必勝客

营业中

休息中

發現 原來好耐無食pizzahut 所以今日就近近地去左西九龍食！好多間pizzahut既餐廳個環境氣氛都大同小異 我幾中意呢種環境 好舒服 但又吾會high class搞到吾自在 始終我都系偏好西方haha睇完menu 我地叫左個2人餐。一睇就知呢個pizza系統超級大 我地張台真系吾夠擺 勉勉強強先塞得落炸 系大批泥架！辣肉腸夠薄 食落去仲有少少脆口 芝士味香濃 又有痴痴地既芝士絲 批邊一個系芝士一個系腸 食落口感好多層次。葡國雞焗飯 如果無記錯名的話> <葡汁份量多 雖然好似無乜焗過 但系撈完粒粒飯都有葡汁 真系好好味。雞肉系雞柳質感 軟、滑、無皮 而且吾會無味 反而都滲哂葡汁味。檸檬茶就扣左少少分 其實個杯好靚架 而且大大杯又重又足料 但系紅茶太滿 我已經吉吾到檸檬 更無可能倒到糖漿 唯有飲左幾啖苦苦既紅茶先可以再倒糖漿同吉檸檬！

外賣薄餅, 我通常都係叫芝脆雞系列公司, 因為夠平, 味道唔差, 大大份, 時間夠快, 仲要有炸雞可選擇.而相反PIZZA HUT價錢貴, 而且每間店質素都不一. 之前在九龍灣店外賣自取, 將本來菠菜芝士肉腸長通粉入錯吞拿魚芝士拿破崙汁意粉. 還有一次關於PRINT OUT COUPON 問題而令我對PIZZA HUT 信心大減. 近日屋企人在廣告中新出的烤雞辣肉腸批, 被那個流出來的菠菜雞蓉深深吸引. 正正呢晚係無"飯"家庭, 屋企人決定叫外賣一試!今次食物無問題, 時間大約40分鐘到, 所以仍亦熱騰騰. 但出來效果就跟我及家人所諗有出入, 還以為這個菠菜雞蓉會係流心, 但原來只係下面層一層Ricotta cheese同上面一層菠菜雞蓉實實的疊在一起而已. 而餡料加上辣肉腸, 雞肉, 青椒, 橄欖等一齊食感覺有點鹹, 反而普通至尊批來得更好味! 烤雞(追加價$68)不錯, 而雞肉亦幾滑但薯格就真係少得有點過份呢! 進食當中, 見到張單個價錢發現有d奇怪, 發覺$236係會員10% discount後點會係$16.8??? 再重覆計多幾次後問返屋企人. 可能佢地覺得比人呃左, 所以一怒

還記得舊時Pizza Hut嘅slogan: 開心時刻Pizza Hut 今次的開心時刻是源自外國回港渡假的親戚再加上一年才見面兩次的一班親戚的聯合聚餐全部12人共叫了2份四人餐再加1份二人餐, 哈哈哈...飽飽飽 今次想分享下pizza, pasta以外的歐陸選擇:醬燒嫩豬仔骨配薯仔沙律...豬仔骨烤得肉嫩, 是會有些肉根黏住骨頭那種, 加上香味濃郁燒烤醬, 酸甜滋味 粗薯條炸得夠火氣, 因為食幾條已經開始脷底生瘡烤雞(半隻)配薯仔沙律...烤雞撕開就有很多雞汁流出來, 雞皮微脆, 肉嫩滑到連胸肉都滑 沾上惹味的黑椒蜜糖醬, 蜜中帶黑椒香氣 開心係可以咁簡單

終於try左新pizza la!!!!係我最愛o既smoked salmon r!!!d cheese真係好creamy! 個醬係好好味!!!!!!!但唔係好食到3文魚~-.-+左半價俄羅斯SALAD...都唔錯，SALAD底脆卜卜....好味﹐好似食POTATO CHIPS]]]]RECOMMENDED!

免費報紙刊登了必勝客的優惠券, 憑券光顧外賣自取一人套餐, 任何款式都只需$32, 更重要的是周末/日也可使用.既然有優惠, 就光顧了. 選了超級至尊迷你批, 配磨菇忌廉湯.點了厚批, 因為會比較飽肚. 批上每件也鋪上了一件辣肉腸, 批邊也焗至微脆, 已這價錢來說, 物有所值.以前在必勝客喝的磨菇忌廉湯, 都覺得味道夠濃夠杰身, 但這次的忌廉湯像溝了水般, 味道淡淡的, 而且有點稀. 質素差了.若果以原價$52, 此餐是不值的, 但若果用優惠券, 可以用$32購買, 質素則絕對可以接受.

同D同學仔去食lunch，諗住試下個星批...點知唔錯wo...叫左二人餐四個人食....可能我地當時唔係好餓，仲食剩左tim...但係個批就硬左D...我個FD切左好內之將佢分開，(可能係佢d刀唔利啦...)但係大致上ok...上菜速度平均，味道好，環境不錯D服務生好有禮貌，每一個都可以解釋到顧客的需求。

超級夏威夷薄批$93肉醬意粉$41加一合共$147.40好耐冇去Pizza Hut，個pizza份量真係細咗，嗰啲腸又薄，焗到又乾又硬，又唔夠芝士味肉醬算多，唔過酸，都有茄味，意粉就一定唔係al dente嗰隻，但又唔係茶餐廳煮到淋pat pat嗰種，不過不失食完唔飽，好空虛

見到廣告後,立即飛過來食!相約在西九龍中心,很易找, 坐下後,很快有人serive.扭扭批: 如果喜歡食芝士,你會非常滿足,除了尾部有二款芝士在筒中,中間亦有車打cheese餐食比較抵,但細食者可能覺得溜

On 29/7 (Tue), 2 colleagues and me went to Pizza Hut (Sham Shui Po) to have lunch together. We have brought along with the coupon "buy 2 get 1 free". Once we sit down, I ask one of the waitress "if I could use this coupon?" she said ok and give me the "Woo Menu". We have ordered 3 set of Woo set. After we finished, we want to pay the bill but another waitress said that we can't use that coupon, I ask why, she then bring out anther menu, which is "European Lunch Combo" and told me that the coupo

星期六, 本來想請老公去元氣食壽司,但當然老公問埋未來奶奶去唔去食時, 未來奶奶又話想食 Pizza,雖然唔太鍾意無情情去 Pizza Hut 食嘢, 但既然未來奶奶想食, 冇所謂啦!我哋叫咗個二人餐, 另加少少嘢,先嚟跟餐有兩個意大利雜菜湯, 但點解呢度既雜菜湯咁多意粉既...個湯味道就幾好, 但啲意粉煲到腍晒, 唔係咁好食喎~~我指定另加既「挪威煙三文魚鮮果沙律」($55),好似同舊年十月食既時候個賣相唔同咗喎~~ 冇咁靚仔, 不過味道都還可以, 啲蟹子就真係唔係好得, 有啲假...唔知係咪我記得, 感覺上成碟既份量都好似細咗喎...主角「扭扭批」, 又話扭個邊嚟食時啲芝士會一條線咁既,但個個扭出嚟都係即斷, 啲芝士好似人哋凍咗咁,啲料食落算幾好味, 但都係普通咗少少, 冇咩特別。都係跟餐既「法式焗田螺」, 味道唔錯。又係另加既蒜蓉包, 我冇食到, 但感覺上賣相差咗,未來奶奶都話, 以前啲蒜蓉包係直接由外國入口, 而家係本地做,來貨唔同咗, 所以已經冇以前咁好食。我又叫噃杯蘆薈奇異果冰, 不過今次比起上次喺荷里活廣場飲到果杯差咗好多喎!味道得個甜字, 啲奇異果仲要好似未熟咁, 又酸

有好長時間未去呢間食下午茶, 趁復活節假期最後一日休閒些嘆一陣。上年重新裝修後整體情調良好, 五點半前坐低點兩個茶餐:法式田螺伴薯蓉(HK$35)和牧場精選普通批(HK$45)。無殼細田螺都約有八至九隻, 算多;薯蓉無調味, 夠軟不燒焦又健康。薄餅厚批素料如粟米比葷料如雞肉多, 飽肚但物非所值。茶餐兩杯餐飲中的即磨咖啡不俗, 少量鮮牛奶另上。侍應服務恩懇, 希望不是因為客少才這樣吧~

昨晚取消了的飯局，就改了今日。深水步分店還是第一次去，在門口企一陣才被侍應'發現'，晚上7點全場也有九成滿，所以要坐近門口的位置。對比這個偏靜的西九龍中心，這裡較為旺場了。手上持有免費瑞士雞翼劵，再加一個二人餐就差不多了。意大利菜湯—料多，夠濃味，好飲。意式青瓜香草醬汁芝脆批配軟殼蟹—批底很薄(朋友聽說因麵粉加價所以現在的PIZZA係要做到咁薄)；十數塊軟殼蟹散佈在P上，我覺得算多喇(之前的蟹腳P及大蝦P，每塊只得一粒...)，知道朋友喜歡吃炸軟殼蟹，所以我統統讓給他；這款P比之前新出的款式較為好吃，最少味道不會悶悶的，青瓜&香草醬汁就吃不出來，不過有些茄子和白色軟粒粒(?)，整體上這個P是好好食。意式迷你肉腸拼雞肉丸—細細碟不過蕃茄蓉真的超爆多(不是茄醬)，雞肉丸大大粒，美味~(批底點蕃茄蓉一流XD)菠菜雞皇意粉—攤了最後才吃，所以醬汁及意粉也開始硬了。材料OK多，不過與其說其味道淡，應該是說沒味道呢!我就照吃，朋友要加胡椒粉才吃得下。瑞士雞翼—雞肉好入味，不過雞翼SIZE很細。想說一說，我的餐飲是熱檸茶，見壺中沒茶就叫侍應給一杯熱水(想偷偷地加落去)，估不到他們拿整個熱水壺，然後像

昨天到此店訂購盤裝美食, 打算聖誕到朋友荃灣的家開派對, 由Rebecca替我落單, 這店員不但有禮, 又有耐性, 整個過程均充滿笑容, 知道我不太清楚在哪分店取較近, 又主動替我查詢!由於今天工作較忙, 有幾個未接電話也沒留意, 聽留言後才知道原來昨天的訂單, 其中一項有些優惠更抵, 所以通知我去改單, 留言的是Elaine, 她很有耐性地由上午一直找我至中午, 後來, 我回覆她放工便會過去!晚上去到店舖, 兩位店員剛巧也在, 兩位都很有禮貌, 快速地替我辦好手續, 真的抵讚, 她們真的能做到以客為先的宗旨, 處處為客人設想!

服務超好特別係成日幫顧客"針"水...杯水仲有一半有多都過o黎"針" 佢地笑得好甜...唔會太虛假食物o黎得又快~都幾好食環境好舒服場地都幾大不過就太多人排隊...

我很喜歡內裡的燈光，這間店的服務態度很好，不是為了倒水之類的。但是等食物的時間就太長了，有時等很久才能吃到pizza。這店的pizza真不錯，很鮮味，亦可以更入大量的芝士粉，真的很好吃，但當久了才吃，就不太好吃，沒有了那份鮮味，味道會漸漸淡。除了pizza，還有別的食品，我只品嘗過那裡的湯，很好味，很棒，那裡的飯就都可以，不差，但不太特別，如海鮮飯，真的像普通的飯和海鮮混在一起，不太起了當中美味。