快樂蜂 (黃埔天地)

营业中

休息中

上星期，中午時突然想吃炸雞，在公司附近就有這一間炸雞店，雖然是第一次吃，但聽身邊的朋友說這間店的質素可算是不錯呢！因為我的食量不是太多所以我只點了這一個一人餐，有一包細薯條、炸雞和一杯可樂。雖然食物簡單，但是吃得出來薯條是新鮮炸起的。下次可以再來呢！

估計有十幾年冇食過Jollibee, 今次買左團購餐就去食下。特意選擇黃埔店，貪其人流沒有其他區咁多人，不過可能因為而家有地鐵直達，加上星期六晚，又下著雨，但是竟然9成滿座。進店後環境明亮，同從前感覺大大不同，也算乾淨企理，好不容易找到兩人座，見到好多人同我地一樣係食團購餐既。團購餐二人餐包括：四件炸雞🍗，兩客磨菇飯，兩個芒果蜜桃🍑批，兩杯汽水🥤⋯⋯$79真係好抵！ 另外自己加左$16 要芝士薯條🍟，有點貴，但幾好味炸雞🍗的炸粉唔厚，雞肉好嫩滑，唔似專係食雞的kxx 咁又乾又鞋！估唔到而家咁有水準，令到我們又驚又喜！磨菇飯就非常麻麻，不過唔係主菜，冇所謂啦！而芒果蜜桃批既味道也非常好，甜甜的，不太甜，好開胃！完美既句號！

炸雞近年黎興韓式炸雞，所以到到都有炸雞食，連茶餐廳都加入炸雞既行列，要數真係有排都數唔哂。不過最近瘋狂開新店既又唔少得佢。雖然佢都興左一排架喇，但都未有時間，今次一於試試佢餐廳上選擇唔多，炸雞既快餐當然清一色炸雞🍗啦，但聽友人講除左炸雞，佢另外既意粉同飯都好好食，咁所以今次就試左飯先。炸雞套餐，炸雞比出面既好食好多，可能係炸漿唔同，而且味道唔會死咸，總另外附上雞汁，驚太乾都有汁醬配味，不過佢真係唔乾身又juicy，可以稱得上係近幾年最最最好食既炸雞，至於飯方面，汁都算多，而且飯粒分明唔會一舊，都相當唔錯。下次黎緊係要食意粉啦

講到炸雞🍗大家除咗諗起某白鬍子上教👴🏻外，有冇聽過 Jollibee 呢？以前除咗中環外Jollibee 冇咩地方可以食到，但呢幾年多咗幾間分店，今日嚟到紅磡就試試啦！叫咗個兩件樂脆雞🐔配蘑菇🍚飯，啲炸雞外表雖然無煙出，但摸上手熱辣辣🔥，一撕開就有熱騰騰嘅煙♨️冒出，脆皮比較簿，皮緊緊地黐住啲肉，雞肉都幾嫩滑，而且啲雞係有雞味🐔架👍🏻！但蘑菇飯就比較比較遜色，啲汁好稀好淡，食落冇咩味道，而蘑菇只係得4-5小片，令人有啲失望☹️。

Jolibee既炸雞配沾醬食，真係食到上曬癮，好好味，雖然好熱氣，但成日忍唔住想食，叫外賣返屋企食好正，一個餐限要雞腿配雞胸，我本身唔仲意食雞胸，但食落好滑，一d都唔鞋喎，好juicy仲叫左杯芒果新地食，芒果啫喱味配雪糕，無咩特別，但我照樣仲意食

同同事傾開「批」，佢即刻推介呢間比我，仲講到好好食啦，好脆啦，不斷講講講講講到我都嚟試下有幾好食。相信大家都食開或者食過三個英文字果間炸雞店，所以食呢間一定會同三個英文字果間比較一番吧！一入門口抬頭，餐牌一目了然，好快就決定到食咩「炸雞餐跟薯蓉，飲diet Pepsi，另外加一個芒果桃批丫唔該」，同另外快餐店一樣都係跟單號取餐，人唔太多，所以好快就有得取餐喇。位有好多選擇，二人枱，四人枱，大枱，幾好！坐低後已經急不及待拎起件雞食喇，嘩！辣手呀⋯⋯熱到拎唔到囉，哈哈。炸雞跟隻gravy（肉汁），第一次試咁樣既配搭（因為我多數都係點茄汁），都幾正，不過最正係舊雞真係好熱好脆唔油但又唔乾，真係脆到痹。另外薯蓉係好少，同樣都係果隻肉汁，但係好味過三隻字果間既薯蓉既。最後食埋個甜品「芒果桃批」，原來好細件，不過係好食既，個醬係好香架。

昨日Boxing day喺屋企lunch唔知食咩好，去左買$90 六件雞同$30 －雞跟飯同汽水，叮熱隔夜飯一斉食，Lunch時段竟然冇客，所以佢可以慢慢炸，平時食好多時都未熟透，今日就可以剛全熟，特别好味，但見舖冇客，個收銀仲要大模師樣玩手機，替佢間铺担心

我有時唔想諗食咩就會去麥當勞或者kfc，但自從jollibee係紅磡開左，我就好少再去麥當勞同kfc，jollibee既炸雞係我食過所有快餐店中最好味👍🏻炸到肉汁仍然保留，肉質好滑，值得推薦，唔錯！另外佢既意粉都幾好

每次放假都要諗去邊玩，今次同大帝去黃埔玩，玩完過黎食Jollibee， 係地鋪，門口有隻大大隻既Jollibee好容易就見到。炸雞炸漿唔會好厚只係薄薄一層，熱辣辣，外面香脆肉質夠滑濕潤有汁沾點醬汁食有另一番風味。炸薯條係幼身薯條調味亦適中，大帝鍾意食係咁問可唔可以食多條。蘑菇飯個醬汁同點炸雞既汁應該係一樣，味道都ok,係蘑菇有點少，如果多番d就好了。芝士漢堡塊漢堡唔會乾爭爭，雖然簡單只有漢堡同芝士有d醬但味道都唔錯。間餐廳都幾寬闊，侍應們都幾nice幾有禮貌。

Having never tried Jolibee we gave it a go after walking past the Hung Hom branchIt was close to closing time and hence sections of the restaurant were closed off.However we had to wait around 10minute for the chicken. When it did arrive the chicken was delicious. The batter was nice and crispy and the chicken inside super tender.Unfortunately due to the wait for the chicken seemed like the chips were very stale

班細路考完試梗係要帶佢哋食啲好嘢啦，平時快餐佢哋唔多食但係考完試就一於放縱一下，今日去咗快樂蜂任得佢哋叫， 一齊做一隻快樂的蜜蜂食炸雞。我哋叫咗幾個餐。首先我哋梗係要叫個炸雞套餐啦，有一件雞髀同埋一件雞胸，炸雞炸得夠熱辣辣，層皮夠脆，食落去非常juicy， 最欣賞佢啲雞肉係仲係白雪雪的， 雞肉質地唔會又死又霉。另外呢個餐係連蘑菇飯， 雖然 蘑菇 比較少咗啲 ，蘑菇飯醬汁唔會太濃太鹹， 呢個係值得一讚的。熱狗套餐 39熱狗套餐有一隻熱狗一包薯條同一杯嘢飲熱狗上面鋪滿芝士碎， 茄汁酸酸甜甜，對於細路嚟講都夠飽，唯一美中不足係條腸層皮唔夠脆， 如果條腸層皮夠脆嘅話會更加好食。食快餐當然要食漢堡包夏威夷堡套餐 39夏威夷堡套餐有煙肉有芝士有菠蘿有漢堡，半濃嘅芝士放喺漢堡上高增添美味而且仲有塊煙肉添，啱曬啲食肉獸菠蘿酸酸甜甜夠醒胃， 仲可以解下膩添。飲品方面都幾多選擇唔係淨係得汽水， 健康啲可以揀鮮榨橙汁， 大人想飲熱飲都可以揀㗎啡奶茶， 都幾唔錯。另外我哋仲叫咗幾杯雪糕，有芒果新地同埋朱古力新地朱古力新地， 朱古力唔會太甜， 不過留意返呢個朱古力新地係冇花生碎。忌廉通粉湯另外又叫咗忌廉通粉湯，

星期五同同學由大學行左去黃埔食jolliee bee, 幾個人去, 就好似開party gam, 7咀8舌, 唔會獨食難肥又寂寞, 既然人多, 當然要食個大餐一齊share~~歡樂桶套餐包括六件雞, 兩盒意大利粉, 四款小食和四杯飲品。六件雞有雞上脾, 雞下脾, 也有雞胸和雞背隻等部位, 想大大啖咬落去當然揀雞脾最好。炸雞外皮脆薄、而且juicy 又多汁一口咬下去即刻feel 到肉汁要爆出黎, D雞汁係手指間流走, 真係要吮埋手指先滿足。另外意大利粉雖然唔算太彈牙, 但都唔會好淋, 面頭有芝士碎同腸仔, 唔會驚太單調。歡樂桶套餐另外仲有四款小食可以揀, 我地揀左薯蓉同粟米, 薯蓉幼滑如絲, 有有獨特香味, 粟米粒粒飽滿，望落醒神，好味開胃之餘又可以解下膩。飲品方面, 最欣賞jollibee 除左有汽水揀之外, 仲可以揀鮮榨橙汁同熱飲品, 奶茶同咖啡都有, 的確照顧到一大班人的需要。另外我地又叫左幾款add on items芝士薯條呢到的芝士薯條係撤芝士粉係D 薯條上高, 不同於另一間快餐店自己shake, 呢到的芝士薯條係員工已經shake 埋比你。每一條都包住厚厚的芝士粉, 芝士味濃

見紅磡新開左jollibee炸雞，網上又大讚好好食，於是搵日放學就去食晚餐喇。試左炸雞配薯蓉炸雞入面好夠味同埋肉好鮮好嫩。仲跟埋一杯汁，聽講係用嚟點雞，杯汁同個薯蓉差唔多份量一試就愛上左呢度嘅炸雞高度推介

曾經消失左一輪既Jollibee，呢一兩年係香港已經開返好多分店☺️👁‍🗨 2件樂脆雞配蘑菇飯套餐（7/10）💲43呢個一人餐有雞胸同雞脾各一，全部攞上手熱辣辣，外皮炸漿厚度適中，食落夠曬香脆，就算係雞胸肉質都幾嫩滑，的確有點驚喜🍗薯蓉香滑帶有奶油味，不過蘑菇飯稍微遜色，食落比較乾身淡味，如果多返少少汁會好啲，仲配有一杯汽水☺️👁‍🗨 歡樂桶套餐A（7/10）💲165相入面係四人餐既其中一部分，重覆嗰啲費事影🙈有雞胸同雞脾各三🐔兩客肉醬意粉，望落好似好少汁咁，但係其實撈完啱啱好唔會乾身，酸酸甜甜配上腸仔片，反而肉醬同芝士份量可以更多，意粉軟硬度亦都適中🍝有四客自選小食，細薯條比較幼身有點兒韌感覺一般，粟米就帶有牛油香唔錯既，仲有四杯汽水🔛 整體評分（7/10）

想吃炸雞，你可能會想到韓式炸雞，但去餐廳吃的話一碟至少要200元，味道亦不保證是符合口味，所以如果想要最方便又便宜又好吃的選擇，我一定會大力推薦Jolibee！放假心情好，當然要點歡樂桶套餐和一家人分享！套餐有6件炸雞，分為上脾及下脾，因為套餐關係不能自行選擇雞件的部位，另外有4杯飲品，兩客意粉，自行選擇4款配菜（白飯/粟米/薯蓉/薯條）。炸雞的水準在香港來說真的是數一數二，我最欣賞雞的外層極度香脆，咬起來聽到清脆的卡卡聲，雞肉的肉汁非常多，肉質嫩滑，味道帶咸香，一個人吃3-4件完全無難度！薯條要盡快食，否則香脆度大減薯蓉比想像中好吃，質感滑溜，醬汁夠多帶咸香現在Yahoo還有團購優惠，可享有50%off 優惠，我決定星期日再去食！