忠誠茶座泰國菜

营业中

休息中

到大尾篤宿營，最方便是到不遠的大尾篤村搵食。忠誠泰菜，招牌又大又光，門口十分熱鬧，翻枱率不錯，小等了一會便可入座。夾心蝦肉酥 - 非常油膩，餡料少得可憐，完全吃不到蝦味，最好吃的是伴碟的菠蘿。串燒沙嗲牛肉 - 肉質厚實，調味恰好且沒有蓋過牛肉本身的味道，沙嗲醬略嫌太甜。串燒沙嗲雞肉 - 雞肉的肉味明顯不及牛肉，底味也過甜。烤豬頸肉 - 豬頸肉烤得爽嫩，醬汁酸辣醒胃配豬頸肉十分合適。泰式連骨豬脾 - 豬脾炆煮得入味，外皮及皮下脂肪十分鬆化，入口即溶，豬脾肉仍然充滿肉汁，伴碟的酸菜正好為豬脾解膩。鑊仔紅咖喱青口 - 非常尷尬的溫度，雖然青口已熟，但不冷也不熱，小型火酒膏對煮開咖喱汁和保溫的作用不大。香草蒜蓉包/串串餅 - 新鮮出爐的蒜蓉包和串串餅是搶手食物，蘸不蘸汁同樣可口。鹹魚炒椰菜苗 - 鑊氣欠奉，半烚半炒的椰菜苗失去爽脆感。飛天通菜 - 因為椰菜苗口感不好才點這個通菜，結果著實不錯，主要是通菜嫩且脆，炒功則相當一般。

好食嘅大尾篤泰菜青木瓜絲沙律 $78青木瓜絲份量唔算大，下面有生菜墊住個碗底，所以比見到還少，不過木瓜絲新鮮，個汁好正宗，算中大辣，如果唔食得太辣嘅，可能叫之前要問問可唔可以減辣青咖喱雞 $82勁多雞，滑嘅，睇起上嚟唔太似青咖喱，綠色但係比較偏黃，不過味道係青咖喱嚟嘅，仲係幾好味㖭，少少辣，餸飯一流，話咁快就食哂成碗飯，不過白飯都幾貴，$18/碗😅珍多椰汁冰 $42粉條幾軟滑，唔會太硬，勁多椰汁調成，好飲😋呢間泰菜無論晏晝定夜晚門口都成日要排隊嘅，明白哂🤔😏😋

同屋企人路過大尾篤，上網話呢間泰國菜好食，於是想試下。6：30pm 左右到，見餐廳入面已經坐滿，仲要目測門口出面有成20幾人等緊位。其實隔離都有間泰國菜，但明顯地少人，所以我地都堅持等多陣，等左大約30分鐘有位。我地同行有4大1小，點左10個菜。辣椒膏炒魷魚$128，夠惹味！香茅雞中翼6隻 $78，幾香口，小朋友好鐘意！青檸椰汁雞湯 $108，唔會太酸辣，啱香港人口味！👍沙爹串燒4串$78，叫左牛肉串，燒得幾香幾好味，算多肉大串呢個串串餅好鬆脆好香牛油味$48，大人小朋友都好喜歡，所以食完翻點再加多一碟！😌原個菠蘿海鮮炒飯$138，呢個算幾足料，有唔少蝦及海鮮，而且難得地多肉鬆，大人及小朋友都好鍾意食～飛天通菜$88，味道OK, 覺得可以大碟d 或平d~食到尾聲突然想試埋呢到炸蝦餅$98，上枱熱辣辣，外脆內鬆軟，真係好唔錯！👍😌最後都係想食少少甜品，叫左三色大菜糕$38，餐牌寫8粒，的確係細粒，大件d 會開心d! 😅埋單冇加一抵讚，可能每碟包左！點餐時點左大支啤酒，唯女侍應阿姐有d 燥底咁，問幾多隻杯時有點急燥大聲，感覺不友善，呢點改埋就更好了！餐牌有點難睇，因為圖在前頁，價錢在後，反

上次踩單車入去 一坐低就叫左碟菜炒通菜好入味仲有咖喱唔會太spicy配埋薄餅食好正 最好味係個燒鱔盡對值得一試好少地方都煮得咁好食仲有椰青飲落勁爽解渴又好味😋十分推薦

今日去左大尾篤，見到openrice第一個推介，忠誠茶座泰國菜，就直接入左去食。我地2個人叫左手絲雞沙律，咖哩雞，同串串餅，加埋杯鮮芒果椰汁冰。一來到，份量係極小手絲雞沙律，係泰國海南雞汁撈雞絲同青瓜，我好鍾意食泰國海南雞汁，所以我覺得都唔差咖喱雞，就好多配菜，雞就好小，椰汁味都幾重最好食嘅就係串串餅，外脆內軟，配埋咖喱係好好食👍🏻👍🏻👍🏻芒果椰汁冰係好重椰汁味，但係得幾粒芒果粒🫣🫣🫣味道係幾好食嘅，但係份量真係太細(最高5個💋）價💋💋景 💋💋💋味💋💋💋💋

7月之星生日飯，今次去忠誠茶座泰國菜，講起來真係好耐冇去了(懷疑有十年)，Book了4位，19:00。位於大尾篤村(即想起BBQ)，聽落幾偏遠，但原來路線比像想中易，係大埔墟站再搭75K巴士到龍尾站落車左近就係，都幾方便。格局同以前差不多，餐廳面積頗大，設有露天坐位，亦有冷氣的位置，自然風景，甚有渡假之感。餐牌，食物好多選擇。串燒鱔片(4串)，$138，好大件鱔片，面層微脆，肉質嫩滑，鮮香惹味，好食!串串餅，$48，好喜歡呢個有特色造形，脹卜卜的賣相，口感酥脆又煙去韌，伴咖喱食一流泰式煎薄餅，$48，口感煙韌，伴咖喱食一流。青咖喱(牛肉)，$82，,揀了牛肉，牛肉份量適中，肉質柔軟，青咖喱有獨特的清香味，椰香味濃，辣味溫和，幾好味。原個菠蘿海鮮飯，$138，有青口、魷魚、蝦等，好足料，飯炒得粒粒分明，有淡淡的菠蘿味，配料有豬肉鬆及提子乾,令味道鹹鹹甜甜更清新。串燒沙嗲4串，$78，要了雞肉及豬肉，都大串份量十足，雞肉口感軟嫩香口，伴上香濃的沙嗲醬更惹味。香葉包糉(2件)，$68。賣相好似糉，成舊都係雞肉，微微香葉的清香味，雞肉口感有點似雞扒，鞋口同韌，味道普通。咸魚炒椰菜苗，$98，椰

夏日熱辣辣就想食開胃泰國菜呢間位於大尾篤嘅泰國餐廳正正開喺單車還車店隔離一定搵得到去龍尾沙灘曬完太陽或者踩完單車放哂電最適合就入去補充能量醫返個肚仔🍍菠蘿炒飯足料係濕炒風格味道同大檔不無兩樣係穩陣之選雖然我就唔係太喜愛水果入饌不過都覺得幾好味幾有鑊氣🥘泰式焗薄餅配咖喱雞咖哩係椰汁咖喱有滿滿椰香滲辣雞件稍為大咗少少同埋唔夠燶香？但都係煮得好滑無過火薄餅係幾特別一柱擎天咁樣上碟平時去啲餐廳食呢啲薄餅通常都係超市翻熱嗰隻嚟呢款我覺得係手工製作更有風味🍝泰式炒金邊粉都係平時食開嘅味道炒金邊粉其實好難整得難食總之佢係夠料熱辣辣咁上碟就掂哂🌱蒜茸炒椰菜苗略嫌比較油同份量少我地6個人食每人都係一條半條攝下牙罅都係自己炒抵食啲🥤珍多冰咁熱就梗係要叫冰品涼一涼最鍾意啜珍多冰入面啲綠色蟲蟲但係佢杯珍多冰啲珍多就比較少得十幾條蟲蟲☹️係珍少冰但總括嚟講都係滿足的一餐我會俾燈💡7.5/10

我很榮幸為您介紹大埔地道的忠誠泰國茶餐廳。這家餐廳的泰國菜肴非常出色，而且價格實惠。以下是我對這家餐廳的食評：首先，我要提到他們的黃咖喱。這道菜有多款肉類選擇，我點了黃咖喱牛腩。咖喱的味道非常濃郁，香料的味道和肉的鮮味完美結合。肉質非常軟糯，入口即化，配上薄餅一口一口吃，真是太好吃了。另外一道菜是泰式海南雞。這道菜是以雞肉為主，口感非常嫩滑，味道也非常濃郁。雞肉上的調味料完美地滲透到肉裡，讓整道菜的味道更加豐富。最後，我要提到這家餐廳的環境和服務。即使在炎炎夏日，餐廳內的冷氣非常足，讓我們可以非常舒適地享受美食。此外，這家餐廳的客人不多，我們星期日來訪時不用排隊，享受了一個愉快的用餐體驗。

忠誠泰國菜位於大埔村的一間小店，是當地居民喜愛的風味茶餐廳。這裡的泰國菜味道非常正宗，重口味，非常適合喜愛辣味的人士。我來這裡品嚐了他們的招牌菜，包括綠咖喱雞和泰式炒河粉。綠咖喱雞非常辣，但是味道非常香濃，雞肉也燉得非常嫩滑。泰式炒河粉則是口感細緻，配料豐富，非常好吃。除此之外，他們的泰式炸春卷和椰漿飯也非常不錯，值得一試。雖然這是一間小店，但是他們的價格非常合理。一份泰國菜的價格大概在250-300港幣左右，非常適合想要享受美食卻不想花費太多的人士。此外，這裡的環境也非常親切，讓人感到非常舒適。忠誠泰國菜是一家非常值得推薦的小店。他們的泰國菜味道正宗，價格合理，環境舒適，讓人覺得非常愉悅。如果你喜愛辣味，並且想要品嚐一些地道的泰國美食，那麼忠誠泰國菜絕對是一個不容錯過的好地方。

今日走咗入去大美督，食一間泰國菜，呢一間泰國菜係我20年前來食過，到今時今日佢竟然仲喺度喎🤣👍🏻呢間泰國菜就係叫做忠誠泰國菜，今日叫咗佢幾樣招牌菜式，椰汁千層糕，泰式焗薄餅，海南雞，咖喱牛腩同埋蒜蓉包添，一如以往佢哋嘅味道同以前冇分別，依然都係咁出色咁好味，最主要推介嘅就係佢個泰式焗薄餅，細細塊一口一啖一塊，入口非常之甘香脆口。再配上個咖喱牛腩，簡直係絕配，之後食埋個甜品泰式千層糕，個千層糕拎過嚟嘅時候，竟然係熱嘅，值得加分。

住大埔多年點都會食過大尾篤忠誠泰國菜🤭今次同埋媽媽嚟食慶祝母親節🫶🏻預早2星期Book枱😍沙嗲串燒雞肉4串 $78 5星⭐️串燒肉汁夠濃 肉質燒到剛剛好炭燒味加上秘制沙嗲醬 令人回味醃肉碎生菜🥬包 （豬）$92 5星⭐️肉碎濃味 偏辣夠惹味 加埋生菜食 味道不錯👍🏻串串餅 $48 4星⭐️必點餸菜👍🏻一串好特別 食落好脆口有點似酥皮湯嘅酥皮 串串餅必配黃咖哩牛腩$78 4星⭐️黃咖哩香濃 椰香味重唔辣 薯仔🥔牛腩都好大 份量足夠醬汁夠多 牛腩好入味原個菠蘿🍍海鮮飯 $128 4星⭐️海鮮有青口、魷魚🦑、蝦、魚、菠蘿粒、肉鬆，材料非常豐富炒飯有口感 份量適中炒泰國金邊粉 $78 4星⭐️粗身金邊粉 份量大 3-4人份量 入口酸酸甜甜，唔會油，配料都好足推薦甜品點左 三色大菜糕 $38 3星⭐️1共有8件 3款不同口味（黃色/綠色/紅色）大菜糕加入亞麻籽好特別口感較硬 味道亦偏甜整體不錯👍🏻好有風味

忠誠茶座泰國菜 大埔難得放假，同屋企人去咗大埔玩，喺附近見到好多人都踩單車，享受家庭樂🥰我哋就去咗呢間忠誠茶座泰國菜試吓，味道同價錢都唔錯！叫咗一個泰國金邊粉，炒得好香，唯獨份量少咗少少，但係蝦仁同其他材料都好好食☺️😋😋另外叫咗個魚露雞，有驚喜嘅係佢竟然隔離仲有一碟菜！！份量都幾足，雞皮嫩滑，就算幾厚都一啲都唔鞋😋😋😋好食！！嘢飲方面，叫咗個菊花薑蜜同埋青菊蜜。兩杯都幾好飲。😎😎😎

菜式好多都好好食。我今日去到嗰陣，試咗佢哋嘅炒泰國金邊粉同泰式焗薄餅椰青，真係好味啊！炒泰國金邊粉係一份好大份嘅炒粉，有好多海鮮同埋蔬菜，啲金邊粉又彈牙，醬汁又好香，令人食得好過癮。而且個份量咁大，完全可以食得夠飽。另外一份係泰式焗薄餅椰青，呢個係一個好特別嘅菜式。佢哋將椰青切開，將椰肉同埋薄餅燒到香口，再灑上少少椰漿同埋椰子絲，整個味道非常濃郁同埋好食。呢個菜式相對比較清淡，但係非常適合飯後甜品或者消暑。我覺得佢地既泰國菜好有水準，而且價錢都好合理，性價比非常高

又嚟到大尾篤，之前試過隔離間泰國菜，呢間次次都勁多人排哂隊，今次見唔駛排隊即刻衝入去試試。炒泰國金邊粉午餐 $68味道唔錯嘅幾正宗，似泰國食嘅金邊粉，配料有中蝦，豆腐乾，芽菜，只係有啲偏鹹，魚露落太多😅星洲炒米午餐$68味道還可以，不過炒得太濕，唔夠乾身，落咗草菇炒，有d怪怪哋🤔午餐份量都ok，但午餐配熱飲要加$8，配凍飲要加$12，以平日呢個地點嚟講都唔算平。座位算闊落，同隔籬枱都有啲距離，另服務員態度良好👍

住咗十幾年大埔，一諗起食泰國菜，一定諗到去大美督忠誠🤭🤭，以前住附近都成日去食，雖然而家搬走咗，但間唔中都入去食，夠正宗、又平靚正😋😋⋯⋯多人去食可以叫多啲，除開又唔會好貴。