快甜美麵包西餅

营业中

休息中

大家小心呢間位於路德圍惠康隔離麵包店，呢間根本就係呃錢，事緣早兩日買咗兩個腸仔包，付款是收了我$19，告知店員收多了錢應該是15，點知個阿姐話冇收錯個牌唔啱 ，我買呢個唔係叫腸仔包，呢個叫珍寶腸仔包，話我應該要自己去搵返啲牌嘅價錢，態度仲非常惡劣，不停指責係我自己問題，大家要幫襯呢間麵包店真係要小心啦上OpenRice見到原來之前都好多慣例係借啲意呃人錢…….唔明點解甘嘅服務態度，仍然可以生存甘耐。

9月14日下午，我经過快甜美看見有 杏仁酥，就買了1磅，買完之后我就睇到有的碎，于是走去問，一問就比兩個店員係咁話， 一個係戴眼鏡， 一個係攣頭髮唔係好高嘅係咁話， 呢啲杏仁酥叫碎，咁我就同佢議論左一陣A，係咁話冇碎，咁我只好講一次過就是冇第二次，跟住我就走啦，听到攣頭髮個位就答我 即係大概唔做我生意咁意思，老闆你是不是請個倒米大王。

揀左幾個包落盤，其中一個想換其他款式，打算放返上去之際，有個短頭髮阿姐1 即刻話「你夾到個包爛曬，放返上去邊個要呀？」我話「個包原本就係咁，邊有爛？ 」我望極都唔覺得有邊度爛😓跟住佢係度講左幾句，就黎手掉左個包，但個包從來無跌過落地亦無爛😧到收錢時，個收銀呀姐話「夾爛啲包 無人買架，我地會比老闆話架」但依位收銀呀姐從來無望過個包…😐如果我係老闆見到咁樣浪費野食 我真係會話佢地啦…😓其實咁驚人夾爛啲包，不如學連鎖店咁每個入住佢囉⋯咁既趕客態度真係無下次….👋🏻係度見到其他食評先知原來佢地唔係第一次屈人夾爛佢地啲包….😅🤐

收工的時間經常經過快甜美麵包西餅，聞到新鮮出爐的蛋撻味道香噴噴，很多時都忍唔住買返幾件蛋撻食，廿二蚊六件蛋撻，價錢非常平，買蛋撻當日，店員還送多一件蛋撻給我，服務非常高質素。

舊式麵包店好多街坊都走嚟買包買杏仁條，我買咗杏仁條，我本身都超鐘意食。呢間杏仁條好脆，感覺都好新鮮，值得再試👍🏻但覺得貴咗少少，職員不太有禮其他食品我今日雖則試唔到，但我家人食過，話好抵，價簾物美，有機會再試～

👍🏻椰絲奶油包 $6奶油既份量真係好誇張😂😂keep到好挺身，食落又軟滑👍🏻個波浪都吱得好有心機，唔會一pat咁夾係裡面就算麵包整得都算鬆軟，大大個，整體性價比極高🤪！味道：7/10性價比：10/10-📍#快甜美麵包西餅荃灣路德圍51-63昌華大廈1座地下#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #荃灣 #荃灣美食 #荃灣小食 #荃灣打卡 #荃灣好去處 #港式 #懷舊 #麵包 #椰絲奶油包 #奶油椰絲包 #福來邨 #快甜美

今次同事買左盒禮盒裝有蝴蝶酥 + 杏仁條兩款我都幾鍾意食😍😋杏仁條一如以往酥脆人手製作既關係，今次有啲甜🤣甜味同杏仁酥皮好夾，好好味😇😋蝴蝶酥比較實淨啲🤔口感無咁豐富甜度只屬於小甜總括黎講，雙拼可以試哂兩款唔會咁單調但二揀一既話，杏仁條win!! 🤓以上只係個人食評感受💕🏡店舖：快甜美麵包西餅 📍地址：荃灣路德圍51-63昌華大廈1座地下🍚類型：麵包☎️電話：24161322*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟味道：🌟🌟🌟🌟驚喜：🌟🌟🌟🌟回購：🌟🌟🌟🌟服務：NA

由細到大都唔鍾意食蝴蝶🦋餅，原因係蝴蝶🦋餅會食到周圍都係難打理清潔🧹😠😠新年同事帶咗盒蝴蝶餅返公司請同事食，個個紛紛讚好，細問下原來荃灣都有一間分店，咁就要買來試吓啦🤗🤗～～～蝴蝶🦋餅～～～玻璃櫃上面寫$96應該係一磅掛😅😅，問咗店員姐姐最少買$24，其實都唔知有幾多，志在買來試吓😂😂攞上手仲有微暖嘅感覺，入口時係呢陣味啦，甜甜地好香脆，但出奇嘅係唔會散，係好實在嘅感覺，唔會食到周圍餅碎，讚👍🏻👍🏻～～～杏仁條～～～同樣最少買$24，同樣都係暖暖地，先會聞到好香嘅杏仁味，再食杏仁味會喺口到散發出來，非常香口🙂🙂重點係兩個餅食咗都唔會口乾，得閒買返屋企作儲備都係一個唔錯嘅選擇😚😚

咁啱路過就出事，原本諗住買個飽，點知收銀職員態度惡劣😡😡😡，舖頭面積偏細，任由顧客打尖比錢，出埋聲都唔理，做到不可一世咁，麵包難食🤮🤮🤮，以今時今日嘅經濟環境 ，寧可去其實飽店到購買，以免受氣！希望佢地唔駛做特價啲麵包可以買得出！

今日一早買麵包以為麵包特價$4個 買左兩個同姐姐講分開裝，入面3個呀姐掛住吹水唔收錢，到佢幫我收錢先話我知 腸仔包$7.5一個1姐：望上面價錢呀 $8兩個我：哦 唔好意思 咁我要住一個先1姐：咁您幫我夾番去我：好呀 （我完全無野）另一個呀姐（職員）當我夾到去麵包上面2姐：您咁樣邊有人買呀我好奇問：唔明！呀姐我照小心翼翼放上去 又無跌又無污糟、什麼事？2姐：夾凹左邊個買？我望住麵包真心無異樣，到底咩事？2姐：一係您買埋佢！其實真係無事架 隔離呀嬸都話唔係夾住 唔同用手拎番上去？都會有手指印到底係咩心態？咩麵包店？一早您會想同人嘈交？撩事嗎？

流心奶皇月餅$16/1個 🌕話說今年本來想買美心流心奶皇月餅，但比人搶晒，買唔到😢。咁啱有日經過由細到大都鍾意係果度買生日蛋糕🎂嘅快甜美（佢d 蛋糕嘅cream 真係好滑🤤），原來佢地都出左流心奶皇月餅😮。見佢$16平平地，就買左個黎試下，點知一試...我好肯定咁講，佢同美心嘅有得揮👍👍-就算放室溫，一切出黎就會流心食果時叮10秒，更香、更好味-‼️好香奶皇味，唔會太甜，好鍾意食果時會漿住個口嘅感覺-小店有驚喜回頭指數：10/10（第一次買左1件返去試，之後介紹埋比d fds 又再去買過😌）

雖然近年新開好多麵包店，但我都係鍾情舊式麵包，實實在在既口感，呢間係路德圍既麵包鋪，蛋撻同蝴蝶酥都好有名，前者皮香蛋滑，後者酥香無比。當然佢既麵包都好好食，密綿既麵包質感，絕對唔會係空氣包。珍寶腸包腸仔係特長脆皮腸，外皮非常脆，中間有肉汁，麵包上加上沙律醬同茄醬，問夾既組合提子合桃麥包黃色既甜包，比普通包白甜，入面既提子同合桃都不少農夫包呢個農夫包既特叮之處係麵包皮係粗糙既質感，而麵包裡面係軟熟，混合左提子乾同粟米粒，滿滿的田園感覺

今日約左朋友去荃灣買野，路經昌華街，突然見到前面好多人係度排緊隊，我同友人在好奇心的驅使下，於是立刻走埋去八下睇下發生乜野事，原來是一間麵包舖啱啱新鮮出爐左D蛋撻，睇左價錢仲要係好平添，嘩！今時今日竟然仲有3元一個蛋撻，我朋友話一定要買黎試下，於是就决定買1個酥皮1個牛油皮蛋撻試下好唔好食，買完我地已急不及待食，真是又平又好食，個牛油皮超級香滑鬆趣，D蛋又香又甜又好味，真是非常好食！唔怪得甘多人去排隊食啦，呢間甘有良心又甘好味的麵包舖真是值得推介！i

收工時間7點半後去買兩個包，兩件蛋撻，人洗流唔多去到排隊比錢，得一個姐姐係到整啲蛋撻，倒番個模出來掉走啲蛋撻（八掛諗下唔知咩原因掉晒去？可能是放太耐，需要掉晒去）。之後眼見啲顧客都唔介意等姐姐整完先，各自排隊比錢，去到我比錢我說要多兩個多撻，個姐姐即時入比我，我比埋錢諗住走，一拎起兩袋，見啲蛋撻散晒，我唯有即既放番係到，問下姐姐：「可唔可以比張紙攝底，唔使散開」（因為我還有一程45分鐘既車程，我唔想返到屋企晒到食唔到）之後姐姐已經唔好態度話：「岩岩你唔講」（呢刻心諗下諗，我都唔知買兩個蛋撻會係野攝底）我緊係唔敢用呢點答番姐姐，見姐姐都唔係好老脾，我答：「我拎起先知無，散開晒」姐姐秘答：「無呀！無野攝！」（我向前望一望，一大堆白色細卡紙，點睇都是攝蛋撻用）我都唔敢博佢，我只能答佢：「咁可唔可以俾你而家用過攝蛋撻嘅紙我攝？」之後姐姐就飛一張係枱到。我唔介意自己攝，只係我唔知原來要攝底要提早要求！？！？

買左個蛋撻做早餐。今次突然想食酥皮，細個個時不嬲中意食餅皮嘅~ $3一個，好似唔貴，但其實好細個，所以其實唔算平~ 酥皮食落都有口感，有層次，仲帶啲牛油香。個"蛋心"但同平時麵包鋪嘅差不多，唔會太甜，有蛋味。不過食落唔熱，好微暖，所以啲牛油同蛋香變得冇咁出。整體一般，冇話特別好或唔好。蛋撻要新鮮出爐食先好味，下次都係睇岩師傅岩岩出爐先買~