快甜美麵包西餅

营业中

休息中

今日經快甜美,買左唔少麵包+小食回家吃 日式滋味棒 $4.5麵包上有海苔,芝士,沙律醬~很有特色的麵包另外買左幾款包,有 提子包, 煙肉蔥包,香噴噴的 酥皮蛋tart $2.2 / 1個,$11 / 6個真係幾平喔~真係非常之熱呀!!!當我回家開始品嚐果陣,已經相隔左2個鐘,蛋tart仲係暖暖的~ 但係個酥皮與蛋黃之間有少少分離左~味道很不錯~蛋漿很突出蛋味,夠酥脆的~食完之後起碼唔會食到成口+成手係晒油但可能呢間麵包店的麵包款式實在太多,但貨架又足夠放晒所有產哈上去,所以cashier桌上經常會擺放鬆餅,芝士波波,紙包蛋糕,豆腐蛋糕,但每次收完錢後,職員就會掉個麵包袋0係將會出售o既食物之上.. 咁就唔係太衛生...加上職員不斷噴口水落去......麵包便成為犧牲品了....應該放0係另1張桌會比較衛生吧....而且放0係收銀桌上的所有產品都無標明價錢,次次要客人問先知道價錢如何...

現在多光顧街坊式麵包小店，一來價錢便宜，二來選擇較多。今早到"快甜美"買早餐，袋上有這個logo，蠻可愛的。紙杯蛋糕剛出爐，熱辣辣，軟棉棉的。蛋味濃郁，咀嚼兩口就如棉花糖般融化了，好吃！吞拿魚芝士火腿蛋多士，買時已不熱了，可能出爐了一陣子吧。由4塊薄麵包夾成，兩塊中間分別夾了吞拿魚和芝士火腿，芝士經焗後已融，但味道不太濃。麵包用蛋漿煎香過，但外層有點乾和硬，比較遜色。聽說這裡的提子鬆餅不錯，可惜我買時它還未出爐，下次一定要試試。

菠蘿包個皮的確係略甜...整體來說味道還不錯,6.3分~ 紙包蛋糕 $3 / 1個想不到品嚐軟綿綿紙+香甜包蛋糕的途中,在口腔內竟會出現「卜」的一聲..原來有蛋殼...Oh NO.... 煙肉香蔥包蔥味非常濃郁~好香蔥味呀!!!論麵包的硬度一般~煙肉的味道一般,但麵包上的芝士唔係太香日式滋味棒 $4.5我覺得呢款麵包係呢間麵包店中最有特色的1款,事關佢非常之長呀!!(附圖見証) 表面上仲灑上芝士粉及有少少千島醬風味的粉末及少許沙律醬~跟麵包的美味完美配位!幼長的麵包條~麵包的香甜,無可挑剔地好吃!!

呢間麵包店長期promote all麵包8折...所以價錢也合理的~粟米雞肉pizza $4茄汁唔會好多,不過有點油滲出~粟米及雞肉份量一般,呢個好味過薄餅~建議一買之後就即食,否則醬汁就會滲出來,令麵包的口感變得有一份「濕」的感覺....薄餅 $4幾多茄汁,但扲到返屋企之後,覺得幾濕的感覺...望下張圖片就知,有雜豆,腸仔..唔算特別地味提子鬆餅 $5/2個,非常之大個!口感也不錯,唔會食落口成啖粉~紙包蛋糕 $3,非常之軟熟~口感100分的好,食落去唔睇個蛋糕,以為食緊棉花糖似的蛋糕呢~~~門口擺放一個飾櫃有老婆餅,合桃酥等等,價錢合理又好香,下次又買黎食下先~

椰絲包估唔到呢款椰絲包個面會有咁多芝麻,所以食落口係咸味名甜味各佔一半,而且陣甜味唔係好突出就真...不過咬落去真係幾硬巴巴的感覺,我在其他麵包店買過椰絲包,食落口唔會咁硬巴巴......中間椰絲呈金黃色,不過論椰絲包味道,就唔好0係呢道買黎試~衛星包上次食過「番尋味」,所以今次又試多次先~呢次都係一樣好好味呀~奶油味非常濃香!而且麵包軟熟,再配合牛奶味~真係一流呀!非常難忘的味道~不過在夏天買左呢款包之後,要盡快食,唔係個衛星包上面的奶油會有少少融化的感覺~仲有扲起手會有少少「痴淋淋」的~好多人黎買包呀...不過收銀處桌上仲擺放幾款蛋糕,所以難免有「肌膚之親」.....服務態度還可以的...

早餐一向都是家人替我買的，但最近家人出外工幹了，要自己照顧自己經過快甜美，其實一直被其十蚊雞NY cheesecake吸引，但cheesecake當早餐未免太過heavy了...於是入內轉了個圈，決定買豆腐蛋白蛋糕，四蚊一件，七蚊兩件，買了兩件，可做兩天早餐。豆腐蛋白蛋糕 : 拿上手第一件事當然是用我靈敏的嗅覺去聞！可惜我完全聞不到有任何豆腐味...味覺與嗅覺一致，吃下去也沒有豆腐味...基本上只叫它「蛋白蛋糕」我反而沒那麼失望...豆腐失蹤了？除了個樣白雪雪似豆腐，這件蛋糕還有那一忽豆腐？不過蛋糕做得很鬆軟，為快甜美挽回個「ok」另外值得一提的是豆腐蛋白蛋糕整盤絛遮掩地放在收銀處旁，人來人往，基本上人人只要到收銀處付款都有機會不經意與豆腐蛋白蛋糕有肌膚之親...

麵包店logo幾可愛~唔知呢間麵包店開左幾耐呢?見到全店8折~都幾多人光顧~雖然好多時經過路德圍同埋荃錦中心,而家都好少到呢間鋪頭附近~細細個果陣,記得呢間麵包店前身係單車店吧((抱歉是次的食物照片質素不太好,燈光很昏黃,所以調較過 光度,對比度)) 滋味棒 4.5元圖中係卷埋左,其實有成個麵包盤咁長~見到咁大條,而家好幼細~所以想試下呀軟熟~甜中又帶有少少咸!!都幾特別我覺得幾合適小朋友食呀因為佢地個嘴細d,咁就可以一口一啖 椰絲包我覺得呢個包的質素差左少少因為見個賣相個包唔係好軟...有好多芝麻~但唔係好重椰絲味.. 衛星包~ 10元6個真係幾抵~ 而且重奶油味呀,真係幾好味又係我喜愛的甜絲絲感覺!!! good 提子包整體上都幾好味!!

2010年3月3日 ( 1 ) 荃灣 ( 快甜美 - 1 ) 今天在這店選購了三件紐約芝士餅。味道：甜度適中，芝士味不太濃，芝士層滑口，餅底甜脆，特價每件10元，這樣的價錢，也算OK了。

新鮮出爐提子鬆餅$3一個, $10/4個要了兩個果然是暖的看見有過年中式甜點, 牛耳呀, 笑口棗等,但無買被曲奇吸引$12, 要了一袋原味鬆餅外面烘得脆脆的拿上手很實淨不會很輕很易碎的樣子撇了邊邊脆的吃好香牛油味!!不會乾到很難吞嚥提子乾下得不吝嗇幾乎每口都有一口接一口地吃外脆甜, 內鬆不太甜而且暖的欲罷不能好一個鬆餅不過還是那句話新鮮出爐的沒不好吃之理吧牛油香是好, 不過卡路里可不低呢...曲奇呈花形,面頭一小點朱古力咬下脆, 不硬, 但不算鬆,很富牛油香但美中不足是沒甜味真的很遺憾

曾經在這裡買過新鮮出爐美味鮮奶球,只是今次鮮奶球失蹤了, 唯有另作選擇。麵包櫃裡有滋味棒, 難道跟同區的紅車厘是有淵源?? 滋味棒的麵包不太軟還有點硬, 不太對我口味,咸甜味對比不明顯,沒有紅車厘的同款麵包好吃,水準有極大改善空間。椰絲卷大大個頗靚仔,不過椰絲甜餡不算太多,多一點會更甜美可口。付款時又見到有懷舊蛋球,買!蛋球炸得外脆內軟,外層脆脆的也沒有萬年油那陣怪味;中間部份軟軟的又密度高,不是只有外殼可吃的版本,這裡的連內層也有嚼頭,good! 外層白糖份量剛好又不太過甜,好吃的蛋球。不過還是想吃這店的新鮮軟綿鮮奶球........

某日見到冇晒豆腐蛋糕~但有新出爐的鮮奶球佢寫住六蚊....好貴呀...一個波波都係好細之MA點知阿姐見我喺到諗緊買定唔買好...佢話...................6蚊6個呀乜話...我以為6蚊一個貴....原來係1蚊1個咁平!!!!皮脆~有奶味~不錯~~~

話說全家人都愛上佢的豆腐蛋糕咁派我同波仔(我的小狗)去買啦去到~下午5點多~居然賣剩3件.....但我一定加埋要8件....而且下一爐要半小時後then~唯有先俾錢....等佢留返俾我啦...行左半個鐘....回去先有得買...而我拖住狗~唔方便入去~我喺門外俾錢拎貨佢地都唔介意~d阿姐都幾好人~呢個豆腐蛋糕真係good呀~~~~仲越來越好賣tim~

本區咁多間麵包店，都係呢間最抵食，味道又唔太差。咁啱呢幾日都有路過；今日突然見到多咗一大盤蛋散！嘩！新鮮！要買！就買左半磅。 (雖然我身體唔舒服，但睇落真係好好味呵~~~)呢度的蛋散係比較薄脆的那種 (有些店家做的，口感較厚實)；帶有些微南乳味，但不濃厚；很香脆，但吃下時不覺油膩；不過也是放了味精，與昨晚吃的味精粥味道很像，也會教人口渴 - 不過是小食，我倒沒有太介懷。整體來說是合格有餘了，而且才$16就有一大袋，可以吃好久。店員很悠閒，但人也很親切；為我舀蛋散時，還告訴我這些蛋散送粥最好 - 的確，口感實在太像以前在酒樓，叫粥時附送的那一碟蛋散碎 - 不過酒樓裏的總是已變軟的了，這些還是卜卜脆的，雖然生病也忍不住吃了幾個。這麼的曲奇餅也不錯 - 當然不是queens那種級數 (蛋和牛油味都沒那麼濃烈)，不過基本都有些蛋香，有些牛油香，做得鬆化 (不過反式脂肪一定好勁)；一如此店其他大部份的包點，都是做出了那"比合格多一點"的水準；但別忘了，價錢是便宜的，當很多這個價位的店做出一些完全沒有水準的包點的時候；作為街坊就會覺得，此區有此一既有合格水準，又便宜的麵包店，吾心足矣。

11月30號 - 下午差不多5點我每次行荃灣的時候都會經過快甜美麵包西餅的。 今日就決定試試他們的蛋撻。 買左一個HK$2,20的蛋撻就試試la。 一咬都覺得好好味但是個皮無其他鋪頭脆。 但是好熱同滑。 我絕對滿意這個蛋撻的!

呢間當然比美心嗰d平~但都唔差嫁先小人~後君子~~佢d包~~有涵嗰d~~真係油左少少~但味ok而且可能比起大型嗰d~佢冇咁乾淨~再者~佢年頭加左價.....其實加價都唔緊要....但佢一個蛋撻$2.2..........咁一定會找到毫子....但依家d毫子都冇用的......好啦~好處係~近巴士站~買完上車都好方便佢的蛋撻成日出爐.....出爐蛋撻點會唔好食??而且係我最愛的曲奇皮 $2.2 / 個 or $5.5 / 3個佢仲有一磚磚的蛋糕賣....當中以豆腐味最好味~~~夠軟~唔太甜~唔太乾~~~仲要$7 / 2件食呢個蛋糕同一般唔同....一定唔好要邊邊嗰d~~~~要中間d先夠軟~~~~