肝批真係好大陣鵝肝味!不過就唔係幾岩我所以食左少少就比左屋企人哈哈個湯係煙三文魚! 好香, 不過上面好特別地有幾條蔥a_a我係食D既三文魚虎蝦 全部都係海鮮岩晒我!個汁好特別同埋佢煎得岩岩好! 上面塊野都好好食另外都試左少少B,C!個羊仔柳唔係好羶, 但最正係個雞!個甜品係栗子蛋糕! 無咩酒味但好濃既栗子味!雖然食完頭先既野已經好飽, 但呢個cookie係佢地自己整所以我都食左一塊有白朱古力既!

1月1日,我同老婆行完街,去到9:45,行過心意餐廳,係見到入面冇乜人,環境又OK既情況下入去,入到去,招呼我地既經理就話,要問一問廚房先,(後來先知道,原來佢地LAST ORDER 係9:30,已經過左,但佢地都照做我地生意)坐底之後,我地ORDER野食,招呼非常周到,又好禮貌,野食黎到,我地叫左2個SET,一個係豬扒,另一個係羊扒,仲轉左兩個要加錢既甜品,兩個主菜好好食,連伴菜既薯仔都好好食,而甜品係我地食完主菜後10分鐘上,一個係梳乎里,一個係心太軟,梳乎里好軟唔太甜,個人覺得好食過太平館既好多,而心太軟都好正最後要求侍應同我地合照時,仲送左隻幾得意既閃燈介子比我地,到買單時,我同MANAGER講,"唔好意思,你地過左LAST ORDER都仲要招呼我地入黎"之後佢回應"我地唔好意思就真,要你地食得比較急"其他地方可能只會覆我一句,唔緊要,但佢呢一句足以BUY要我個心,覺得佢地服務非常好!下次一定再幫襯!!

去灣仔188時路過集成中心, 見間店個樣ok乾淨企理.就入去.唔駛等位, 座底叫個下午茶好快送到, 啱哂我.唔記得個菜叫咩名, 好似叫賓尼焗蛋包, 總之有個焗蛋係面包上面, 個蛋加俾個包超好食. 食物好食, 賣相好, 店舖個服務態度又好. 推介情侶好正

每次到心意歺廳吃餐, 总沒有令我失望。 侍應生的禮貌專業態度、食物及价錢都非常滿意！特別喜愛這裡的意大利什菜湯, 味道調得很好, 是素食者佳選。今次吃的蜜汁火腿配鮮茄天使麵, 賣相很漂亮，三大塊不一般的火腿抵食, 鮮茄青紅椒伴的天使麵開胃健康。特厚的無骨豬扒, 肉厚而不乾硬, 口感不錯。榛子慕絲甜品,有很濃郁的榛子味且很軟滑，還加有榛子碎粒, 下次一定再試；特濃朱古力聖誕餅，設計很有聖誕气氛，除朱古力的濃味外，其硬度亦恰到好處, 估不到入口非常軟滑, 且不太甜, 這道有星級水準的甜品成本不輕！其實這裡的甜品是很好吃和有水準的, 我更希望下次來時又添驚喜!!

前幾星期去食咗"扒保雲蘇羊扒"餐，很好味。價錢合理。埋單每人約$130。服務很好！昨天朋友生日剛好有聖誕餐食。但係一望個餐單，主菜只有4個選擇。A.傳統聖誕燒火雞伴精美薯菜 B.扒牛柳及煙肉配賓尼士汁伴精美薯菜 C.燒吞拿魚扒配蟹子香檳忌廉伴精美薯菜 D.扒海虎蝦、海鮮闊條麵及忌廉汁。本人不吃牛的。C餐吞拿魚扒本人直覺魚肉"鞋"應該不太好吃。D餐有闊條麵份量好似好多咁。這三個餐已否決了。只好點了火雞餐。朋友叫了牛柳餐。一直期待個主菜是熱騰騰的。點知火雞是凍肉片。兩片的火雞凍肉片下有粟子容伴番薯及菜。什麼麵包汁？味道一般沒什麼特別。個兩片火雞肉似係前菜。唔應該放係主菜到囉！朋友的牛柳賣相很好。朋友話牛柳味道都OK啦！不過如果有上次的羊扒佢會撰擇食羊扒囉。成個餐先來一杯紅、白餐酒。跟住沙律--湯--主菜--朱古力聖誕蛋糕--曲奇餅--餐飲。唔計主菜其他都OK啦！每人消費約2佰蚊啦！

上星期六和女朋友的拍拖紀念日，在朋友的介紹下來了這間新開的西餐廳，環境很浪漫，有卡位，很有自己的空間。服務很好，跟外面的西餐廳不同之處之你能看到員工之間的關係，不是一般的同事關係，他們給我的感覺像朋友，十分窩心。八時前酒精飲品買一送一，點了紅酒，配以羊扒和三文魚扒，感覺確是不錯。羊扒面上的醬很特別，可以遮蓋羊的"so"味，令羊變得很特別，怕"so"的人也能入口，如:我女朋友。三文魚扒生熟程度剛好，魚皮很脆，但魚身很滑，入口的感覺很清新，配以用薯蓉，使這道菜變得更有新意。不得不讚的還有心太軟，不太甜，很易入口，可以由本身的跟餐甜品加錢轉，經濟又實惠。最重要的是女朋友讚我這次挑得很有心意，不是一般到處也可以找到的普通連鎖式西餐廳，全港只此一間，令我特別想讚這餐廳一下。