必勝客

营业中

休息中

今日天氣好凍，於是來特意來試芝士火鍋的。我地叫左個198的芝士火鍋套餐，有配多士、薯條、雞粒、長通粉，我地再額外加個蘋果配料。芝士都幾濃郁，但本人就覺得蘋果同芝士不是很夾，同薯條最夾。呢個曲奇碎咖啡好味！

今日同個女放學去食,企係門口等帶位冇人理,但係成間鋪加埋都吾夠10張枱.到坐底咗想叫嘢食,個個員工都黑口黑面,一係就扮聽吾到,等咗10分鐘終於有人行埋來幫我take order.但係啲嘢食同嘢飲等咗好耐先到.

西九龍中心既pizza hut已經有多年歷史，但係並無因為時間既洗禮而變得差左。今次兩個人去，先黎個忌廉湯配蒜蓉包。主菜有香蒜肉絲意粉。飲品有雪糕啫喱汽水。整體黎講唔錯。平日夜晚去，等都唔洗等就有位。同埋西九龍中心又係有Free Parking 真係岩曬揸車人士。

與同事路經想食Pizza午歺就不作二想，直搗Pizza Hut，先黎個忌廉湯，朋友有雞翼贈劵作小吃，主食点了意大利飯和至尊批及焗意粉。各樣都能保持一貫水準。惟發覺侍應已很落力照呼，但似乎都應接不暇，似乎人手短缺已是飲食界的通病。

還記得那些年，Pizza Hut係人山人海的，部份分店仲要係限時間食飯，排成粒鐘都排唔到，今次去等左15分鐘。我哋今次去，三個人，用會員積分換野食，叫咗一個正價的廚師沙律（用會員積分最少要叫一樣正價野）、用積分換的雞翼、肉醬意粉、一個大批和三杯可樂。由於用積分換野，三個人埋單＄100都唔使。食物方便，一如以往，水準冇乜上落。環境我就覺得比以前闊落，可能真係少咗人食Pizza Hut囉。不過佢伙記真係好小呀，由我地攞飛、帶位、執枱、落單、送餐和買單，竟然都係同一個男仔。雖然佢一腳踢，但係都好Nice ,值得一讚。

外送服務超差。唐樓都唔行。要客人落樓接。 餐具有冇乜都冇 態度超差 薄餅令到客人跌咗落地 以後都唔會再幫襯 叫我喺屋企等一個鐘頭零20分鐘 服務差態度差令我十分 討厭 下次選擇其他

必胜客的美食真的好好吃，超，雖然地處商場樓上，但環境優雅，菜式美味，隔一段時間就會很想去吃哦！新出的披薩比傳統的披薩好吃的太多了，海鮮焗意粉也好好味道，這次聚餐可是一次美好的回憶哦！寫著寫著，想到它的味道就又流口水了夥伴們有空就去西九龍樓上的必胜客吃哦！

因為有張生日優惠券今日last day 可以用喇，所以黎食飯用左佢先！非常多選擇，亦都大份架。每個餐有湯或沙律，包一杯野飲。仲可以加10蚊配其他野。意粉非常唔錯呀，但嫌煮得淋左啲，因為一般黎講意大利粉係要生生地先好食。都算足料，蘑菇大大粒，煙肉係脆脆地嘅，呢個係特別之處如果係會員，仲有九折，即係免加一扣埋50蚊優惠都係28蚊，感覺好抵。其實如果冇現金券，我會叫迷你pizza，見到其他人都係叫pizza多，都好唔錯咁。午餐都算係抵食嘅

今日同友人黎到西九龍中心因為想坐得舒服的同耐的所以心目中就鎖定左元氣同Pizzahut去到元氣點知話而家無下午茶餐覺得唔抵所以就黎左呢度啦本身係想同朋友揀個可以坐耐少少既地方傾下計點知就揾到間坐得舒服因為唔係好多人而野食方面著實有驚喜既本身都聽朋友講呢期Pizzahut多左優惠都心郁郁想試甘就去左試下午茶以為都係一般水準點知比我想像中好其實的食物只要食材新鮮同夠熱簡單配搭都可以好好味希望呢間可以保持住水準啦的確比到我驚喜👍🏻👍🏻👍🏻

必勝客，其實世上哪有必勝之道？必勝客的午餐也只是普普通通，但索價動輒都要5、60，不太抵食。飛魚子沙律的質素算不錯，飛魚子數量不少，沙律菜也比較新鮮。焗肉醬意粉的質素平平，與快餐店例如大快活、大家樂的肉醬意粉好像沒有什麼分別，也是旁邊有些沒醬的意粉焗焦了。幸好，肉醬總不太少，也不算過濕，剛好蓋過意粉，總算沒有空口吃意粉咖啡可算是這間必勝客比較出色的一環，大大杯，雖然不是泡沫咖啡或卡布其諾，但是即磨咖啡的味道也相當不錯。

一個人真係唔知食咩好，去附近行下，見到pizza hut 都好似唔錯。 叫左一個set lunch，一個人賣單$160。講下個湯先，蜆肉湯，多料呀！入面真係多料架，唔好睇張相無咩蜆肉咁，其實入面有好多料，真正既粗料。平時叫湯飲，一係就勁細碗、一係就無咩料得小小肉，呢個唔同，都夠飲。另外叫左個金玉滿堂pizza ，個名就好夠勁，唔知佢入面點？睇圖就見到真係有金係面，我覺得都係誇張左小小，不過堅金好唔好食就見人見智，不過都色香味俱全架！

星期日，周圍都咁多人，行得好攰，只係想搵個地方坐下，但度度都要等位，只得pizza hut唔駛等，就入去坐~~下午茶餐二十蚊起有交易，有梳化位，仲有大大杯野飲或特飲選擇，去邊度搵?其實食飽午餐唔餓，只係想坐，叫左個大蝦煙肉焗薯蓉配蒜蓉包$26。三片蒜蓉包，略嫌燶左啲，但夠脆夠好味。薯蓉夠滑又熱，中間仲有隻大蝦仁，正! 薄薄一層已經好滋味~仲有咁大杯檸檬茶，夠冰凍夠解渴，爽

今日黎pizza hut 本身想試佢個富貴笑哈哈原來岩岩轉左menu, 變左呢個批不過算啦 其實d料都係差唔多, 只係形狀上有分別咁我就叫左個2人set, 另外再加左小食同埋加12蚊升級左做西班牙海鮮炒飯首先上台既係當然係湯啦紅湯都係不過不失, 勝在蔬菜夠多亦都唔會話得顏色無味, 合格既之後就上西班牙海鮮炒飯, 佢都足料, 蝦都好多亦有辣肉腸同蟹柳粒, 但係呢個眼見咁黃色既飯底, 估唔到原來係無味…其實我都唔預佢正宗, 但無諗住咁垃圾個飯係好黃, 但食落一d味都無, 完全食唔到應有既味道, 完全唔知點解可以有色無味, 除左辣肉腸本身有味道之外, 我真係對呢個飯不敢恭維, 大家可以唔洗加錢升級食佢.之後黎到小食拼盤, 蝦多士估唔到炸得勁香脆又金黃,反而令我有驚喜就算唔點醬食都好夠味, 不過點左醬會令人覺得無咁熱氣啦但我覺得單食都已經夠雞翼其實都係佢傳統既味道, 唔會過乾, 而且都重keep到有汁都ok之後既薯蓉, 中間係白汁忌廉餡, 而旁邊就係薯蓉, 中間既餡撈埋薯蓉就唔會咁乾身, 但都係普普通通既野, 白汁忌廉都係佢本身有既湯底, 又慳左d功夫最後上台當然係主角海鮮珍味pizza芝心批

直覺嘅印象，覺得必勝客年年過農曆年都好似推出芝士7重奏系列嘅薄餅，不過，次次都會稍稍改頭換面搞啲新花樣。趁細佬生日，嚟到西九龍中心嘅必勝客，一家人食番餐賀一賀佢。話時話，都好耐無過嚟西九龍中心喇！咪噓我請細佬食生日飯揀嚟食必勝客，查實佢食嘢要求唔高，大眾化嘅餐廳仲啱佢，無咁拘束，反而高檔啲嘅佢都覺得唔自在 。事實上，必勝客又真喺既大眾化，薄餅又多花款，自然有其吸引力，今晚嚟到，坐吓坐吓又全場爆滿。唔使多講，佢啲套餐一向抵到爛，所以，主餐牌就唔需要多睇，直接晌套餐餐牌度揀。就算芝士7重奏套餐都有幾款，所以，賀細佬牛一就揀個叫最貴嘅精選2人套餐，其實都只不過喺$293 + 10%（信用卡折扣價）。仲要包餐飲2杯、餐湯2客 、沙律、薯蓉、飯麵及普通批，夠晒我哋3個人食啦，查實如果真喺兩個人食，都唔知點食得晒 。點套餐可以以6折價加配其他嘢食，如白酒煮青口、芝士蛋糕、焗蘋果酥……等等，但個餐咁多嘢食，都已經食到我哋肚漲，所以，今次都用唔着依埋優惠。睇番以前啲食評，依等「升級優惠」，以前喺以半價點選，不過，依家做六折都仲喺好抵。餐飲嘅選擇都喺幾款梳打特飲、咖茶及汽水。 凍檸茶細佬都仲喺熱血

最近電視熱播新款扭扭批廣告，尊貴的母親大人熱烈地表示想試，我和爸爸當然無條件支持v(￣︶￣)y近幾年香港的必勝客真的改變了很多，除了沒有了最愛的沙律吧外(殘念／︿＼)，也變得平民化了。可能是因為其他餐廳加價幅度較大，現在的Pizza Hut好像歸於快餐店一類了。我小時候一年只會去一次Pizza Hut，每次吃到芝心批總會開心上幾天v(￣︶￣)y這次去的西九龍分店面積小，週六人又多，環境有點侷促。我們和鄰座只有一掌之隔，出入也要隔離讓座，不方便<(￣ ﹌ ￣)>幸好偉大的爸爸早了一點攞位，6:30PM後便開始大排長龍了！母上一早便物色了恆生信用卡精選二人餐，內容有湯和飲品各兩客、沙律、薯蓉和意粉各一客，再加一個扭扭批。餐單豐富得二人未必能解決掉，三人分吃倒是剛剛好餐湯是例牌紅白，正正常常沒有特別╮(╯◇╰)╭沙律菜挺新鮮，雞肉調味也不錯。跟餐的卻是草莓果醬，有點怪怪的...因為是果醬質地(很稠)，很難撈勻，果然還是喜歡黑醋配沙律上面的餅乾也很奇怪，它們一點也不脆，亦沒有味道意粉少少辣很惹味，蝦很大隻很爽口，熱辣辣上枱，抵讚如果落油時輕手一點會更好薯蓉也是不錯的，上面燒得脆